Աննա Մելիքյան

Հիպնոսն է օգնել. ինչպես է Աննա Մելիքյանն իրականում ստեղծել «Փերի» ֆիլմը

195
(Թարմացված է 10:37 02.05.2020)
Ռուսաստանաբնակ ռեժիսոր Աննա Մելիքյանը պատմել է իր «Փերի» թրիլերի մասին և ասել, թե ինչ ծրագրեր ունի։

ԵՐԵՎԱՆ, 2 մայիսի – Sputnik. «Փերի» ֆիլմի համար սցենար գրելիս ռեժիսոր Աննա Մելիքյանը դիմել է հիպնոսի օգնությանը։ Նա իր մտահղացման մասին պատմել է ՌԻԱ Նովոստիին։

Մելիքյանի նոր թրիլերի պրեմիերան առցանց է կայացել։ Ֆիլմում դերասան Կոնստանտին Խաբենսկին մարմնավորել է վիրտուալ իրականության խաղեր ստեղծողի կերպարը։ Ըստ սյուժեի` գործարար Եվգենի Վոյգինը պատահաբար հանդիպում է Փերի անունով երիտասարդ ակտիվիստի (Եկատերինա Ագեևա), որը երազում է դերասանուհի դառնալ և նկարահանվել Լարս ֆոն Թրիերի ֆիլմում։ Այդ պահից ի վեր հերոսի կյանքը կարծես առցանց խաղի է վերածվում` լի արկածներով, հետապնդումներով և միստիկայով։

«Սկզբում գաղափարներ չկային։ Բայց երբ իմացա ռեգրեսիայի մասին (հիպնոսի տեխնիկա, որը բացահայտում է այն, ինչը համարում են նախորդ կյանքի հուշեր կամ ռեինկարնացիա. խմբ.) գնացի սեանսի` հասկանալու համար, թե ինչպես է դա լինում», – ասել է Մելիքյանը։

Հայտնի է` որոնք են անցած տարվա ամենաշահութաբեր ֆիլմերը

Սեանսից առաջ նա ռեգրեսոլոգին ասել է, որ մասնագիտությամբ ռեժիսոր է, սցենար է գրում և պարզապես նյութ է հավաքում։ Մելիքյանի խոսքով` հիպնոսին դիմելը հետաքրքիր փորձ էր։

«Ես ընդհանրապես կարծում եմ, որ նման պատմություններն իրենք են մարդուն գտնում այն ժամանակ, երբ դա պետք է», – ասել է Մելիքյանը։

Посмотреть эту публикацию в Instagram

Публикация от Anna Melikyan (@petta3399)

Նա համոզված է, որ յուրաքանչյուր ֆիլմ իր էներգիան ունի։ «Փերի» ֆիլմի սցենարը գրվել է դանդաղ, նկարահանման գործընթացը բավական երկար է տևել։

Մելիքյանը նշել է, որ անձամբ իր ընկալմամբ ֆիլմն այն գաղտնիքի մասին է, որը մոտ է և որը բոլորն ուզում են բացահայտել։ «Մարդն իր կյանքի ընթացքում փորձում է կռահել, նույնիսկ որոշակի եզրահանգումներ է անում, բայց մինչև վերջ չի բացահայտում այդ գաղտնիքը»,– ասել է նա։

Посмотреть эту публикацию в Instagram

Публикация от Anna Melikyan (@petta3399)

Աննա Մելիքյանը նաև խոստովանել է, որ ֆիլմի նկարահանումներից առաջ համակարգչային խաղ է խաղացել` այդ ամենն ավելի լավ հասկանալու համար։ Ֆիլմում մի սյուժետային գիծ կա, երբ հերոսն ինչ–որ պահի ինքն իրեն ընկալում է որպես համակարգչային խաղի կերպար։

Դա կինեմատոգրաֆիական ձևով ընդգծելու համար դերասանի վրա տեսախցիկ են ամրացրել, որպեսզի դեպքերի զարգացումը երևա նրա աչքերով, ինչպես ընդունված է արկածային և կրակոցներով լի համակարգչային խաղերում։

Ինչ վերաբերում է ապագա ծրագրերին, Մելիքյանը նշել է, որ պատրաստվում է իր «Քնքշանք» սերիալին, որը կդառնա իր համանուն կարճամետրաժ ֆիլմի շարունակությունը։ Ռեժիսորը նաև հույս ունի, որ մեկուսացումից հետո անմիջապես նկարահանման հրապարակ դուրս կգա։

44-ամյա Աննա Մելիքյանը մեծացել է Երևանում, իսկ արդեն 17 տարեկանից տեղափոխվել է Մոսկվա։ Մելիքյանը «Մագնում» կինոընկերության հիմնադիրն է։ Նրա առաջին լիամետրաժ ֆիլմը եղել է «Մարսը», որին հաջորդել են «Ջրահարս», «Աստղը», «Սիրո մասին» ֆիլմերը։

Բիթլոմանիա` «համաճարակ», որի դեմ մինչև այժմ բժիշկներն անզոր են

195
թեգերը:
ռեժիսոր, ֆիլմ
Ըստ թեմայի
Խոսում են թուրքերեն, բայց մտածում ու զգում են հայերեն. ադիյամանցի հայ երգչի «ոդիսականը»
Հեռահար ներկայացում՝ «լեփ–լեցուն դահլիճով». Գյումրու տիկնիկային թատրոնն օգնեց «մնալ տանը»
Մարդիկ օնլայն հարթակներում թատրոն, համերգ, օպերա են դիտում. մշակութային շարժը մեծ է
Սերժ Թանկյան

SOAD–ը երբ ելույթ կունենա Հայաստանում. Թանկյանը վեբինար է ունեցել «Թումոյի» երեխաների հետ

80
(Թարմացված է 16:25 25.05.2020)
Սերժ Թանկյանը խոսել է սպասվող համերգի, SOAD խմբի, համավարակի բերած խնդիրների և ՀՀ վարչապետ Նիկոլ Փաշինյանի գրած բառերի հիման վրա իր ստեղծած երգի մասին։

ԵՐԵՎԱՆ, 24 մայիսի — Sputnik. Աշխարհահռչակ ռոք երաժիշտ Սերժ Թանկյանը հայտնել է, որ Հայաստանում նախանշված համերգը չի հետաձգվի։ Թանկյանը նման հայտարարություն է արել` «Թումոյի» ուսանողների հետ օնլայն վեբինարի ժամանակ։

«Հայաստանյան մեր համերգը տեղի կունենա հաջորդ տարի` ամռան մի հրաշալի օր։ Եթե, իհարկե, ամեն ինչ լավ լինի, քանի որ վարակի տարածման հետևանքով հիմա դեռ անորոշ է ամեն ինչ»,–ասել է Թանկյանը։

Ինչ վերաբերում է հարցին, թե ինչու խումբը նոր երգեր չի գրում և համերգներով էլ ուշ–ուշ է հանդես գալիս, Թանկյանը ժպիտով պատասխանել է, թե խմբի անդամները, չնայած շարունակում են ընկերություն անել, սակայն նրանք բոլորն էլ փոխվել են։ Նրա խոսքով` այն, ինչ նախկինում էր խումբը ստեղծել, յուրօրինակ էր, և հիմա չեն կարող ինչ–որ նոր բան անել, քանի դեռ բոլորը չեն նայում «նույն ուղղությամբ» և նույն տեսլականը չունենան։

Անդրադառնալով ՀՀ վարչապետ Նիկոլ Փաշինյանի գրած բառերի հիման վրա իր ստեղծած «Հայաստան» երգին՝ Թանկյանն ասաց, որ իր մոտ նման երգ ստեղծելու ցանկություն է առաջացել դեռ 2018–ի հեղափոխության օրերին։

«Հեղափոխության օրերին, երբ ես Հայաստանում էի, Նիկոլ Փաշինյանի հետ խոսել եմ հայկական երգերի մասին ու ասել, որ դրանց մեծ մասը շատ տխուր են։ Օրինակ՝ դուդուկի երաժշտությունը շատ տխուր է։ Մենք մտածեցինք, որ հիանալի գաղափար է ունենալ նոր երգ՝ դրական ու հաղթական բառերով հենց հեղափոխության մասին»,–ասել է Թանկյանը։

Տրիո, որին դժվար է հավատալ․ Սերժ Թանկյանը, Միշոն ու Սեբուն միասին երգ են թողարկել

Հիշեցնենք, որ «Հայաստան» երգից գոյացած ամբողջ հասույթը նվիրաբերվելու է «Իմ քայլը» հիմնադրամի՝ հանրային առողջության, կրթության ու մշակույթի, սոցիալական բարեկեցության, բնապահպանության ոլորտներում իրականացվող ծրագրերին:

80
թեգերը:
կորոնավիրուս, «Թումո» ստեղծարար տեխնոլոգիաների կենտրոն, Համերգ, Հայաստան, Սերժ Թանկյան
Ըստ թեմայի
Թուրքիայի համար դժվար կլինի. Սերժ Թանկյանը ողջունել է ԱՄՆ ներկայացուցիչների պալատի բանաձևը
Սերժ Թանկյանն ընդունել է Նիկոլ Փաշինյանի մարտահրավերը
«Շնորհակալ եմ` նախնիներիս հիշատակը հարգելու համար». Սերժ Թանկյան
Կարինե Բուռնազյանը

Կյանքից հեռացել է դերասանուհի Կարինե Բուռնազյանը

598
(Թարմացված է 18:16 24.05.2020)
Կատակերգական ժանրում հանդես եկող սիրված դերասանուհի Կարինե Բուռնազյանը դերեր է կերտել ինչպես ներկայացումներում, այնպես էլ հեռուստասերիալներում։

ԵՐԵՎԱՆ, 24 մայիսի — Sputnik. Հակոբ Պարոնյանի անվան երաժշտական կոմեդիայի պետական թատրոնը տեղեկացնում է, որ 61 տարեկանում կյանքից հեռացել է թատրոնի դերասանուհի Կարինե Բուռնազյանը։

Բուռնազյանը ծնվել է 1959 թվականի հունվարի 14-ին, Երևանում։ 1977 թվականից սովորել է Երևանի Հ․ Պարոնյանի անվան երաժշտական կոմեդիայի թատրոնին կից թատերական ստուդիայում (Զ․ Աբրահամյանի դասարան)։ 1988 թվականից աշխատել է նույն թատրոնում:

Խաղացել է մի շարք ներկայացումներում` Դիմիտրիուս Պսաֆասի «Պահանջվում է ստախոս» (Կուլա), Հակոբ Պարոնյանի «Մեծապատիվ մուրացկաններ» (Փահլևան), Պիեր Բոմարշեի «Խելահեղ օր» (Գոհար), Ալեքսանդր Շիրվանզադեի «Ազգային գործիչ» (Հմայիլ), Սոլոգուբի «Քնքուշ սրտից պատուհաս» (Դարյա Սեմյոնովնա) և այլն:

Վրաերթ Կոտայքի մարզում. 75-ամյա տղամարդը մահացել է

Նկարահանվել է «Վերվարածները», «Գերդաստան», «Իմ տունը իմ ամրոցն է», «Մեր բակը 4», «Վեր կաց և քայլիր» հեռուստասերիալներում։

598
թեգերը:
Հայաստան, դերասանուհի, Մահ
ՀՀ քննչական կոմիտե

Աբովյանում 40–ամյա տղամարդու սպանությունը բացահայտվել է. կա ձերբակալված

0
(Թարմացված է 14:10 26.05.2020)
Կատարվել է դեպքի վայրի զննություն, առգրավվել են հագուստներ, որոնց վրա հայտնաբերվել են արնանման հետքեր:

ԵՐԵՎԱՆ, 26 մայիսի — Sputnik. Աբովյան քաղաքում երեկ` մայիսի 25–ին տեղի ունեցած սպանության մեջ ենթադրյալ կասկածյալը ձերբակալվել է։ Տեղեկությունը հայտնում է ՀՀ քննչական կոմիտեն։

Ինչպես արդեն տեղեկացրել էինք, 2020թ. մայիսի 25-ին՝ ժամը 12:30-ին, քաղաքացուց ահազանգ է ստացվել այն մասին, որ Աբովյան քաղաքի «Սարալանջի» գերեզմանատան հարակից եկեղեցու մոտ տղամարդու դի կա:

Նույն օրը նշված վայրում հայտնաբերվել է 40-ամյա տղամարդու դի` գլխի շրջանում համեմատաբար սուր եզր ունեցող բութ առարկաների միջոցով հասցված բազմաթիվ գանգուղեղային վնասվածքներով:

Դեպքի առթիվ ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ (սպանություն) հոդվածի 1-ին մասով:

Քրեական գործով իրականացված քննչական և դատավարական գործողությունների, ինչպես նաև օպերատիվ-հետախուզական միջոցառումների արդյունքում պարզվել են դեպքի մի շարք հանգամանքներ, ենթադրյալ հանցագործություն կատարած անձի ինքնությունը, որը Աբովյան քաղաքի բնակիչ է՝ ծնված 1952թ.:

COVID 19-ով հիվանդներից 250-ը գտնվում են ծանր վիճակում. նախարարը նոր տվյալներ է հրապարակել

Վերջինս ձերբակալվել է՝ 40-ամյա տղամարդու սպանության կասկածանքով և հարցաքննվել:

Կատարվել է դեպքի վայրի զննություն, առգրավվել են հագուստներ, որոնց վրա հայտնաբերվել են արնանման հետքեր: Նշանակվել են համապատասխան փորձաքննություններ։

Նախաքննությունը շարունակվում է:

0
թեգերը:
Ձերբակալում, ՀՀ քննչական կոմիտե, Սպանություն, Աբովյան
Ըստ թեմայի
Հայաստանում կորոնավիրուսով վարակվածների թիվն ավելացել է 289-ով և դարձել 7402
Հայաստանում կորոնավիրուսից ևս 4 մարդ է մահացել. նրանցից 3-ը կանայք են
Կորոնավիրուսը Ուհան է վերադարձել. 10 օրվա ընթացքում COVID-19-ի 189 վարակակիր է բացահայտվել