Գառնի

Հին ազգերի միավորումը Գառնու տաճարում. «Հռադամիստ» օպերան կներկայացվի Հայաստանում

190
(Թարմացված է 21:35 07.09.2020)
Գերմանացի երգահանի 200 տարվա պատմություն ունեցող օպերան, որը ներկայացնում է հայոց պատմության մի դրվագը, կբեմադրեն Գառնու տաճարում։

ԵՐԵՎԱՆ, 7 սեպտեմբերի — Sputnik. Գառնիի հեթանոսական տաճարի տարածքում սեպտեմբերի 7-ին ասուլիսով մեկնարկեցին գերմանացի մեծանուն երգահան Գեորգ Ֆրիդրիխ Հենդելի «Հռադամիստ» օպերայի բեմադրման աշխատանքները:

1720 թ. ապրիլի 27-ին Լոնդոնի Թագավորական թատրոնում առաջին անգամ բեմադրված օպերայի թեման վերցված է մ.թ. 1–ին դարի Հայոց պատմությունից։ Այն պատմում է Մեծ Հայքի դրածո թագավոր Հռադամիզդիկողմից իր կնոջ` Զենոբիային սպանելու և վերջինիս փրկության մասին։ Իսկ հայաստանյան հանդիսատեսն այն վայելելու հնարավորություն կունենա 2021թ–ին։

Ինչպես նշեց նախագծի պրոդյուսեր Գագիկ Մանասյանը չափազանց սիմվոլիկ է օպերայի կազմակերպումը Գառնիի տաճարում, քանի որ լիբրետտոյում նշված է, և՛ տաճարը, և՛ Տրդատը։ Ցանկություն կա օպերայի բեմադրությունը դարձնել միջազգային մշակութային իրադարձություն, այդ իսկ պատճառով հրավիրվել է հռչակավոր դիրիժոր Ջորջ Փեհլեվանյանը, հայտնի վրացի ռեժիսոր Ռոբերտ Ստուրուան, Մեծ թատրոնի մեներգչուհի Աննա Ագլատովան և այլք։ Հայաստանից օպերայի աշխատանքներին կներգրավվի երգիչ Բարսեղ Թումանյանը։

«Համավարակի պայմաններում Եվրոպայից գալ և ձեզ հետ լինելը դժվար էր, բայց շատ հաճելի։ Երեք երկրները` Հայաստանը, Վրաստանը և Գերմանիան միացնելու գաղափարը չափազանց հրապուրիչ է։ Երաժշտությունը միավորում է։ Այս օպերան կատարում են Ամերիկայում, Անգլիայում, Գերմանիայում և այլուր, բայց ոչ մեկ չի կարող իր ներկայացման մեջ ունենալ Գառնիի օրիգինալ տաճարը, դա կարող է լինել միայն Հայաստանում, և սա եզակի առիթ  է օգտվել այդ հնարավորությունից», - նշեց դիրիժոր Ջորջ Փեհլեվանյանը։

Իր հերթին ռեժիսոր Ռոբերտ Ստուրուան նշեց, որ, եթե անգամ համավարակը չնահանջեր, միևնույն է նախագիծը կիրականանար։

Մարդիկ օնլայն հարթակներում թատրոն, համերգ, օպերա են դիտում. մշակութային շարժը մեծ է

«Հիանալի է տեսնել երկու հին ազգերի միավորումը տաճարում։ Ես քանի որ ավանտյուրւստ եմ, ուրախացա որ ոչ այնքան լավ ժամանակներում է դա տեղի ունենում։ Ամբողջ աշխարհը հիվանդ է, իսկ մենք հավաքվել ենք այստեղ` անվախ և մեկ նպատակով միավորված», - նշեց նա։

Նախագիծն իրականացվելու է «Մտավոր սեփականության պաշտպանության ասոցիացիայի» նախաձեռնությամբ։ 

Նշենք, որ «Հռադամիստը» օպերա է երեք գործողությամբ։ Առաջնախաղը կայացել է 1720 թ. ապրիլի 27-ին Լոնդոնի Թագավորական թատրոնում (King's Theatre)։ Օպերան համարվում է գերմանացի երգահանի լավագույն գործերից մեկը, այսօր էլ երբեմն բեմադրվում է եվրոպական և հատկապես գերմանական թատրոններում։

190
թեգերը:
Հայաստան, Վրաստանի Հանրապետություն, Գերմանիա, օպերա, Գառնի
«Հայֆիլմ» կինոստուդիա

Մեզ պե՞տք է կինոյի մասին օրենք, կամ ինչպես կարելի է դուրս գալ «Հայֆիլմի» ստվերից

67
(Թարմացված է 19:43 26.09.2020)
ՀՀ–ում առաջին անգամ կինոյի մասին օրենք կընդունվի։ Թեև ոլորտը տարիներ շարունակ պետական աջակցություն էր ստանում, բայց ըստ էության ինքն իրենով էր ապրում։ Լուրջ ձեռքբերումների մասին խոսել հնարավոր չէ, շատերի համար հայկական կինոն մնացել է «Հայֆիլմ» կինոստուդիայի ստվերում։

ԵՐԵՎԱՆ, 26 սեպտեմբերի – Sputnik. Տասնամյակներ շարունակ տարբեր կարծիքներ էին հնչում` արժե՞ կինոյի մասին օրենք ունենալ, թե՞ ոչ, ի՞նչ կտա այդ օրենքը կինոարտադրությանը, իսկապես կնպաստի՞ ոլորտի զարգացմանը, կկիրառվի՞ գործնականում, քանզի գաղտնիք չէ, որ արվեստը օրենքով չի կարգավորվում։

«Ինքներդ մտածեք` արդյոք թատրոնի կամ նկարչության կամ միջուկային ֆիզիկայի մասին օրենք պե՞տք է։ «Կինեմատոգրաֆիան» ընդհանուր հասկացություն է, տվյալ դեպքում պետք է հասկանալ, որ խոսքը բացառապես կինոարտադրության մասին է, ոչ թե արվեստի։ Արվեստն օրենքներին չի ենթարկվում, նույնիսկ հակառակը` խախտում է դրանք», – կարծում է կինոգետ, «Ֆիլմադարան» հիմնադրամի ղեկավար Գարեգին Զաքոյանը։

Օրենքի քննարկման ժամանակ կարծիքները բաժանվեցին հենց առաջին փուլում` տերմինները սահմանելու։ Էլ չասենք, որ ոմանք դրա անհրաժեշտությունն ընդհանրապես չէին տեսնում։

Ում պատճառով «ջնջեցին» Ֆրունզիկին, կամ ինչ «առակ» է պտտվում Լևոն Տեր–Պետրոսյանի մասին

«Մեկենասության, ինչպես նաև ընդհանուր առմամբ արվեստի և ոչ թե մասնավորապես կինեմատոգրաֆիայի ոլորտում աշխատող ֆիզիկական ու իրավաբանական անձանց աջակցության տրամադրման ու հարկային արտոնությունների մասին ընդհանուր օրենք է պետք», –Զաքոյանի միտքը շարունակում է կինոքննադատ, «Ծիրանի ծառ» կինոփառատոնի ծրագրային տնօրեն Արթուր Վարդիկյանը։

Որոշ փորձագետներ էլ խնդրահարույց են համարում «ազգային կինո» կարգավիճակի սահմանումը, որի առկայությունը որոշակի արտոնություններ է տալիս ֆիլմերին։

Խնդիրն այն է, որ փոփոխվող աշխարհում «ազգային կինո» տերմինը գնալով ավելի հարաբերական ու ոչ միանշանակ է դառնում։ Գործնականում ոչ միշտ է հասկանալի` արդյոք այս կամ այն ֆիլմը ազգային կինոյի նմուշ է, թե ոչ, իսկ դրանից, այնուամենայնիվ, կախված կլինի նրա ճակատագիրը։

Օրենքի գլխավոր առավելություններից մեկը փորձագետները համարում են ԵՄ–ի «Մեդիա» ենթածրագրին (որն ուղղված է մշակութային, ստեղծարար և աուդիովիզուալ հատվածի աջակցությանը) ինտեգրվելու հնարավորությունը կամ անհրաժեշտությունը։

Օրենքի հեղինակները նշում են, որ այն բարենպաստ պայմաններ կստեղծի օտարերկրյա ներդրումների համար ( մասնավորապես ՀՀ տարածքում ֆիլմարտադրության դեպքում` մոտավորապես ոչ պակաս, քան 100 մլն դրամ), ֆիլմի պրոդյուսերը կարող է սերտիֆիկատ ստանալ, որը կնվազեցնի ֆիլմարտադրության հետ կապված որոշ ծառայությունների արժեքը։

«Անկախության տարիներից ի վեր, երբ փլուզվեց ողջ համակարգը, մենք տեսանք, թե հայկական կինոն` որպես արտադրական մեխանիզմ, որքան չկայացած է, և ժամանակի ընթացքում փոխառեցինք մի մոդել, որը մոտ է համատեղ արտադրությանը, բախվեցինք մի շարք խնդիրների, մեր իրավաբանական ներուժը չէր բավականացնում, իսկ հիմա ներդրողների մակարդակը Հայաստանի նկատմամբ, անկասկած, այլ կլինի», – կարծում է կինոքննադատ, հեռուստահաղորդավար Րաֆֆի Մովսիսյանը։

Օրինագծի հեռանկարների մասին խոսելիս` կինոգործիչները նախևառաջ մեջբերում են Ֆրանսիայի, Լեհաստանի, Գերմանիայի, հարևան Վրաստանի և նույնիսկ հեռավոր Վենեսուելայի միջազգային փորձը։

«Հայաստանում կինոարտադրությունը աշխատելու է մի մոդելի հիման վրա, որը ցույց է տվել իր արդյունավետությունը Եվրոպայի մի շարք երկրներում, իսկ անկախ մարմինը` ժյուրին, եռակողմ համակարգելու է հոգաբարձուների խորհուրդը։ Բացի այդ, ժյուրիի կազմում արտասահմանյան մասնագետ կներգրավվի», – նշում է ռեժիսոր, պրոդյուսեր, Հայաստանի անկախ կինոգործիչների ակումբի (IFCA) համահիմնադիր Վիկտորյա Ալեքսանյանը։

Ակնհայտ է, որ նորմատիվային օրենքի առկայությունը որպես գաղափար ցանկալի է, սակայն նույնքան ակնհայտ է, որ այն լրացուցիչ փոփոխությունների կարիք ունի։ Նման հնարավորություն դեռ կա, օրինագիծն ԱԺ–ում ընդունվել է միայն առաջին ընթերցմամբ և կարող է լրամշակվել։

Ինչ վերաբերում է ազգային կինոյի նոր ալիքի և վերելքի, օրենքի ընդունման հետ դրանց անմիջական կապի վերաբերյալ էյֆորիկ տրամադրություններին, ապա այդ հարցը բավականին վիճահարույց է։

1990-ականներից կինոարտադրության ավերակների վրա հայտնված ոլորտի մարդիկ հայրենական կինեմատոգրաֆիայի փրկությունը կապում էին արտաքին գործոնների հետ, լինի դա «Հայֆիլմ» կինոստուդիայի վերածնունդը, թե կինոյի մասին օրենքը։ Այն դեպքում, երբ հաջող կինեմատոգրաֆիա ունեցող երկրներում կինոյի մասին օրենքը զուտ լրացուցիչ գործոն է կինոյին աջակցելու համար, ոչ թե առանցքային։

Իսկ քանի դեռ մշակութային քաղաքականությունը, կրթական համակարգի խորքային խնդիրները լուծվում են կոսմետիկ ճանապարհով, կինոյի մասին օրենքը ևս կդառնա գեղեցիկ, գրավիչ հանգրվան, բայց ոչ փրկօղակ։

67
թեգերը:
Գարեգին Զաքոյան, Րաֆֆի Հովհաննիսյան, Օրենք, կինոգետ, կինո, Հայաստան
Ըստ թեմայի
«Էնպես կխաղամ, դեռ կտեսնես…»․ անկրկնելի Գայլա Նովենցի կյանքի ու դերերի մասին
Վառ ու տաղանդավոր․ ովքե՞ր են Հոլիվուդի ամենահեռանկարային հայերը
«Սա քաղաքականության հարց չէ». Ստաս Նամինը` նոր ֆիլմի և որդու հետ Արցախ մեկնելու մասին
Արամ MP3

Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից

89
(Թարմացված է 23:02 25.09.2020)
Արամ MP3-ին իր նոր տեսահոլովակով մարտահրավեր է նետում աշխարհի հայերին։ Արդեն արձագանքներ կան Ռուսաստանում բնակվող մեր հայրենակիցներից։

Սոցիալական ցանցերի ամենաակտիվ դրսևորումներից մեկը մարտահրավերներն են` չելենջները, որոնք վիրտուալ տիրույթում մեծաթիվ մարդկանց համախմբում են նույն գաղափարի շուրջ։ Համավարակի ընթացքում թրենդի մեջ էին պարային մարտահրավերները։ Դրանք ոչ միայն բարձրացնում են տրամադրությունը, այլև օգնում են մնալ տոնուսի մեջ։

Հայտնի փոփ երգիչ Արամ MP3-ի նոր տեսահոլովակը ձայնագրվել է ռեփեր 3.33-ի հետ համատեղ։ Երգում հաջողությամբ համատեղվել են հայկական դուդուկի հնչողությունն ու ժամանակակից ռեփի բիթերը։ Ֆելիքս Խաչատրյանը (ռեփեր 3.33. - խմբ.) ռեփ է կարդում. «Քոչարի, պարելու կոչ արի...», իսկ Արամ MP3-ին շարունակում է. «Հոգիս երգում է լեռների երգը, էս պարը զենք է, տուր ինձ քո ձեռքը, հաղթողը մենք ենք, դե պարի քոչարի...»։ Ախթալայի եկեղեցական համալիրի մոտ նկարահանված, ազգային պարով ու տարրերով լեցուն տեսահոլովակը գրավել է շատերի ուշադրությունը, իսկ երգից ու տսահոլովակից ոգևորված երգչուհի Սոնա Եսայանը հայտարարել է մարտահրավեր` չելենջ։

View this post on Instagram

A post shared by Sona Yesayan (@sona_yesayan_dance_studio) on

Մարտահրավերին առաջինը հենց մասնակցել է Սոնա Եսայանը` ՄՀՀ–ի մոտ երգի տակ քոչարի պարելով։ Քոչարու չելենջին միացել են մեր հայրենակիցները աշխարհի տարբեր անկյուններից։ Օրինակ` ամենավառ տեսանյութերից մեկն ուղարկվել է Վորոնեժից Դանիելի և Անի Հայրապետյանը:

Ինչպես իր տեսանյութում ասում է Արամ MP3-ին, մարտահրավերի շրջանակներում բոլոր ցանկացողները կարող են քոչարի պարել, տեսանյութը տեղադրել սոցցանցում, նշել Արամ MP3-ին և Սոնա Եսայանին։ Լավագույն 5 տեսահոլովակների հեղինակները կհրավիրվեն Արամ MP3-ի համերգին։

View this post on Instagram

A post shared by Aram Mp3 (@aram_mp3) on

89
թեգերը:
չելենջ, տեսահոլովակ, Քոչարի, Արամ MP3
Ըստ թեմայի
Արամ MP3–ն բժիշկ է «դարձել», Մկրտիչ Արզումանյանը` զինվոր. նոր տեսահոլովակ կարևորի մասին
Արամեն, Մկոն, Արամ MP3–ն ու մյուսները երգում են «Հերոս տղերքը». նոր տեսահոլովակ
«Այս օրը հավերժ դաջվեց իմ մեջ որպես սև օր»․ մահացել է երգիչ Արամ MP3-ի հայրը
Военнослужащий на боевой позиции Армии обороны Карабаха

Հայ զինծառայողներից մեկը ողջ է. Արցախի ՊԲ–ն ներողություն է հայցում սխալի համար

0
Պատերազմական պայմաններում, երբ ամեն պահի փոխվում է մարտական իրավիճակը, հնարավոր չի լինում խուսափել նաև սխալմունքներից։

 

ԵՐԵՎԱՆ, 29 սեպտեմբերի – Sputnik. Զինծառայող Վահագն Թախմազյանը, որի անունը հրապարակվել էր զոհվածների ցուցակում, ողջ է։ Տեղեկացնում է Արցախի պաշտպանության բանակը։

«Հարգելի հայրենակիցներ, հասկանալով ձեր վրդովմունքը՝ կապված զոհերի մասին հրապարակվող ցուցակներում անճշտությունների հետ, տեղեկացնում ենք, որ պատերազմական պայմաններում, երբ ամեն պահի փոխվում է մարտական իրավիճակը, ցավոք սրտի, հնարավոր չի լինում խուսափել նաև նման դեպքերից: Տեղեկացնում ենք, որ զինծառայող Վահագն Վարդանի Թախմազյանը ողջ է և շարունակում է կատարել իր առջև դրված մարտական խնդիրը: Հայցում ենք զինծառայող Թախմազյանի հարազատների ներողամտությունը»,– նշված է հաղորդագրության մեջ:

0