Ջազ համերգ. արխիվային լուսանկար

Կորոնավիրուսը չի խանգարել. Հայաստանի պետական ջազ նվագախումբը նոր գործ է ներկայացրել

73
(Թարմացված է 15:58 30.04.2020)
Ջազի միջազգային օրը, ճիշտ է, համերգներ չեն լինի, սակայն ջազի սիրահարները հնարավորություն ունեն նոր ստեղծագործություն վայելելու։

ԵՐԵՎԱՆ, 30 ապրիլի — Sputnik. Կորոնավիրուսի պատճառով մարդկանց մեկուսացված լինելը չի խանգարի, որ ջազի սիրահարները Ջազի միջազգային օրը նոր ստեղծագործություն վայելեն։ Հայաստանի պետական ջազ-նվագախումբը գեղարվեստական ղեկավար ու դիրիժոր Արմեն Հյուսնունցի նոր` «Ծաղկազարդ» ստեղծագործությունն է ներկայացրել ունկնդիրներին։

Սթենլի Քլարքի ջազ բենդի երաժիշտը Կասկադում տաբլա է նվագում. նա տեսանյութ է հրապարակել

«Մեծ ջազ նվագախումը` Big Band։ Դա տոն է` տոն դրականի, գեղեցիկի և սիրո... Ջազի միջազգային օրը համաշխարհային երաժշտական տոնական խրախճանքին միանում ենք և զարդարում այն նոր ստեղծագործությամբ և նոր ձայնագրությամբ։ Վստահաբար, այսօր արդեն ոչ թե «Pandեմիա այլ Bandեմիա» է»,–գրված է YouTube–ում ունկնդիրներին ներկայացված նոր ստեղծագործությանը կից։

Հիշեցնենք, որ 2011 թվականին ՅՈՒՆԵՍԿՕ-ն ընդունել է բանաձև, համաձայն որի` 2012 թվականից ապրիլի 30-ը նշվելու է որպես Ջազի միջազգային օր:

«Ջազն իր ողջ պատմության ընթացքում եղել է դրական փոփոխությունների գործոն, որպիսին շարունակում է լինել նաև այսօր»,-ասել է ՅՈՒՆԵՍԿՕ-ի գլխավոր քարտուղար Իրինա Բոկովան:

Հայաստանում նույնպես այս օրը մի շարք համերգներ էին տեղի ունենում, սակայն կորոնավիրուսի տարածման կանխարգելման նպատակով` բոլոր համերգները չեղարկվել են։

Սա «լյա-լյա-ֆա» չէ․ ջազի աստղերն անհավանական տոն նվիրեցին հայ հասարակությանը․ լուսանկարներ

73
թեգերը:
տեսանյութ, տոն, Հայաստան, ջազ
Ըստ թեմայի
Սիրելի հյուրը Ռեյ Չարլզն էր ու հարազատ ջազը․ ինչպես հայ երգչուհին իրեն գտավ Նյու Յորքում
Jamiroquai ջազ–ֆանկ խմբի մասնակիցները Գառնիում քոչարի են պարում. տեսանյութ
Զախարովային հիացրել է Երևանի ջազ–ակումբը, իսկ ինքը զարմացրել է հայերին. տեսանյութ
Աթենա Մանուկյան

«Եվրատեսիլ 2020». Աթենա Մանուկյանն առցանց քվեարկության արդյունքում 3-րդ տեղն է գրավել

524
(Թարմացված է 15:30 30.05.2020)
Հանդիսատեսը հաղթանակը շնորհել է Շվեյցարիայի Gjon's Tears անունով մասնակցին, երկրորդ հորիզոնականում Լատվիայի ներկայացուցիչ Samanta Tīna-ն է, երրորդում՝ հայ երգչուհին։

ԵՐԵՎԱՆ, 30 մայիսի – Sputnik․ «Եվրատեսիլ 2020» միջազգային երգի մրցույթի Հայաստանի մասնակից Աթենա Մանուկյանը առցանց հարցման արդյունքում զբաղեցրել է 3-րդ հորիզոնականը։ Տեղեկությունը հայտնում է riafan.ru-ն։

Բանն այն է, որ մրցույթի չեղարկումից և Europe Shine A Light («Եվրոպան շողում է») համերգից հետո կազմակերպիչները որոշել են առցանց հարցումներ անցկացնել՝ հասկանալու համար, թե որ երկիրը կարող է հաղթել «Եվրատեսիլ 2020»-ում։

Հանդիսատեսը հաղթանակը շնորհել է Շվեյցարիայի Gjon's Tears անունով մասնակցին, երկրորդ հորիզոնականում Լատվիայի ներկայացուցիչ Samanta Tīna-ն է, երրորդում՝ հայ երգչուհին։

Նշենք, որ Europe Shine A Light («Եվրոպան շողում է») համերգը կայացավ «Եվրատեսիլ» մրցույթի եզրափակիչ փուլի փոխարեն, որը պիտի անցկացվեր Ռոտերդամում (Նիդեռլանդներ) մայիսի 12-16-ն, բայց Եվրոպայի հեռարձակման միավորումը միջոցառումը չեղարկեց կորոնավիրուսի համավարակի պատճառով։ Հայաստանի մասնակից Աթենա Մանուկյանը «Եվրատեսիլ 2020»-ի մասնակից մյուս 40 երկրների ներկայացուցիչների հետ մասնակցեց առցանց համերգին։

 

524
թեգերը:
Հայաստան, Աթենա Մանուկյան, Եվրատեսիլ
Ըստ թեմայի
«Եվրատեսիլի» կազմակերպիչները հայտնել են հաջորդ տարի մրցույթին մասնակցելու կանոնները
Աթենա Մանուկյանը ներկայացրել է իր նոր երգը․ երկրպագուները գոհ են
«Կվերադառնանք ավելի ուժեղ»․ Աթենա Մանուկյանն անդրադարձել է «Եվրատեսիլ 2020»-ի չեղարկմանը
Ձիթողցյանների տուն-թանգարանը

Հետ չմնալով Լուվրից ու Էրմիտաժից. Ձիթողցյանների տունը համալրվեց աուդիոգիդ համակարգով

326
(Թարմացված է 18:54 28.05.2020)
Համակարգի միջոցով այցելուները հնարավորություն կունենան 6 լեզուներով ինքնուրույն ծանոթանալ թանգարանում ներկայացված ցուցանմուշներին:

ԵՐԵՎԱՆ, 28 մայիսի – Sputnik, Արմենուհի Մխոյան. Քաղաք այցելած հյուրերին Գյումրու կենցաղն ու արհեստներն այսուհետ կներկայացվի նաև աուդիո տարբերակով՝ 6 լեզուներով: Գյումրու ժողովրդական ճարտարապետության ու քաղաքային կենցաղի թանգարանը` Ձիթողցյանների տուն–թանգարանը, մայիս 28-ին  համալրվեց աուդիոգիդ համակարգով:

В музее народной архитектуры и городского быта стали использовать аудио-гиды на 6 языках (28 мая 2020). Гюмри
© Sputnik / Armenuhi Mkhoyan
Ձիթողցյանների տունը համալրվեց աուդիոգիդ համակարգով

Համակարգի  միջոցով այցելուները հնարավորություն կունենան 6 լեզուներով ինքնուրույն ծանոթանալ թանգարանում ներկայացված ցուցանմուշներին։ Համակարգը շատ պարզ է գործում՝ նախ տեքստերը տարբեր լեզուներով ձայնագրվում են ու պահվում համակարգում, թանգարանում այցելուն իր ցանկությամբ, սարքի միջոցով կարող է ընտրել ոչ միայն լեզուն, այլ նաև` թե որ ցուցանմուշի մասին է ցանկանում տեղեկություն ստանալ: Նմանատիպ համակարգերով հագեցած են աշխարհի ժամանակակից շատ թանգարաններ, այդ թվում`Լուվրն ու Էրմիտաժը:

Նոր թրենդային աքսեսուար. թանգարանները հայտնի կտավներով դիմակներ կպատրաստեն

Գյումրու ժողովրդական ճարտարապետության ու քաղաքային կենցաղի թանգարանը Հայաստանում  նման համակարգ ունեցող «առաջամարտիկներից» է, նմանատիպ համակարգ ունի «Էրեբունի» պատմահնագիտական արգելոց-թանգարանը, իսկ Մատենադարանը՝ ռադիոգիդ:

В музее народной архитектуры и городского быта стали использовать аудио-гиды на 6 языках (28 мая 2020). Гюмри
© Sputnik / Armenuhi Mkhoyan
Ձիթողցյանների տունը համալրվեց աուդիոգիդ համակարգով

Թանգարանի տնօրեն Սոնա Հարությունյանն է նշում՝ այլևս եվրոպական թանգարաններին այս հարցով «նախանձելու» առիթ չունենք:

 «Շատ թանկարժեք նվեր է թանգարանի համար: Առաջին անգամ աուդոգիդ համակարգի հանդիպել էի 2001 թվականին ԱՄՆ-ում վերապատրաստման ժամանակ: Եվ ահա մեր թանգարանն էլ համալրվեց աուդոգիդով»,-նշեց Սոնա Հարությունյանը:

В музее народной архитектуры и городского быта стали использовать аудио-гиды на 6 языках (28 мая 2020). Гюмри
© Sputnik / Armenuhi Mkhoyan
Ձիթողցյանների տունը համալրվեց աուդիոգիդ համակարգով

Աուդիոգիդերի կիրառման նշանակությունն էլ ավելի է կարևորվում հատկապես ներկայիս համավարակի պայմաններում, երբ անհրաժեշտ է ապահովել սոցիալական հեռավորություն։ Այս նախաձեռնությունը հնարավոր է դարձնում պատմամշակութային արժեքների ներկայացումը նոր տեխնոլոգիաների միջոցով։

Ում է կարոտում օրիորդը. Գյումրու Ձիթողցյանների տան գաղտնիքները. լուսանկարներ

Շիրակի մարզպետ Տիգրան Պետրոսյանը ևս  թանգարանի համալրումը շատ է կարևորում հատկապես այժմ, երբ համավարակի պատճառով նոր դժվարություններ են առաջ եկել։ «Այս համակարգի ներդրումը հնարավորություն կտա այցելուներին ծանոթանալ մեր քաղաքի պատմամշակութային ժառանգությանը նոր տեխնոլոգիաների միջոցով։ Ժամանակակից աշխարհում նոր տեխնոլոգիաների ներդրումը չափազանց կարևոր է, և մեզ մոտ այս բացը լրացվեց հիմա»,- նշեց Պետրոսյանը։

В музее народной архитектуры и городского быта стали использовать аудио-гиды на 6 языках (28 мая 2020). Гюмри
© Sputnik / Armenuhi Mkhoyan
Ձիթողցյանների տունը համալրվեց աուդիոգիդ համակարգով

Համակարգը թանգարանին նվիրատվություն է ԱՐՄՍՎԻՍԲԱՆԿ-ի կողմից. բանկն իր 15-ամյակին նվիրված մշակութային և սոցիալական աջակցության ծրագրերում ներառել է նվիրատվությունների շարք ՀՀ մշակութային տարբեր օջախների համար:

326
թեգերը:
Ձիթողցյանների տուն–թանգարան, Գյումրի
Բողոքի ակցիա, ԱՄՆ

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

0
(Թարմացված է 23:35 31.05.2020)
Ցույցերի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղավանդակներից այն կողմ չի անցել։

ԵՐԵՎԱՆ, 31 մայիսի –Sputnik.  ԱՄՆ գաղտնի ծառայությունների ավելի քան 60 սպա և հատուկ գործակալներ տուժել են Սպիտակ տան մոտ ընթացող ցույցի ժամանակ, նրանցից 11-ը հիվանդանոց է տեղափոխվել բուժզննման համար: Տեղեկությունը հայտնում է Գաղտնի ծառայությունների մամուլի ծառայությունը։

Այդ ծառայությունն ապահովում է ԱՄՆ կառավարական մարմինների և ղեկավարության անվտանգությունը։

«Ուրբաթ գիշերվանից մինչև կիրակի առավոտ Գաղտնի ծառայության ավելի քան 60 սպա և հատուկ գործակալ բազմաթիվ վնասվածքներ են ստացել նրանց ուղղությամբ նետած աղյուսների, քարերի, շշերի, ճայթուկների և այլ առարկաների պատճառով։ Ընդհանուր առմամբ 11 տուժած տեղի հիվանդանոց է տեղափոխվել, նրանց օգնություն է ցուցաբերվել, վնասվածքները կյանքի համար վտանգավոր չեն», – նշված է հաղորդագրության մեջ։

Նշվում է, որ ցույցի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղերից այն կողմ չի անցել։

«Չեմ կարողանում շնչել»․ խռովությունները տարածվել են ԱՄՆ-ում

ԱՄՆ նախագահ Դոնալդ Թրամփն ավելի վաղ գովել է ծառայության գործողություններն ու քննադատել ցուցարարներին։

Անկարգությունները սկսվել էին ԱՄՆ Մինեապոլիս և մի շարք այլ  քաղաքներում այն բանից հետո, երբ ոստիկանության ձեռքից մահացավ աֆրոամերիկացի Ջորջ Ֆլոյդը։

Համացանցում տեսանյութ էր հայտնվել որում երևում է, թե ինչպես են մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն կիրառում: Նրանցից մեկը ծնկով սեղմել էր գետնին պառկած Ֆլոյդի կոկորդն ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։

Ոստիկանները անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:

Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նրա մահը:

Ոստիկան Դերեկ Շովինը նախ հեռացվել էր ոստիկանության համակարգից, ապա՝ ձերբակալվել:

Աշխատանքից հեռացվել են միջադեպին մասնակցած ևս երեք ոստիկան:

Մինեապոլիսում անկարգությունները շարունակվում են․ ցուցարարները բանկ են հրկիզել

0
թեգերը:
Ձերբակալում, հիվանդանոց, Տուժածներ, Բողոքի ակցիա, ԱՄՆ
Ըստ թեմայի
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը