Նիկոլ Փաշինյանը ռազմական բուհերի շրջանավարտների ավարտական վկայականների հանձնման հանդիսավոր արարողությանը

Փաշինյանը ստվերն է կրճատում, «Ալեքս»–ն ու ՀԷՑ–ը` հարկերը. պարադո՞քս է

1074
(Թարմացված է 20:24 31.07.2018)
Պետեկամուտների կոմիտն հրապարակել է խոշոր հարկատուների այս տարվա առաջին կիսամյակի վճարած հարկերի ցուցակը։ Եթե մեկի մոտ հարկերն ավելացել են, մյուսները` սկսել են ավելի քիչ վճարել։

ԵՐԵՎԱՆ, 31 հուլիսի — Sputnik. Նելլի Դանիելյան. Պետական եկամուտների կոմիտեն հրապարակել է հայաստանյան խոշոր հարկատուների 2018թ–ի առաջին կիսամյանի ցանկը, որտեղ որոշ տեղաշարժեր են գրանցվել անցյալ տարվա նույն ժամանակահատվածի համեմատ։

Խոշոր հարկ վճարողների ցուցակի ավանդական առաջատար «Գազպորմ Արմենիան» այս տարի տեղը զիջել է «Զանգեզուրի պղնձամոլիբդենային կոմբինատին»։ Ընդ որում, այս տարվա առաջին կիսամյակում այս ընկերության վճարած հարկերը շուրջ 2.5 անգամ գերազանցել են նախորդ տարվա նույն ցուցանիշը։ Եթե 2017թ–ի հունվար–հունիսին կոմբինատը 9 մլրդ  751 մլն դրամ հարկ է վճարել, ապա այս տարվա առաջին կեսում` 24 մլրդ  642մլն։

Սա, Ինովացիոն և ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանի դիտարկմամբ, մի փոքր զարմանալի է, քանի որ  մետաղների գները վերջին շրջանում միջազգայի շուկայում 1 տոննայի հաշվով շուրջ 1000 դոլարի անկում են գրանցել։

Տնտեսագետը հարկերի նման կտրուկ աճն ավելի շատ պայմանավորում է ստվերի կրճատմամբ։ «Ես ենթադրում եմ` այստեղ տեղի է ունեցել իրական ծավալների հայտարարագրում, և ֆիզիկական ծավալներն ուղղակի աճել են»,– ասաց Մարգարյանը։

Այս տեսակետից, սակայն, փոքր–ինչ տարօրինակ է «Ալեքս հոլդինգ» ընկերության օրինակը։ Եթե 2017թ–ի առաջին կիսամյակում այս ընկերությունը բյուջե 11 մլրդ  263 մլն դրամ էր վճարել, իսկ այս տարի` ընդամենը 7 մլրդ 678 մլն։

Ատոմ Մարգարյանի դիտարկմամբ այս ակնհայտ տարբերությունը կարող է պայմանավորված լինել «Երևան սիթի» սուպերմարկետներում նախա և հետհեղափոխական շրջաններում գրանցված անկումներով։ Ինչ վերաբերում է ստվերի կրճատմանը, այդ գործընթացն, Ատոմ Մարգարյանի խոսքով, դեռ ընթացքի մեջ է, իրական շրջանառությունները բացահայտվում են, և իրական պատկերը պարզ կլինի առաջիկա ամիսների ընթացքում։

Իսկ ահա «Գազպրոմ Արմենիայի» պարագայում Ատոմ Մարգարյանը մի քիչ տարօրինակ է համարում այն հանգամանքը, որ հարկային վճարներում չեն արտացոլվել գազալցակայաններում բացահայտված թերհայտարարագրվող շրջանառությունները։ «Գազպրոմ»–ի մուտքերը բյուջե գրեթե չեն փոխվել։ Եթե անցյալ տարվա առաջին կիսամյակում դրանք կազմել են 24 մլրդ  469 մլն դրամ, ապա այս տարի` 24 մլրդ 642 մլն։

Տնտեսագետը չի բացառում, որ սա պայմանավորված լինի սեզոնային գործոնով։ Մի կողմից ստվերը կրճատվել է`, բայց մյուս կողմից նվազել է սպառումն ու հետևաբար նաև` եկամուտները։ Արդյունքում` հարկերը մնացել են անփոփոխ։

Իսկ, օրինակ, Հայաստանի բենզինի շուկայում գերիշխող դիրք ունեցող «Սի Փի Էս Օյլ Քորփորեյշն» ընկերության վճարումներն այս տարի  2 մլրդ–ով ավելացել են։ Եթե անցյալ տարի դրանք 6 մլրդ 187 մլն դրամ էին, ապա այս տարի` 8 մլրդ 166 մլն։

2 մլրդ–ով աճել են նաև «Գրանդ Տոբակո»–ի հարկերը`  14 մլրդ 608 մլն դրամից հասնելով 16մլրդ  699մլն–ի։  3 մլրդ–ով ավելացել են  «Ֆիլիպ Մորիս Արմենիա»–ի հարկային վճարումները`5 մլրդ 126 մլն–ից հասնելով 8մլրդ 155 մլն–ի։

Խոշոր հարկատուների առաջին տասնյակում գտնվող «Գեոպրոմայնինգ Գոլդ» և «Ինտերնեյշնլ Մասիս Տաբակ» ընկերությունների հարկային մուտքերը գրեթե անփոփոխ են մնացել։

Իսկ «Հայաստանի Էլեկտրական ցանցեր» և «Թեղուտ» ընկերությունների հարկերը,  ի հեճուկս, ստվերի դեմ հայտարարված պայքարի, այս տարի ոչ միայն չեն ավելացել, այլև էապես նվազել են։ Անցյալ տարվա առաջին կիսամյակում ՀԷՑ–ը 11 մլրդ  880 մլն դրամ հարկ է վճարել, այս տարի` 6 մլրդ 518 մլն։ Իսկ «Թեղուտը»`  անցյալ տարվա  6 մլրդ–ի փոխարեն այս տարի  ընդամենը 3  մլրդ 730 դրամ է մուծել բյուջե։

Այսպիսով, ՀՀ նոր իշխանությունների` ստվերի ու կոռուպցիայի դեմ մղած պայքարի արդյունքն առայժմ ակնառու արդյունքներ չի արձանագրել։

«Եթե բիզնեսը մի կողմից ազատվում է կոռուպցիոն պարտավորություններից, մյուս կողմից ստվերային բիզնեսը բացահայտվում է, իրական գները, եկամուտները, շահույթները, իրական աշխատավարձերը պետք է որ երևան արդեն պատկերավոր ասած` էկրանների վրա, և համապատասխան չափով հարկվեն»,– անդրադառնալով ստվերի դեմ պայքարի թվային ցուցանիշներին ասաց տնտեսագետ Ատոմ Մարգարյանը։

Այդուհանդերձ, նրա դիտարկմամբ, Հայաստանում այսօր էլ դեռ ընթանում է ստվերի բացահայտման, գործընթաց, որի ընթացքում իրական շրջանառություններն աստիճանաբար դուրս են գալու ստվերից և երևակվելու են։

Իսկ պայքարի իրական արդյունքները, տնտեսագետի կանխատեսմամբ, շատ ավելի ակնառու կլինեն այս տարեվերջին։

1074
թեգերը:
Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (1029)
Գազ

ՀՀ իշխանությունները պետք է գազի սակագների լծակներն իրենց ձեռքը վերցնեն. փորձագետ

41
(Թարմացված է 18:17 03.06.2020)
Էներգետիկ անվտանգության ոլորտի փորձագետը խոսել է գազի գնի հնարավոր բարձրացման դեպքում տնտեսվարողների սպասվող ռիսկերի մասին։

ԵՐԵՎԱՆ, 3 մայիսի – Sputnik. Հայաստանում գազի սակագները պետք է սուբսիդավորեն իշխանությունները, այլ ոչ թե «Գազպրոմ Արմենիան»։ Այս կարծիքը Sputnik Արմենիա մուլտիմեդիա-կենտրոնում տեղի ունեցած առցանց կոնֆերանսի ընթացքում հայտնեց «Լոգիկա» ֆինանսատնտեսական և գործարար անկախ հետազոտությունների կենտրոնի տնօրեն Արա Քառյանը։

Նա նշեց, որ այժմ անապահով ընտանիքները գազի համար վճարում են ավելի ցածր սակագնով։ Առաջին հայացքից թվում է, թե դա լավ է, բայց իրականում ստացվում է, որ «Գազպրոմը» օգնում է նրանց՝ մյուս սպառողների հաշվին։ Մինչդեռ գազը պետք է բոլորի համար նույն արժեքն ունենա, իսկ սուբսիդավորումը պետք է ապահովեն իշխանությունները։

Թվում է, թե տարբերություն չկա, եթե միևնույն արդյունքն է ստացվում։ Բայց Քառայանը կարծում է, որ այս դեպքում պետությունը ռեզերվ է ձեռք բերում, որի հաշվին կարող է և սուբսիդավորել։

«Կարելի է գազի ակցիզ սահմանել, ինչպես անում են մի շարք եվրոպական երկրներում, իսկ անապահով խավի համար՝ փոխհատուցել այն»,-նշեց նա։

Այդ դեպքում բնակչության որոշակի հատվածի համար սակագները կաճեն, բայց բիզնեսի համար դրանք անփոփոխ կմնան։

Ռուսաստանից Վրաստան ներկրվող գազի գինը կիջնի. «Գազպրոմի» հետ նոր պայմանավորվածություն կա

Վերջերս հարցազրույցներից մեկում փոխվարչապետ Մհեր Գրիգորյանը փաստացի չբացառեց, որ ռուսական կողմի հետ բանակցությունների արդյունքում հայաստանցի սպառողի համար գազի սակագինը կարող է նույնը մնալ, բայց բիզնեսի համար կարող է բարձրանալ։

Քառյանն այդպիսի սցենարն անցանկալի է համարում։ Նա կոչ արեց ուշադրություն դարձնել, որ գազի և նավթի համաշխարհային գները կորոնավիրուսի պայմաններում գրեթե երկու անգամ նվազել են, իսկ Հայաստանում գազը ոչ միայն չի էժանանում, այլ նաև կարող է թանկանալ։ Դա լրջորեն կազդի հայկական ապրանքների մրցունակության վրա։

Հիմնական լուծումը փորձագետը տեսնում է օգտագործվող յուրաքանչյուր խորանարդ մետր գազի սակագնի համար 10 դրամ ակցիզային հարկ սահմանելու մեջ։ Իսկ, որ 10 դրամանոց ռեզերվ գոյություն ունի, խոսում էին դեռ 2016թ․-ի նոյեմբերից, երբ դեռ վարչապետը Կարեն Կարապետյանն էր։

Հենց այդ միջոցներն էլ նա առաջարկում է ակցիզի տեսքով բյուջե բերել։

Հիշեցնենք, որ 2019թ․-ի հունվարի 1-ից ռուսական գազի գինը սահմանին աճել է հազար խորանարդ մետրի համար 150-ից հասնելով 165 ԱՄՆ դոլարի, իսկ բնակչության համար սակագինը նույնն է մնացել՝ ընկերության ծախսերի կրճատման հաշվին։ Հիմա «Գազպրոմ Արմենիան» քննարկում է աշխատակիցների կրճատման և ծախսերի օպտիմալացման հարցը։

«Գազպրոմ Արմենիան», որը 100%-ով պատկանում է «Գազպրոմին», հայկական ներքին շուկայի գազի մատակարարն է։ Վերջերս տեղի ունեցած մամուլի ասուլիսի ժամանակ ՀՀ վարչապետն ասել էր, որ կորոնավիրուսի համավարակը գազի գնի բարձրացումը քննարկելու համար լավագույն ժամանակը չէ։

Հայաստան–Իրան 3-րդ ԷՀԳ շինարարությունը նախատեսվում է ավարտին հասցնել տարեվերջին. Պապիկյան

41
թեգերը:
Հայաստան, «Գազպրոմ Արմենիա» ընկերություն, գազի սակագին, գազ
Հաշվիչ մեքենա. արխիվային լուսանկար

Հսկողություն կիրականացվի առավել ռիսկային հարկ վճարողների նկատմամբ. ՊԵԿ փոխնախագահ

24
(Թարմացված է 13:27 03.06.2020)
Պետական եկամուտների կոմիտեի նախագահի տեղակալ Արթուր Մանուկյանի խոսքով` անում են ամեն ինչ, որպեսզի կարգապահ հարկ վճարողները հնարավորինս թեթև տանեն կորոնավիրուսով պայմանավորված իրավիճակը։

ԵՐԵՎԱՆ, 3 հունիսի — Sputnik. Պետական եկամուտների կոմիտեի նախագահի տեղակալ Արթուր Մանուկյանն այսօր հրավիրված ասուլիսում պատասխանելով լրատվամիջոցներից մեկի հարցին, թե կորոնավիրուսային իրավիճակով պայմանավորված ի՞նչ փոփոխությունների է ենթարկվել տնտեսվարողների նկատմամբ ՊԵԿ–ի վերահսկողական գործառույթների իրականացման քաղաքականությունը, ասաց, որ կարգապահ հարկ վճարողներին ամեն կերպ զերծ են պահում ավելորդ շփումներից։

«Դեռևս ապրիլ ամսին ՊԵԿ նախագահի հրամանով հարկային և մաքսային կարգապահության ու ռիսկերի կարգավորման նպատակով ստեղծվել է աշխատանքային խումբ, որը միջոցառումներ է իրականացնում հարկ վճարողներին առավելագույն աջակցության ապահովման համար, իսկ հսկողությունը պետք է ուղղված լինի առավել ռիսկային ոլորտները և առավել ռիսկային հարկ վճարողները, կարգապահ հարկ վճարողներին զերծ պահելով ավելորդ շփումներից»,–ասաց նա։

Մանուկյանը հիշեցրեց, որ իրենք դեռ ապրիլին են հայտարարել, որ մինչև 1.5 միլիոն դրամ հարկային պարտավորություններ ունեցող հարկ վճարողների նկատմամբ հարկային պարտավորությունների գանձման որոշում չի կայացվի։

Հիշեցնենք` ՊԵԿ–ից զգուշացրել էին, որ 30-օրյա ժամկետում ծանուցման հիման վրա հարուցված վարչական վարույթները կհամարվեն դադարած։

Նշվում էր, որ այդ վարույթներով չգանձված պարտավորությունները կփոխանցվեն և կմիացվեն հաջորդ ժամանակաշրջանների պարտավորություններին և այն պահից, երբ դրանց հանրագումարը կգերազանցի 1,5 միլիոն դրամը, հարկային մարմնի կողմից հարուցված նոր վարչական վարույթների շրջանակում կկայացվեն այդ պարտավորությունների գանձման որոշումներ և դրանց հետագա ընթացքը կապահովվի ՀՀ օրենսդրությամբ սահմանված կարգով։

«Իշխանությանը վարկաբեկելու համար է»․ Քոչարյանը` ծխախոտի մաքսանենգության աղմուկի մասին

Կոմիտեն հայտնել էր նաև, որ հանրապետությունում հայտարարված արտակարգ դրության ավարտից հետո մինչև 1,5 միլիոն դրամ պարտավորությունների գանձման նկատմամբ փոփոխության մասին կներկայացվի լրացուցիչ տեղեկատվություն։ 

Մեղմ վերաբերմունք. ՊԵԿ–ը հարկադիր գանձում չի իրականացնի 1,5մլն դրամը չգերազանցելու դեպքում

24
թեգերը:
Հայաստան, կորոնավիրուս, Պետական եկամուտների կոմիտե (ՊԵԿ)
թեմա:
Կորոնավիրուսը Հայաստանում և Արցախում
Ըստ թեմայի
ՊԵԿ–ն ագրեսիվ հարկային պլանավորման դեպք է հայտնաբերել
Առցանց հարթակում քաղաքացին զբաղվել է «ձկան յուղի» ապօրինի վաճառքով․ ՊԵԿ-ը բացահայտել է
Հայաստանից մաքսանենգ ծխախոտի արտահանման դեպքով վարույթ չի հարուցվել. ՊԵԿ-ի պարզաբանումը
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

56
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

56
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները