Արխիվային լուսանկար

Մոսկվայում Արմեն Ջիգարխանյանի հիմնադրած դրամատիկական թատրոնը կկոչվի իր անունով

114
(Թարմացված է 18:41 22.11.2020)
Մոսկվայի դրամատիկական թատրոնը ստեղծվել է 1996–ի մարտի 12-ին ԽՍՀՄ ժողովրդական արտիստ Արմեն Բորիսովիչ Ջիգարխանյանի նախաձեռնությամբ։

ԵՐԵՎԱՆ, 22 նոյեմբերի - Sputnik. Արմեն Ջիգարխանյանի հիմնադրած Մոսկվայի դրամատիկական թատրոնը կկոչվի իր անունով։ Այս մասին հայտնում է ՌԻԱ Նովոստին։

Գործակալությունը գրում է, որ Մոսկվայի դրամատիկական թատրոնի կոլեկտիվը ընդհանուր ժողովում կայացրել է միաձայն որոշում`դիմելու Մոսկվայի մշակույթի վարչությանը` թատրոնն իր հիմնադրի անունով կոչելու խնդրանքով: Հաստատման դեպքում թատրոնը կկոչվի «Մոսկվայի Արմեն Ջիգարխանյանի անվան թատրոն»։

Մոսկվայի դրամատիկական թատրոնը ստեղծվել է 1996–ի մարտի 12-ին ԽՍՀՄ ժողովրդական արտիստ Արմեն Բորիսովիչ Ջիգարխանյանի նախաձեռնությամբ։

Արմեն Ջիգարխանյանը մահացել է նոյեմբերի 14–ին, 85 տարեկան հասակում։ Հայտնի արտիստի առողջական վիճակը կտրուկ վատացել էր 2017 թվականի հոկտեմբերին։ Ջիգարխանյանն այն ժամանակ բաժանվում էր Վիտալինա Ցիմբալյուկ–Ռոմանովսկայայից։ Նրանք ամուսնալուծվեցին, և դատական ծանր գործընթաց սկսվեց։ Անցած տարվա աշնանը Ջիգարխանյանը վերակենդանացման բաժանմունքում հայտնվեց առողջական վիճակի հերթական վատթարացման պատճառով։

Ջիգարխանյանի մահը հսկայական կորուստ է բոլորիս համար. Պուտինը ցավակցական ուղերձ է հղել

Բժիշկներին հաջողվեց նրան դուրս բերել ծանր վիճակից։ Արտիստի մասին վերջին շրջանում հոգ էր տանում նրա նախկին կինը` Տատյանա Վլասովան, որի հետ նրանք ապրել են 48 տարի` 1967-2015 թվականներին։

Վլասովան նախկին ամուսնու մոտ է վերադարձել 2019 թվականի դեկտեմբերին։ Նրանք միասին են անցկացրել ամանորյա տոները։

Մարդ–նվագախումբ, որին սիրահարվում էին կանայք․ գործընկերները հիշում են Արմեն Ջիգարխանյանին

114
թեգերը:
Արմեն Ջիգարխանյան, Մոսկվա, Թատրոն
Ըստ թեմայի
Մահացել է Արմեն Ջիգարխանյանը
Հայի բացառիկ կերպար. Փաշինյանը ցավակցական ուղերձ է հղել Ջիգարխանյանի մահվան կապակցությամբ
Մոսկվայի դրամատիկական թատրոնում հրաժեշտ են տալիս Արմեն Ջիգարխանյանին
Արմեն Սարգսյան

Հորդանանի թագավորը կաջակցի հայկական Սուրբ Կարապետ եկեղեցու վերանորոգմանը. Արմեն Սարգսյան

57
(Թարմացված է 18:08 24.11.2020)
Եկեղեցին կառուցվել է 2009 թվականին, օծվել` 2014-ին։ Այն գտնվում է Հորդանան գետի ափին` Հիսուս Քրիստոսի մկրտության վայրում։

ԵՐԵՎԱՆ, 24 նոյեմբերի - Sputnik. Հորդանանի թագավոր Աբդալլահ երկրորդը կաջակցի երկրում գործող հայկական Սբ Կարապետ եկեղեցու վերանորոգմանը։ Այս մասին հայտնել է Հայաստանի նախագահ Արմեն Սարգսյանը Հորդանանի հայ համայնքի հետ հանդիպման ժամանակ։ Տեղեկությունը հայտնում է ՀՀ նախագահի մամուլի ծառայությունը։

Նախագահը Հորդանանի թագավորի հետ խոսել է նաև հայկական մշակութային և հոգևոր արժեքների պահպանության մասին։

Սուրբ Կարապետ եկեղեցին կառուցվել է 2009 թվականին, օծվել` 2014-ին։ Այն գտնվում է Հորդանան գետի ափին` Հիսուս Քրիստոսի մկրտության վայրում։ Այն կառուցվել է Երուսաղեմի հայ համայնքի և Երուսաղեմի հայոց պատրիարքության շնորհիվ։

Եկեղեցին կոչվում է Սուրբ Կարապետ՝ ի հիշատակ բանաստեղծ Կարո Կարապետյանի։

Դադիվանքի այցելուների մտահոգությունը, խաղաղապահներն ու տեր Հովհաննեսը. մոմ արդեն չկար...

57
թեգերը:
թագավոր, Եկեղեցի, Հորդանան, Արմեն Սարգսյան
Ըստ թեմայի
Հայկական պատասխան բարբարոսությանը. բելգիահայ երաժիշտը նվագում է Ղազանչեցոց կիսավեր վանքում
Փայլանը Ստամբուլի Խորա վանքում կատարվածի հարցով դիմել է Թուրքիայի մշակույթի նախարարությանը
«Մեր ձեռքով տվեցինք, հետ եկանք...». Դադիվանքի վանահայրը չգիտի` ոնց են լքելու վանքը
Լոնդոնի Սուրբ Եղիշե եկեղեցի

Լոնդոնի հայկական եկեղեցում տեղի կունենա Shine light for Artsakh բարեգործական համերգը

46
(Թարմացված է 17:21 18.11.2020)
Համերգը կազմակերպել են հայտնի բարերար Գալուստ Գյուլբենկյանի թոռները` Փոլ և Ժակի Գյուլբենկյանները: Համերգին ելույթ կունենան տեղի աստղերը:

ԵՐԵՎԱՆ, 18 նոյեմբերի - Sputnik. Լոնդոնի հայկական Սուրբ Եղիշե եկեղեցում դեկտեմբերի 17-ին տեղի կունենա Shine light for Artsakh («Լույս սփռիր Արցախի համար») բարեգործական համերգը։ Տեղեկությունը Sputnik Արմենիային հայտնել է լոնդոնաբնակ երգչուհի Կատյա Յանոֆը, որը նույնպես ելույթ կունենա համերգին:

Համերգի ընթացքում կհավաքվեն նվիրատվություններ՝ Արցախին մարդասիրական օգնություն տրամադրելու համար: Համերգին ելույթ կունենան տեղի աստղերը: 

Համերգը կազմակերպել են հայտնի բարերար Գալուստ Գյուլբենկյանի թոռները` Փոլ և Ժակի Գյուլբենկյանները: Փոլ Գյուլբենկյանը Լոնդոնի առաջնահերթ փաստաբաններից է և «Գյուլբենկյան Անդոնյան» փաստաբանական գրասենյակի հիմնադիրը:

Օգնել արցախցիներին, կանխել հետագա վտանգները. «Դոկտոր Լիզայի» ներկայացուցիչը Հայաստանում է

Ավելի վաղ` հոկտեմբերի 28-ին, տեղի է ունեցել «Համերգ հանուն խաղաղության» առցանց համերգը՝ ի աջակցություն Արցախի: Համերգին մասնակցում էին երաժիշտներ Սերժ Թանկյանը, Տիգրան Համասյանը, Բաշար Մար-Խալիֆան, Աննա Կովան, Միքայել Ոսկանյանը և Տատյանա Սպիվակովան:

Հայ աշակերտն ԱՄՆ-ում շախմատի օգնությամբ դրամահավաք է կազմակերպել Արցախին օգնելու համար

46
թեգերը:
Արցախ, բարեգործություն, Եկեղեցի, Լոնդոն
Ըստ թեմայի
Ով որքան է նվիրաբերել Արցախին. «Հայաստան» հիմնադրամը հաշվետվություն կհրապարակի
«Մատ տեռորին». Արոնյանն ու ընկերները կրկին գումար են փոխանցել «Հայաստան» հիմնադրամին
Ամեն հայ կօգնի` ինչով կարող է. Հայաստանի հավաքականի խաղացողները հիմնադրամ են ստեղծել
Կորոնավիրուսից մահացածի թաղում Թեհրանի մոտակա գերեզմանատանը

Իրանը նոր հակառեկորդ է գրանցել. 13 000 դեպք՝ մեկ օրում 

0
(Թարմացված է 17:53 29.11.2020)
2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք:

ԵՐԵՎԱՆ, 29 նոյեմբերի, Sputnik. Իրանը նոր հակառեկորդ է սահմանել. վերջին 1 օրում հայտնաբերվել է կորոնավիրուսով վարակվելու շուրջ 13 000 նոր դեպք:

Ինչպես հաղորդում է ՌԻԱ Նովոստին, այս մասին հայտարարել է ԻԻՀ առողջապահության նախարարության պաշտոնական ներկայացուցիչ Սիմա Սադաթ Լարին:

Նրա խոսքով ՝ անցած 24 ժամվա ընթացքում գրանցվել է կորոնավիրուսով վարակման 12 950 նոր դեպք, մահացել է 389 մարդ:

2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք: Ապաքինվածների թիվը 658 292 է։

Իրանի առողջապահության նախարարության ներկայացուցիչը նաև արձանագրել է, որ դեպքերի աճին հակառակ, երկրում նվազել է կորոնավիրուսից մահացության ցուցանիշը, ինչը, սակայն, ըստ նրա, չի կարելի ընկալել որպես COVID-19-ի իրադրության լավացում:

Ի՞նչ վտանգ է ներկայացնում կորոնավիրուսն ատամների համար. գիտնականների նոր բացահայտումը

Համաճարակաբանական իրավիճակն Իրանում լրջորեն վատացել է վերջին ժամանակներում։ Երկիրը բազմիցս հակառեկորդ է սահմանեn, և, եթե սեպտեմբերին վատթարագույն ցուցանիշը օրական 3,5 հազար վարակի դեպքեր էին, ապա նոյեմբերին՝ արդեն 13 000:

0
թեգերը:
Իրանի Իսլամական Հանրապետություն, կորոնավիրուս
թեմա:
Կորոնավիրուսը աշխարհում
Ըստ թեմայի
Վերջին օրերին կորոնավիրուսի դեպքեր առավել շատ գրանցվել են Երևանում և Կոտայքում
Եղիսաբեթ 2-րդ թագուհու համար կորոնավիրուսը սպանող հատուկ ձեռնոցներ են մշակել
Բժիշկն ասել է՝ ինչպես է կարելի ազատվել կորոնավիրուսային վարակի հետևանքներից