«Կիրիլիցայի բակի» հիմնադիր Կարեն Ալեքսանյանն ու Բուլղարիայի նախագահ Ռումեն Ռադևը

«Փոքր, բայց հերոսական ժողովուրդ». Բուլղարիայի նախագահը շնորհակալություն է հայտնել հայերին

831
(Թարմացված է 10:02 19.07.2020)
Բուլղարիայի հնագույն մայրաքաղաք Պլիսկայում գործում է աշխարհում կիրիլիցայի միակ թանգարանը։ Այս թանգարանը ստեղծողը հայ է, ինչն առանձնապես է տպավորել Բուլղարիայի նախագահին։

Արամ Գարեգինյան, Sputnik Արմենիա

Բուլղարիայի Պլիսկա քաղաքում գտնվող «Կիրիլիցայի բակը» շարունակում է բացառիկ մնալ։ Սա աշխարհում կիրիլիցայի միակ թանգարանն է. այստեղ ցուցադրվում են կիրիլյան այբուբենի տառերը, ինչպես նաև անկախ ազգությունից կիրիլիցա օգտագործող գրողների հուշարձանները։

Յուրաքանչյուր հուշարձանի բացմանը պաշտոնական պատվիրակություններ են հրավիրվում Բուլղարիայից, հարևան Սերբիայից, Ուկրաինայից և Բելառուսից, ինչպես նաև Ռուսաստանի բազմաթիվ ժողովուրդներից։

Մի քանի օր առաջ այստեղ է եղել Բուլղարիայի նախագահ Ռումեն Ռադևը։ Նրան հաճելիորեն տպավորել է այն, թե ինչպես է քարոզվում սլավոնականների և բուլղար ժողովդրի մշակութային ժառանգությունը (Կիրիլն ու Մեֆոդին ծնվել են Սալոնիկում և մեծ հավանականությամբ սերում էին հարավային սլավոններից, այդ պատճառով Բուլղարիայում կիրիլիցան ազգային ձեռքբերում են համարում և իրենց ներդրումը համաշխարհային մշակույթի մեջ)։ Սակայն նախագահին տպավորել է այն, որ այս թանգարանը նույնիսկ ոչ թե բուլղարացի է ստեղծել, այլ հայ` Կարեն Ալեքսանյանը։

«Այս թանգարանը ցուցադրում է մեր հոգևոր ներդրումը համաշխարհային քաղաքակրթության մեջ։ Եվ այն ոչ թե բուլղարացի հայրենասեր է կառուցել, այլ հայ` փոքր, բայց հերոսական ժողովրդի որդի, որի հետ մենք շատ խորը մշակութային կապեր ունենք», – «Կիրիլիցայի բակում» իր ելույթի ժամանակ հայտարարել է նախագահ Ռադևը։

Նա ուշադրություն է հրավիրել նաև տեղանքի վրա, որտեղ կառուցվել է թանգարանը։ Պլիսկա քաղաքը բուլղարացիների հնագույն մայրաքաղաքն է, որը VII դարում հիմնադրել է Բուլղարիայի թագավորության նախահայր Ասպարուխ խանը (թուրքալեզու բուլղարների առաջնորդ, որոնք ավելի ուշ խառնվեցին տեղի սլավոնականների հետ)։

Президент Болгарии Румен Радев (слева) и основатель Двора кириллицы Карен Алексанян
© Photo : provided by Karen Aleksanyan
«Կիրիլիցայի բակի» հիմնադիր Կարեն Ալեքսանյանն ու Բուլղարիայի նախագահ Ռումեն Ռադևը

«Այցի ընթացքում պարոն նախագահը հավաքվածներին հայտարարեց. «Այստեղ մենք և մեր երեխաները կարող ենք զգալ բուլղարացու ոգու ուժը։ Իմ երախտագիտությունն ու հարգանքն եմ հայտնում պարոն Ալեքսանյանին»։ Ես շատ ուրախ եմ նույնիսկ ոչ թե նրա համար, որ անձամբ իմ անունն է հնչում, այլ որ Բուլղարիայում հայի անուն է հնչում», –Sputnik Արմենիայի հետ զրույցում նշեց «Կիրիլիցայի բակ» թանգարանի հիմնադիր Կարեն Ալեքսանյանը։

Նախագահի այցին ընդառաջ այստեղ բացել են գրող, թուրքական տիրապետությունից Բուլղարայի ազատագրման մարտիկ Զախարի Ստոյանովի կիսանդրին։ Բացումը նվիրված էր նրա ծննդյան 170-ամյակին։

Բուլղարիայի նախագահն իր հերթին քաջատեղյակ էր, որ հայերը ևս բուլղարացիների հետ մարտնչել են թուրքերից երկիրն ազատագրելու համար։

Այստեղ կանգնեցվել են բուլղարական և ռուս գրականության գրեթե բոլոր դասականների, սերբ գրողների, ինչպես նաև Ռուսաստանի բազմաթիվ ժողովուրդների գրողների ու բանաստեղծների հուշարձանները. դասական չեչենական գրականությունից` Աբուզար Այդամիրովի, «բուրյաթական Եսենինի»` Նամժիլ Նիմբուևի, կալմիկ գրող Կուգուլտինովի և շատ ուրիշների։

Ռուսաստանի Արևելքի թանգարանը կներկայացնի հայկական մանրանկարչությունը

Կա նաև մոնղոլական նոր գրականության դասական Պուրևիյն Խորլոյի հարթաքանդակը, վերջերս բացվեց բելառուս դասական Յանկա Կուպալայի, ինչպես նաև բուլղարական ծագում ունեցող ուկրաինացի գրող Ալեքսանդր Թեոդորով–Բալանի կիսանդրին։

Президент Болгарии Румен Радев (справа) и основатель Двора кириллицы Карен Алексанян
© Photo : provided by Karen Aleksanyan
«Կիրիլիցայի բակի» հիմնադիր Կարեն Ալեքսանյանն ու Բուլղարիայի նախագահ Ռումեն Ռադևը

«Սլավոներենով գրող յուրաքանչյուր ժողովուրդ պետք է այստեղ անձամբ ներկայացնի իր մշակույթը։ Ես չեմ կարող ինձ նման իրավունք վերապահել, այդ պատճառով չեմ ընտրում ո՛չ գրողին, ո՛չ էլ հուշարձանի նախագիծը։ Ես դիմում եմ Մշակույթի նախարարություն կամ տվյալ հանրապետության գրողների միություն։ Նրանք են որոշում, իսկ ես պատվիրում եմ հուշարձանը, ֆինանսավորում եմ այն ու հյուրերի սպասում բացմանը», –ասում է Ալեքսանյանը։

2019 թվականի նոյեմբերին բացվեց նաև ռուսալեզու գրող, Հայրենական մեծ պատերազմի մասնակից, ԼՂՀ–ում ծնված Լեոնիդ Գորունցի հուշարձանը։ Արարողությանը մասնակցելու համար Բուլղարիա էր ժամանել Արցախի Հանրապետության մշակույթի նախարար Լեռնիկ Հովհաննիսյանը։

«Ի վերջո մենք էլ գրողներ ունենք, որոնք ռուսերեն և սլավոնական այլ լեզուներով են գրել, ինչո՞ւ չհարգենք նաև նրանց հիշատակը», – նշում է Կարեն Ալեքսանյանը։

Նման գրողների շարքում բացվել է նաև հայտնի բուլղարացի ֆանտաստ գրող Հակոբ Մելքոնյանի հուշարձանը, ինչպես նաև բուլղարացի կին գրող Սևադա Սևանի հարթաքանդակը։

«Թուրքիայի վերջին հայկական գյուղում» պատմության ու մշակույթի թանգարան է բացվել

Ալեքսանյանի համար կարևորը ոչ մեկին չմոռանալն ու չշրջանցելն է։ Այդ պատճառով էլ մշտապես գրում ու զանգահարում են սլավոնական աշխարհի բոլոր անկյունները, հասկանալու համար, թե էլ ում հուշարձանը կարող է և պետք է այստեղ կանգնեցվի։

831
թեգերը:
Կարեն Ալեքսանյան, գրող, Նախագահ, Թանգարան, հայ, Բուլղարիա
Ըստ թեմայի
Մեկ Էրմիտաժ երկուսի համար, կամ Պիոտրովսկիների երևանյան տան մասին
Բակունցի մայրն այդպես էլ չիմացավ որդու գնդակահարության մասին. քիչ հայտնի դրվագներ
Սլավոնական գրականության օրը Երևանում նշվել է երթով և ֆլեշմոբով
Տիգրան Ձիթողցյան

Մանկության երազանք. Տիգրան Ձիթողցյանի կտավով ազդագիրը հայտնվել է Նյու Յորքի կենտրոնում

102
(Թարմացված է 15:12 05.05.2021)
Տիգրանը Facebook-ի իր էջում տեսանյութ է հրապարակել, որին հաջորդել է շնորհավորանքների շարքը։

ԵՐԵՎԱՆ, մայիսի 5 - Sputnik. Հայ նկարիչ Տիգրան Ձիթողցյանի «Հայելիներ» հայտնի շարքի աշխատանքներից մեկը Նյու Յորքի խոշորագույն արտ–տոնավաճառի՝ Cube Art Fair-ի գլխավոր պաստառն է դարձել։ Տոնավաճառն անցկացվում է մայիսի 5-9-ը:

Տիգրանը Facebook-ի իր էջում տեսանյութ է հրապարակել և գրել. «Երեկ այս մասին չէի մտածում, բայց այսօր իրականում տեսա դա ու ապշեցի։ Կարծես մանկության երազանք կատարված լինի»։

Գրառումն իրարանցում է առաջացրել նկարչի ընկերների ու հետևորդների շրջանում. նրանք անվերջ շնորհավորանքներ են գրում նկարչին:

Տիգրանը ծնվել է Երևանում։ 2000-ականներին մեկնել է Շվեյցարիա` սովորելու, հետագայում տեղափոխվել է ԱՄՆ, որտեղ ապրում է մինչ օրս։

Նկարիչն իր արվեստը սահմանում է որպես տեխնոլոգիական վերածնունդ։ Սա նոր ուղղություն է ոչ միայն հայկական կերպարվեստում, այլև համաշխարհային արվեստում։

Շաբաթվա մարդիկ. ո՞վ էին ուզում դառնալ և ո՞վ դարձան

102
թեգերը:
Տիգրան Ձիթողցյան, ԱՄՆ
Կամո Մովսեսյան

Լարված կրքեր՝ Ջազի փառատոնի չեղարկման շուրջ․ Կամո Մովսեսյանը վերադարձրեց իր ոսկե մեդալը

214
(Թարմացված է 15:54 01.05.2021)
Կամո Մովսեսյանն ասում է, որ Երևանի քաղաքապետարան որևէ փաստաթուղթ չի ներկայացրել. միայն աշխատանքային թուղթ է եղել, որը պետք է քննարկվեր։ Երևանի քաղաքապետի խոսնակն էլ պնդում է՝ ուռճացված ծախսեր են ներկայացրել, ինչի համար էլ մերժել են։

ԵՐԵՎԱՆ, 1 մայիսի - Sputnik. «Ջազի հայկական ասոցիացիայի» նախագահ Կամո Մովսեսյանը հետ է վերադարձնում Երևանի քաղաքապետ Հայկ Մարությանի` իրեն հանձնած ոսկե մեդալը։ Մովսեսյանն այդ մասին հայտարարեց Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ։ Նա նշեց, որ իր այս քայլի պատճառը Ջազի միջազգային փառատոնի շուրջ ստեղծված վիճակն է։

Նշենք, որ ամենամյա դարձած Ջազի միջազգային փառատոնը Հայաստանում այս տարի չկայացավ, քանի որ Երևանի քաղաքապետարանը չի ֆինանսավորել այն։

«Չորս անգամ մեզ ասում էին, թե կկազմակերպվի այն կամ կչեղարկվի, սակայն ֆորմատի փոփոխությամբ։ Օրինակ, ավանդաբար Կասկադում անցկացնելու փոխարեն սկզբում առաջարկեցին այն թանգարաններում կազմակերպել, իսկ հետո ասացին` Սիրահարների այգում պետք է կազմակերպվի։ Սակայն վերջում մեզ հայտնեցին, թե ֆինանսներ չեն տրամադրելու»,-ասաց Մովսեսյանը։

Նա նշում է, որ Երևանի քաղաքապետարանը որպես պատճառ է բերում ասոցիացիայի կողմից էլեկտրոնային փոստով ուղարկած աշխատանքային մի թուղթ, որի վրա ո՛չ կնիք կա, ո՛չ էլ ստորագրություն։ Քաղաքապետարանից հայտնել են, թե ուռճացված նախահաշիվ է ներկայացվել, որը կուղարկվի համապատասխան բաժիններ` քննության։

Пресс-конференция председателя армянской Ассоциации джаза Камо Мовсесяна в мультимедийном пресс-центре Sputnik Армения (1 мая 2021). Еревaн
© Sputnik / Asatur Yesayants
Կամո Մովսեսյան

Մովսեսյանն ասում է՝ եթե եռօրյա ժամկետում քաղաքապետարանը չներկայացնի որևէ փաստաթուղթ, որը կլինի կնքված և ստորագրված ասոցացիայի կողմից, դիմելու են դատարան՝ իրենց անունը պախարակելու փորձի համար։

«Մեզ հետ որևէ քննարկում չի եղել մեր ներկայացրած աշխատանքային թղթի հետ կապված։ Եթե կասկածներ կային, թող հրավիրեին մեզ, քննարկեինք»,-ասաց Մովսեսյանը։

Նա հավելեց նաև, որ Երևանի քաղաքապետի խոսնակն իրեն ասել է՝ Ջազի միջազգային օրը Երևանի մշակութային միջոցառումների ցանկից հանվել է։

Ուշագրավ է այն հանգամանքը, որ, ըստ Մովսեսյանի, Երևանի քաղաքապետի 2021-ի բյուջետային ուղերձում նշված է՝ նախատեսված է Ջազի միջազգային օր անցկացնել։

Մովսեսյանը կարծում է, որ իրենց ֆինանսավորում չտրամադրելու պատճառներից մեկն էլ երևի այն է, որ 2019-ին փառատոինին հրավիրել էին «Գրեմմիի» քառակի դափնեկիր Գոնսալո Ռուբալկաբային, իսկ փառատոնի բյուջեն կրկին 15 միլիոնի սահմանում է եղել։

Մովսեսյանը վստահեցրեց՝ 8 մլն իր միջոցներից ավելացրել է, որպեսզի Ռուբալկաբան Երևան գա և փառատոնը մնա իր վարկանշային բարձրության վրա։ Ինչ վերաբերում է քաղաքապետարանի կողմից ասված ուռճացված ծախսերին՝ Մովսեսյանն նշեց՝ որևէ ծախսի մասին չի հրապարակելու, քանի որ կոռեկտ չի համարում ներկայացնել մի թուղթ, որը չի էլ քննարկվել, և որն անգամ փաստաթղթի կարգավիճակ չունի։

Երևանի քաղաքապետի մամուլի խոսնակ Հակոբ Կարապետյանը Sputnik Արմենիայի հետ զրույցում հայտնեց, որ, չնայած այն հանգամանքին, որ փառատոնն արդեն ավանդույթ էր դարձել, քաղաքապետարանը որոշել է չֆինանսավորել Ջազի միջազգային փառատոնը, քանի որ ներկայացված նախահաշվում ուռճացված ծախսեր են եղել։

Հոգեպարար ջազ սահմանին. լուսանկարներ Տավուշում անցկացված Yerevan Jazz Fest փառատոնից

Կարապետյանը հիշեցրեց, որ նախորդ տարի այն տեղի չունեցավ կորոնավիրուսով պայմանավորված սահմանափակումների հետևանքով։

«Այժմ էլ կորոնավիրուսային իրավիճակը շարունակում է լարված մնալ և «Ջազի հայկական ասոցացիայի» դիմումին ի պատասխան` բանավոր քննարկումների ժամանակ նշվել էր, որ հաշվի առնելով ինչպես այդ, այնպես էլ հետպատարազմական իրավիճակը` քաղաքապետարան նախահաշիվ ներկայացվի։ Դրա ուսումնասիրության արդյունքում խիստ մեծ ծավալի ուռճացված ծախսերի վերաբերյալ կասկածներ են ի հայտ եկել, որոնք ուղարկվել են համապատասխան մարմիններ քննության»,–ասաց Կարապետյանը։

Նրա խոսքով` 15 մլն էր ընդհանուր բյուջեն, սակայն կասկածները վերաբերում են նախահաշվում եղած մի քանի միլիոն դրամին։

Օրինակ, այնտեղ տող կար, որ մամուլի ասուլիս պետք է կազմակերպեն, որի համար 500 000 դրամ ծախս պետք է արվեր։ Կարապետյանը նշեց նաև, որ թեև կազմակերպիչները պնդում են, որ փառատոնն անցկացվում է ջազի հանրահռչակման համար, սակայն նախահաշվում ծախսերի 10 տոկոսը ներկայացված է որպես շահույթ։

Կարապետյանը նշում է` եթե դա կոմերցիոն ծրագիր է, ապա պետք է այդպես էլ ասել։

Նշենք, որ Ջազի միջազգային օրը Երևանում անցկացվում է 2012-ի ապրիլի 30-ից սկսած ամեն տարի:

Սթենլի Քլարքի ջազ բենդի երաժիշտը Կասկադում տաբլա է նվագում. նա տեսանյութ է հրապարակել

214
թեգերը:
Երևանի քաղաքապետարան, Երևանի Կասկադ, Երևան, փառատոն, ջազ
Ըստ թեմայի
Ջազ, օպերա և Պուշկին. Սթենլի Քլարկը Երևանում պատմեց իր նոր ու մեծ նախագծի մասին
Սիրելի հյուրը Ռեյ Չարլզն էր ու հարազատ ջազը․ ինչպես հայ երգչուհին իրեն գտավ Նյու Յորքում
Հայաստան են ժամանել աշխարհահռչակ երաժիշտներ. ինչ է սպասում ջազի սիրահարներին
Փաշինյանը տիկնոջ ու դստեր հետ մասնակցել է ջազի տոնին. լուսանկարներ

Մասնակցելո՞ւ եք ընտրություններին և ինչո՞ւ. հարցախույզ Երևանում

0
(Թարմացված է 22:44 06.05.2021)
Sputnik Արմենիան հարցում է անցկացրել Երևանում և պարզել` ՀՀ քաղաքացիների մեծ մասը պատրաստվում է մասնակցել հունիսին նախատեսված արտահերթ ընտրություններին։

Sputnik Արմենիայի հարցման մասնակիցները համարում են, որ ընտրություններին մասնակցելը յուրաքանչյուր քաղաքացու պարտքն է։ Գնալու են քվեարկության, որովհետև մտավախությունները շատ են, իսկ ընտրություններից հետո շատ բան կարող է փոխվել։

Քաղաքացիներից մեկի կարծիքով՝ մեր միակ հույսը հզոր զենք ստեղծելն է։

«Մենք ուրիշ ճար չունենք», -ասաց նա։

Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին

Տղամարդկանցից մեկն էլ շեշտեց, որ ոչ մի դեպքում չի մասնակցելու ընտրություններին։

«Հերս էլ բանակից գա՝ չեմ մասնակցելու։ Նիկոլի ժամանակ եղել եմ, Ռոբերտի ժամանակ եղել եմ, Սերժի ժամանակ եղել եմ, Պարույրի՝ ևս, բայց ինչի՞ տեղ անցավ»,– նշեց նա։

Որպեսզի իմանաք, թե ինչ պատասխաններ են տվել հարցման մյուս մասնակիցները, դիտեք Sputnik Արմենիայի տեսանյութը։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

 

0
թեգերը:
Հարցում, Երևան, Ընտրություններ, Հայաստան
Ըստ թեմայի
Ընտրությունները ՀՀ պետականության անփառունակ վախճանի նոր էջ կբացեն․ Աշոտյան
Եթե Փաշինյանն անգամ ընտրություններում պարտվի, միևնույնն է, ինքնակամ չի հեռանա. քաղաքագետ 
Լինելու են ՀՀ պատմության մեջ ամենավատ ընտրությունները. տեղամասերում կլինեն բախումներ