Հանրապետության հրապարակ, արխիվային լուսանկար

«Տնտեսական հեղափոխությունը» մնում է հայտարարությունների մակարդակում. Հակոբյան

77
Աշխատանքի հստակ ալգորիթմ չկա, պատրաստ չէ նույնիսկ կառավարության կառուցվածքը։ Առանց դրա տրամաբանությունից դուրս է կառավարության ծրագրի ընդունումը։

ԵՐԵՎԱՆ, 5 փետրվարի – Sputnik. «Տնտեսական հեղափոխությունը» Հայաստանում դեռ իրական բովանդակություն չի ստացել։ Այս մասին այսօր լրագրողներին ասաց քաղտեխնոլոգ Վիգեն Հակոբյանը։

Նրա խոսքով` թեև իշխանափոխությունից 8–9 ամիս է անցել, բայց իրական արդյունք դեռ չի երևում։ Բիզնեսն ու հասարակությունն ուզում են իրենց հարցերի լուծումը գտնել, բայց չկա աշխատանքի հայեցակարգ, կառավարության ծրագիրը ներկայացված չէ։

«Մինչև հիմա հասկանալի չէ` ինչ է իրենից ներկայացնում «տնտեսական հեղափոխությունը», – ասաց Հակոբյանը։

Նրա խոսքով` նկատվում են իրար հետ առանձնապես կապ չունեցող գործողություններ։ Փոխարենը պաշտոնյաները հրապարակային վեճերի մեջ են մտնում, իսկ Նիկոլ Փաշինյանն ամեն ինչ «հանգցնում» է իր վարկանիշի հաշվին` հանդես գալով «հրշեջի» դերում։

Դեռ ոչ մի ալգորիթմ չի երևում, կառավարությունում կառուցվածքային փոփոխությունների ծրագիր էլ առայժմ չկա։

«Ինձ զարմացնում է, որ կառավարության կառուցվածքի նախագիծ դեռ չկա, բայց կարող է կառավարության ծրագիր ներկայացվել։ Անորոշության պատճառով ստեղծված այդ մրրկայնությունը կարող է մի քանի ամսով արգելակել նախարարությունների աշխատանքը», – ասաց Հակոբյանը։

Սկզբնական շրջանում որոշ հարցեր պայմանավորվում էր անփորձությամբ, բայց այդ բացատրությունն արդեն անտեղի է։

Հատկապես, որ ընտրությունների միջոցով իշխանությանը տված «քարտ բլանշն» արդեն այդքան ուժեղ չէ։ Հասարակությունն արդեն արել է անհրաժեշտ ամեն բան, ու հիմա ժամանակն է, որ իշխանությունն աշխատի։

Այս պայմաններում հանրության շրջանում առաջացած գերակնկալիքները կարող են չար կատակ խաղալ իշխանության հետ։

77
թեգերը:
Հայաստան
Ըստ թեմայի
Մանրամասն բաղադրատոմս. ինչպես տնտեսական հեղափոխություն իրականացնել Հայաստանում
Աշխարհը մեզանից սպասելու է տնտեսական, մշակութային հեղափոխություններ, հրաշքներ. Սարգսյան
«Մեզ այսպիսի՞ հաղթանակներ և տնտեսական հեղափոխություն է սպասում». Շարմազանով