Հայաստանի խորհրդարանն արտահերթ նիստում կքննարկի ՌԴ–ի հետ վարկային համաձայնագրի վավերացումը

ԵՐԵՎԱՆ, 30 հունիսի — Sputnik. Հայաստանի խորհրդարանն առաջարկել է հուլիսի 2-ին` ժամը 12:00-ին, հրավիրել ԱԺ–ի արտահերթ նիստ` հայկական կողմին պետական արտահանման վարկ տրամադրելու մասին հայ–ռուսական միջկառավարական համաձայնագրի վավերացման հարցով։

«Ուզում եմ հիշեցնել, որ այս համաձայնագիրը վերաբերում է միայն ռազմա–տեխնիկական համագործակցությանը», – կառավարության մամուլի ծառայությունից մեջբերել  են ՀՀ կառավարության աշխատակազմի ղեկավար–նախարար Դավիթ Հարությունյանի խոսքերը։

Ուրբաթ օրը ՀՀ նախագահ Սերժ Սարգսյանի և ՌԴ տրանսպորտի նախարար, միջկառավարական հանձնաժողովի համանախագահ Մաքսիմ Սոկոլովի  հանդիպման արդյունքում հայտարարվել էր Ռուսաստանի կողմից Հայաստանին 200 մլն. դոլար վարկ տրամադրելու որոշման մասին` մեծաքանակ նոր տեսակի սպառազինություն գնելու համար։ —0-