Ամերիկյան դոլար

Իշխանությունները չեն ցանկանում իրենց սահմանափակել. ինչպե՞ս վարվել պետական պարտքի հետ

34
(Թարմացված է 16:51 12.12.2017)
Հայաստանի իշխանությունները նոր մոտեցում կցուցաբերեն. այսուհետ կառավարությունը կկարողանա վարկերը ծախսել միայն խիստ կանոններով։

ԵՐԵՎԱՆ, 12 դեկտեմբերի — Sputnik. Բյուջետային համակարգի նոր փոփոխությունները կօգնեն Հայաստանին հավասարակշռել ծախսերն ու պետական պարտքի չափը։ Այս մասին այսօր խորհրդարանում հայտնեց ՀՀ ֆինանսների նախարար Վարդան Արամյանը` ներկայացնելով «ՀՀ բյուջետային համակարգի մասին» օրենքի փոփոխությունների նախագիծը։

Պետական պարտքի Մաաստրիխտի չափանիշները (որոնք իրենց համար ընդունել են Եվրոպական, իսկ հետո` Եվրասիական միության երկրները) շատ «ձիգ» են կապում բյուջեն։ Տնտեսական աճի դանդաղ տեմպերի պայմաններում պետք է «թուլացնել» այդ կանոնները, կարծում է ֆինանսների նախարարությունը։

Ներկայիս կանոնների համաձայն` եթե պետական պարտքը ՀՆԱ ցուցանիշը գերազանցում է 50%–ով, ապա դեֆիցիտը նախորդ 3 տարիների ՀՆԱ-ների նկատմամբ 3 տոկոսը պետք է չգերազանցի։ Եթե պարտքը գերազանցում է 60 %-ը, ապա պետք է մոռանալ նոր վարկերի մասին։

Սակայն կյանքը ցույց տվեց, որ պետք է սահմանափակել ոչ թե չոր թվերն, այլ ծախսերի քաղաքականությունը, ընդգծեց նախարարը։

Այդ պատճառով օրինագծում առաջարկվում է կանգ առնել 40% ցուցանիշի վրա։ Այդ դեպքում բյուջեի կապիտալ ծախսերը պետք է լինեն ավելի, քան պակասորդը, քանի որ այդ ծախսերը (ճանապարհների, էլեկտրացանցերի, ոռոգիչ ջրանցքների շինարարությունը և այլն) ապագա տնտեսական աճի հիմք են համարվում։

Եթե պարտքը գերազանցում է 50%–ը, ապա ընթացիկ ծախսերը պետք է սահմանել ՀՆԱ աճից որևէ տոկոսով (օրինակ, 1,5%) ավելի ցածր, եթե գերազանցում է 60%–ը, ապա ավելի ցածր (օրինակ, 2,5%)։ Այդ թվերը Արժույթի միջազգային հիմնադրամի խորհուրդ տված թվերն են։ Իսկ ազգային կանոնները կսահմանի ոչ թե օրենքը, այլ կառավարության որոշումը։ Այն առաջիկայում կընդունվի։

Բացի այդ` 60%–ը գերազանցելու դեպքում կառավարությունը ստիպված է լինելու խորհրդարանում հաշվետվություն տալ, թե ինչպես է այն պատրաստվում վերադառնալ 50%–ի շեմին։

Բայց «60+%»–ը ընդունելի կլինի, եթե այն խելամտությունն է թելադրում։

«Եթե մենք, օրինակ, վարկով ճանապարհ ենք կառուցում ու քիչ է մնացել, ապա հիմարություն է չկառուցել վերջին մեկ կիլոմետրը միայն այն պատճառով, որ պետական պարտքն անցել է 60%.–ի շեմը։

Իհարկե, հարց կառաջանա` ինչքան կարող է այդ ժամկետը լինել, կարելի՞ է արդյոք այն 15–20 տարով ու ավելի ձգձգել։ Թույլատրելի ժամկետները ևս կքննարկեն», – հավելեց նա։

Այդ բյուջետային կանոնները չեն կիրառվի արտակարգ դեպքերում. խոշոր աղետների, ռազմական գործողությունների կամ գլոբալ ֆինանսական ճգնաժամերի ժամանակ։

Նշենք, որ 2017 թվականին կառավարության արտաքին պարտքը աճել է գրեթե 660 միլիոն դոլարով, սակայն 2018 թվականին նոր արտաքին վարկերը կկրճատեն այն 280 միլիոնով։ Այսպիսով` կառավարության գումարային պարտքը (արտաքին ու ներքին) կկազմի մոտ 6,6 միլիարդ դոլար։ Դրամային փախանցմամբ (478,45 դրամ մեկ դոլարի դիմաց տարադրամի արժույթով) կառավարության պարտքը կկազմի ՀՆԱ–ի 54,1%։

34
«Հայփոստի» գլխավոր մասնաշենքը

«Հայփոստը» հիմնում է «Փոստ Կրեդիտ» վարկային կազմակերպություն

65
(Թարմացված է 13:53 22.01.2021)
Վարկային կազմակերպությունը գործունեություն է ծավալելու սպառողական վարկավորման ծրագրեր, գյուղատնտեսական վարկավորման ծրագրեր ու հիմնական այլ ուղղություններով։

ԵՐԵՎԱՆ, 22 հունվարի - Sputnik. «Հայփոստ» ՓԲԸ-ն դիմել է ՀՀ Կենտրոնական բանկ իր կողմից հիմնադրված «Փոստ Կրեդիտ» դուստր վարկային կազմակերպության գրանցման և լիցենզավորման նպատակով: Տեղեկությունը հայտնում են ընկերության լրատվական ծառայությունից։

Հաղորդագրության համաձայն՝ վարկային կազմակերպությունը գործունեություն է ծավալելու հետևյալ հիմնական ուղղություններով. սպառողական վարկավորման ծրագրեր և գյուղատնտեսական վարկավորման ծրագրեր, արտադրական և առևտրական գործունեությամբ զբաղվող փոքր և միջին, ինչպես նաև՝ ընտանեկան բիզնեսով զբաղվող սուբյեկտների վարկավորում և վերականգնվող էներգետիկայի և կանաչ տնտեսության զարգացման վարկեր:

«Հայփոստը» մտնում է զարգացման նոր փուլ. նախատեսվում է վերակառուցել կենտրոնական փոստի շենքը

65
թեգերը:
վարկ, ՀայՓոստ
Ըստ թեմայի
Առաջնագծի համար ԱՄՆ-ում հավաքված 23 տոննա բեռի մի մասն արդեն ՀՀ–ում է․ «Հայփոստի» խոստումը
Զգուշացում. «Հայփոստի» անվան տակ փորձ է արվում քաղաքացիներից գումար շորթել
Մարդիկ նամակ չեն գրում. ինչո՞ւ է «Հայփոստը» բարձրացնում ծառայությունների սակագները
Արխիվային լուսանկար

ՀԷԿ–երի կորստից ֆինանսական վնասը մոտ 200 մլն դոլարի կարող է հասնել. «ՀԺ»

40
(Թարմացված է 11:25 22.01.2021)
ՀՀ տարածքային կառավարման և ենթակառուցվածքների փոխնախարարը «ՀԺ»–ի հետ զրույցում մանրամասներ է հայտնել, թե պատերազմի հետևանքով ինչ վնասներ է կրել էներգետիկ համակարգը։

ԵՐԵՎԱՆ, 22 հունվարի – Sputnik. Պատերազմի հետևանքով Արցախի էներգետիկ համակարգը կորուստներ է կրել։ «Հայկական ժամանակը» գրում է, որ ըստ Արցախից ստացված տեղեկության`36 ՀԷԿ–երից միայն 6-ն է մնացել հայկական կողմում։ Թերթը զրուցել է ՀՀ տարածքային կառավարման և ենթակառուցվածքների փոխնախարար Հակոբ Վարդանյանի հետ։

«Կարելի է ասել, որ կորցրած ՀԷԿ–երը ենթակայաններով մոտ 200 մլն դոլարի կարող են հասնել. բոլորը մասնավոր սեփականություն են եղել»,–ասել է Վարդանյանը՝ խոսելով ֆինանսական վնասի մասին։

Նա հայտնել է նաև, որ 2021-ին նախատեսված էր, որ 330 մլն կՎտժ էլեկտրաէներգիա պետք է գար Արցախից դեպի ՀՀ։ Ընդհանուր առմամբ, այս պահի դրությամբ սա միայն սակագնային խնդիր է ստեղծել Հայաստանի էներգետիկայի համար (սակագինը որոշ բաժանորդների համար ավելանում է 3 դրամով - խմբ.)։ Փոխնախարարը նշել է, որ այս տարվա համար դա պետք է ավելի թանկ սակագնով հոսանքով փոխարինվի, որովհետև այս տարի մեզ մոտ ատոմակայանն էլ է երկարաժամկետ կանգ առնելու։

«Այսօրվա պլանավորվածով մայիսի 15-ից մինչև հոկտեմբերի 2-ը կանգնում է։ Հուլիս–օգոստոս–սեպտեմբեր ամիսներին առավել լարված ու ծանր ռեժիմներ կլինեն։ Պլանավորվածի համաձայն` խնդիրներ չպետք է լինեն, բայց այդ ամիսներին սառը ռեզերվներ չենք ունենա, և հուսով ենք, որ առանց վթարների կաշխատենք ու խնդիր չի առաջանա»,–ասել է Վարդանյանը։

Խոսելով Արցախում էլեկտրաէներգիայի մատակարարման մասին` Վարդանյանը նշել է, որ այս պահի դրությամբ ցանցը գրեթե ամբողջությամբ վերականգնված է։ Նրա խոսքով` ընդհատումներ լինում են, քանի որ պատերազմից հետո վնասված կետերը կցումներով է վերականգնված, ենթակայանների մեծ մասը ռմբակոծված էր։ Նա հայտնել է, որ միայն Մարտունիում մի փոքր խնդիր կա` սնուցող գծերը մնացել են գրավված տարածքներում։ Հիմա այնտեղ փոքրիկ 10 կՎտ գծով է սնուցվում, որը չի բավարարում։ Առաջիկա 6-8 ամսվա ընթացքում նոր գիծ է կառուցվելու «Արցախէներգոյի» կողմից։

Ադրբեջանցիները եկել են Քարահունջի ՀԷԿ և տնօրենին ասել` այլևս այնտեղ չմտնի. Լուսինե Ավետյան

40
թեգերը:
Հայաստան, Արցախ, էլեկտրաէներգիա
Ըստ թեմայի
Շիրակում բնակչության տարհանման ու պատսպարման միջոցառումներ են անցկացվելու
Մի քանի ժամով էլեկտրաէներգիայի անջատումներ կլինեն Երևանում և 4 մարզում
Հայաստանում 2021-ի փետրվարից հնարավոր է`լույսը թանկանա. ինչպե՞ս կարելի էր խուսափել դրանից
ԲԿՄԱ

18-ամյա հայազգի ֆուտբոլիստը միացել է ԲԿՄԱ-ի գլխավոր թիմին

0
(Թարմացված է 23:52 22.01.2021)
Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

ԵՐԵՎԱՆ, 22 հունվարի - Sputnik. Մարզիչ Ալեքսեյ Բերեզուցկին և կիսապաշտպան Տիգրան Ավանեսյանը միացել են ԲԿՄԱ-ի հիմնական թիմին` Իսպանիայում ընթացող մարզչական հավաքին մասնակցելու համար։ Տեղեկությունը հայտնում է ակումբի թվիթերյան էջը:

Վալերի Հովհաննիսյանը կզբաղեցնի «Տամբով» ֆուտբոլային ակումբի նախագահի պաշտոնը

Հունվարի 22-ին ԲԿՄԱ-ն հայտարարեց, որ Ռուսաստանի հավաքականի նախկին խաղացող Ալեքսեյ Բերեզուցկին, որը անցյալ տարվա հունվարից ակումբում զբաղեցնում էր գլխավոր տնօրենի տեղակալի պաշտոնը, մտել է գլխավոր թիմի մարզչական շտաբ:

Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

0
թեգերը:
Ռուսաստան, հայ, ֆուտբոլիստ, ֆուտբոլ
Ըստ թեմայի
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին