Հայ–բուլղարական ֆորում

Հայաստանը բուլղարացի գործընկերներին առաջարկելու բան ունի. նախարար

72
(Թարմացված է 17:38 12.03.2019)
Բուլղարիայում զարգանում են ինժեներիայի և բարձր տեխնոլոգիաների ձեռնարկությունները, որոնց հետ Հայաստանը կարող է հետաքրքիր փոխգործակցություն հաստատել։

ԵՐԵՎԱՆ, 12 մարտի — Sputnik. Հայաստանը կարող է բավականին գրավիչ դառնալ բուլղարացի գործընկերների համար։ Այս մասին հայ–բուլղարական բիզնես ֆորումի ժամանակ ասաց տնտեսական զարգացման և ներդրումների նախարար Տիգրան Խաչատրյանը։

Նրա խոսքով` բուլղարացի գործընկերներին կարող են հետաքրքրել բիզնես բացելու հեշտ և ԵԱՏՄ շուկա դուրս գալու դյուրին գործընթացները։ Բացի այդ բուլղարացի դիստրիբյուտորներին և ներկրողներին կարող է հետաքրքիր լինել այն, որ Հայաստանը ԵՄ–ի հետ GSP+ համաձայնագիր ունի, և հայկական ապրանքների մեծ մասը կարելի է ԵՄ ներկրել զրոյական կամ իջեցված մաքսատուրքով։

Բուլղարիայի տրանսպորտի և կապի նախարար Ռոսեն Ժելյազկովն իր հերթին նշեց, որ Բուլղարիայում զարգանում են ինժեներիայի և բարձր տեխնոլոգիաների ձեռնարկությունները, որոնց հետ Հայաստանը կարող է հետաքրքիր փոխգործակցություն հաստատել։ Մասնավորապես, երկրում հաջողությամբ թողարկվում են ավտոպիլոտի համակարգեր` ավտոմեքենաների համար և էլեկտրոնային սարքեր` թույլ տեսողություն ունեցողների համար։ Իսկ մեքենաշինության հատվածում ինքնաբարձիչների արտադրություն է գործում։ Նրա խոսքով` բուլղարական կողմն ուրախ կլինի համագործակցություն հաստատել հայ գործընկերների հետ։

Армяно-болгарский бизнес-форум (12 марта 2019). Еревaн
© Sputnik / Aram Nersesyan ,
Հայ–բուլղարական բիզնես ֆորում

Նշենք, որ Բուլղարիան ԵՄ–ում Հայաստանի խոշորագույն առևտրային գործընկերներից մեկն է, սակայն հիմնականում Հայաստանից պղնձի կոնցենտրանտի ձեռքբերման հաշվին։ Բուլղարիայում այն մաքուր պղնձի է վերածվում և արտահանվում Արևմտյան Եվրոպա։

72
թեգերը:
Տիգրան Խաչատրյան, Աշխարհ, Հայաստան
Ըստ թեմայի
Տնտեսական աճի կանխատեսում, կայունություն. վարչապետն այցելել է ԿԲ–ի Դիլիջանի կենտրոն
Հեղափոխության տնտեսական ձեռքբերումները, կամ ինչի մասին է վկայում խոշոր հարկատուների ցանկը
Քանի աշխատակից կմնա անգործ Տնտեսական զարգացման նախարարության օպտիմալացման արդյունքում