Տիգրան Համասյան, երաժիշտ. մրցույթ, մրցանակ, hamasyan, erajisht, mrcanak
Տիգրան Համասյան

Տիգրան Համասյանը միջազգային հեղինակավոր մրցույթում 2 մրցանակի է արժանացել

57
(Թարմացված է 21:51 04.06.2021)
Համասյանը շնորհավորել է բոլոր այն տաղանդավոր երաժիշտներին, որոնք իր հետ միասին առաջադրվել ու մրցանակի են արժանացել մրցույթում։

ԵՐԵՎԱՆ, 4 հունիսի - Sputnik. Անվանի ջազ երաժիշտ, դաշնակահար Տիգրան Համասյանը միջազգային «Deutscher Jazzpreis» մրցույթում 2 մրցանակի է արժանացել։

Այս մասին Facebook-ի իր էջում հայտնել է Հայաստանի Հանրային հեռուստաընկերության գլխավոր պրոդյուսեր Տիգրան Վիրավյանը։

«Ինձ համար մեծ պատիվ է երկու մրցանակ ստանալ «Deutscher Jazzpreis»-ից՝ իմ վերջին՝ «The Call Within» ալբոմի համար՝ «Տարվա արտիստ, միջազգային» և «Դաշնամուր/ստեղնաշար» անվանակարգերում»,– իր էջում գրել է Համասյանը։

Նա նաև շնորհակալություն է հայտնել «Deutscher Jazzpreis» մրցույթի կազմակերպիչներին ու ժյուրիի անդամներին։ Ինչպես նաև շնորհավորել է բոլոր այն տաղանդավոր երաժիշտներին, որոնք իր հետ միասին առաջադրվել ու մրցանակի են արժանացել մրցույթում։

Տիգրան Համասյանը ծնվել է Գյումրիում, 1987 թվականին։ Դեռ մանկուց` 7 տարեկանից տարվել է ջազով։ Հետագայում Տիգրանի ծնողները տեղափոխվել են Երևան, ինչն ավելի մեծ հնարավորություն է ստեղծել նրա համար` զբաղվելու երաժշտությամբ։

Փառատոններից մեկի ժամանակ ֆրանսիահայ ջազ–դաշնակահար Ստեփան Կոչոյանը այնքան է տպավորվել տաղանդաշատ պատանու կատարմամբ, որ հաջորդ տարի նրան հրավիրել է Ֆրանսիա՝ մասնակցելու համերգների։ Այսպես Համասյանի առջև բացվում են համաշխարհային արվեստի դռները։

2006 թվականին մասնակցել է «Թելոնիոս Մանք ջազ» դաշնամուրային մրցույթին՝ Հերբի Հենքոքի ղեկավարությամբ։
2011 թվականին թողարկվել է նրա առաջին ալբոմը՝ «Ֆեյբլ», «Յունիվերսալի» համար, որը ձայնագրվել է Փարիզում։ Այն վաճառվել է երեսուն հազար օրինակով։ Ալբոմը 2011 թվականին ստացել է «Ֆրանսիական Գրեմմի» մրցանակը։

Տիգրանն այժմ բնակվում է Ամերիկայի Միացյալ Նահանգներում ու հանդես է գալիս համերգներով աշխարհի տարբեր երկրներում։

2009թ.-ին Տիգրան Համասյանը պաշտոնական համերգով այցելել էր Երևան, որտեղ դուետով ներկայացել էր դուդահար և վոկալիստ Դաֆեր Յուսեֆի հետ:

Համասյանն առաջիններից էր, որ աշխարհին տեղեկացրեց Շուշիի Ղազանչեցոց եկեղեցու հրետակոծության մասին` այն անվանելով մշակութային զտման հերթական փորձ։

57
թեգերը:
Հայաստան, երաժիշտ, մրցանակ, Տիգրան Համասյան
Ըստ թեմայի
Ում է կարոտում օրիորդը. Գյումրու Ձիթողցյանների տան գաղտնիքները. լուսանկարներ
Հետ չմնալով Լուվրից ու Էրմիտաժից. Ձիթողցյանների տունը համալրվեց աուդիոգիդ համակարգով
Մանկության երազանք. Տիգրան Ձիթողցյանի կտավով ազդագիրը հայտնվել է Նյու Յորքի կենտրոնում
Տիգրան Մանսուրյան

Մանսուրյանի «Քավարանը». հայ դասականը դիմել է իտալացի դասականին

52
(Թարմացված է 15:58 24.06.2021)
Անվանի հայ կոմպոզիտոր Տիգրան Մանսուրյանի նոր ստեղծագործության պրեմիերան տեղի կունենա Իտալիայում` Դանթե Ալիգիերիի 700-ամյակին նվիրված հեղինակավոր փառատոնի շրջանակում։

ԵՐԵՎԱՆ, 24 հունիսի – Sputnik. Հայաստանի պետական կամերային երգչախումբը իտալացի մեծ դիրիժոր Ռիկարդո Մուտիի ղեկավարությամբ գործող սիմֆոնիկ նվագախմբի հետ Ռավեննայում կայանալիք փառատոնին կկատարեն  Տիգրան Մանսուրյանի նոր ստեղծագործությունը։

Կորոնավիրուսի համավարակի դեմ պայքարի հետ կապված սահմանափակումների պատճառով երկարատև լռությունից հետո Իտալիայում այս տարի վերականգնվում են երաժշտական միջոցառումները։  Ադրիատիկ ծովի ափին` Ռավեննա քաղաքում, հուլիսին 31-րդ անգամ կկայանա օպերային և սիմֆոնիկ երաժշտության Եվրոպայի ամենահեղինակավոր փառատոներից մեկը։ Այս անգամ փառատոնը նվիրված կլինի իտալացի մեծ բանաստեղծ, մտածող, աստվածաբան և գրական իտալերենի հիմնադիրներից մեկի` Դանթե Ալիգիերիի 700-ամյակին։

Կազմակերպիչների պնդմամբ` փառատոնը կբացվի Վոլֆգանգ Ամադեուս Մոցարտի 41-րդ դո մաժոր սիմֆոնիայի (ավելի հայտնի է որպես «Յուպիտեր») հանդիսավոր և հիասքանչ կատարմամբ։

Սա կլինի առաջին մեծ երաժշտական միջոցառումը, որն ամռանը կգրավի տասնյակ հազարավոր հանդիսատեսների ամբողջ աշխարհից։

«Կերգենք դասականների մի շարք ստեղծագործություններ, որոնց թվում է նաև մեր դասական Տիգրան Մանսուրյանը իր նոր հիասքանչ աշխատանքով։ Աշնանը նոր ելույթներ են սպասվում ինչպես Իտալիայում, այնպես էլ Երևանում` նույն կազմով։ Մուտիից հանճարեղից բացի՝ այլ բան ակնկալել չարժե։ Ուրախ ենք, որ նա մեզ նկատեց, ցանկացավ համագործակցել, և կրկնակի ուրախ ենք մաեստրո Մանսուրյանի համար, ով շարունակում է մեր ազգը ներկայացնել ամբողջ աշխարհում ամենաբարձր մակարդակով»,- ասաց Հայաստանի պետական կամերային երգչախմբի գեղարվեստական ղեկավար և դիրիժոր Ռոբերտ Մլքեյանը։

«Կաֆկայի երազը» հայկական անիմացիոն ֆիլմն ընդգրկվել է Հելսինկիի միջազգային փառատոնում

Տիգրան Մանսուրյանն իր հերթին ընդգծեց ինչպես փառատոնի, այնպես էլ Դանթեի և նրա «Աստվածային կատակերգության» կարևորությունը։

«Ինչպես գիտեք, Դանթեի ստեղծագործությունը բաղկացած է երեք մասից. «Դրախտ», «Քավարան» և «Դժոխք», փառատոնի ղեկավարությունն ինձ խնդրեց երաժշտություն գրել «Քավարանի» համար։ Մաեստրո Մուտին ցանկություն հայտնեց ներկայացնել  այդ ստեղծագործությունը ինչպես Իտալիայում, այնպես էլ Երևանում, ինչը շատ է ինձ ուրախացնում», – ասաց Մանսուրյանը։

Մանսուրյանն ու Մլքեյանը համագործակցում են ավելի քան 30 տարի, սակայն Ռավեննայի փառատոնում Մուտիի նվագախմբի հետ համատեղ ելույթը կլինի առաջին անգամ։

52
թեգերը:
փառատոն, Իտալիա, Տիգրան Մանսուրյան
Ըստ թեմայի
Մեծն Արամ Խաչատրյանը, որ չէր թողնում երևանցիներին գիշերը քնել
Գիտնականներն ասել են` ինչու է ուղեղը հիշում կպչուն մեղեդիները
Հայ-ճապոնական արմատներով մոդելը ԱՄՆ–ում աստղ է դարձել և քարոզում է Կոմիտասի երաժշտությունը
Կոնստանտին Օրբելյան

Կոնստանտին Օրբելյանը կշարունակի՞ ղեկավարել օպերայի թատրոնը. մաեստրոն փակագծեր է բացել

152
(Թարմացված է 20:01 19.06.2021)
Մաեստրոն ասում է, որ Երևանի օպերային թատրոնի ստեղծագործական գործունեության համար պետք է բարենպաստ պայմաններ ստեղծվեն: Նա նախատեսում է թատրոնի ստեղծագործական կյանքում ներգրավել արտերկրում աշխատող հայ արտիստներին։

ԵՐԵՎԱՆ, 19 հունիսի – Sputnik. Օպերայի և բալետի ազգային ակադեմիական թատրոնի տնօրեն և գեղարվեստական ղեկավար Կոնստանտին Օրբելյանը Հայաստան կվերադառնա հունիսի վերջին: Այդ ժամանակ էլ կորոշվի՝ նա կմնա ներկայիս պաշտոնում, թե կհեռանա պաշտոնից։

Ավելի վաղ հայտնի էր դարձել, որ Օրբելյանը նշանակվել է Նյու Յորքի քաղաքային օպերայի երաժշտական տնօրեն և գլխավոր դիրիժոր ու հիմա գտնվում է ԱՄՆ-ում:

Sputnik Արմենիայի հետ զրույցում մաեստրոն նշեց, որ նոր նշանակումն իր համար մասնագիտական գործունեության ևս մեկ կարևոր փուլ է դարձել, որը պատասխանատու և ստեղծագործական ներդրում է պահանջում: Օրբելյանն ընդգծեց, որ իր համար մեծ պատիվ է ստանձնել այդ աշխատանքը։ Նա վստահ է, որ ստեղծագործական մեծ կոլեկտիվի հետ կկարողանա նոր բարձունքների հասնել։

«Հայրենիքում իմ հետագա գործունեության հետ կապված շատ հարցեր պարզ կդառնան որոշ ժամանակ անց, բայց վստահեցնում եմ ձեզ, որ ստեղծագործական գործունեության ընթացքում համատեղելիությունը շատ առումներով կարող է օգտակար լինել ավելի մեծ արդյունքների հասնելու համար»,-ասաց Օրբելյանը։

Նրա խոսքով՝ համատեղումը շատ գործնական և լայնորեն կիրառվող տարբերակ է միջազգային պրակտիկայում։ Դիրիժորը հորդորեց սպասել երկրում ընթացող իրադարձությունների զարգացմանը (ընտրությունների արդյունքներին. խմբ.), ինչպես նաև կրթության, գիտության, մշակույթի և սպորտի նախարարության արձագանքին ու առաջարկություններին՝ իր հետագա գործունեության հետ կապված:

Օրբելյանն ընդգծեց, որ Երևանի օպերային թատրոնում աշխատելու ընթացքում իրեն հաջողվել է տասնյակ լայնածավալ նախագծեր իրականացնել: Սակայն հանգամանքների բերումով շատ նախագծեր անավարտ են մնացել։

«Սկզբում մեր գործունեությանը խանգարեց բոլորին հայտնի նախարարի պաշտոնակատարը, չնայած որ նա իր առջև միանգամայն այլ նպատակներ պետք է դներ։ Հետո՝ համավարակը, պատերազմը»,-ավելացրեց նա։

Թատրոնի թատերախումբը փորձում էր փոխել իր գործունեության ձևաչափը, և պատերազմի ժամանակ նրանք փորձում էին հնարավորինս օգտակար լինել ռազմաճակատի համար։ Օրբելյանը խոստովանեց, որ մտահղացումներն ամբողջությամբ իրականացնել չի հաջողվել, միաժամանակ հույս հայտնեց, որ կկարողանա ավարտել սկսածը:

Նրա խոսքով` թատրոնը նոր ներկայացումների կարիք ունի, եղածներից մի քանիսն էլ պետք է նորից բեմադրել։ Օպերային բեմադրությունների ոլորտը ենթադրում է աշխատանքների 3-5 տարվա պլանավորում, սակայն հիմա դա գրեթե անհնար է դարձել, քանի որ շատ բան կախված է երկրում տեղի ունեցող իրադարձություններից։

Օրբելյանը պարզաբանեց, որ երկիրն առայժմ անցումային փուլում է, ուստի շատ հարցեր դեռ պարզ չեն: Չնայած դրան՝ 2020 թ․-ից թատրոնը փորձում է գործունեությունը պլանավորել այնպես, որ ժամանակին համընթաց ընթանա։

«Վերջերս մենք առաջնախաղ ունեցանք, և եթե ամեն բան լավ լինի, մենք կկարողանանք իրագործել անավարտ ծրագրերը։ Շատ պլաններ կան, իսկապես շատ աշխատանք կա, պարզապես պետք է բարենպաստ մթնոլորտ լինի, և այդ դեպքում մենք ամեն ինչ կանենք, որ հանրությունը շարունակի բարձրագույն էսթետիկ հաճույք ստանալ Երևանի օպերայի և բալետի թատրոնում»,-ասաց դիրիժորը։

Նա նախատեսում է թատրոնի ստեղծագործական աշխատանքում ներգրավել արտերկրում աշխատող հայ արտիստներին։

Մաեստրոն կարծում է, որ Երևանի օպերային թատրոնը աշխարհի միակ ստեղծագործական օջախն է, որը պարտավոր է միավորել ամբողջ աշխարհի հայերի գեղարվեստական ներուժը, հօգուտ Հայաստանի օգտագործել օպերայի, բալետի արտիստների, կոմպոզիտորների, դիրիժորների հնարավորությունները։

Ինչ վերաբերում է այն հարցին, թե երբ կվերադառնա Երևան, Օրբելյանը պարզաբանեց, որ մեծ հույս ունի Երևանում լինել հունիսի վերջին։

Հիշեցնենք՝ Օրբելյանի լիազորությունները որպես թատրոնի տնօրեն դադարեցվել էին 2019թ․-ի մարտի 29-ին՝ այն ժամանակվա մշակույթի նախարարի ժ․պ․ Նազենի Ղարիբյանի որոշմամբ, ինչն առաջացրել էր թատրոնի աշխատակիցների և շարքային քաղաքացիների դժգոհությունը։ Ընդ որում՝ Օրբելյանը շարունակում էր մնալ թատրոնի գեղարվեստական ղեկավար։ 2020թ․-ի փետրվարին նրան վերականգնեցին տնօրենի պաշտոնում, սակայն դրանից հետո նա հեռացավ Հայաստանից։

Կոնստանտին Օրբելյանը շահել է դատն ընդդեմ ԿԳՄՍ նախարարության

152
թեգերը:
Օպերայի և բալետի ազգային ակադեմիական թատրոն, Կոնստանտին Օրբելյան, Հայաստան
Ըստ թեմայի
«Կգրկեմ ու կհամբուրեմ Նազենի Ղարիբյանին». Օրբելյան
«Օրբելյանը փողը չի՞ տվել». ինչո՞ւ է Օպերային թատրոնի երգչախումբը վրդովված
Կվերադառնա «աշխարհի միակ թատրոն»․ Օրբելյանի անկեղծ պատասխանները «վատ հարցերին»

Մոսկվայում աշխատողների 30 տոկոսին ուղարկում են հեռավար աշխատանքի

0
(Թարմացված է 16:30 25.06.2021)
Մոսկվայի քաղաքապետի պահանջները խախտողները վարչական պատասխանատվության կենթարկվեն։

ԵՐԵՎԱՆ, 25 հունիսի - Sputnik. Մոսկվայի գործատուները հունիսի 28-ից պարտավոր են լինելու հեռավար աշխատանքի տեղափոխել աշխատողների մի մասին: Այդ մասին ասված է Մոսկվայի քաղաքապետ Սերգեյ Սոբյանինի հրամանագրում, որը հրապարակվել է Մոսկվայի քաղաքապետի կայքում։

«2021 թվականի հունիսի 28-ից գործատուները պարտավոր են աշխատանքի հեռավար ռեժիմի տեղափոխել աշխատողների առնվազն 30 տոկոսին», - ասված է փաստաթղթում:

Այս պահանջը խախտած գործատուները կենթարկվեն վարչական պատասխանատվության։

 

0