Годовое общее собрание акционеров компании Газпром

«Գազպրոմի» ներդրումները Հայաստանի ԳՏՀ–ում 5 տարում կարող են աճել 60 մլն դոլարով

11
(Թարմացված է 11:37 08.09.2015)
Առաջիկա հինգ տարիներին «Գազպրոմ» ԲԲԸ–ն Հայաստանի գազատրանսպորտային համակարգի զարգացման ներդրումները կարող է ավելացնել 60 միլիոն դոլարով։ Սկսած 2006 թվականից` ներդրումների գումարը կազմել է 200 միլիոն դոլար

ԵՐԵՎԱՆ, 8 սեպտեմբերի — Sputnik. «Գազպրոմ» ԲԲԸ ներդրումները Հայաստանի գազատրանսպորտային համակարգի զարգացման գործում առաջիկա հինգ տարիներին ծրագրվում է ավելացնել 60 միլիոն դոլարով, ասվում է Հայաստանի նախագահ Սերժ Սարգսյանի` ՌԴ կատարած աշխատանքային այցին կից նյութերում։ 

«Գազպրոմ» ռուսական հոլդինգի ներդրումները Հայաստանի գազատրանսպորտային համակարգի զարգացման գործում 2006 թվականից կազմել են 200 միլիոն դոլար, ծրագրված է դրանք հինգ տարում ավելացնել ևս 60 միլիոն դոլարով»,– նշվում է նյութերում։

ՌԴ նախագահ Վլադիմիր Պուտինը երկուշաբթի հանդիպել է Սարգսյանի հետ։ Զրույցի սկզբում նա առաջարկել է քննարկել առևտրատնտեսական գործակցության հարցեր։

«Գազպրոմ Արմենիան» ռուսական «Գազպրոմի» հարյուր տոկոսանոց դուստև ընկերությունն է, մենաշնորհային է Հայաստանի ներքին շուկայում` Վրաստանով ստացվող ռուսական գազի մատակարարման և բաշխման ոլորտում։

11