«Տաթև» ՀԷԿ-ը

«Տաթև» ՀԷԿ-ն առ այսօր աշխատում է խորհրդային արտադրության սարքավորումներով

41
(Թարմացված է 11:55 07.08.2016)
«Տաթև» ՀԷԿ-ում պատրաստվում են տեխնիկական վերազինման: Այստեղ մինչև օրս էլեկտրաէներգիան արտադրվում է խորհրդային տարիներին արտադրված սարքավորումներով:

ԵՐԵՎԱՆ, 7 օգոստոսի-Sputnik. «Տաթև» ՀԷԿ-ի հիմնական սարքավորումներն ու տուրբինները դեռևս խորհրդային արտադրության են, ավելի կոնկրետ՝ 1968-70-ականների: ՀԷԿ-ում վերջին անգամ մասնակի վերազինման աշխատանքներ են կատարվել 2005թ.-ին: Այդուամենայնիվ, կայանի աշխատակիցներին հաջողվել է վերջին մեկ տարվա ընթացքում աշխատել առանց վթարների:

«Ֆիզիկապես և բարոյապես մեր սարքավորումներն արդեն մաշված են և ենթակա են փոփոխության: Վթարներից խուսափելն էլ ավելի շատ մարդկային ռեսուրսների հաշվին է հաջողվել»,- Sputnik Արմենիայի հարցին ի պատասխան ասաց «Տաթև» ՀԷԿ-ի պետ Արամ Յոլյանը:

 

«Տաթև» ՀԷԿ-ն ապահովում է Որոտանի հիդրոկասկադի արտադրության 60 տոկոսը: Ուստի, ՀՀ էներգետիկայի և բնական պաշարների փոխնախարար Հայկ Հարությունյանի խոսքով, ՀՀ էներգետիկ համակարգի համար առանձնահատուկ նշանակություն ունեցող այս համալիրի արդիականացման ծրագիրն այսօր կառավարությունում ռազմավարական ծրագիր են համարում:

Гидроэлектростанция в Татеве
© Sputnik/ Nelli Danielyan
«Տաթև» ՀԷԿ-ը

«Որոտանի հիդրոկասկադի ընդհանուր արտադրողականությունը տարեկան մեկ մլրդ ԿՎտ/ ժամ է: Եղել են տարիներ, երբ 1.310 մլդ-ի է հասել, եղել են նաև տարիներ, երբ 0.780-0.800 մլրդ ենք ունեցել: Այս տարի նախատեսում ենք շուրջ 1.050 մլրդ ԿՎտ/ ժամ արտադրողականություն ապահովել»,- ասաց փոխնախարարը՝ հույս հայտնելով, որ վերազինման ծրագրերի իրականացման ու ջրառատ տարիների շնորհիվ հաջորդ տարի արտադրությունը կգերազանցի նաև այդ ցուցանիշը:

Гидроэлектростанция в Татеве
© Sputnik/ Nelli Danielyan
«Տաթև» ՀԷԿ-ը

«Տաթև» ՀԷԿ-ի նոր սեփականատեր Համաշխարհային բանկի խմբի անդամ Միջազգային ֆինանսական կորպորացիան, որը միայն մեկ տարի առաջ է ձեռք բերել Որոտանի հիդրոկասկադը, «Տաթև» ՀԷԿ-ի վերազնիման ու արդիականացման համար շուրջ 52 մլն եվրոյի սարքավորումներ ձեռք բերելու ծրագիր է ներկայացրել, որի իրականացման արդյունքում էլ նախատեսվում է էլ ավելի բարելավել արտադարական ցուցանիշները:

41