Շուշիի Սուրբ Ղազանչեցոցը

Ի՞նչ ճակատագիր կունենան Ադրբեջանի տիրապետության տակ անցած պատմամշակութային հուշարձանները

519
(Թարմացված է 09:50 17.11.2020)
Հայաստանում չեն բացառում Ադրբեջանի կողմից հայկական մշակութային ժառանգության հուշարձանների միտումնավոր ոչնչացումը։

ԵՐԵՎԱՆ, 17 նոյեմբերի – Sputnik. Արցախում պատմամշակութային ժառանգության բոլոր հուշարձանները գույքագրվել են և ունեն համապատասխան անձնագրեր։ Տեղեկությունը Sputnik Արմենիայի թղթակցին հայտնել է ՀՀ կրթության, գիտության, մշակույթի և սպորտի փոխնախարար Նարինե Խաչատրյանը։

Թշնամու ձեռագիրը. սուրբ Ղազանչեցոցի պատերին գրառումներ են հայտնվել

Ավելի վաղ սոցցանցերում օգտատերերը մտահոգություն էին հայտնել Արցախում հայկական մշակութային ժառանգության վերաբերյալ։ Տարբեր օգտատերեր տարածում էին այն եկեղեցիների, խաչքարերի, հուշարձանների ցանկերը, որոնք գտնվում են արդեն Ադրբեջանին հանձնված տարածքներում։

«Արցախում պատմամշակութային ժառանգության ավելի քան երեք հազար հուշարձան կա (ամրոցներ, վանքեր, խաչքարեր, տապանաքարեր)։ Դրանք վաղուց արդեն գույքագրված են և անձնագրեր ունեն։ Մենք գիտենք յուրաքանչյուրի մասին»,-ասել է Խաչատրյանը։

Փոխնախարարի խոսքով՝ հայկական կողմը համապատասխան կառույցներին է փոխանցում Արցախում պատմամշակութային ժառանգության մասին ամբողջական տեղեկատվությունը։

Խաչատրյանը նշել է, որ պատերազմի ժամանակ Արցախում գտնվող բոլոր հուշարձանները վտանգված էին։ Սակայն հիմա ամենամեծ վտանգի տակ են այն տարածքները, որոնք մնացել են Ադրբեջանի վերահսկողության տակ անցած և հանձնման ենթակա տարածքներում։

«Մենք վստահ չենք, որ այդ հուշարձանները անձեռնմխելի կմնան և միտումնավոր կերպով չեն ոչնչացվի»,-ասել է նա։

Նրա խոսքով` հուշարձանի ոչնչացումը միջազգային կոնվենցիայի խախտում է, սակայն դա չի ապահովագրում ադրբեջանական կողմի ոտնձգություններից: Խաչատրյանը մտահոգված է, որ ադրբեջանական կողմը կոչնչացնի քրիստոնեական հուշարձանները, կամ էլ հայկական մշակութային ժառանգությունը կներկայացնի որպես իր սեփականը։ Այսպես. Դադիվանքի վանական համալիրն ու Տիգրանակերտի ամրոցը ներկայացվում են որպես «ալբանական հուշարձաններ»։

Մայր աթոռը դատապարտում է Սուրբ Ղազանչեցոցի պղծման փաստը

519
թեգերը:
Ղազանչեցոց եկեղեցի (Շուշի), Դադիվանք, Ադրբեջան, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (599)
Ըստ թեմայի
Ղազանչեցոցը հրթիռակոծելը մշակութային զտման հերթական փորձն է. Տիգրան Համասյանի կոչը
Սուրբ Ղազանչեցոցում արյան հետքեր են. ի՞նչ վիճակում է եկեղեցին 2–րդ հրթիռակոծությունից հետո
Արցախի ՄԻՊ-ը արտահերթ զեկույց է հրապարակել Ղազանչեցոց եկեղեցու հրետակոծումների վերաբերյալ
Արմեն Սարգսյան

Հորդանանի թագավորը կաջակցի հայկական Սուրբ Կարապետ եկեղեցու վերանորոգմանը. Արմեն Սարգսյան

67
(Թարմացված է 18:08 24.11.2020)
Եկեղեցին կառուցվել է 2009 թվականին, օծվել` 2014-ին։ Այն գտնվում է Հորդանան գետի ափին` Հիսուս Քրիստոսի մկրտության վայրում։

ԵՐԵՎԱՆ, 24 նոյեմբերի - Sputnik. Հորդանանի թագավոր Աբդալլահ երկրորդը կաջակցի երկրում գործող հայկական Սբ Կարապետ եկեղեցու վերանորոգմանը։ Այս մասին հայտնել է Հայաստանի նախագահ Արմեն Սարգսյանը Հորդանանի հայ համայնքի հետ հանդիպման ժամանակ։ Տեղեկությունը հայտնում է ՀՀ նախագահի մամուլի ծառայությունը։

Նախագահը Հորդանանի թագավորի հետ խոսել է նաև հայկական մշակութային և հոգևոր արժեքների պահպանության մասին։

Սուրբ Կարապետ եկեղեցին կառուցվել է 2009 թվականին, օծվել` 2014-ին։ Այն գտնվում է Հորդանան գետի ափին` Հիսուս Քրիստոսի մկրտության վայրում։ Այն կառուցվել է Երուսաղեմի հայ համայնքի և Երուսաղեմի հայոց պատրիարքության շնորհիվ։

Եկեղեցին կոչվում է Սուրբ Կարապետ՝ ի հիշատակ բանաստեղծ Կարո Կարապետյանի։

Դադիվանքի այցելուների մտահոգությունը, խաղաղապահներն ու տեր Հովհաննեսը. մոմ արդեն չկար...

67
թեգերը:
թագավոր, Եկեղեցի, Հորդանան, Արմեն Սարգսյան
Ըստ թեմայի
Հայկական պատասխան բարբարոսությանը. բելգիահայ երաժիշտը նվագում է Ղազանչեցոց կիսավեր վանքում
Փայլանը Ստամբուլի Խորա վանքում կատարվածի հարցով դիմել է Թուրքիայի մշակույթի նախարարությանը
«Մեր ձեռքով տվեցինք, հետ եկանք...». Դադիվանքի վանահայրը չգիտի` ոնց են լքելու վանքը
Արխիվային լուսանկար

Մոսկվայում Արմեն Ջիգարխանյանի հիմնադրած դրամատիկական թատրոնը կկոչվի իր անունով

115
(Թարմացված է 18:41 22.11.2020)
Մոսկվայի դրամատիկական թատրոնը ստեղծվել է 1996–ի մարտի 12-ին ԽՍՀՄ ժողովրդական արտիստ Արմեն Բորիսովիչ Ջիգարխանյանի նախաձեռնությամբ։

ԵՐԵՎԱՆ, 22 նոյեմբերի - Sputnik. Արմեն Ջիգարխանյանի հիմնադրած Մոսկվայի դրամատիկական թատրոնը կկոչվի իր անունով։ Այս մասին հայտնում է ՌԻԱ Նովոստին։

Գործակալությունը գրում է, որ Մոսկվայի դրամատիկական թատրոնի կոլեկտիվը ընդհանուր ժողովում կայացրել է միաձայն որոշում`դիմելու Մոսկվայի մշակույթի վարչությանը` թատրոնն իր հիմնադրի անունով կոչելու խնդրանքով: Հաստատման դեպքում թատրոնը կկոչվի «Մոսկվայի Արմեն Ջիգարխանյանի անվան թատրոն»։

Մոսկվայի դրամատիկական թատրոնը ստեղծվել է 1996–ի մարտի 12-ին ԽՍՀՄ ժողովրդական արտիստ Արմեն Բորիսովիչ Ջիգարխանյանի նախաձեռնությամբ։

Արմեն Ջիգարխանյանը մահացել է նոյեմբերի 14–ին, 85 տարեկան հասակում։ Հայտնի արտիստի առողջական վիճակը կտրուկ վատացել էր 2017 թվականի հոկտեմբերին։ Ջիգարխանյանն այն ժամանակ բաժանվում էր Վիտալինա Ցիմբալյուկ–Ռոմանովսկայայից։ Նրանք ամուսնալուծվեցին, և դատական ծանր գործընթաց սկսվեց։ Անցած տարվա աշնանը Ջիգարխանյանը վերակենդանացման բաժանմունքում հայտնվեց առողջական վիճակի հերթական վատթարացման պատճառով։

Ջիգարխանյանի մահը հսկայական կորուստ է բոլորիս համար. Պուտինը ցավակցական ուղերձ է հղել

Բժիշկներին հաջողվեց նրան դուրս բերել ծանր վիճակից։ Արտիստի մասին վերջին շրջանում հոգ էր տանում նրա նախկին կինը` Տատյանա Վլասովան, որի հետ նրանք ապրել են 48 տարի` 1967-2015 թվականներին։

Վլասովան նախկին ամուսնու մոտ է վերադարձել 2019 թվականի դեկտեմբերին։ Նրանք միասին են անցկացրել ամանորյա տոները։

Մարդ–նվագախումբ, որին սիրահարվում էին կանայք․ գործընկերները հիշում են Արմեն Ջիգարխանյանին

115
թեգերը:
Արմեն Ջիգարխանյան, Մոսկվա, Թատրոն
Ըստ թեմայի
Մահացել է Արմեն Ջիգարխանյանը
Հայի բացառիկ կերպար. Փաշինյանը ցավակցական ուղերձ է հղել Ջիգարխանյանի մահվան կապակցությամբ
Մոսկվայի դրամատիկական թատրոնում հրաժեշտ են տալիս Արմեն Ջիգարխանյանին

«Նիկոլ դավաճան, Նիկոլ հեռացիր». բազմամարդ երթ` Երևանի կենտրոնում

0
(Թարմացված է 19:54 02.12.2020)
Բողոքի ակցիան ավարտվեց Հանրապետության հրապարակում` կառավարության շենքի դիմաց մեծ եռագույն դրոշ ծածանելով:

ՀՀ վարչապետ Նիկոլ Փաշինյանի հրաժարականը պահանջողները բողոքի ակցիայից հետո Երևանի կենտրոնական փողոցներով երթ իրականացրին։

Երթի մասնակիցները վանկարկում էին «Նիկոլ դավաճան, Նիկոլ հեռացիր»։

Բազմամարդ երթը մեկնարկեց Ազատության հրապարակից և Մաշտոցի պողոտայով, Ամիրյան փողոցով եկան ՀՀ կառավարության շենքի մոտ։

Նշենք, որ այսօր Ազատության հրապարակում կայացավ ընդդիմադիր կուսակցությունների հերթական բողոքի ակցիան` ՀՀ վարչապետ Նիկոլ Փաշինյանի հրաժարականի պահանջով։

Բողոքի ակցիան ավարտվեց Հանրապետության հրապարակում` կառավարության շենքի դիմաց «Նիկոլ Դավաճան» վանկարկումներով ու  հրապարակի կենտրոնում մեծ եռագույն դրոշ ծածանելով:

0
թեգերը:
Հրաժարական, Նիկոլ Փաշինյան, Հայ Յեղափոխական Դաշնակցություն (ՀՅԴ), Երևան, Բողոքի ակցիա
Ըստ թեմայի
Անցումային կառավարությունը պետք է վերացնի եռակողմ հայտարարության տակ դրված ականները
«Ես վախենում եմ». քաղաքացիները` Թուրքիայի և Ադրբեջանի հետ սահմանները բացելու մասին
«Նոյեմբերի 10-ը պիտի հայրենադավության օր հռչակվի». Նաիրա Զոհրաբյանը նոր նախագիծ է մշակում