Խաղալիքների արտադրություն Հայաստանում

207 հազար աշխատողի աշխատավարձի բարձրացում է եղել. Փաշինյան

566
(Թարմացված է 18:43 01.07.2018)
Հուլիսի 1-ից փաստացի բարձրացել են կենսաթոշակային համակարգի 207 հազար մասնակիցների աշխատավարձերը։

ԵՐԵՎԱՆ, 1 հուլիսի — Sputnik. Որոշակի փոփոխություններ արդեն կան, թեև դրանք շատ տեսանելի չեն: Այդ մասին լրագրողներին հայտարարել է վարչապետ Նիկոլ Փաշինյանը։ 

Հուլիսի 1-ից բարձրացել են կենսաթոշակային համակարգի 207 հազար մասնակիցների աշխատավարձերը։ Աշխատավարձի 5 տոկոսի փոխարեն նրանք իրենց հաշիվներին կփոխանցեն 2,5 տոկոս (համապատասխանաբար, պետությունը 5-ի փոխարեն կվճարի 7,5 տոկոս)։ Նման շահավետ պայմաններում համակարգին կմիանա ևս 80 հազար մարդ, որոնք դեռ չեն մասնակցում։

«Տոնավաճառներում գների որոշակի փոփոխություն է տեղի ունեցել: ՊԵԿ հավաքագրումների մակարդակն է զգալիորեն բարձրացել, առողջապահության ոլորտում են փոփոխություններ տեղի ունենում, որոնք մարդկանց կյանքը կարող են փոխել: Սոցիալական նշանակության բնակարանաշինության ոլորտում քայլեր ենք ձեռնարկում, որոնք կշարունակենք:  Գիտեմ՝ մարդիկ շատ արագ արդյունքների են սպասում. մենք ամեն ինչ անում ենք՝ այդ արդյունքները գրանցելու համար»,-ասել է Փաշինյանը։

Նրա խոսքով՝ Հայաստանում ունենք պետական կաթսա, որը բազմաթիվ անցքեր ունի, որոնցով արտահոսում են ազգային հարստությունն ու պետական եկամուտները։ Մինչև այդ անցքերը չփակվեն, չեն կարող կաթսայի բավարար լցվածություն ապահովել։

566
թեգերը:
Նիկոլ Փաշինյան, Հայաստան
Ըստ թեմայի
Դեռ նստած ենք հանքերի «ասեղի վրա» կամ Հայաստանի տնտեսությունը 2018 թվականին
Աճեմօղլուի բաղադրատոմսը կարո՞ղ է արդյոք «բուժել» ՀՀ տնտեսությունը
Թավադյան. «Տնտեսությունը զարգացնում են ոչ թե ծրագրերը, այլ դրանց իրագործման մեխանիզմները»
Քաղաքականությունը տնտեսությունից կարևո՞ր է. ո՞րն է Փաշինյանի ծրագրի բանալին
Հայաստանի տնտեսությունը ներքաղաքական վիճակից չի տուժել. փակ խանութները ցուցանիշ չեն