Գոմանի գյուղը. Ջավախք

Ոչ մի վանդալիզմ էլ չի եղել. վիրահայոց թեմի հոգևորականը վստահեցնում է` ամեն ինչ կարգին է

141
(Թարմացված է 13:28 09.06.2020)
Որքան կարժենա հայկական վանքի վերականգնումը, առայժմ հայտնի չէ։ Աշխատանքները կիրականացվեն փուլ առ փուլ։

ԵՐԵՎԱՆ, 8 հունիսի – Sputnik․  Վիրահայոց թեմի Ջավախքի և Ծալկայի ընդհանուր առաջնորդական փոխանորդ Տեր Մաղաքիա վարդապետ Ամիրյանը Sputnik Արմենիայի թղթակցի հետ զրույցում ասաց, որ Սուրբ Գրիգոր Լուսավորիչ հայկական եկեղեցու պղծման և վանդալիզմի մասին տեղեկությունները չեն համապատասխանում իրականությանը։

Ավելի վաղ Վրաստանի հոգևոր ժառանգության պահպանման ազգային գործակալությունը հայտնել էր, որ անհայտ անձիք վնասել են Սամցխե-Ջավախքի նահանգի Ախալքալաքի շրջանի Գոմանի գյուղի Սուրբ Գրիգոր Լուսավորիչ վանքն ու վանքի բակում գտնվող գերեզմանները։ Գործակալության վերահսկողության ծառայության տեսչական խմբի աշխատակիցները բազմաթիվ վնասված տեղեր են հայտնաբերել։

Հաղորդում էին, որ եկեղեցու բակում ծանր տեխնիկայի հետքեր են երևում կառույցի երեք ճակատների ՝ արևմտյան, հարավային և արևելյան կողմերից։ Վնասված են գերեզմանները, ամենուր մարդկային մնացորդներ են ցրված։ Վնասված են նաև պարիսպն ու վանքի շեմը։ Գործակալության դիմումի հիման վրա Սամցխե-Ջավախքի ՆԳՆ ոստիկանության վարչությունը քրեական գործ է հարուցել մշակութային ժառանգության հուշարձանի վնասման փաստով:

«Ոչ մի վանդալիզմ չի եղել, գերեզմանները ևս քանդված չեն։ Մենք դա ժխտում ենք»,-ասաց Ամիրյանը։

19-րդ դարի վանքը փլուզման եզրին է։ Ամիրյանը նշեց, որ գյուղի բնակիչները վանքը վերականգնելու խնդրանքով դիմել են առաջնորդարան, ինչպես նաև քաղաքապետարան:

Այդ նպատակով Ախալցխայից երկրաբան է հրավիրվել։ Մասնագետը երեք տեղում փորել է հողը, որպեսզի եզրակացություն տա հիմքի վիճակի և վանքի վերակագնման աշխատանքների ծավալի մասին։ Ամիրյանը պարզաբանեց, որ Վրաստանի համապատասխան մարմիններն այդ աշխատանքները սկսելու թույլտվություն են տրամադրել։

«Երկրաբանը կատարել է իր աշխատանքը և եզրակացությունն ուղարկել է մեզ»,-ասաց վարդապետը։

Նա նշեց, որ Վրաստանի Ներքին գործերի նախարարությունը քրեական գործ է հարուցել, սակայն առաջնորդարանը ներկայացրել է իրավիճակը և իրավապահ մարմիններին տրամադրել անհրաժեշտ տեղեկությունները։ Նրանք հույս ունեն, որ հարցն այդքանով կփակվի։

«Մենք հայտնեցինք նրանց, որ դա իրականացվել է մեր իմացությամբ և ոչ մի վանդալիզմ չի եղել»,-ասաց Ամիրյանը։

Վարդապետն իրավապահ մարմինների գործողություններում որևէ ենթատեքստ չի տեսնում։ Նա կարծում է, որ քրեական գործը հարուցվել է շտապողականության հետևանքով, ոչ ավելին։

Անվճար լույս «Կենաց ծառից». վանդալները փչացրել են հայկական քաղաքի նորարարությունը

Ամիրյանը նշեց, որ եկեղեցին վերականգնման կարիք ունի, և դա բավական մեծ աշխատանք է լինելու, որը պետք է իրականացվի փուլ առ փուլ։ Այդ պատճառով բարդ է ասել, թե որքան կարժենա վանքի վերականգնումը։ Հայտնի է, որ ծախսերը հոգալու են գյուղացիները։

Ներկայում առաջնորդարանը հավաքում է անհրաժեշտ փաստաթղթերը՝ նախարարությանը փոխանցելու համար։

Մշակութային վանդալիզմ. թուրք երգչուհին երգում է Անիի Մայր տաճարում. տեսանյութ

141
թեգերը:
վանդալիզմ, Եկեղեցի, Վրաստանի Հանրապետություն
Ըստ թեմայի
Գերեզմանաքարերը պղծելու դեպքերը հաճախակի են դարձել. Երևանի քաղաքապետարան
Ախոյան. «Ադրբեջանցիները ներխուժել են Աղթամարի Սուրբ Խաչ եկեղեցի և պղծել այն»
ԱՄՆ-ում պղծել են հայկական խաչքարը. հայ համայնքը դժգոհություն է հայտնում
Թանգարանային գիշեր

ՀՀ–ում և Արցախում 113 մշակութային կազմակերպություններ 1 օր անվճար կընդունեն այցելուներին

28
COVID-19 համավարակով պայմանավորված՝ այս տարի Թանգարանների միջազգային օրը և «Թանգարանների գիշեր» ակցիան կնշվեն նույն օրը։

ԵՐԵՎԱՆ, 14 մայիսի – Sputnik. ՀՀ կրթության, գիտության, մշակույթի և սպորտի նախարարությունը մայիսի 18-ին բոլորին հրավիրում է միասին տոնելու Թանգարանների միջազգային օրը: Թանգարանների միջազգային խորհրդի (ԻԿՕՄ) առաջարկով միջազգային հանրությունը 1977 թվականից մայիսի 18-ը նշում է որպես Թանգարանների միջազգային օր՝ նպատակ ունենալով համախմբելու թանգարաններին, կարևորելու դրանց դերը որպես հասարակության կրթական, մշակութային և ժամանցային կենտրոններ:

«Թանգարանները մեր մշակույթի, կրթության և զարգացման կարևորագույն կենտրոններն են, որտեղ պահվում և ներկայացվում են մեր պատմական հիշողությունը, կարևոր իրադարձությունների, փաստերի և մեր ազգային ինքնության վկայությունները: Մայիսի 18-ը պատեհ առիթ է կարևորելու թանգարանների դերը՝ որպես նոր գիտելիքներով հարստանալու, իրական արժեքներ ճանաչելու և ներշնչվելու, ստեղծագործելու և երևակայական հղացումները կյանքի կոչելու օջախներ»,– նշված է հաղորդագրության մեջ:

«Կաֆկայի երազը» հայկական անիմացիոն ֆիլմն ընդգրկվել է Հելսինկիի միջազգային փառատոնում

COVID-19 համավարակով պայմանավորված՝ այս տարի Թանգարանների միջազգային օրը և «Թանգարանների գիշեր» ակցիան կնշվեն նույն օրը՝ մայիսի 18-ին: Դրանք կիրականացվեն «Թանգարանների ապագան. վերականգնել և վերաիմաստավորել» խորագրի ներքո` թանգարաններին և համայնքներին առաջարկելով ստեղծել, պատկերացնել և կիսել արժեքի ստեղծման նոր պրակտիկաներ, մշակութային հաստատությունների նոր բիզնես մոդելներ և նորարարական լուծումներ ներկայիս սոցիալական, տնտեսական և բնապահպանական մարտահրավերների համար:

Մայիսի 18-ին` Թանգարանների միջազգային օրը, ՀՀ և Արցախի Հանրապետության 113 մշակութային կազմակերպություններ անվճար հիմունքներով իրենց հարկի ներքո կընդունեն այցելուներին` իրենց բազմաբովանդակ միջոցառումներով անմոռանալի դարձնելով յուրաքանչյուր այցելուի օրը:

28
թեգերը:
Թանգարան, Արցախ, Հայաստան
Ըստ թեմայի
Հայուհու «մետաքսե արտույտը» կամ հաջողակ բիզնես-լեդիի պատմությունը
Աննախադեպ նախագիծ. հայերն ու ռուսները միասին ձայնագրում են Բեթհովենի 9 սիմֆոնիաները
Ռուսական հեռուստաշոուի ժյուրին հոտնկայս ծափահարեց Սյուզաննա Մելքոնյանին. տեսանյութ
Հելսինկի

«Կաֆկայի երազը» հայկական անիմացիոն ֆիլմն ընդգրկվել է Հելսինկիի միջազգային փառատոնում

45
(Թարմացված է 12:16 11.05.2021)
Հայաստանի ազգային կինոկենտրոնը ֆիլմին մաղթում է հաջողություն և նորանոր հաղթանակներ:

ԵՐԵՎԱՆ, 11 մայիսի- Sputnik. «Կաֆկայի երազը» անիմացիոն կարճամետրաժ ֆիլմն ընդգրկվել է Հելսինկիիում 2021 թվականի մայիսի 20-ից 23-ը անցկացվելիք «Animatricks International Animation Festival» անիմացիոն ֆիլմերի միջազգային փառատոնին: Տեղեկությունը հայտնում է Հայաստանի ազգային կինոկենտրոնը` հավելելով, որ ֆիլմը ստացել է կինոկենտրոնի ֆինանսական աջակցությունը։

Տեղեկացվում է, որ ֆիլմն արտադրվել է «ԱրտՍտեպ ստուդիայի» կողմից։

«Կաֆկայի երազը» անիմացիոն ֆիլմի հեղինակը և ռեժիսորը Դավիթ Բաբայանն է, գլխավոր պրոդյուսերը` Արմինե Հարությունյան։

Ֆիլմի համար երաժշտություն է գրել Անդրանիկ Բերբերյանը, իսկ նկարիչ` Գագիկ Բաբայանն է։

Հայաստանի ազգային կինոկենտրոնը ֆիլմին մաղթում է հաջողություն և նորանոր հաղթանակներ:

45
թեգերը:
կինոփառատոն, փառատոն, անիմացիա, ֆիլմ
Մակրոնն ու Փաշինյանը

Ֆրանսիան պատրաստ է ռազմական աջակցություն ցուցաբերել Հայաստանին. Նիկոլ Փաշինյան

0
(Թարմացված է 20:15 14.05.2021)
Էմանուել Մակրոնն ասել է, որ դիտարկում է Սյունիքի սահմանների հարցի տեղափոխումը ՄԱԿ–ի անվտանգության խորհուրդ։

ԵՐԵՎԱՆ, 14 մայիսի – Sputnik. Ֆրանսիայի նախագահ Էմանուել Մակրոնը հայտնել է, որ Ֆրանսիան պատրաստ է նաև ռազմական օգնություն տրամադրել Հայաստանին։ ԱԺ արտահերթ նիստի ժամանակ այդ մասին հայտարարեց վարչապետի պաշտոնակատար Նիկոլ Փաշինյանը։

«Երեկ ես հեռախոսազրույց ունեցա Ֆրանսիայի նախագահի հետ, և Մակրոնի դիրքորոշումը նույնպես եղել է միանշանակ։ Ավելին, նա ասել է, որ դիտարկում է հարցի տեղափոխումը ՄԱԿ–ի անվտանգության խորհուրդ։ Ասել է, որ անվտանգության ՄԱԿ–ի մանդատով, ըստ անհրաժեշտության, Ֆրանսիան պատրաստ է նաև ռազմական աջակցություն ցուցաբերել հարցի կարգավորման միջազգային ջանքերին»,–ասաց Փաշինյանը։

Նա հավելեց` կարևոր է, որ այս թեմայով անվտանգության խորհրդի մշտական անդամները միմյանց հետ հաղորդակցության մեջ լինեն։ Փաշինյանը հավելեց` Հայաստանը հետևում է այդ գործընթացներին։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Պետք է պատրաստ լինենք հնարավոր վատ զարգացումներին. Ավինյանը` Սյունիքի մասին

0
թեգերը:
Էմանուել Մակրոն, Նիկոլ Փաշինյան, Ֆրանսիա, Հայաստան
Ըստ թեմայի
Սև լիճը ՀՀ հարավային ամենանեղ հատվածում է. Փաշինյանը բացահայտել է Ադրբեջանի նպատակը
ՀԱՊԿ–ով գործարկել ենք մեխանիզմ, որը քաղաքական և ուժային լուծում է նախատեսում. Փաշինյան
Ադրբեջանցիների հետ բանակցություններն ընդհատվել են. Փաշինյան