Հայկական ատոմակայան

Ապագայում նոր ատոմակայան կառուցելու տեսլականով. ի՞նչ է քննարկել Ավինյանը

132
Փոխվարչապետ Տիգրան Ավինյանն ընդունել է ֆրանսիական պատվիրակությանը:

ԵՐԵՎԱՆ, 5 Մարտ — Sputnik. Հայաստանը կարևորում է երկրի էներգետիկ արտադրական կարողությունների մեջ Մեծամորի ատոմակայանի ունեցած դերը և շարունակելու է զարգացնել միջուկային էներգետիկան: Այս մասին հայտարարել է ՀՀ փոխվարչապետ Տիգրան Ավինյանը՝ ֆրանսիական պատվիրակության հետ հանդիպման ժամանակ:

Պատվիրակության կազմում, որը գլխավորում էր ՀՀ-ում Ֆրանսիայի արտակարգ և լիազոր դեսպան Ժոնաթան Լաքոտը, ընդգրկված էին միջուկային էներգիայի հարցերով խորհրդական, Ֆրանսիական միջուկային էներգիայի հանձնաժողովի ներկայացուցիչ Ալեքսանդր Գորբաչևը և ֆրանսիական ORANO (նախկին AREVA) ընկերության ներկայացուցիչներ:

Հայկական կողմից հանդիպմանը ներկա է եղել նաև Էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը:

Զրուցակիցները քննարկել են միջուկային էներգետիկայի ոլորտում հայ-ֆրանսիական համագործակցության խորացման հնարավորությունները:

Փոխվարչապետն ասել է, որ այժմ Հայաստանում ուսումնասիրում են ապագայում նոր ատոմակայանի կառուցման և այդ նախագծում օտարերկրյա գործընկերների ներգրավման հարցերը:

Կողմերը պայմանավորվել են ուսումնասիրել միջուկային էներգետիկայի ոլորտում համագործակցության հնարավորությունները, մասնավորապես արտադրական, հետազոտության և մշակումների, մասնագիտական փոխանակումների ու կրթական ծրագրերի ուղղություններով:

132
թեգերը:
Հայաստան
Ըստ թեմայի
ԵՄ հետ համաձայնագրի իրագործումը որակական փոփոխությունների կհանգեցնի Հայաստանում. Փաշինյան
Փաշինյանը Բրյուսելում պատմել է տարածաշրջանի վրա արցախյան հակամարտության ազդեցության մասին
ՀՀ-ԵՄ հարաբերություններում ոչ մի դավադրություն չկա Ռուսաստանի դեմ. Փաշինյան