Բողոքի ակցիա

Գրավատների և փոխանակման կետերի տերերը «դադար» են վերցրել

35
Գրավատների և փոխանակման կետերի տուրքերն ուզում են տարեկան մինչև մի քանի հազար դոլար բարձրացնել։

ԵՐԵՎԱՆ, 14 մարտի — Sputnik. Գրավատների և փոխանակման կետերի տուրքերի բարձրացման վերաբերյալ օրինագծի քննարկումը կհետաձգեն մինչև երկուշաբթի։ Այս մասին լրագրողներին հայտարարեց գրավատներից մեկի ներկայացուցիչ Վահե Գևորգյանը, ում կառավարությունում ընդունել է ՀՀ վարչապետի օգնական Նաիրի Սարգսյանը։

Այսօր, կառավարության նիստի օրը, փոխանակման կետերի և գրավատների ներկայացուցիչները 3 ժամ կանգնած էին կառավարության շենքի մոտ` պահանջելով, որ իրենց ընդունի վարչապետը։

«Մեզ ընդունեցին և լսեցին մեր առաջարկները։ Մենք ասում ենք, որ համաձայն ենք, որ տարեկան պետտուրքը բարձրանա 100–ից մինչև 200-250 հազար դրամ։ Դրանից ավել մենք պարզապես չենք ձգի։ Իսկ պետությունը, մեր կարծիքով, չպետք է ձգտի փակել փոքր բիզնեսը», – հայտնեց նա։

Sputnik Արմենիայի թղթակցի հետ զրույցում «Ֆինանսավարկային կազմակերպությունների խորհրդատվական կենտրոնի» նախագահ Հրանտ Նալբանդյանը նշեց, որ Երևանի գրավատները տարեկան միջինում կարող են մոտ 10 մլն դրամի եկամուտ ունենալ։ Իսկ կառավարությունն առաջարկում է պետտուրքը հասցնել 6 մլն դրամի։

«Այսինքն` ստիպված կլինեն տալ եկամտի կեսը։ Եվ սա այն դեպքում, երբ 20% շահութահարկ կա։ Տեսեք` ինչ է մնում, և համեմատեք բանկերի շահույթի հետ», – նշեց Նալբանդյանը

Նա չհամաձայնեց նաև, որ ամբողջ հանրապետությունում գործող գրավատներում (իսկ դրանք մոտ 130 են) դժվար է վերահսկել, թե ինչ են բերում որպես գրավ։

«Գողացված է ունեցվածքը, թե ոչ` այդ ամենը ստուգվում է ճիշտ նույն ընթացակարգով, ինչ բանկերում։ Ե՛վ ոստիկանության հետ, և՛ քննչական կոմիտեի», – նկատեց նա։

Председатель Центра консультаций для финансовых организаций Грант Налбандян
© Sputnik / Aram Gareginyan
Հրանտ Նալբանդյան

Հիշեցնենք, որ պետտուրքն առաջարկվում է տարեկան 100 հազարից բարձրացնել մինչև 6 մլն դրամ գրավատների համար և 50 հազարից մինչև 3 մլն` փոխանակման կետերի։ Տուրքի բարձրացումը եկամտահարկի (ամսական 150 հազարից բարձր աշխատավարձ ստացող քաղաքացիների համար) և շահութահարկի (խոշոր բիզնեսի համար) իջեցումը փոխհատուցելու ձևերից մեկն է։

35
թեգերը:
ՀՀ կառավարություն, Հայաստան
Ըստ թեմայի
Փակ փողոցներ, քաշքշուկ, բերման ենթարկվածներ. Երևանում կրկին բողոքի ակցիա է. ֆոտոշարք
Ինչ կլինի, եթե Արայիկ Հարությունյանը չգնա քոլեջ. բողոքի ցույց Երևանում
Մաշտոցի պողոտայի բողոքի ակցիայից հետո 1 ոստիկանի և 1 քաղաքացու հիվանդանոց են տեղափոխել