Անդրեյ Բաբկո

Հիմնավորեք. Ռուսաստանի ներկայացուցիչը`«Գազպրոմ Արմենիայի» և ՀԿԵ–ի մեղադրանքների մասին

180
(Թարմացված է 13:16 05.12.2018)
Իրավապահները ստուգումներ են իրականացրել «Գազպրոմ Արմենիա» և ՀԿԵ («Հարավկովկասյան երկաթուղի») ընկերություններում, սակայն կոնկրետ մեղադրանքներ այդպես էլ առաջ չեն քաշել։

ԵՐԵՎԱՆ, 5 դեկտեմբերի — Sputnik. «Գազպրոմ Արմենիա» և ՀԿԵ ընկերությունների հասցեին հնչած մեղադրանքները պետք է հստակ հիմնավորվեն։ Այս մասին Sputnik Արմենիա մամուլի կենտրոնում ասաց Հայաստանում Ռուսաստանի առևտրային ներկայացուցիչ Անդրեյ Բաբկոն։

«Ցավոք, շատ հայտարարություններ եմ տեսնում, սակայն կոնկրետ փաստեր դեռ չկան։ Իսկ ես կողմնակից եմ, որ ամեն ինչ իրավական դաշտում անցկացվի։ Լինի դա «Գազպրոմ Արմենիայի», ՀԿԵ–ի կամ մեկ այլ ընկերության մասին։ Եթե որևէ մեկը մեղավոր է, թող պատժվի, բայց միայն օրենքով և դատարանի որոշմամբ», – ընդգծեց Բաբկոն։

Նա կոչ արեց ուշադրությունը չսևեռել մեղադրանքների վրա (առավել ևս դեռ չապացուցված), այլ հիշել նաև այն լավ գործի մասին, որ ռուսական ընկերություններն անում են Հայաստանի տնտեսության համար։

«Այստեղ մի շարք ընկերություններ են գործում արդյունահանման, բանկային ոլորտներում, ապահովագրական հատվածում, հեռուստահաղորդակցման, վերամշակող արդյունաբերության մեջ։ Միասին դժվարությունները հաղթահարելն ավելի հեշտ է, առանց նրանց ավելի ծանր կլիներ», –ավելացրեց նա։

Բաբկոյի խոսքով` ռուսական ընկերությունների ներկայությունը նկատելի է նախևառաջ այն աշխատատեղերով, որոնք նրանք ստեղծում են ու նաև նրանով, թե ինչպես է նրանց գործունեությունը բարելավում Հայաստանի կյանքը։

«Օրինակ` վերջերս Հայաստանում ռուս գործարարների «Հերմես» ակումբը մանկական կենտրոններից մեկին մանկական ուղեղային կաթվածով երեխաների համար սպորտային հեծանիվ էր նվիրել։ Նրանց մտքով նույնիսկ չէր անցել խոսել այդ մասին։ Եվ նման դեպքերը շատ են», – նշեց Բաբկոն։

«Իսկ նրանց, ովքեր խախտումներ են թույլ տալիս, պետք է մեղադրել և դատապարտել, բայց միայն հստակ ապացույցներ և հիմքեր ունենալու դեպքում»,– կրկնեց նա։

Հիշեցնենք, որ ՀՀ հարկային ծառայությունն ու քննչական մարմինները ստուգումներ են իրականացնում և՛ ՀԿԵ–ում, և՛ Գազպրոմ Արմենիայում։ Ստուգումները միայն ռուսական ընկերություններին չեն վերաբերվում. դրանք անցկացվում են նաև բրիտանական Lydian International և ֆրանսիական «Վեոլիա» ընկերություններում։

180
թեգերը:
Ռուսաստան, Հայաստան
Ըստ թեմայի
«Հարավկովկասյան երկաթուղին» որոշել է բարեփոխել աշխատողներին պարգևատրելու համակարգը
«Հարավկովկասյան երկաթուղին» տուգանվել է. ո՞րն է պատճառը
«Հարավկովկասյան երկաթուղին» պատրաստվում է իր գործարար համբավը պաշտպանել դատական կարգով