Գազ

«Գազպրոմ Արմենիան» հայտնել է գազի գնի շուրջ քննարկումների վերջնաժամկետը

204
Բանակցությունների ավարտի վերջնական ժամկետներն արդեն նշվել են, սակայն ընկերությունում չեն բացառում, որ դրանք կարող են ձգձգվել։

ԵՐԵՎԱՆ, 6 փետրվարի — Sputnik. ՀՀ իշխանությունների հետ գազի ներքին սակագների վերաբերյալ քննարկումները պետք է ավարտվեն ամսվա ընթացքում։ Այս մասին այսօր Հանրային ծառայությունները կարգավորող հանձնաժողովի նիստից հետո ասաց «Գազպրոմ Արմենիա» ՓԲԸ–ի գլխավոր տնօրենի տեղակալ Վախթանգ Միրումյանը` պատասխանելով Sputnik Արմենիայի հարցին։

Հիշեցնենք, որ «Գազպրոմ Արմենիայի» 2018 թ.–ի դեկտեմբերի 31–-ի հայտարարությունում, որում նշվում էր սահմանին գազի գնի բարձրացման մասին, ասվում է նաև, որ ընկերությունը կշարունակի աշխատանքը ՀՀ կառավարության համապատասխան պետական մարմինների հետ։

«Եղել են քննարկումների համար նախատեսված որոշակի նախնական ժամկետներ` հայտարարության պահից սկսած մոտ երկու ամիս, բայց բացառված չէ, որ դրանք կարող են ավելի երկար տևել», – ասաց Միրումյանը։

Նրա խոսքով` ավելի վաղ արված ընդհանրացումներից բացի, տվյալ պահին ոչ մի նոր բան չկա։ Նոր տեղեկատվություն լինելու դեպքում, այն անպայման կհրապարակվի։

«Պարտքը կուտակվում է, թե՞ ոչ, ինչպես պետք է իրականացվի ֆինանսատնտեսական գործունեությունը` այժմ քննարկվում են այդ հարցերը», – ասաց Միրումյանը։

Նրա խոսքով` քննարկումները շարունակվում են, որպեսզի չվնասեն ընկերության գործունեությանը, նաև հնարավորություն տան խուսափելու անցանկալի արդյունքներից։

Միրումյանը նշում է, որ քննարկումները վերաբերվում են բոլոր ուղղություններին` հիմնանորոգում, ներդրումային ծրագիր, կորուստներ և այլն։

2018 թվականի վերջին օրը Փաշինյանը հայտնել էր, որ ռուսական գազի գինը սահմանին կփոխվի, սակայն բնակչության համար ներքին սակագները նույնը կմնան։ Ավելի ուշ «Գազպրոմը» տեղեկացրել էր, որ «Գազպրոմ Արմենիա» դուստր ձեռնարկությունը կապույտ վառելիք է գնելու հազար խմ–ի դիմաց 165 դոլարով` նախկին 150 դոլարի փոխարեն։ Այնուհետև կառավարությունից պարզաբանել էին, որ սակագինը սպառողների համար կպահպանվի «Գազպրոմ Արմենիայի» ծախսերի կրճատման հաշվին։ Գազի սակագինն այսօր 1000 խմ–ի դիմաց 290 դոլար է։

204
թեգերը:
Ռուսաստան, Հայաստան
թեմա:
Հայաստան-Ռուսաստան համագործակցություն (119)
Ըստ թեմայի
Ավինյան. «Գազի գինը կարող է վերանայվել»
Հայաստանի գազի գնի հարցը կարելի է քննարկել նաև հետագայում. Փաշինյան
Օրը ցերեկով շինանյութի խանութից գողացել է գազի կաթսան և անհետացել. տեսանյութ