Անակնկալ արդյունք. հայազգի ջութակահարուհին` Իսպանիայի միջազգային մրցույթի դափնեկիր
ԵՐԵՎԱՆ, 6 մարտի - Sputnik. Ուկրաինայի Կրամատորսկ քաղաքից (Դոնեցկի մարզ) ջութակահար Կարոլինա Վանոյանը «Golden Talents of Madrid 2021» միջազգային երաժշտական մրցույթի դափնեկիր է դարձել։ Տեղեկությունը հայտնում է AnalitikaUA.net–ը։
Ամենամյա մրցույթն անցկացվել է Իսպանիայում։
11 երկրների 1200 մասնակիցներ ժյուրիին էին ներկայացրել իրենց ծրագիրը, քանի որ կարանտինի պատճառով մրցույթը կայացել է առցանց ձևաչափով։
Մրցումների մասնակիցներին լսել են 10 օրվա ընթացքում։ Մրցույթի արդյունքներով Կարոլինա Վանոյանը 2-րդ աստիճանի դափնեկիր է դարձել։
«Կարոլինան կատարել է Բախի «Լյա մինոր» ստեղծագործությունը։ Մեզ համար նման արդյունքի հասնելը հաճելի անակնկալ էր, քանի որ մրցակցությունը բավական մեծ էր։ Բացի այդ, քանի որ մրցույթն անցկացվում էր առցանց ձևաչափով, մասնակիցները հնարավորություն ունեին ստեղծագործություններ պատրաստել բավականին բարձր մակարդակով»,–ասել է Կարոլինայի մայրը՝ Կարինա Վանոյանը։
«Նա հայերեն է երգում». Ֆրանսիայում 12 տարեկան Սամվելը հուզել է «Ձայնը» նախագծի ժյուրիին
Ի դեպ, բացի ջութակ նվագելուց, Կարոլինա Վանոյանը զբաղվում է վոկալով։ Մայրն ասել է, որ այժմ աղջիկը ստուդիայում հայերեն երգ է ձայնագրում՝ երգի մրցույթին մասնակցելու համար։
Հայուհին All by myself երգով փայլել է «Ավստրալիայի ձայնը» նախագծում
Լոնդոնի մետրոյի կայարաններից հանվում են ադրբեջանական պաստառները
(Թարմացված է 22:34 22.03.2021)
Պաստառների մեկին պատկերված էր հայկական Դադիվանքը, մյուսի վրա՝ Շուշին։ Դրանցում հայկական ժառանգությունը ներկայացվում էր որպես ադրբեջանական։
ԵՐԵՎԱՆ, 22 մարտի – Sputnik․ Լոնդոնի մետրոյի կայարաններից հանվում են պաստառները, որոնք հայկական պատմամշակութային ժառանգությունը ներկայացնում էին որպես ադրբեջանական։ Տեղեկությունը հայտնում է Միացյալ Թագավորությունում ՀՀ դեսպանությունը Facebook-ի պաշտոնական էջում։
©
Sputnik / Asatur Yesayants
«ՄԹ-ում ՀՀ դեսպանության, ինչպես նաև ՄԹ-ում գործող մի շարք համայնքային կազմակերպությունների ներկայացված բողոքներից հետո հայկական պատմամշակութային ժառանգությունը որպես ադրբեջանական ներկայացվող պաստառները հանվում են Լոնդոնի մետրոյի կայաններից»,- նշված է հաղորդագրության մեջ։
Հավելենք, որ օրեր առաջ սոցիալական ցանցերում տարածվեցին Լոնդոնի մետրոյի կայարաններում փակցված պաստառների լուսանկարները։
Դրանցից մեկում Ադրբեջանը ներկայացվում էր որպես բազմամշակութային կենտրոն, լուսանկարներից մեկում մզկիթ էր, մյուսում՝ հայկական Դադիվանքը։
Երկրորդ պաստառի վրա էլ Շուշին էր պատկերված՝ «Շուշա, Ղարաբաղ՝ Ադրբեջանի արվեստների մայրաքաղաք» գրությամբ։
Ինչ են թողել հայերը Շուշիում. պատմության ավերակներ, թե ավերակների պատմություն
թեգերը:
«Հրաժարվեցինք «Հրանտ Մաթևոսյան կենտրոնի» շուրջ բանակցություններից». գրողի որդու գրառումը
(Թարմացված է 09:12 22.03.2021)
Գրողի որդին երկու տարի առաջ «Հրանտ Մաթևոսյան» մշակութային կենտրոն-թանգարանի` կիսատ մնացած շինարարության հարցով դիմել էր ՀՀ վարչապետ Նիկոլ Փաշինյանին։ԵՐԵՎԱՆ, 22 մարտի – Sputnik. Արձակագիր Հրանտ Մաթևոսյանի որդին` «Հրանտ Մաթևոսյան» հիմնադրամի տնօրեն Դավիթ Մաթևոսյանը, հայտնում է, որ երեկ` մարտի 21-ին, պաշտոնական գրությամբ հրաժարվել է «Հրանտ Մաթևոսյան կենտրոնի» կառուցման, կահավորման և գործարկման անարդյունավետ բանակցություններից։
«2018-ից առ այսօր, չնայած մեր բոլոր ջանքերին, առաջարկներին, պնդումների և հորդորներին, չնայած ժամանակ առ ժամանակ կայծկլտացող թվացյալ առաջխաղացումներին, որ ՀՀ կառավարության դիրքորոշումների և կարծիքների մեջ տրամաբանության մանանեխահատիկներ էին թվում, ոչինչ-ոչինչ–ոչինչ չի փոխվել և չի փոխվի»,– Facebook–ի իր էջում գրել է նա:
Դավիթ Մաթևոսյանը որոշել է այսուհետև դիմել բացառապես հանրությանը, ոչ կառավարական կազմակերպություններին, գործարարներին։
«Բոլորին, որ մշակույթի ու բանի ու Հրանտի արժեքն ու դերը հասկանում են. մեր կենտրոնը կառուցելու ենք-ավարտենք ու գործարկենք այդպես` այդ ֆինանսավորմամբ: Առաջ, կառուցում ենք մեր կենտրոնը»,– ընդգծել է նա:
Հիշեցնենք` դեռ 2019 թվականին Sputnik Արմենիան գրել էր, որ Դավիթ Մաթևոսյանը դիմել է ՀՀ վարչապետ Նիկոլ Փաշինյանին «Հրանտ Մաթևոսյան» մշակութային կենտրոն-թանգարանի` կիսատ մնացած շինարարության հարցով։ Բանն այն է, որ «թավշյա հեղափոխությունից» հետո կենտրոն-թանգարանի կառուցումն ընդհատվել էր, որը սկսվել էր նախորդ իշխանության ժամանակ` 2017թ.-ին։
Ըստ Դավիթ Մաթևոսյանի՝ կենտրոնն առ այսօր չի կառուցվել ու չի գործում այն պատճառով, որ պետական լիազոր մարմնում՝ կառավարությունում, այն պարզ ընկալումը չունեն, որ դրանով իրենք պետք է զբաղվեն։ Դավիթ Մաթևոսյանն ասել էր, որ Հրանտ Մաթևոսյանի անվան կենտրոն-թանգարանի հարցը լակմուս է ներկայիս իշխանության համար։
Հիշեցնենք` կենտրոնը կառուցվում է Երևանում` Աբովյան պուրակին հարող տարածքում, ճարտարապետ Տիգրան Բարսեղյանի նախագծով։
Հրանտ Մաթևոսյանի ժառանգությունը պետք է Հայաստանի այցեքարտը դառնա
«Այս գործով տպավորության կարիք այլևս չկա». ՍԴ–ում բուռն քննարկվում է Քոչարյանի դիմումը
(Թարմացված է 12:03 23.03.2021)
Քննարկվում է՝ Ռոբերտ Քոչարյանի դիմումը պետք է հրապարակայի՞ն քննարկեն, թե՞ ոչ։ ՍԴ դատավոր Հրայր Թովմասյանը նշեց` այս գործը վաղուց դադարել է մեկ հոդվածի սահմանադրականությունը լուծելու հարց լինել։ԵՐԵՎԱՆ, 23 մարտի - Sputnik. Սահմանադրական դատարանը քննում է ՀՀ երկրորդ նախագահ Ռոբերտ Քոչարյանի և Երևանի առաջին ատյանի ընդհանուր իրավասության դատարանի դիմումների հիման վրա ՀՀ Քրեական օրենսգրքի 300.1 հոդվածի (սահմանադրական կարգը տապալելու)՝ Սահմանադրությանը համապատասխանելու հարցը։
©
Sputnik / Aram Nersesyan
Նշենք, որ ՍԴ-ն պետք է գրավոր կերպով քննի այդ հարցը, սակայն դատավոր Արևիկ Պետրոսյանը միջնորդեց բանավոր ընթացակարգով այն քննել` հաշվի առնելով հարցի հանրային հնչեղությունը։ Այսինքն` խոսքը փակ նիստից բացի անցնելու մասին է։
«Ռոբերտ Քոչարյանն իրավունք ունի իր դիմումների առնչությամբ ստանալ հրապարակային քննություն, ինչպես դա ընձեռնվել է նման գործերով մեր մի շարք այլ քաղաքացիներին»,–ասաց Պետրոսյանը։
Ընդմիջման գնալու որոշման շուրջ բուռն քնարկում սկսվեց։
ՍԴ դատավոր Հրայր Թովմասյանը միացավ Պետրոսյանի միջնորդությանը` ասելով, որ որքան էլ ասեն, թե սա սովորական գործ է, այն վերջին 2 տարիներին դադարել է մեկ հոդվածի սահմանադրականությունը լուծելու հարց լինել։ Թովմասյանը շեշտեց` այս գործի շուրջ ծավալված հասարակական, քաղաքական քննարկումները ՍԴ-ին պարտավորեցնում է, որպեսզի մնա բարձր դիրքում և որևէ կասկած չթողնի հանրության մոտ, որ անաչառ է։
«Հակառակ պարագայում կխորանա այն դիտարկումները, որ ՍԴ շուրջ վերջին 2 տարում փոփոխություններն ունեցել են քաղաքական նպատակներ` սկսած սահմանադրական փոփոխություններից մինչև ՍԴ դատավորների հանդեպ հետապնդումներ։ ՍԴ–ն պարտավոր է ապացուցել, որ դա այդպես չէ, իսկ դա հնարավոր է անել գործի` հանրային քննարկմամբ»,–ասաց Թովմասյանը։
Նա հորդորեց հրապարակայնորեն քննարկել գործում առկա բոլոր փաստաթղթերը։
Դիլիջանի արդեն նախկին քաղաքապետը դիմել է Սահմանադրական դատարան. «Հրապարակ»
ՍԴ նախագահ Արման Դիլանյանն էլ առաջարկեց 10 րոպեով ընդմիջել նիստը և խորհրդակցական սենյակում որոշում կայացնել, սակայն ինչպես Արևիկ Պետրոսյանը, այնպես էլ Հրայր Թովմասյանը հայտնեցին, որ որոշումը խորհրդակական սենյակում չէ, որ պետք է կայացվի, այլ ըստ օրենքի` հենց ՍԴ դահլիճում պետք է այդ մասին որոշեն։
«Անաչառ դիտորդի մոտ կարող է տպավորություն ստեղծվել, որ ընդմիջման ժամանակ պետք է գործընկերների հետ հարցի քննության` կողմ կամ դեմ քվեարկելու հարց բարձրացվի։ Ինչո՞ւ ենք նման տպավարություն ստեղծում. այս գործով որքան տպավորություն ստեղծվել է` բավարար է, այլևս դրա կարիքը չկա»,–ասաց Թովմասյանը։
ՍԴ դատավորներ Էդգար Շաթիրյանը, Արթուր Վաղարշյանը և Երվանդ Խունդկարյանը նշեցին, որ կողմ են գործի` գրավոր քննարկմանը։