Գազ

ՀՀ կառավարությունը գազի գինը չի սուբսիդավորի. Փաշինյան

187
ՀՀ վարչապետը կարծում է, որ գազի սակագնի հարցը պետք է լուծվի ԵԱՏՄ շրջանակում։

ԵՐԵՎԱՆ, 25 հունվարի — Sputnik. ՀՀ կառավարությունը ներքին սպառողի համար բնական գազի սակագինը չի սուբսիդավորելու, այսօր Մոսկվայում ԵՏՀ գլխամասային գրասենյակում հրավիրված ճեպազրույցի ժամանակ ասաց ՀՀ վարչապետ Նիկոլ Փաշինյանը։

«Առայժմ խոսքն այն մասին է, որ 2019 թվականին գազի սակագինը սպառողների համար չի բարձրանա։ Մենք մեկ տարի ունենք Ռուսաստանի, «Գազպրոմի» և ԵԱՏՄ գործընկերների հետ խորհրդակցությունները շարունակելու և խնդիրը երկարաժամկետ հեռանկարում լուծելու համար», – ասաց Փաշինյանը։

Նրա խոսքով` ավելի ճիշտ է հարցը լուծել ԵԱՏՄ շրջանակում, քանի որ խոսքը ընդհանուր տնտեսական տարածքի մասին է։

Փաշինյանը նաև նշեց, որ ՀՀ կառավարությունը մտադիր չէ սուբսիդավորելու գազի գործող սակագինը, և որևէ բաժնետոմս փոխարենը չի փոխանցվելու։

Նրա խոսքով` 2019 թվականին ժամանակ կլինի խնդիրն ավելի մանրակրկիտ քննարկելու համար։

Հիշեցնենք, որ 2018 թվականի վերջին օրը Փաշինյանը հայտնել էր, որ ռուսական գազի գինը սահմանին կփոխվի, սակայն բնակչության համար ներքին սակագները նույնը կմնան։ Ավելի ուշ «Գազպրոմը» տեղեկացրել էր, որ «Գազպրոմ Արմենիա» դուստր ձեռնարկությունը կապույտ վառելիք է գնելու հազար խմ–ի դիմաց 165 դոլարով` նախկին 150 դոլարի փոխարեն։ Այնուհետև կառավարությունից պարզաբանել էին, որ սակագինը սպառողների համար կպահպանվի «Գազպրոմ Արմենիայի» ծախսերի կրճատման հաշվին։ Գազի սակագինն այսօր 1000 խմ–ի դիմաց 290 դոլար է։

187
թեգերը:
Նիկոլ Փաշինյան, Ռուսաստան, Եվրասիական Տնտեսական Միություն (ԵԱՏՄ)
թեմա:
ՀՀ վարչապետ Նիկոլ Փաշինյան (790)
Ըստ թեմայի
Սամվել Կարապետյանը հայտնվել է ռուսական անշարժ գույքի արքաների եռյակում
Հորս անունը Վովա է. Փաշինյանը պատասխանեց լրագրողին հետաքրքրող հարցին