Շուշիի Սուրբ Ղազանչեցոց եկեղեցին գնդակոծությունից հետո

«Հարցը ՅՈւՆԵՍԿՕ–ի դաշտում է». Վահրամ Դումանյանը` հայկական հուշարձանների ճակատագրի մասին

37
(Թարմացված է 17:49 31.03.2021)
ՀՀ ԿԳՄՍ նախարարը շեշտեց` շուրջ 4000 հայկական մշակութային արժեքների պահպանությունը բավական կարևոր է, քանի որ դրանք նաև համամարդկային արժեքներ են։

ԵՐԵՎԱՆ, 31 մարտի - Sputnik. Ադրբեջանի վերահսկողության ներքո գտնվող հուշարձանների ճակատագրի հարցը ԿԳՄՍ նախարարության առաջնային խնդիրն է։ Նախարար Վահրամ Դումանյանն այսօր կայացած մամուլի ասուլիսի ժամանակ այս մասին ասաց` տեղեկացնելով` ի՞նչ քայլեր են անում, բացի մտահոգվելուց։

«Ադրբեջանի վերահսկողության ներքո անցած հուշարձանների ճակատագրի հարցերով մենք համագործակցում ենք ՀՀ արտաքին գործերի նախարարության հետ։ Բացի այս, քննարկում ենք նաև ինչ անել, որպեսզի միջազգային հանրության ուշադրությունն ավելի շատ սևեռենք այդ խնդրի վրա։ Պետք է ասեմ, որ այդ հարցը գտնվում է ՅՈւՆԵՍԿՕ–ի դաշտում, սակայն ՅՈւՆԵՍԿՕ–ն ինքն էլ խնդիրներ ունի այս առումով»,–ասաց Դումանյանը։

Նրա խոսքով` նախարարությունում մի շարք երկրների դեսպանների հետ հանդիպման ժամանակ կարմիր թելի նման հայկական հուշարձանների խահպանության խնդիրն է բարձրաձայնվում։

Դումանյանը շեշտեց` շուրջ 4000 հայկական մշակութային արժեքների պահպանությունը բավական կարևոր է, քանի որ դրանք նաև համամարդկային արժեքներ են։

ԿԳՄՍ փոխնախարար Արա Խզմալյանն էլ հավելեց, որ այն, ինչ տեղի է ունենում գրավված տարածքներում հայկական հուշարձանների հետ, ողբերգություն է։ Սակայն այն, ինչ տեղի է ունենում մեր երկրում` մեր իսկ հայրենակիցների ձեռքերով, ուղղակի որակավորում չունի։

Խզմալյանը շեշտեց` մեր իսկ երկրի ներսում հուշարձանների պղծումը պետք է դառնա հանրության կողմից պախարակման առարկա։ Նշենք, որ օրերս մի շարք հուշարձաններ պղծվեցին. մասնավորապես, գողացել էին Լրագրողի արձանը, Շուշանիկ Կուրղինյանի կիսանդրին, պղծել հայ–հրեա ժողովուրդների ցեղասպանություններին նվիրված հուշակոթողը։

Հիշեցնենք` մարտի 25-ին հայտնի դարձավ, որ ադրբեջանցիները գետնին են հավասարեցրել Մեխակավանի (Ջաբրայիլ) Զորավոր Սուրբ Աստվածածին եկեղեցին։ Ադրբեջանի ԱԳՆ-ն, արձագանքելով հայկական եկեղեցու ավերման մասին բացահայտող տեսանյութին, հայտարարեց, թե մատուռն ապօրինի կառուցվել 1993-ից հետո, ուստի չի կարող Ջաբրայիլի մշակույթի պատմության մաս համարվել:

Ավելի վաղ Ադրբեջանն ավերել էր նաև Շուշի քաղաքի` ավելի քան 200 տարվա պատմություն ունեցող Սուրբ Հովհաննես Մկրտիչ եկեղեցին (Կանաչ ժամ), որի վերաբերյալ, թեևս, որևէ արդարացում չգտնելով, որոշել էր լռություն պահպանել:

«Աշխարհը պետք է կանգնեցնի Ադրբեջանին». Շուշիում ևս մեկ հուշակոթող է գետնին հավասարեցվել

37
թեգերը:
Հուշարձան, Արցախ, ՅՈՒՆԵՍԿՕ, Եկեղեցի
Ըստ թեմայի
ՅՈՒՆԵՍԿՕ-ն մտադիր է հնարավորինս սեղմ ժամկետում առաքելություն ուղարկել Արցախ
Ջուղայի խաչքարերի ճակատագիրը չկրկնվի. Դավիթ Բաբայանը դիմել է ՄԱԿ–ին ու ՅՈւՆԵՍԿՕ–ին
Արա Այվազյանն Արցախի հուշարձանների հարցը քննարկել է ՅՈՒՆԵՍԿՕ-ի գլխավոր տնօրենի հետ
Շուշիի սուրբ Ղազանչեցոց եկեղեցի

Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը

67
(Թարմացված է 12:54 19.04.2021)
Ցուցահանդեսի բացմանը կմասնակցեն Ցեղասպանության միջոցառումներին մասնակցելու նպատակով Հայաստան ժամանած դիվանագիտական պատվիրակությունները։

ԵՐԵՎԱՆ, 19 ապրիլի – Sputnik. Հայոց ցեղասպանության 106-րդ տարելիցին ընդառաջ ՀՀ ԱԳՆ–ն կազմակերպում է Արցախում վտանգված հայկական մշակութային ժառանգության ցուցադրություն։

Լուսանկարների ցուցահանդեսը կրելու է «Վտանգված ժառանգություն» խորագիրը և ներկայացված է լինելու Երևանի քաղաքապետարանի նախասրահում։ Մուտքը ազատ է լինելու` Երևանի պատմության թանգարանի մուտքի կողմից։

Ինչպես այսօր հրավիրված մամուլի ասուլիսում հայտնեց ՀՀ ԱԳ նախարարի խորհրդական Մարթա Այվազյանը, ցուցահանդեսի բացմանը կմասնակցեն Ցեղասպանության միջոցառումներին մասնակցելու նպատակով Հայաստան ժամանած դիվանագիտական պատվիրակությունները։

«Ցուցադրվելու են 100-ից ավելի լուսանկարներ, գրքեր` տպագրված ու մանրանկարազարդված Շուշիում, ձեռագործ կոթողներ` գորգեր, կարպետներ, որոնք ցույց են տալու մեր հարուստ ժառանգությունը, որն այժմ վտանգված է, և այդ երևույթը կոչվում է մշակութային ցեղասպանություն»,– ասաց Այվազյանը։

Կտավ եմ պատվիրել` Ղազանչեցոց վանքը, որ Շուշիի մեր տանը կախենք. զրույց մայոր Իսախանյանի հետ

Ցուցահանդեսը բաց է լինելու ապրիլի 21-ից մինչև մայիսի 2-ը։

67
թեգերը:
ցուցադրություն, մշակույթ, Շուշի, Հայոց ցեղասպանություն
Ըստ թեմայի
4000 հայկական վանքեր և մշակութային հուշարձաններ գտնվում են ոչնչացման վտանգի տակ. Դումանյան
Զախարովան մեկնաբանել է Բաքվի կողմից հայկական մշակութային ժառանգության ոչնչացման դեպքերը
Արցախի ՄԻՊ–ն Ամարասից դիմել է միջազգային կառույցներին` փրկելու հայկական դարավոր մշակույթը
«Սա–նրանից–հին» խորագրով ցուցահանդեսի ցուցանմուշներ

Սանահինի ու Հաղպատի գաղտնիքները կներկայացվեն բացառիկ ցուցադրությամբ

54
(Թարմացված է 20:00 17.04.2021)
Ազգային պատկերասրահում Արշակ Ֆեթվաճյանի` Լուվրում և Լոնդոնում ցուցադրված գործերը կներկայացվեն առաջին անգամ։

ԵՐԵՎԱՆ, 17 ապրիլի - Sputnik. Հուշարձանների և տեսարժան վայրերի միջազգային օրվան նվիրված ապրիլի 20-ի Հայաստանի ազգային պատկերասրահում կբացվի «Սա–նրանից–հին» խորագրով ցուցահանդես, որի հիմնական թեմաներն են Հաղպատի և Սանահինի վանքերը: Տեղեկանում ենք պատկերասրահի ֆեյսբուքյան էջից։

Подготовительные работы выставки Одна другой древнее в Национальной картинной галерее Армении, посвященной Международному дню памятников и достопримечательностей
«Սա–նրանից–հին» խորագրով ցուցահանդեսի ցուցանմուշներ

Ըստ ավանդության, Սանահին (Սա-նրանից-հին կամ Սա-քան-զնա-հին) է կոչվել Հաղպատից ավելի հին վանքը:

Ցուցադրության հիմնական մասն են կազմում Արշակ Ֆեթվաճյանի՝ Արևմտյան և Արևելյան Հայաստանում 1900-1919 թթ. շրջագայությունների ընթացքում բացառիկ ճշգրտությամբ ստեղծված՝ հայկական եկեղեցիների ու տաճարների ճարտարապետական մանրամասների և զարդաքանդակների անկրկնելի մատիտանկար-վավերագրերը:

Подготовительные работы выставки Одна другой древнее в Национальной картинной галерее Армении, посвященной Международному дню памятников и достопримечательностей
«Սա–նրանից–հին» խորագրով ցուցահանդեսի ցուցանմուշներ

Դեռևս 1920–1922 թթ. Լուվրի Դեկորատիվ արվեստների և Լոնդոնի հանրահայտ Վիկտորիայի և Ալբերտի թանգարաններում, բրիտանական Ճարտարապետների արքայական ակադեմիայի ինստիտուտում և այլուր ցուցադրված ու «հայտնություն դարձած» ճարտարապետական այս գծանկարներն Հայաստանում կցուցադրվեն առաջին անգամ։ Մատիտանկարները ներկայացնում են վանական հայտնի համալիրների սյուներն ու խոյակները, զարդագոտիներն ու որմնազարդերը, վարդակներն ու լուսամուտները:

Կներկայացվի նաև Փարաջանովի հանրահայտ «Նռան գույնը» ֆիլմի վերջնական տարբերակ չմտած կադրերն ամփոփող եզակի ինստալացիան:

Դոնի Ռոստովի թանգարաններից մեկում Հայոց ցեղասպանությանը նվիրված ցուցադրություն կբացվի

Ցուցահանդեսի բացմանը կնախորդի Հայաստանի ազգային կինոկենտրոնի և Հայաստանի ազգային պատկերասրահի միջև համագործակցության հուշագրի ստորագրումը։ Իսկ թե ինչ հուշագրի մասին է խոսքը` մանրամասներ առայժմ չեն հաղորդում։

Նշենք, որ Հուշարձանների և տեսարժան վայրերի միջազգային օրն ապրիլի 18-ին է նշվում։

54
թեգերը:
Լուվր, Լոնդոն, Հաղպատ, Սանահին, Հայաստանի ազգային պատկերասրահ, ցուցադրություն
Ըստ թեմայի
Հետանկախության արվեստի միտումները. «ՀԱՅԱՐՏ»-ից` «Գաֆեսճեան»
Կտավի ու նյութի փոխարեն գյումրեցի արվեստագետը ջինս է օգտագործում
Հին արհեստի նոր լեզուն. գյումրեցի արվեստագետի թաղիքագործական ձեռքբերումները
Սեպտեմբերի 1

ԿԳՄՍՆ–ն հրապարակել է առաջին դասարանցիների հայտագրման հաջորդական քայլերն ու ժամկետները

4
(Թարմացված է 15:53 22.04.2021)
Յուրաքանչյուր ծնող աշխարհի ցանկացած վայրից կարող է իր երեխային առցանց համակարգով գրանցել պետական հանրակրթական դպրոցներում։

ԵՐԵՎԱՆ, 22 ապրիլի – Sputnik. 2021-22 ուսումնական տարում առաջին դասարանցիների ընդունելությունը ՀՀ պետական հանրակրթական այն դպրոցներում, որոնք տվյալ բնակավայրում միակը չեն, կրկին կատարվելու է hayt.emis.am առցանց համակարգի միջոցով։ Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը և ներկայացնում հայտագրման փուլերը։

1-ին փուլ

Մայիսի 3-ին՝ առավոտյան ժամը 9:00-ից սկսած, ծնողներն իրենց անձնական տվյալների առկայությունն ու ճշգրտությունը պետք է ստուգեն՝ մուտք գործելով stugum.emis.am կայք։ Այդտեղ բացվում է երկու դաշտ, որոնցում պետք է մուտքագրվի ծնողի և երեխայի հանրային ծառայությունների համարանիշը: Եթե ծնողը մուտքագրել է հանրային ծառայությունների համարանիշը, սակայն ստացել է պատասխան` «Համակարգը չի հայտնաբերել ծնող-երեխա կապը» (որն ավտոմատ պետք է բերվեր Քաղաքացիական կացության ակտերի գրանցման գործակալության տվյալների բազայից), ապա ծնողին կառաջարկվի կայքում համապատասխան կոճակին սեղմելու միջոցով տվյալները փոխանցել ՔԿԱԳ, որպեսզի դրանք թվայնացվեն։

2-րդ փուլ

Հունիսի 1-ից՝ ժամը 9։00-ից սկսած, hayt.emis.am կայքում կմեկնարկի բուն հայտագրման գործընթացը՝ ըստ սահմանված առաջնահերթության։

Հունիսի 1-10-ն ընկած ժամանակահատվածում կհերթագրվեն հետևյալ հայտատուները՝

  • 1-ին դասարան գնացող երեխայի ծնողներից մեկը տվյալ դպրոցի աշխատակից է,
  • 1-ին դասարան գնացող երեխան ունի տվյալ դպրոցում արդեն սովորող հարազատ քույր կամ եղբայր:

3-րդ փուլ

Հունիսի 11-ից՝ ժամը 9։00-ից սկսած, կկարողանան գրանցվել նրանք, ովքեր չեն համապատասխանում վերոնշյալ երկու կետերին: Համապատասխան դպրոցում լիցենզիայով սահմանված տեղերը լրանալուց հետո առցանց համակարգը տվյալ դպրոցում գրանցման հնարավորություն չի տալիս: Միաժամանակ քաղաքացին կարող է համակարգի միջոցով խմբագրում կատարել իր ներկայացրած հայտում` փոխելով ընտրած դպրոցը և հայտագրելով այլ հանրակրթական դպրոց:

Հունիսի 11-ից համակարգը բաց է լինելու ողջ ուսումնական տարվա ընթացքում։

Ի՞նչ անել, եթե գտնվում եք արտերկրում

Յուրաքանչյուր ծնող աշխարհի ցանկացած վայրից կարող է իր երեխային առցանց համակարգով գրանցել պետական հանրակրթական դպրոցներում` առաջին դասարան հաճախելու համար. համակարգը բոլորի համար ապահովում է մեկնարկային հավասար պայմաններ:

Եթե ունեք անհրաժեշտ փաստաթղթեր, ապա կարող եք գրանցվել նաև արտերկրից, իսկ եթե փաստաթղթերի, մասնավորապես հանրային ծառայության համարանիշ ստանալու խնդիր ունեք, ապա գործընթացը կարող եք կազմակերպել լիազորագրով` անձնագրի և ծննդյան վկայականի նոտարական վավերացմամբ պատճենների առկայությամբ: Հայաստանում գտնվող օտարերկրյա քաղաքացիների ու նրանց երեխաների համար նույնպես հանրային ծառայությունների համարանիշը պարտադիր է․ այն տրամադրվում է անձնագրային բաժիններում հաշվառվելու դեպքում:

Հայաստանում «բեյբի բում» չի՞ լինի. նախարարի խորհրդականն ասաց` ինչ ծրագրեր են սպասվում

4
թեգերը:
Կրթության, գիտության, մշակույթի և սպորտի նախարարություն (ԿԳՄՍ), դպրոց, Հայաստան