Վան Խաչատուր. արխիվային լուսանկար

«Ասում են` էս խելառը ինչ-որ բաներ է հորինել»․ Վան Խաչատուրն ու նրա «ապագայի քաղաքը»

157
(Թարմացված է 21:16 31.08.2020)
Ժամանակակից հայ մոնումենտալ գեղանկարչության հիմնադիր` նկարիչ, քանդակագործ, ճարտարապետ, արվեստաբան Վան Խաչատուրը (Վանիկ Հակոբի Խաչատրյան) իր 2600 աշխատանքները նվիրել է պետությանը՝ պայմանով, որ իր մահից առնվազն 5 տարի հետո իր թանգարանը կստեղծվի։

ԵՐԵՎԱՆ, 31 օգոստոսի - Sputnik. Համավարակով պայմանավորված սահմանափակումներից հետո Ալեքսանդր Թամանյանի անվան ճարտարապետության ազգային թանգարան-ինստիտուտն առաջին անգամ իր դռներն է բացել այցելուների համար նոր ցուցադրությամբ: Առաջիկա մեկ ամսվա ընթացքում թանգարանի հյուրերը կկարողանան ծանոթանալ նկարիչ, ճարտարապետ, քանդակագործ, արվեստաբան Վան Խաչատուրի աշխատանքներին:

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Վան Խաչատուրի աշխատանքների ցուցահանդեսը Ալեքսանդր Թամանյանի անվան ճարտարապետության ազգային թանգարան-ինստիտուտում

Վան Խաչատուրը Հայաստանում մոնումենտալ-դեկորատիվ գեղանկարչության հիմնադիրն է: Դրա վկայությունն են Մատենադարանի խճանկարը, որմնանկարները, մոնումենտալ նկարները, Գիտությունների ազգային ակադեմիայի նախագահության շենքում Մեսրոպ Մաշտոցի ու Մովսես Խորենացու մոնումենտալ կերպարները:

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Մատենադարանի խճանկարը, որմնանկարները, մոնումենտալ նկարները

Երևանի յուրաքանչյուր բնակիչ անշուշտ տեսել է Սայաթ-Նովա փողոցի բնակելի շենքի կողային պատին արված դեկորատիվ հորինվածքը՝ պատրաստված սև և սպիտակ տուֆով (1965 թ), կամ Երևանի Ա․ Սպենդարյանի անվան երաժշտական դպրոցի գլխավոր ճակատի դեկորատիվ հորինվածքը՝ հրաբխային տուֆով (1970 թ), ինչպես նաև ճայի արձանը՝ Թբիլիսյան խճուղու կողմից Երևանի մուտքի մոտ։

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Սայաթ-Նովա փողոցի բնակելի շենքի կողային պատի և Երևանի Ա․ Սպենդարյանի անվան երաժշտական դպրոցի գլխավոր ճակատի դեկորատիվ հորինվածքները

Դե, իսկ զբոսաշրջիկների համար իսկական ուխտավայր է դարձել 1915 թվականի Հայոց ցեղասպանության զոհերի հուշարձանը Նոր Խարբերդ գյուղում (1964 թ):

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Հայոց ցեղասպանության զոհերի հուշարձանը Նոր Խարբերդ գյուղում (1964 թ)

Ալեքսանդր Թամանյանի անվան ճարտարապետության ազգային թանգարան-ինստիտուտի տնօրեն Մարկ Գրիգորյանի խոսքով՝ Վան Խաչատուրին ճանաչում են որպես նկարչի և քանդակագործի, սակայն քչերն են ծանոթ նրա ճարտարապետական մտքերին:

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Հայոց ցեղասպանության զոհերի հուշարձանը Նոր Խարբերդ գյուղում (1964 թ)

Ցուցահանդեսը Վան Խաչատուրին մեծապես բացահայտում է հենց այդ տեսանկյունից՝ ներկայացնելով ճարտարապետության և նկարչության սինթեզ առաջարկող ստեղծագործողին:

Մի կտոր Աֆրիկա Երևանում. նկարիչ Տարոն Սիմոնյանի ցուցահանդեսը

Ցուցադրության հենց սկզբում կարելի է տեսնել Վան Խաչատուրի` ապագայի քաղաքների գաղափարը: Ներկայացված են բարդ ռելիեֆների վրա քաղաքներ կառուցելու երեք սկզբունք, որոնք մինչ այժմ հանրությանը հայտնի չեն եղել: Ժամանակակից քաղաքի բարձրահարկ շենքերի կողքին վեր են խոյանում հսկայական սնկանման կառույցներ, որոնք էլ Վան Խաչատուրի պատկերացմամբ` ապագայի քաղաքն են ձևավորելու։

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Վան Խաչատուրի` ապագայի քաղաքների գաղափարը

Վան Խաչատուրը շենքերը «կառուցում էր» ծառի սկզբունքով. ինչպես ծառն է արմատներով ամրանում հողում, հետո իր ճյուղերը տարածում բոլոր ուղղություններով, նույնպիսին էլ նրա պատկերացրած ապագայի կառույցներն են:

Նա ոչ միայն մտածում ու նկարում էր, այլև ճարտարապետական մոտեցում ուներ ու գիտեր, թե ինչպես կարելի է իր նախագծերին կյանք տալ:

«Այ սա՛ է իմ քաղաքը: Իմ քաղաքում մեքենա չկա ու պետք էլ չի: Ես համարում եմ, որ մեր էսօրվա քաղաքը այլանդակություն է` ամենուր մեքենաներ: Ես իմ քաղաքը էնպես եմ ստեղծել, որ հնարավոր է շատ կարճ ժամանակում ոտքով հասնել` ուր ուզում ես: Հիմա հայերն էն մակարդակի են, որ սա փուչ բան է իրենց համար: Ասում են` էս խելառը ինչ-որ բաներ է հորինել»,-դեռ տարիներ առաջ ապագայի իր քաղաքի մասին խոսելիս ասել էր Վան Խաչատուրն ու հավելել, որ օրը գալու է, ու մարդիկ հասկանալու են իր արժեքը։

Արվեստագետի կինը՝ Արփենիկ Ղազարյանը, ամուսնու մահից գրեթե 1 տարի անց էլ հույսը չի կորցնում, որ նրա թողած ժառանգությունը հավուր պատշաճի կգնահատվի. չէ՞ որ արժեքներին տեր կանգնելը պետության պարտքն է։

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Արփենիկ Ղազարյանը

«Իր քաղաքները որ տեսնում էին, ասում էին` հնարավոր չէ կառուցել։ Ինքը գեղանկարիչ լինելով հանդերձ` եղանակներ հնարեց` ինչպես դա կարելի է կառուցել, և այնքան պարզ ու առաջադեմ»,–նշում է Արփենիկ Ղազարյանը։

Դալին ու Պիկասոն Երևան հասան. սպասված ցուցահանդեսը բացվեց, բայց ոչ բոլորի համար

1991 թվականին Վան Խաչատուրն իր 2600 աշխատանքները նվիրել է պետությանը՝ պայմանով, որ իր մահից առնվազն 5 տարի հետո իր թանգարանը կստեղծվի։ Արփենիկի խոսքով՝ մշակույթի միակ նախարարը, որն օգնել է Վան Խաչատուրին, եղել է Հասմիկ Պողոսյանը։

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Վան Խաչատուրի աշխատանքների ցուցահանդեսը Ալեքսանդր Թամանյանի անվան ճարտարապետության ազգային թանգարան-ինստիտուտում

Թանգարանի ստեղծման համար բավականին մեծ աշխատանք է տարվել։ Սակայն կապիտալ ծախսերի փուլում պետությունն այլևս չի աջակցել այս հարցում։ Մոտ մեկ տարի առաջ տիկին Արփենիկին ԿԳՄՍ նախարարությունից ասել են, որ այժմ շատ բան է փոխվել և թանգարան ստեղծելու աշխատանքները կմնան կիսատ։

Архитектурная выставка Ван Хачатура (26 августа 2020). Еревaн
© Sputnik / Asatur Yesayants
Վան Խաչատուրի` ապագայի քաղաքների գաղափարը

Տիկին Արփենիկի խոսքով՝ այժմ խնդիրները շատ են, իսկ պետությունն անտարբեր է դարձել արվեստի նկատմամբ։

Վան Խաչատուրը մահացել է 2019 թվականի սեպտեմբերի 27-ին 93 տարեկան հասակում, պետությունից խռոված։

Կայսերական նավատորմի նավեր և ոչ միայն. Գյումրիում բացվեց յուրահատուկ ցուցահանդես

157
թեգերը:
Հայաստան, նկարիչ, Վան Խաչատուրը (Վանիկ Հակոբի Խաչատրյան)
Ըստ թեմայի
Խորը գենետիկ կապ եմ զգում հայ ազգի հետ. Այվազովսկու ժառանգները պատմել են նախապապի մասին
Այսօրը պատմության մեջ. ապրիլի 28. Ոսկանյանի ծնունդից մինչև Մուսոլինիի գնդակահարություն
Մահացել է արվեստաբան Վան Խաչատուրը
«Հայֆիլմ» կինոստուդիա

Մեզ պե՞տք է կինոյի մասին օրենք, կամ ինչպես կարելի է դուրս գալ «Հայֆիլմի» ստվերից

70
(Թարմացված է 19:43 26.09.2020)
ՀՀ–ում առաջին անգամ կինոյի մասին օրենք կընդունվի։ Թեև ոլորտը տարիներ շարունակ պետական աջակցություն էր ստանում, բայց ըստ էության ինքն իրենով էր ապրում։ Լուրջ ձեռքբերումների մասին խոսել հնարավոր չէ, շատերի համար հայկական կինոն մնացել է «Հայֆիլմ» կինոստուդիայի ստվերում։

ԵՐԵՎԱՆ, 26 սեպտեմբերի – Sputnik. Տասնամյակներ շարունակ տարբեր կարծիքներ էին հնչում` արժե՞ կինոյի մասին օրենք ունենալ, թե՞ ոչ, ի՞նչ կտա այդ օրենքը կինոարտադրությանը, իսկապես կնպաստի՞ ոլորտի զարգացմանը, կկիրառվի՞ գործնականում, քանզի գաղտնիք չէ, որ արվեստը օրենքով չի կարգավորվում։

«Ինքներդ մտածեք` արդյոք թատրոնի կամ նկարչության կամ միջուկային ֆիզիկայի մասին օրենք պե՞տք է։ «Կինեմատոգրաֆիան» ընդհանուր հասկացություն է, տվյալ դեպքում պետք է հասկանալ, որ խոսքը բացառապես կինոարտադրության մասին է, ոչ թե արվեստի։ Արվեստն օրենքներին չի ենթարկվում, նույնիսկ հակառակը` խախտում է դրանք», – կարծում է կինոգետ, «Ֆիլմադարան» հիմնադրամի ղեկավար Գարեգին Զաքոյանը։

Օրենքի քննարկման ժամանակ կարծիքները բաժանվեցին հենց առաջին փուլում` տերմինները սահմանելու։ Էլ չասենք, որ ոմանք դրա անհրաժեշտությունն ընդհանրապես չէին տեսնում։

Ում պատճառով «ջնջեցին» Ֆրունզիկին, կամ ինչ «առակ» է պտտվում Լևոն Տեր–Պետրոսյանի մասին

«Մեկենասության, ինչպես նաև ընդհանուր առմամբ արվեստի և ոչ թե մասնավորապես կինեմատոգրաֆիայի ոլորտում աշխատող ֆիզիկական ու իրավաբանական անձանց աջակցության տրամադրման ու հարկային արտոնությունների մասին ընդհանուր օրենք է պետք», –Զաքոյանի միտքը շարունակում է կինոքննադատ, «Ծիրանի ծառ» կինոփառատոնի ծրագրային տնօրեն Արթուր Վարդիկյանը։

Որոշ փորձագետներ էլ խնդրահարույց են համարում «ազգային կինո» կարգավիճակի սահմանումը, որի առկայությունը որոշակի արտոնություններ է տալիս ֆիլմերին։

Խնդիրն այն է, որ փոփոխվող աշխարհում «ազգային կինո» տերմինը գնալով ավելի հարաբերական ու ոչ միանշանակ է դառնում։ Գործնականում ոչ միշտ է հասկանալի` արդյոք այս կամ այն ֆիլմը ազգային կինոյի նմուշ է, թե ոչ, իսկ դրանից, այնուամենայնիվ, կախված կլինի նրա ճակատագիրը։

Օրենքի գլխավոր առավելություններից մեկը փորձագետները համարում են ԵՄ–ի «Մեդիա» ենթածրագրին (որն ուղղված է մշակութային, ստեղծարար և աուդիովիզուալ հատվածի աջակցությանը) ինտեգրվելու հնարավորությունը կամ անհրաժեշտությունը։

Օրենքի հեղինակները նշում են, որ այն բարենպաստ պայմաններ կստեղծի օտարերկրյա ներդրումների համար ( մասնավորապես ՀՀ տարածքում ֆիլմարտադրության դեպքում` մոտավորապես ոչ պակաս, քան 100 մլն դրամ), ֆիլմի պրոդյուսերը կարող է սերտիֆիկատ ստանալ, որը կնվազեցնի ֆիլմարտադրության հետ կապված որոշ ծառայությունների արժեքը։

«Անկախության տարիներից ի վեր, երբ փլուզվեց ողջ համակարգը, մենք տեսանք, թե հայկական կինոն` որպես արտադրական մեխանիզմ, որքան չկայացած է, և ժամանակի ընթացքում փոխառեցինք մի մոդել, որը մոտ է համատեղ արտադրությանը, բախվեցինք մի շարք խնդիրների, մեր իրավաբանական ներուժը չէր բավականացնում, իսկ հիմա ներդրողների մակարդակը Հայաստանի նկատմամբ, անկասկած, այլ կլինի», – կարծում է կինոքննադատ, հեռուստահաղորդավար Րաֆֆի Մովսիսյանը։

Օրինագծի հեռանկարների մասին խոսելիս` կինոգործիչները նախևառաջ մեջբերում են Ֆրանսիայի, Լեհաստանի, Գերմանիայի, հարևան Վրաստանի և նույնիսկ հեռավոր Վենեսուելայի միջազգային փորձը։

«Հայաստանում կինոարտադրությունը աշխատելու է մի մոդելի հիման վրա, որը ցույց է տվել իր արդյունավետությունը Եվրոպայի մի շարք երկրներում, իսկ անկախ մարմինը` ժյուրին, եռակողմ համակարգելու է հոգաբարձուների խորհուրդը։ Բացի այդ, ժյուրիի կազմում արտասահմանյան մասնագետ կներգրավվի», – նշում է ռեժիսոր, պրոդյուսեր, Հայաստանի անկախ կինոգործիչների ակումբի (IFCA) համահիմնադիր Վիկտորյա Ալեքսանյանը։

Ակնհայտ է, որ նորմատիվային օրենքի առկայությունը որպես գաղափար ցանկալի է, սակայն նույնքան ակնհայտ է, որ այն լրացուցիչ փոփոխությունների կարիք ունի։ Նման հնարավորություն դեռ կա, օրինագիծն ԱԺ–ում ընդունվել է միայն առաջին ընթերցմամբ և կարող է լրամշակվել։

Ինչ վերաբերում է ազգային կինոյի նոր ալիքի և վերելքի, օրենքի ընդունման հետ դրանց անմիջական կապի վերաբերյալ էյֆորիկ տրամադրություններին, ապա այդ հարցը բավականին վիճահարույց է։

1990-ականներից կինոարտադրության ավերակների վրա հայտնված ոլորտի մարդիկ հայրենական կինեմատոգրաֆիայի փրկությունը կապում էին արտաքին գործոնների հետ, լինի դա «Հայֆիլմ» կինոստուդիայի վերածնունդը, թե կինոյի մասին օրենքը։ Այն դեպքում, երբ հաջող կինեմատոգրաֆիա ունեցող երկրներում կինոյի մասին օրենքը զուտ լրացուցիչ գործոն է կինոյին աջակցելու համար, ոչ թե առանցքային։

Իսկ քանի դեռ մշակութային քաղաքականությունը, կրթական համակարգի խորքային խնդիրները լուծվում են կոսմետիկ ճանապարհով, կինոյի մասին օրենքը ևս կդառնա գեղեցիկ, գրավիչ հանգրվան, բայց ոչ փրկօղակ։

70
թեգերը:
Գարեգին Զաքոյան, Րաֆֆի Հովհաննիսյան, Օրենք, կինոգետ, կինո, Հայաստան
Ըստ թեմայի
«Էնպես կխաղամ, դեռ կտեսնես…»․ անկրկնելի Գայլա Նովենցի կյանքի ու դերերի մասին
Վառ ու տաղանդավոր․ ովքե՞ր են Հոլիվուդի ամենահեռանկարային հայերը
«Սա քաղաքականության հարց չէ». Ստաս Նամինը` նոր ֆիլմի և որդու հետ Արցախ մեկնելու մասին
Արամ MP3

Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից

89
(Թարմացված է 23:02 25.09.2020)
Արամ MP3-ին իր նոր տեսահոլովակով մարտահրավեր է նետում աշխարհի հայերին։ Արդեն արձագանքներ կան Ռուսաստանում բնակվող մեր հայրենակիցներից։

Սոցիալական ցանցերի ամենաակտիվ դրսևորումներից մեկը մարտահրավերներն են` չելենջները, որոնք վիրտուալ տիրույթում մեծաթիվ մարդկանց համախմբում են նույն գաղափարի շուրջ։ Համավարակի ընթացքում թրենդի մեջ էին պարային մարտահրավերները։ Դրանք ոչ միայն բարձրացնում են տրամադրությունը, այլև օգնում են մնալ տոնուսի մեջ։

Հայտնի փոփ երգիչ Արամ MP3-ի նոր տեսահոլովակը ձայնագրվել է ռեփեր 3.33-ի հետ համատեղ։ Երգում հաջողությամբ համատեղվել են հայկական դուդուկի հնչողությունն ու ժամանակակից ռեփի բիթերը։ Ֆելիքս Խաչատրյանը (ռեփեր 3.33. - խմբ.) ռեփ է կարդում. «Քոչարի, պարելու կոչ արի...», իսկ Արամ MP3-ին շարունակում է. «Հոգիս երգում է լեռների երգը, էս պարը զենք է, տուր ինձ քո ձեռքը, հաղթողը մենք ենք, դե պարի քոչարի...»։ Ախթալայի եկեղեցական համալիրի մոտ նկարահանված, ազգային պարով ու տարրերով լեցուն տեսահոլովակը գրավել է շատերի ուշադրությունը, իսկ երգից ու տսահոլովակից ոգևորված երգչուհի Սոնա Եսայանը հայտարարել է մարտահրավեր` չելենջ։

View this post on Instagram

A post shared by Sona Yesayan (@sona_yesayan_dance_studio) on

Մարտահրավերին առաջինը հենց մասնակցել է Սոնա Եսայանը` ՄՀՀ–ի մոտ երգի տակ քոչարի պարելով։ Քոչարու չելենջին միացել են մեր հայրենակիցները աշխարհի տարբեր անկյուններից։ Օրինակ` ամենավառ տեսանյութերից մեկն ուղարկվել է Վորոնեժից Դանիելի և Անի Հայրապետյանը:

Ինչպես իր տեսանյութում ասում է Արամ MP3-ին, մարտահրավերի շրջանակներում բոլոր ցանկացողները կարող են քոչարի պարել, տեսանյութը տեղադրել սոցցանցում, նշել Արամ MP3-ին և Սոնա Եսայանին։ Լավագույն 5 տեսահոլովակների հեղինակները կհրավիրվեն Արամ MP3-ի համերգին։

View this post on Instagram

A post shared by Aram Mp3 (@aram_mp3) on

89
թեգերը:
չելենջ, տեսահոլովակ, Քոչարի, Արամ MP3
Ըստ թեմայի
Արամ MP3–ն բժիշկ է «դարձել», Մկրտիչ Արզումանյանը` զինվոր. նոր տեսահոլովակ կարևորի մասին
Արամեն, Մկոն, Արամ MP3–ն ու մյուսները երգում են «Հերոս տղերքը». նոր տեսահոլովակ
«Այս օրը հավերժ դաջվեց իմ մեջ որպես սև օր»․ մահացել է երգիչ Արամ MP3-ի հայրը
Արայիկ Հարությունյան

Այս անգամ զինադադար հաստատելու համար Ռուսաստանը ստիպված է բանակցել Թուրքիայի հետ

87
(Թարմացված է 23:10 30.09.2020)
Ի տարբերություն 2016–ի Ապրիլյան պատերազմի, այս անգամ միջնորդները գործ ունեն ոչ թե Ադրբեջանի, այլ Թուրքիայի հետ։

ԵՐԵՎԱՆ, 30 սեպտեմբերի — Sputnik. Այս անգամ զինադադար հաստատելու համար Ռուսաստանը ստիպված կլինի բանակցել Թուրքիայի, ոչ թե Ադրբեջանի հետ։ Նման կարծիք այսօր հայտնեց Արցախի Հանրապետության նախագահ Արայիկ Հարությունյանը` պատասխանելով լրագրողներից մեկի հարցին, թե Քառօրյա պատերազմի օրերին Ռուսաստանը միջամտեց, և հրադադար կնքվեց` արդյոք այս անգամ կան նման ազդակներ։

«2016 թվականին Արցախը կռվում էր Ադրբեջանի դեմ, և ՌԴ–ն ի վիճակի էր «համոզելու» Ադրբեջանին։ Այժմ ՌԴ–ն պետք է խոսի Հայաստանի և Թուրքիայի հետ։ Ես չգիտեմ, թե որքանով է պատրաստ ռուսական իշխանությունը խոսելու Թուրքիայի ղեկավարության հետ»,–ասաց նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

87
թեգերը:
Ադրբեջան, Թուրքիա, Ռուսաստան, Արցախի նախագահ Արայիկ Հարությունյան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Դիրքային շոշափելի փոփոխություններ առաջնագծում տեղի չեն ունեցել. Արայիկ Հարությունյան
Կանգնեցրեք Ալիևին և Էրդողանին. Մերկելի նստավայրի մոտ ակցիա է տեղի ունեցել
Երևանում հնդիկ ուսանողներն օգնություն են հավաքում և ուղարկում Արցախ. տեսանյութ