ԵՐԵՎԱՆ, հուլիսի 26 – Sputnik. Հայաստանը հույս ունի մինչև տարեվերջ էլեկտրաէներգիայի արտահանման ծավալը մեծացնել 20%– ով, այսօր լրագրողներին ասաց ՀՀ էներգետիկ ենթակառուցվածքների և բնական պաշարների նախարարի տեղակալ Հայկ Հարությունյանը։
«Այս կիսամյակում համեմատած անցած կիսամյակի ունենք էլեկտրաէներգիայի արտադրության 4,9 տոկոս աճ, ներմուծումը գրեթե նույնն է մնացել` 1,8 տոկոսով է ավելացել, արտահանումը,ռեժիմների հետ կապված, մի քիչ նվազել է, բայց դա կոմպենսացվելու է մինչև տարեվերջ և մեր կանխատեսումներով մինչև տարեվերջ ունենալու ենք մինչև 20 տոկոս էլեկտրաէներգիայի արտահանման աճ», ասաց Հարությունյանը։
Այս տարի Հայաստանն արդեն Վրաստան է արտահանել մոտ 116 վատ էլեկտրաէներգիա, նույնչափ նաև ներմուծել է։ Ամռանը Հայաստանը գնում է վրացական հիդրոէլեկտրակայանների արտադրած էժան էլեկտրաէներգիայի ավելցուկը։ Ձմռանը` հակառակը, Հայաստանն է
Նրա խոսքով` հիմա աշխատում են այն ուղղությամբ, որ թիվն աճի։ Այդ հարցում շատ բան է կախված Հայաստանի օգտագործած էներգիայից։
«Այս տարի շատ ցուրտ ձմեռ էր, շատ շոգ ամառ, ինչի արդյունքում էլեկտրաէներգիայի օգտագործումն աճել է», – ասաց փոխնախարարը։
Նրա խոսքով` կա փոխշահավետ համագործակցություն Վրաստանի հետ` էլեկտրաէներգիայի փոխհոսքերի շուրջ։ Երկրներն իրարից էլեկտրաէներգիա են գնում այն շրջանում, երբ հարևան երկրի համար այն ավելի էժան է, պարզաբանեց փոխնախարարը։
Հայաստանը էլեկտրաէներգիա է արտահանել Վրաստան փետրվարին, մարտին ու ապրիլին, իսկ ներմուծել է Վրաստանից մայիսին, հունիսին ու հուլիսին։ Հոկտեմբերից Հայաստանը նորից կսկսի Վրաստանին էլեկտրաէներգիա մատակարարել։
Հիմա Հայաստանը, նրա խոսքով, էլեկտրաէներգիա է ներմուծում ոչ միայն եղանակի պատճառով, այլ նաև ատոմային էլեկտրակայանի վերանորոգման աշխատանքների հետ կապված։
«Կա փոխշահավետ համագործակցություն Վրաստանի հետ և հուսով ենք, որ շարունակական կլինի:Սա նաև լավ նախապատրաստական աշխատանք կլինի Էլեկտրահաղորդման օդային գծերի կառուցումից հետո առևտրի ընդլայնման համար, – նշեց Հարությունյանը։
Ավելի վաղ հայտնի էր դարձել, որ Վրաստանը սահմանային ենթակառուցվածքի զարգացման շրջանակում նախատեսում է մինչ 2018 թվականը կառուցել Մառնեուլի (Վրաստան) – Այրում (Հայաստան) 500–կիլովոլտանոց Էլեկտրահաղորդման օդային գիծ։
