Արծվիկ Մինասյան

Տնտեսական աճը գերազանցել է նախորդ տարիները. Արծվիկ Մինասյանը թվերով է ապացուցում ասածը

149
(Թարմացված է 12:58 03.09.2018)
ՀՀ տնտեսական զարգացման և ներդրումների նախարար Արծվիկ Մինասյանն ամփոփեց իր պաշտոնավարման 100 օրը` ներկայացնելով նաև վերջին ամիսների տնտեսական հիմնական ցուցանիշները։

ԵՐԵՎԱՆ, 3 սեպտեմբերի — Sputnik. 2018թ-ի առաջին 7 ամիսների տնտեսական աճն ամենաբարձրն է վերջին տարիների ընթացքում` 8.3 տոկոս։ Այսօր ամփոփելով իր պաշտոնավարման 100 օրը` այս մասին ասաց ՀՀ տնտեսական զարգացման և ներդրումների նախարար Արծվիկ Մինասյանը։

Ընդ որում, արդյունաբերության աճի ցուցանիշը կազմել է 4.3, գյուղատնտեսությանը` 4.6 շինարարությանը` 10.4, առևտրինը` 8.9 տոկոսով և ծառայությունների աճը, որն ամենամեծն է եղել այս տարվա ընթացքում` 18.7%-ով։

Այս տարի մեծապես կրճատվել է հանքարդյունաբերության ցուցանիշը։ Իսկ արտահանման ցուցանիշը, որ 4.4 տոկոսի միջակայքում է նախարարին չի բավարարում։

«Հիմնական ապրանքների խմբում ներառված են թարմ և վերամշակված միրգ-բանջարեղենը, ձուկը, միսը, ծաղիկները»,- ասաց Արծվիկ Մինասյանը։

Ավելի բարդ տեխնոլոգիական մշակում պահանջող ապրանքների`դեղագործական ապրանքների, պատվաստանյութերի, օպտիկական մանրաթելերի, սարքավորումների արտահանման ներկա ցուցանիշը կառավարությանը չի գոհացնում։ Մինասյանը նշեց, որ այս ապրանքների արտադրությունն ու արտահանումը խթանելը կառավարության թիրախում է։

Ինչ վերաբերում է արտահանման աշխարհագրությանը, Մինասյանը նշեց, որ առաջին տեղում Ռուսաստանն է, որին բաժին է ընկնում արտահանման 25 տոկոսը։ Դրան հաջորդում են Շվեյցարիան`14 տոկոսով, Բուլղարիան`10.5, Գերմանիան`6.8, Իրաքը` 5.3 տոկոսով։

Ներմուծման պարագայում ևս առաջատարը Ռուսաստանն է։ Այս երկրից է Հայաստան գալիս ներմուծվող ապրանքների 28.6 տոկոսը, Չինաստանից` 7.3 տոկոսը, Վրաստանից`7.2, Գերմանիայից` 5.3, Իրանից` 4.7 տոկոսը։

Նախարարն անդրադարձավ նաև ներդրումների խնդրին` պարզաբանելով, թե ինչպես է ստացվում, որ այս տարվա ընթացքում կատարված ներդրումները «մինուս» ցուցանիշով են հաշվարկվել։

«Ներդրման այս ցուցանիշի ձևավորմանն ընդհանրապես մասնակցում են 2 հիմնական աղբյուրներ։ Մեկը օտարերկրյա ներդրումներն են, մյուսը` ներքին ներդրումները։ Եվ երբ ներկայացվում է ներդրումների ցուցանիշը, մենք պետք է անպայման հաշվի առնենք, որ խոսքը ընդհանրապես ֆինանսական հոսքերի մասին է` որքան ֆինանս է մտել Հայաստան ու որքան է Հայաստանից դուրս եկել։ Եվ շատ հաճախ մեր կառավարությունները քննադատվում են դրա համար։ Կարծում եմ` արդար չէ, երբ ամբողջությամբ չենք ուսումնասիրում և քննադատում ենք»,- լրագրողներին ասաց Արծվիկ Մինասյանը։

Այսպես, նախարարի խոսքով, այն, որ հունվար-հունիսին ներդրումների ցուցանիշը կազմել է —53.1 մլն ԱՄՆ դոլար, պայմանավորված է հենց այն հանգամանքով, որ նույն ժամանակահատվածում Հայաստանից դուրս եկած գումարը շատ ավելին է եղել։ Ըստ Մինասյանի` այդ գումարը կարող էր ուղղված լինել արտաքին պարտքի մարմանը կամ նախկինում ստանձնած այլ պարտավորությունների կատարմանը։

Իսկ արդեն ուղղակի ներդրումների ծավալը, Մինասյանի խոսքով, այս տարվա առաջին 7 ամիսներին կազմել է 81.3 մլն դոլար։

Իսկ փոխանցումների վիճակագրությունը հետևյալն է. Ջերսիից` 42.8 մլն ԱՄՆ դոլար, Կանադայից` 9.5, Միացյալ Թագավորությունից` 4.1, ԱՄՆ-ից` 2.5, ԱՄԷ-ից` 2 մլն ԱՄՆ դոլար։

Գումարները հիմնականում ուղղվել են մշակող արդյունաբերությանը, առևտրին ու շինարարությանը։

149
թեգերը:
Արծվիկ Մինասյան, Հայաստան
Ըստ թեմայի
Ոսկանյան. «ԱՄՆ պատժամիջոցները որոշակիորեն կազդեն նաև ՀՀ-ԻԻՀ տնտեսական հատվածի վրա»
«Շան գլուխը» թաքնված է քաղաքականության մեջ. ի՞նչ է տեղի ունենում Հայաստանի տնտեսությունում
Փաշինյանի կառավարությունը դեռ չի պատասխանել ամենակարևոր հարցին․ տնտեսագետ
Ո՞րն է նոր կառավարության տնտեսական քաղաքականությունը. պարզաբանում է վարչապետը
Գինի

Այնպես, ինչպես Եվրոպայում․ առաջին անգամ հայկական գինիները «ֆիրմային» անվանում կստանան

128
(Թարմացված է 17:03 18.09.2020)
Հայկական գինիների պիտակների վրա կնշվի դրանց ծագումը։ Դա բարձրորակ լինելու տարբերակիչ նշան է։ Առայժմ այդպիսի աշխատանքներ կատարվել են Վայոց Ձորի համար։

ԵՐԵՎԱՆ, 18 սեպտեմբերի – Sputnik. Հայկական գինիներն առաջին անգամ ծագման աշխարհագրական նշումով անվանում կստանան։ Տեղեկությունը Sputnik Արմենիա միջազգային մուլտիմեդիոն կենտրոնում կայացած ասուլիսի ժամանակ հայտարարել է Հայաստանի խաղողագործության և գինեգործության հիմնադրամի տնօրեն Զարուհի Մուրադյանը։

Директор Фонда виноградарства и виноделия Армении Заруи Мурадян на онлайн пресс-конференции: Как решить конфликт интересов между виноделами и фермерами (18 сентября 2020). Еревaн
© Sputnik / Zara Mika
Զարուհի Մուրադյանը

 «Խաղողի հումքով ոգելից խմիչքների մասին» օրենքի համաձայն` Հայաստանում կարող են արտադրվել գինիներ՝ ծագման աշխարհագրական նշումով։ Ընդ որում, պետք է հստակ սահմանել խաղողագործության շրջանները։ Ծագմամբ և հատկանիշներով ճանաչելի գինիները սովորաբար գնի մեջ մի փոքր առավելություն են ստանում։

Օրենքն ընդունվել է 2008 թվականին, սակայն անցած 12 տարիների ընթացքում կառավարությունում ոչ ոք դրանով չի զբաղվել։ Այժմ Հայաստանի խաղողագործության և գինեգործության հիմնադրամը սկսել է գլուխ բերել այդ աշխատանքը և մինչև տարեվերջ բնութագրեր կպատրաստի Վայոց Ձորի մարզի համար։ Այստեղ արտադրված գինիները կստանան «Արփայի հովիտ» աշխարհագրական նշումը։ Հետագայում այդ աշխատանքը կիրականացնեն նաև հանրապետության մյուս խաղողագործական շրջանների համար։

Բայց միայն խաղողի այգիների սահմանները քարտեզի վրա անցկացնելը դեռ բավարար չէ։ Նախևառաջ մշակվել են որակի ստանդարտներ այդ տարածաշրջանում (Արենի և այլն) տարածված խաղողի տեսակների համար։ Մասնագետները համար հաստատել են շաքարի պարունակությունը, ֆենոլային հասունությունն ու այլ ցուցանիշները։ Այդպիսի խաղողից գինի արտադրող գինեգործները կարող են ստանալ հիշյալ աշխարհագրական նշումը։ Այնուհետև այն հնարավոր կլինի գրանցել Եվրասիական միության ռեեստրում։

Այգեգործը նախարարից լավ է. արմավիրցի Երեմի 100 տեսակի աղջիկ-խաղողներն ու ինքնաշեն տրակտորը

Ապագայում հիմնադրամն ուզում է նաև որակի նշան տրամադրել այն գինիների համար, որոնց պատրաստման ընթացքում պահպանվում են բոլոր պատշաճ ստանդարտները։ Դրա համար կստեղծվի փորձագիտական խորհուրդ` կազմված գինեգործական ընկերությունների ներկայացուցիչներից և անկախ մասնագետներից։

Կառավարությունը կվճարի ոչ թե կոնյակ ու գինի արտադրողներին, այլ խաղող աճեցնող գյուղացիներին

Նշենք, որ Հայաստանում խաղողի գինու արտադրության ծավալը վերջին տարիներին աճել է, սակայն այն դեռևս համեմատաբար փոքր է մնում։ Միևնույն ժամանակ ավելացել է մրգային գինիների արտադրությունը, իսկ արտահանման ծավալով դրանք նույնիսկ առաջ են անցել խաղողի գինիներից։ Այսպես, 2020 թ․-ի առաջին կիսամյակում խաղողի գինու արտահանումը կազմել է 3,2 մլն դոլար, իսկ մրգային գինիները՝ 4,5 մլն դոլար։

128
թեգերը:
Խաղող, որակ, պիտակ, հայկական, Գինի
Ըստ թեմայի
«Այս գինիներն այստեղ են, որովհետև ես բարի մարդ եմ». օրգանական գինին «խնդրում են» դրսերում
Ծորակը բացել են, գինի է թափվել. իտալական գործարանում տեխնիկական խափանում է եղել
Արևահաց, արևախաչ, գինի ու կրակ. ինչպես են հայ հեթանոսները նշել Նավասարդը
Մեղրիի անցակետ. արխիվային լուսանկար

«Համավարակի ընթացքում նվազագույն թվեր են եղել». ՊԵԿ նախագահը` Մեղրիով փոխադրումների մասին

18
(Թարմացված է 15:28 18.09.2020)
ԱԺ–ում քննարկվում է ՀՀ կառավարության ու ՎԶԵԲ–ի միջև ստորագրված վարկային ու դրամաշնորհային պայմանագիրը վավերացնելու հարցը։

ԵՐԵՎԱՆ, 18 սեպտեմբերի - Sputnik. Հայ – իրանական սահմանի Մեղրիի անցակետի վերակառուցման ու արդիականացման համար Վերակառուցման ու զարգացման եվրոպական բանկը (ՎԶԵԲ) Հայաստանի կառավարությանը պատրաստ է տրամադրել 21 մլն եվրո, որից 10 մլն–ը դրամաշնորհի, 11-ը` վարկերի տեսքով։

Վարկային ու դրամաշնորհային պայմանագիրը ՀՀ կառավարության ու ՎԶԵԲ–ի միջև ստորագրվել է դեռ 2020թ–ի փետրվարի 7-ին։ Այսօր այն քննարկվում է ԱԺ–ում` վավերացնելու նպատակով։

Ներկայացնելով պայմանագրի նպատակը, ՀՀ ՊԵԿ նախագահ Էդվարդ Հովհաննիսյանը հայտնեց, որ այն պայմանավորված է Մեղրիի անցակետով տարեցտարի ավելացող հոսքերի աճով։

«Մասնավորապես` 2017թ–ի հունիս–հուլիս ամիսներին Մեղրիի անցակետը հատած բեռնատարների թիվը կազմել է շուրջ 2000, իսկ 2019-ին`շուրջ 4150։ 2017թ–ի հունիս–հուլիս ամիսներին Մեղրիի անցակետը հատած մարդատար ավտոմեքենաների թիվը կազմել է 10 850, 2019-ի նույն ամիսներին 18 085»,– ասաց ՊԵԿ նախագահը։

Ավտոմեքենայի յուղերը թաքցրել են ցորենի թեփի պարկերի տակ. ՊԵԿ–ը քրեական գործ է հարուցել

Այս տարի, պայմանավորված համաշխարհային համավարակով, փոխադրումների ծավալը նվազել է։

«Համավարակի ժամանակահատվածում նվազագույն թվեր են եղել»,– ասաց Հովհաննիսյանը` նշելով, որ կոկրետ թվային տվյալներ այս պահին ձեռքի տակ չունի։

ՊԵԿ նախագահը նաև հայտնեց, որ վերակառուցման նախագծով անցակետում նախատեսվում է կառուցել 2–հարկանի վարչական շենք` 400 քմ մակերեսով և տանիքում արևային էներգակայանով։

Նոր անցակետը հաշվարկված է օրական 300-900 ավտոմեքենայի թողունակությամբ։ Բայց, ինչպես նշեց ԱԺ Ֆինանսավարկային և բյուջետային հարցերի հանձնաժողովի նախագահի տեղակալ Արտակ Մանուկյանը, դեռևս հնարավոր չէ կանխատեսել, թե իրականում քանի ավտոմեքենա կանցնի անցակետով։

Անցակետի վերակառուցման ավարտը նախանշված է 2023թ–ին։

ՊԵԿ-ն ամփոփել է 2019-ը և միջոցառումների կատարողականը ներկայացրել Փաշինյանին

18
թեգերը:
Պետական եկամուտների կոմիտե (ՊԵԿ), Իրանի Իսլամական Հանրապետություն, Հայաստան, Մեղրի
Ըստ թեմայի
Ինչպես են ավտոներկրումներն ու կորոնավիրուսն ազդել բյուջեի վրա. ներկայացրել է ՊԵԿ նախագահը
ՊԵԿ–ը սիրելի գործարարներ չունի. Հովհաննիսյանն առաջարկում է սպասել նոր բացահայտումների
ՊԵԿ-ում Ծառուկյանին առնչվող նոր քրեական գործ է հարուցվել
Ջերմաչափ

Ինչու պետք չէ վախենալ 37 աստիճան ջերմությունից. բժիշկը հետաքրքիր մանրամասներ է ներկայացրել

0
(Թարմացված է 21:41 19.09.2020)
37 աստիճան ջերմությունը դեռ բժիշկին դիմելու առիթ չէ։ Իսկ եթե այն պահպանվում է մի քանի օր շարունակ, արդեն մտահոգվելու առիթ է կա։

ԵՐԵՎԱՆ, 20 սեպտեմբերի – Sputnik. Երբ մարմնի ջերմաստիճանը բարձրանում է մինչև 37 և ավելի աստիճան միշտ չէ, որ դա վկայում հիվանդության մասին. Sputnik ռադիոկայանի եթերում ասել է ՌԴ բժշկական գիտությունների դոկտոր Անդրեյ Պրոդեուսը։

Ընդունված է համարել, որ 37 աստիճանից բարձր ջերմության դեպքում մարդը հիվանդ է։ Բժիշկի խոսքով` սա փոքր–ինչ պարզունակ մոտեցում է, որն այդքան էլ կոռեկտ չէ։

Ըստ նրա, նույնիսկ եթե ջերմաչափին տեսնում եք 37 աստիճան, սակայն դուք ձեզ լավ եք զգում, խուճապի մատնվելու կարիք չկա։

«Նման ջերմաստիճանն ինքնին վտանգավոր չէ։ Առավել կարևոր է մարդու ինքնազգացողությունը։ Եթե առկա են  թունավորման ախտանշաններ, մարդն իրեն լավ չի զգում, նույնիսկ եթե նա, պայմանականորեն նորմալ ջերմություն ունի։ 37.1 ջերմաստիճանը, որը նորմալ սարքով ջերմաչափվել է թևատակից, մտահոգություն չպետք է առաջացնի», – վստահեցրել է մասնագետը։

Նա նշել է, որ նման ջերմաստիճանը միշտ չէ, որ վկայում է հիվանդության մասին։

«Մարդու մարմնի նորմալ ջերմաստիճանը տատանվում է 36.2-37.2 աստիճանի սահմաններում։ Առավելագույն ջերմաստիճանը լինում է 20:00, նվազագույնը` 03:00, երբ քնած ենք։ Սրանք թևատակի մակերեսի ջերմաստիճաններն են, քանի որ մարդու ջերմություն հասկացությունը հարաբերական է և կախված է, թե որ մասից են ջերմաչափում։

Նուբար Աֆեյանի ընկերությունը Covid 19-ի դեմ պատվաստանյութի 20 միլիոն դեղաչափ կարտադրի

Ջերմաչափել կարելի է նաև բերանի խոռոչում, հետանցքում և այլն։ Իսկ եթե խոսում ենք 36,2-37,2 աստիճանի նորմալ ջերմության մասին, ապա դա թևատակի ջերմաչափման դեպքում է», – պարզաբանել է Պրոդեուսը։

Միևնույն ժամանակ բժիշկը նշել է, որ 37 աստիճանից բարձր ջերմությունը չպետք է հաճախակի երևույթ լինի։  Եթե այդպիսի ջերմությունը երկար է պահպանվում, անհրաժեշտ է խորհրդակցել բժիշկի հետ։

0
թեգերը:
բժիշկ, հիվանդություն, հիվանդ, ջերմաչափ, կորոնավիրուս
Ըստ թեմայի
Ռուսաստանից ժամանած հայ բժիշկը փրկել է էպիլեպսիայով հիվանդ երեխային
Ռուսաստանցի բժիշկը հայտնել է համավարակը վերջնական հաղթահարելու հավանական ժամկետները
Ինչպես օգտագործել խնձորը, որ ավելի օգտակար լինի․ բժիշկների բացահայտումը