«Զվարթնոց» օդանավակայան

153 կարատ ադամանդե քարեր` ջինսե տաբատների թաքստոցներում. ՀՀ քաղաքացին Դուբայից էր բերում

167
Մաքսային կանոնների խախտման վերաբերյալ կազմվել է արձանագրություն:

ԵՐԵՎԱՆ, 10 հոկտեմբերի — Sputnik. «Զվարթնոց» օդանավակայանում Արաբական Միացյալ Էմիրություններից Հայաստան ժամանած ՀՀ քաղաքացու մոտ հայտնաբերվել են մեծ քանակի չմաքսազերծված ադամանդե քարեր։

Ինչպես տեղեկացնում են ՀՀ ՊԵԿ մամուլի բաժնից, Պետական եկամուտների կոմիտեի մաքսանենգության դեմ պայքարի վարչության օպերատիվ հետախուզության բաժնի աշխատակիցները, երեկ` հոկտեմբերի 9–ին, օպերատիվ տվյալներն իրացնելիս, «Զվարթնոց» օդանավակայանի ժամանման սրահի մաքսային հսկողության գոտում  Արաբական Միացյալ Էմիրությունների Շարժա քաղաքից  Երևան ժամանած ՀՀ քաղաքացի Գ.Բ-ի ուղեբեռի զննման արդյունքում նրա ճամպրուկից հայտնաբերել են մաքսային հսկողությունից թաքցված` շուրջ 153 կարատ տարբեր չափերի ադամանդե քարեր: Պարզվել է, որ քաղաքացին մաքսանենգ ապրանքը փորձել է տեղափոխել ջինսե տաբատներում նախապես պատրաստված թաքստոցներում:

Դեպքի վերաբերյալ կազմվել է արձանագրություն` ՀՀ մաքսային օրենսգրքի 201-րդ հոդվածով նախատեսված մաքսային կանոնների խախտման հատկանիշներով:

167
թեգերը:
ՀՀ պետական եկամուտների կոմիտե, Հայաստան
Ըստ թեմայի
ՊԵԿ–ը կուսումնասիրի երկաթուղու Մեղրի-Կապան հատվածի ապամոնտաժման և հափշտակության գործը
Գործարարները սպասում են արտահերթ ընտրություններին. ՊԵԿ նախագահ
Հայաստանում ապօրինի գործող ակումբներ են բացահայտվել. ՊԵԿ
Ռուբեն Վարդանյանը շտապեց քննադատության հարցում. ՀՀ ՊԵԿ ղեկավար
Թաքցրել են մարմնի մասերում. իրանցիները փորձել են թմրանյութը Հայաստանով Վրաստան տանել. ՊԵԿ
ՊԵԿ բարձրաստիճան պաշտոնյանները Սինգապուր են մեկնել. հայտնի է` ինչու
«Սպայկա» ընկերության խնդիրները հետևում մնացի՞ն. ՊԵԿ հայտարարությունը