ՊԵԿ

«Նորֆոլկ Քոնսալթինգը» պետության փողերի մի մասն արդեն հետ է տվել

157
Նորֆոլկ Քոնսալթինգ» ՍՊԸ-ն բյուջե է վերադարձրել պարտքի մի մասը։ ՊԵԿ–ը տեղեկացնում է, որ ընկերությունում լուծարային ստուգումը դեռևս ամփոփման փուլում է:

ԵՐԵՎԱՆ, 17 հուլիսի — Sputnik. «Նորֆոլկ Քոնսալթինգ» ՍՊ ընկերության կողմից ՀՀ պետական բյուջե վճարման ենթակա 7 մլն. ԱՄՆ դոլարին համարժեք ՀՀ դրամից 2018 թվականի հուլիսի 17-ի դրությամբ բյուջե արդեն իսկ վճարվել է  721.4 մլն. դրամը, իսկ մնացած գումարը գտնվում է ընկերության բանկային հաշվեհամարին, որը բյուջե կփոխանցվի մինչև սույն թվականի հուլիսի 20-ը:

Այս մասին տեղեկացնում է ՀՀ ՊԵԿ մամուլի ծառայությունը։

Միաժամանակ հայտնվում է, որ ընկերությունում լուծարային ստուգումը դեռևս ամփոփման փուլում է:

Հիշեցնենք, որ դեռևս մայիս ամսին ՀՀ ԱԱԾ քննչական վարչությունում հարուցվել է քրեական գործ, «Նորֆոլկ Քոնսալթինգ» ՍՊԸ գլխավոր տնօրեն Արմեն Ունանյանը և պատասխանատու ևս երեք աշխատակիցներ ձերբակալվել են, քրեական գործով որպես վկա հարցաքննության են կանչվել ՀՀ ՊԵԿ նախագահի երկու նախկին տեղակալներ:Հուլիսի 13–ին կայացած ասուլիսի ժամանակ ՀՀ ՊԵԿ ղեկավար Դավիթ Անանյանն ասել էր, որ «Նորֆոլկ քոնսալթինգ» ընկերությունը կմարի իր պարտքը Հայաստանի բյուջեին ու կփակվի։Նախարարը նաև տեղեկացրել էր, որ 7 մլն. դոլարից հինգը ընկերությունը կվճարի մինչև հուլիսի 20-ը, իսկ մինչև օգոստոսի վերջ ընդհանրապես կփակվի։

157
թեգերը:
ՀՀ պետական եկամուտների կոմիտե, Հայաստան
Ըստ թեմայի
«Ամուլսարի» աշխատակիցներին չեն ուզում սպանել. սպառնալիքներն իրական չեն եղել. ԱԱԾ
ԱԱԾ–ն կոռուպցիոն նոր սխեմա է բացահայտել. ինչպես են զորակոչիկներին ազատել ծառայությունից
ԱԱԾ–ն գործողություններ է իրականացնում Ալեքսանդր (Սաշիկ) Սարգսյանի տանը. լուսանկարներ
ԱԱԾ–ն կպարզի` «Հայաստան» հիմնադրամի տնօրենը ճիշտ է, թե՞ ոչ