ԵՐԵՎԱՆ, 6 դեկտեմբերի — Sputnik. Հայաստանը կողմ է, որ «Մեղրի ազատ տնտեսական գոտում» համագործակցության համաձայնագիր ստորագրվի Եվրասիական տնտեսական միության և Իրանի միջև, գրված է Իրանի ԱԳՆ Twitter–ի պաշտոնական էջում։
«Հայաստանը դրական է գնահատում Եվրասիական տնտեսական միության և Իրանի միջև քննարկումներն` ուղղված «Մեղրի ազատ տնտեսական գոտում» համագործակցության համաձայնագրի ստորագրմանը»,–ասված է հաղորդագրության մեջ։
⚡️ #Armenia actively supports the negotiations btwn Eurasian Economic Union (#EAEU) & #Iran aimed at signing a free trade zone agreement. MFA @Twiplomacy ➡️ https://t.co/aZXvqZARLO pic.twitter.com/aftGuipDSr
— MFA of Armenia🇦🇲 (@MFAofArmenia) 6 декабря 2017 г.
Հիշեցնենք, որ ՀՀ նախագահ Սերժ Սարգսյանը հայտարարել էր, որ Իրանը և ԵԱՏՄ–ն մոտակա ամիսներին կստորագրեն համաձայնագիր` ազատ տնտեսական գոտի ստեղծելու մասին։
Ավելի վաղ ՀՀ վարչապետ Կարեն Կարապետյանը` ելույթ ունենալով հայ-ռուսական միջտարածաշրջանային 6-րդ ֆորումի և Եվրասիական 2-րդ համաժողովի բացմանը, ասել էր, որ ԵԱՏՄ երկրները կարող են օգտագործել Հայաստանի հնարավորությունները Իրանի հետ հարաբերությունների զարգացման համար։
