Ռանչպար գյուղը. Արարատի մարզ

Վարկի տակ մնացել, տունս եմ վաճառել. գյուղացին չգիտի՝ ինչ տոկոսներ էին գումարվել իր վարկին

633
(Թարմացված է 21:57 21.09.2020)
ՀՀ կառավարությունը հուլիսին որոշում կայացրեց ներել գյուղացիական վարկերի տույժ–տուգանքներն ու գյուղացուն հնարավորություն տալ մարել միայն մայր գումարը։ Գյուղացին որոշումից գոհ է, բայց չի հասկանում` ինչպես է, որ մի քանի տարի վճարել է, բայց մայր գումարը մնացել է նույնը։

ԵՐԵՎԱՆ, 24 մարտի – Sputnik, Նելլի Դանիելյան. Վարկի տակ եմ մնացել, տունս վաճառել եմ, հիմա տղայիս տանն եմ ապրում։ Գյուղացիական վարկի մասին մեր հարցին ի պատասխան Արարատի մարզի Ռանչպար գյուղի բնակիչ Քյարամ Գիլոյանը հիշում է կորցրած տունն ու ավելացնում. «Հիմա ստիպված տղայիս տանն եմ ապրում»։

Житель села Ранчпар Кьярам Гилоян
© Sputnik / Aram Nersesyan
Ռանչպար գյուղի բնակիչ Քյարամ Գիլոյանը

Թե ինչպես էր 10 000 դոլարի վարկը մի քանի տարվա մեջ այնքան ավելացել, որ իրենք չկարողացան մարել, գյուղացին այսօր էլ դեռ չի հասկանում։

«Ասում էին՝ 8 տոկոսանոց վարկ է, բայց բարձրացել էր, դարձել 24 տոկոս։ Ես թվաբանությունից այնքան լավ չեմ, որ հասկանամ, թե ինչպես էին հաշվում»,– ասաց նա` հավելելով, որ այդ վարկը «Արդշինինվեստ» բանկից էր ստացել։
Եվ 3 500 դոլարի գյուղատնտեսական վարկ էլ մի քանի տարի առաջ «Ակբա Կրեդիտ Ագրիկոլ» բանկից է վերցրել` կարտոֆիլի սերմացու գնելու ու բերքը վաճառելուց հետո պարտքը վճարելու հույսով, բայց եղանակը ավերել է և՛ բերքը, և՛ հույսը։
«Այդ 3.5 հազարի վրա 9000 դոլարի տոկոս ու տուգանք էր ավելացել։ Էլի գոհ ենք՝ մեր կառավարությունն ու վարչապետը տուգանքներն ու տոկոսները հեչ արեց։ Հիմա մնում է այդ 3.5 հազար մայր գումարը վերադարձնենք»,– ասաց նա։

Քյարամ Գիլոյանի` իշխանությանն հասցեին արված գովասանքը նրա կինը` Թամար Գիլոյանն այնքան էլ չի ողջունում։

Ամուսնու խոսքն ընդմիջելով՝ նա պատմեց, որ 3 տարի շարունակ անձամբ է ամեն ամիս պարտաճանաչ կատարել բանկի վճարումները։ Բայց երբ մի օր բանկում հարցրել է, թե որքան է նվազել իրենց պարտքը, պարզել է, որ այն ոչ մի դրամով չի նվազել։

«Ասեցին` ինչքան որ մուծել ես, գնացել է տոկոսներին, վարկի գումարը ինչքան որ 3 տարի առաջ կար, այնքան էլ մնացել է»,– ասաց Թամար Գիլոյանը։

Житель села Ранчпар Тамара Гилоян
© Sputnik / Aram Nersesyan
Ռանչպար գյուղի բնակիչ Թամար Գիլոյանը

Ի դեպ, կառավարության վերջին նիստում Կենտրոնական բանկի նախագահ Արթուր Ջավադյանը հայտարարեց, որ բանկերը առավելագույնը 24 տոկոս տոկոսադրույքով են վարկեր տրամադրում` դրանում ներառելով բոլոր լրացուցիչ գանձվող գումարներն ու միջնորդավճարները։

Գյուղացիական վարկերի համար, որպես կանոն, բանկերն ավելի ցածր` արտոնյալ տոկոսադրույքներ են սահմանում։ Բայց փաստ է, որ անգամ այդ արտոնյալ վարկերի պատճառով հայ գյուղացին տարիներ շարունակ աշխատած վերջին գումարները վճարում է բանկին կամ վաճառում տունը, քանի դեռ այն աճուրդով չեն վաճառել ու իրեն թողել փողոցում։

Թե իրականում Հայաստանյան գյուղերում քանի գյուղացի է ապրում վարկի ծանր բեռի տակ, ու կառավարության նախաձեռնած տույժերի ու տուգանքների ներման գործընթացը որքանով է թեթևացրել գյուղացիների հոգսը, պաշտոնական վիճակագրություն այս պահին գոյություն չունի։ Sputnik Արմենիայի հարցին, թե ի վերջո այս գործընթացի արդյունքում քանի վարկային պայմանագիր է վերանայվել, ինչ գումար է ներվել վարկառուներին, ո՛չ Կենտրոնական բանկում, ո՛չ էլ գյուղնախարարությունում չպատասխանեցին` ասելով, որ այդ վիճակագրությունը կթարմացվի միայն մեկ ամսից` ապրիլի վերջին։

Իսկ այս պահին ամենաթարմ տվյալները 2018թ–ի դեկտեմբերի 27-ին վարչապետ Նիկոլ Փաշինյանի հրապարակած ցուցանիշներն են։

Դրանց համաձայն՝ Հայաստանի բանկերը ավելի քան 7 միլիարդ դրամի տույժ-տուգանքներ են ներել 14 963 վարկառուի:

 

633
թեգերը:
Կենտրոնական բանկ (ԿԲ), Նիկոլ Փաշինյան, ՀՀ կառավարություն, ՀՀ Գյուղատնտեսության նախարարություն
Ըստ թեմայի
Վաղաժամ ուրախանալ պետք չէ. երբ ծաղկում է ծիրանենին, բնության զարթո՞նք է, թե՞ հավելյալ հոգս
Բանկերը կզիջեն մինչև 2018 թվականի հունիսի 1-ը կուտակված գյուղվարկերի տույժ-տուգանքները
Գյուղվարկերի տույժ-տուգանքների համաներումը լինելու է մեկանգամյա
«Դուխով», «նյուխով», «սլուխով» բիզնեսմեննե՛ր, էստի՛ համեցեք
Կառավարությունը նոր համաներում է ծրագրում. տաքսու վարորդները կազատվե՞ն տույժ–տուգանքներից
Նիկոլ Փաշինյանը ՀԱՊԿ նիստում, 2 դեկտեմբերի, 2020

Փաշինյանը նորից հիշեցրել է գործընկերներին՝ Թուրքիան չպետք է օգտվի ԵԱՏՄ արտոնություններից

304
(Թարմացված է 12:39 04.12.2020)
Թուրքիան պետք է հանվի այն երկրների ցանկից, որոնք օգտվում են Եվրասիական միության մաքսային արտոնություններից, հայտարարել է Փաշինյանը։ Եվս մեկ կարևոր հարց է գազի միասնական շուկայի ձևավորումը, որտեղ սակագները կձևավորվեն բոլորի համար միացյալ սկզբունքով։

ԵՐԵՎԱՆ, 4 դեկտեմբերի – Sputnik. Անհրաժեշտ է վերանայել Եվրասիական տնտեսական միության սակագնային առանձնաշնորհներից օգտվող երկրների ցանկը։ Այդ մասին Եվրասիական միջկառավարական խորհրդի նիստում հայտարարել է ՀՀ վարչապետ Նիկոլ Փաշինյանը։ Նիստը տեղի է ունենում հեռավար ռեժիմով։

Փաշինյանը կրկին նշել է, որ սակագնային առանձնաշնորհների միասնական համակարգից օգտվող երկրների ցանկը պետք է վերանայել: Արտոնությունները ստանում են զարգացող և առավել թույլ զարգացած երկրները, բայց այդ ցուցակում ընդգրկված է նաև Թուրքիան, որին մաքսային արտոնություններ են տրամադրում մի շարք ապրանքների համար։ Այդ ցուցակը պետք է վերանայել, նշել է Փաշինյանը։

Խոսելով այլ հարցերի մասին, նա հույս է հայտնել, որ կորոնավիրուսի տարածման դեմ ԵԱՏՄ երկրների հետագա համաձայնեցված պայքարը կբերի դրական արդյունքի:

«Ես լիարժեք զգացի մեր ընկերների, այդ թվում՝ Ռուսաստանի Դաշնության աջակցությունը համավարակի և այն դժվարությունների դեմ պայքարում, որոնց բախվեց մեր երկիրն այս տարվա ընթացքում»,-նշել է վարչապետը։

Նա կարևորել է ուղևորափոխադրումների համաձայնեցման փորձնական նախագիծը Հայաստանի, Ռուսաստանի և Բելառուսի միջև, որոնք կորոնավիրուսային թեստերի վերաբերյալ տվյալների փոխանակման համակարգ են ստեղծել: Անհրաժեշտ է աշխատել ուղևորափոխադրումների լիարժեք կարգավորման ուղղությամբ, հավելել է Փաշինյանը։

Նա ընդգծել է ԵԱՏՄ-ում նավթի, նավթամթերքների և գազի ընդհանուր շուկայի ձևավորման ուղղությամբ տարվող աշխատանքների կարևորությունը: Բանակցություններ են ընթանում այն ուղղությամբ, որպեսզի գազի փոխադրման սակագները նույնը լինեն ԵԱՏՄ ողջ տարածքում։ Դա թույլ կտա հավասարեցնել գազի սակագները, իսկ դա նշանակում է՝ բարձրացնել Միության երկրների մրցունակությունը։

Հայաստանի համար ևս մեկ կարեւոր հարց, որն այժմ քննարկվում է՝ շինարարության ոլորտում ղեկավար տեխնիկական անձնակազմի մասնագիտական որակավորման փոխադարձ ճանաչումն է։ Դա Հայաստանի շինարարական ընկերություններին թույլ կտա աշխատել ԵԱՏՄ-ի այլ երկրներում՝ տեղական ընկերությունների հետ հավասար հիմունքներով։

304
Ըստ թեմայի
Թուրքիայի փոխարեն՝ ԵԱՏՄ երկրներ. ինչ է առաջարկում ՊԵԿ նախագահը
Տեսակամուրջ. «Սննդային անվտանգությունը ԵԱՏՄ երկրներում»
ԵԱՏՄ օրակարգում միասնական արժույթի հարց չկա. ԿԲ ներկայացուցիչ
Խաղողի այգի Աղավնաձորում

Ցրտերը սարերի հետևում չեն. այգեթաղը պետք է ավարտել սեղմ ժամկետներում

92
(Թարմացված է 17:24 03.12.2020)
ՀՀ էկոնոմիկայի նախարարությունը հաղորդագրություն է տարածել` հայտնելով, որ դեկտեմբերի երրորդ տասնօրյակում սպասվում է օդի ջերմաստիճանի նվազում։

ԵՐԵՎԱՆ, 3 դեկտեմբերի – Sputnik. ՀՀ էկոնոմիկայի նախարարությունը հորդորում է սեղմ ժամկետում ավարտել այգեթաղը։

«Համաձայն «Հիդրոօդերևութաբանության և մոնիթորինգի կենտրոն» ՊՈԱԿ-ի հաղորդած տեղեկատվության՝ հանրապետության գրեթե բոլոր մարզերում գիշերային ժամերին կանխատեսվում է շարունակական բացասական ջերմաստիճան։

Դեկտեմբերի երրորդ տասնօրյակում սպասվում է օդի ջերմաստիճանի նվազում` գիշերը մինչև -10...-12C, ուստի հորդորում ենք Արարատյան հարթավայրում և նախալեռնային գոտում ավարտել խաղողի այգիների այգեթաղի աշխատանքները»,–նշված է հաղորդագրության մեջ։

Նախարարությունը միաժամանակ խորհուրդ է տալիս տերևաթափից հետո պտղահատապտղատու այգիներում կատարել սրսկում բորդոյան հեղուկի 3%-անոց լուծույթով:

Հիշեցնենք, որ Հիդրոօդերևութաբանության և մոնիտորինգի կենտրոնը հայտնել էր` դեկտեմբերը կանցնի նորմայից տաք, օդի ամսական միջին ջերմաստիճանը նորմայից բարձր կլինի 1-2 աստիճանով։ Տեղումների քանակը կանխատեսվում է նորմայից պակաս։

Հայաստանում հնարավո՞ր է ապրել խաղողագործությամբ. փորձագետների կարծիքները տարբեր են

92
թեգերը:
Այգի, օդի ջերմաստիճան, Խաղող
Ըստ թեմայի
Ինչո՞վ է պայմանավորված աշխատատեղերի աճը. իրական պատկերը տեսանելի կլինի աշնան վերջին
Հայաստանից արտահանվող գինին ու կոնյակը խնդրի են բախվել. հարցը քննարկվում է ԵԱՏՄ–ում
Արմավիրի մարզի «թաքուն» այգիները, կամ ինչու է պայմանագիր կնքելը ձեռնտու գյուղատնտեսներին
Ձմեռ

Մարզերում զգալի կցրտի. եղանակի տեսություն

0
(Թարմացված է 16:06 04.12.2020)
Օդերեևութաբանների կանխատեսումներով` առաջիկա օրերին որոշ մարզերում տեղումներ կգրանցվեն, իսկ մայրաքաղաքում` ոչ։

ԵՐԵՎԱՆ, 5 դեկտեմբերի – Sputnik. Հանրապետության տարածքում դեկտեմբերի 5-ի գիշերը, 7-ի ցերեկը, 8-9-ը սպասվում է առանց տեղումների եղանակ, 5-ի ցերեկը, 6-ին, 7-ի գիշերը առանձին շրջաններում սպասվում են տեղումներ, առանձին վայրերում գիշերը և առավոտյան ժամերին սպասվում է մառախուղ։

Մյասնիկյան պողոտայի մի հատվածում երթևեկությունը միակողմանի կդադարեցվի

Տեղեկությունը հայտնում է ՀՀ ԱԻՆ «Հիդրոմետ» ծառայությունը և հավելում, որ քամին հարավ-արևելյան է՝ 3-8 մ/վ արագությամբ:

Եղանակի կանխատեսում
Եղանակի կանխատեսում

Օդի ջերմաստիճանը Լոռիում, Տավուշում, Սյունիքում և Արցախում դեկտեմբերի  5-7-ը՝ ցերեկը, աստիճանաբար կնվազի 4-5 աստիճանով։

Դավթաշեն կամ Զովունի հասնելն ավելի արագ կլինի

Երևան քաղաքում դեկտեմբերի 5-9-ը սպասվում է առանց տեղումների եղանակ, գիշերը և առավոտյան ժամերին` մառախուղ։

Մայրաքաղաքում դեկտեմբերի 5–ի գիշերը կլինի 0-2 աստիճան տաքություն, իսկ ցերեկային ժամերին կգրանցվի +5...+7 աստիճան։

0
թեգերը:
ձմեռ, Արցախ, Երևան, ձյուն, եղանակ, Հայաստան
թեմա:
Եղանակը Հայաստանում