«Ոսկե ծիրան» միջազգային կինոփառատոնը կհետաձգվի. երբ կկայանա այն
(Թարմացված է 11:31 29.04.2020)
«Ոսկե ծիրանի» տնօրինությունը բազմաթիվ հայաստանյան և օտարերկրյա գործընկերների հետ քննարկել է տարբեր սցենարներ և որոշում կայացրել։ԵՐԵՎԱՆ, 29 ապրիլի — Sputnik. Երևանի «Ոսկե ծիրան» միջազգային կինոփառատոնը կհետաձգվի մինչև նոյեմբեր։ Տեղեկությունը հայտնում են փառատոնի գրասենյակից և հավելում, որ փառատոնը կկայանա նոյեմբերի 1-8-ը։
©
Photo : press office of the "Golden apricot" IFF
««Ոսկե ծիրանի» թիմն այս օրերի ընթացքում ձեռնպահ մնաց հապշտապ հայտարարություններ անելուց՝ կապված հուլիսի 12-19 փառատոնի անցկացման հետ, քանի որ թե ՀՀ կրթության, գիտության, մշակույթի և սպորտի նախարարության, թե իր բազմաթիվ հայաստանյան և օտարերկրյա գործընկերների, թե գործընկեր փառատոների հետ քննարկվում էին տարբեր սցենարներ՝ առցանց փառատոնից մինչև հետաձգում հաջորդ տարի»,–ասված է հայտարարության մեջ:
Այնուամենայնիվ, երկարատև քննարկումների արդյունքում կորոնավիրուս համավարակի ստեղծած իրավիճակի պատճառով «Ոսկե ծիրանի» թիմը որոշում է կայացրել փառատոնը անցկացնել 2020 թվականի նոյեմբերի 1-8-ը: Տեղեկացվում է, որ այլ սցենարներ ևս առկա են, բայց այս պահին հաստատված է նոյեմբերը:
Աշխարհում կորոնավիրուսով վարակվել է ավելի քան 3,1 մլն մարդ․ Թուրքիան առաջ է ընկել Իրանից
Նշենք, Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
Կորոնավիրուսի դրական կողմը. ֆլամինգոները Մումբայի լիճը վարդագույն են ներկել. տեսանյութ
Դրա տարածումը կանխելու համար աշխարհում բազմաթիվ հայտնի ու մասսշտաբային մարզական ու մշակութային միջոցառումներ հետաձգվել կամ չեղարկվել են։ Մեկ տարով հետաձգվել են անգամ Տոկիոյում կայանալիք ամառային օլիմպիական խաղերը։
թեգերը:
SOAD–ը երբ ելույթ կունենա Հայաստանում. Թանկյանը վեբինար է ունեցել «Թումոյի» երեխաների հետ
(Թարմացված է 16:25 25.05.2020)
Սերժ Թանկյանը խոսել է սպասվող համերգի, SOAD խմբի, համավարակի բերած խնդիրների և ՀՀ վարչապետ Նիկոլ Փաշինյանի գրած բառերի հիման վրա իր ստեղծած երգի մասին։ԵՐԵՎԱՆ, 24 մայիսի — Sputnik. Աշխարհահռչակ ռոք երաժիշտ Սերժ Թանկյանը հայտնել է, որ Հայաստանում նախանշված համերգը չի հետաձգվի։ Թանկյանը նման հայտարարություն է արել` «Թումոյի» ուսանողների հետ օնլայն վեբինարի ժամանակ։
«Հայաստանյան մեր համերգը տեղի կունենա հաջորդ տարի` ամռան մի հրաշալի օր։ Եթե, իհարկե, ամեն ինչ լավ լինի, քանի որ վարակի տարածման հետևանքով հիմա դեռ անորոշ է ամեն ինչ»,–ասել է Թանկյանը։
Ինչ վերաբերում է հարցին, թե ինչու խումբը նոր երգեր չի գրում և համերգներով էլ ուշ–ուշ է հանդես գալիս, Թանկյանը ժպիտով պատասխանել է, թե խմբի անդամները, չնայած շարունակում են ընկերություն անել, սակայն նրանք բոլորն էլ փոխվել են։ Նրա խոսքով` այն, ինչ նախկինում էր խումբը ստեղծել, յուրօրինակ էր, և հիմա չեն կարող ինչ–որ նոր բան անել, քանի դեռ բոլորը չեն նայում «նույն ուղղությամբ» և նույն տեսլականը չունենան։
Անդրադառնալով ՀՀ վարչապետ Նիկոլ Փաշինյանի գրած բառերի հիման վրա իր ստեղծած «Հայաստան» երգին՝ Թանկյանն ասաց, որ իր մոտ նման երգ ստեղծելու ցանկություն է առաջացել դեռ 2018–ի հեղափոխության օրերին։
«Հեղափոխության օրերին, երբ ես Հայաստանում էի, Նիկոլ Փաշինյանի հետ խոսել եմ հայկական երգերի մասին ու ասել, որ դրանց մեծ մասը շատ տխուր են։ Օրինակ՝ դուդուկի երաժշտությունը շատ տխուր է։ Մենք մտածեցինք, որ հիանալի գաղափար է ունենալ նոր երգ՝ դրական ու հաղթական բառերով հենց հեղափոխության մասին»,–ասել է Թանկյանը։
Տրիո, որին դժվար է հավատալ․ Սերժ Թանկյանը, Միշոն ու Սեբուն միասին երգ են թողարկել
Հիշեցնենք, որ «Հայաստան» երգից գոյացած ամբողջ հասույթը նվիրաբերվելու է «Իմ քայլը» հիմնադրամի՝ հանրային առողջության, կրթության ու մշակույթի, սոցիալական բարեկեցության, բնապահպանության ոլորտներում իրականացվող ծրագրերին:
Կյանքից հեռացել է դերասանուհի Կարինե Բուռնազյանը
(Թարմացված է 18:16 24.05.2020)
Կատակերգական ժանրում հանդես եկող սիրված դերասանուհի Կարինե Բուռնազյանը դերեր է կերտել ինչպես ներկայացումներում, այնպես էլ հեռուստասերիալներում։ԵՐԵՎԱՆ, 24 մայիսի — Sputnik. Հակոբ Պարոնյանի անվան երաժշտական կոմեդիայի պետական թատրոնը տեղեկացնում է, որ 61 տարեկանում կյանքից հեռացել է թատրոնի դերասանուհի Կարինե Բուռնազյանը։
Բուռնազյանը ծնվել է 1959 թվականի հունվարի 14-ին, Երևանում։ 1977 թվականից սովորել է Երևանի Հ․ Պարոնյանի անվան երաժշտական կոմեդիայի թատրոնին կից թատերական ստուդիայում (Զ․ Աբրահամյանի դասարան)։ 1988 թվականից աշխատել է նույն թատրոնում:
Խաղացել է մի շարք ներկայացումներում` Դիմիտրիուս Պսաֆասի «Պահանջվում է ստախոս» (Կուլա), Հակոբ Պարոնյանի «Մեծապատիվ մուրացկաններ» (Փահլևան), Պիեր Բոմարշեի «Խելահեղ օր» (Գոհար), Ալեքսանդր Շիրվանզադեի «Ազգային գործիչ» (Հմայիլ), Սոլոգուբի «Քնքուշ սրտից պատուհաս» (Դարյա Սեմյոնովնա) և այլն:
Վրաերթ Կոտայքի մարզում. 75-ամյա տղամարդը մահացել է
Նկարահանվել է «Վերվարածները», «Գերդաստան», «Իմ տունը իմ ամրոցն է», «Մեր բակը 4», «Վեր կաց և քայլիր» հեռուստասերիալներում։
թեգերը:
Վարդանյանն Էդմոն Մարուքյանին մեղադրեց պետության հեղինակության հետ խաղալու մեջ
(Թարմացված է 13:58 26.05.2020)
ԱԺ «Իմ քայլը» խմբակցության պատգամավոր Վլադիմիր Վարդանյանը «Լուսավոր Հայաստան» խմբակցության ղեկավարին ասաց, որ պետք չէ կոնֆիդենցիալ հարցերը բարձրաձայնել. դա կարող է անցանկալի հետևանքներ ունենալ։ԵՐԵՎԱՆ, 26 մայիսի – Sputnik. «Իմ քայլը» խմբակցության պատգամավոր Վլադիմիր Վարդանյանն ԱԺ ամբիոնից բավականին վրդովված անդրադարձավ «Լուսավոր Հայաստան» խմբակցության ղեկավար Էդմոն Մարուքյանի ելույթին։
Մարուքյանը կասկածի տակ էր առել Վարդանյանի անաչառությունը որպես Եվրոպայի խորհրդի համապատասխան հանձնաժողովում COVID 19-ի զեկույցի համազեկուցող։
«Չեմ կարող չանդրադառնալ պարոն Մարուքյանի ասածներին. մե՜ծ, մեծ հարցական է՝ արդյո՞ք պարոն Մարուքյանն իրավունք ուներ այդ հարցը բարձրաձայնել որպես իրավաբան, որպես պատգամավոր, որպես ԵԽԽՎ անդամ և որպես իրավական հարցերի և մարդու իրավունքների հարցերի հանձնաժողովի առաջին փոխնախագահ, որովհետև դա դեռևս կոնֆիդենցիալ է, որոշումը դեռ կայացված չէ»,–ասաց Վարդանյանը:
Նա հավելեց՝ այո, քննարկվում էր հարց, որ ինքն էլ կարող է նշանակվել զեկուցող, չնայած այս քննարկումից հետո չգիտի՝ ինչ կստացվի: Նա ասաց, որ զեկույցը վերաբերում է մարդու իրավունքների պաշտպանությանը COVID-19-ի պայմաններում:
©
Sputnik / Asatur Yesayants
«Երաշխավորել եմ և երաշխավորում եմ, որ ես, այո՛, օբյեկտիվ եմ լինելու բոլոր 47 պետությունների նկատմամբ և արձանագրելու եմ ցանկացած խախտում, որը, իմ կարծիքով, կգտնվի արժանի արձանագրվելու այդ զեկույցում, բայց այս կարգի հարցերը բերել և քննարկել ԱԺ ամբիոնից, վտանգել պետությանդ հեղինակությունը, կասկածի տակ դնել որոշակի գործընթացներ... Չեմ ուզում մեկնաբանել, թող մեկնաբանի ՀՀ քաղաքացին»,- ասաց նա:
Հիշեցնենք, որ այսօր ԱԺ նախագահ Արարատ Միրզոյանը հայտարարեց, որ համավարակով պայմանավորված` ԱԺ նիստերի դահլիճում նախազգուշացվելուց հետո 1 կամ 7 օրով դուրս կհրավիրվեն բոլոր այն պատգամավորները, որոնք դիմակ չեն կրում։
Էդմոն Մարուքյանը Միրզոյանի այս հայտարարությունը համարեց ոչ սահմանադրական, նշելով, որ ԱԺ նիստերին առանց դիմակի խոսելը չի կարող համարվել կանոնների խախտում։
Նա հիշեցրեց Սահմանադրության այն նորմը, որով արտակարգ դրությունը չի տարածվում ԱԺ-ի վրա, հետևաբար, արտակարգ դրության շրջանակներում պարետի որոշումները չեն կարող կիրառվել խորհրդարանում և չեն կարող հիմք հանդիսանալ պատգամավորին դահլիճից դուրս հրավիրելու համար։
©
Sputnik / Asatur Yesayants
Նա մեղադրեց Միրզոյանին ԱԺ-ում երկակի ստանդարտներ կիրառելու մեջ, հիշեցնելով, որ երբ իր հանդեպ բռնություն էին գործադրում, որևէ պատգամավորի նախազգուշացում չտրվեց և որևէ պատգամավոր դուրս չհրավիրվեց ԱԺ դահլիճից։
Մարուքյանը նաև հայտարարեց, որ Վլադիմիր Վարդանյանը Եվրոպայի խորհրդի համապատասխան հանձնաժողովում պետք է հաստատվի որպես COVID 19-ի զեկույցի համազեկուցող, որով նա 47 անդամ-պետություններում պետք է տեսնի` մարդու իրավունքներն ինչպես են խախտել COVID 19-ի ժամանակ` արտակարգ դրությունից ելնելով։
Մարուքյանը մեղադրեց Վարդանյանին, որ նա ձայն չի հանում, երբ ԱԺ-ում երկակի ստանդարտներ են կիրառվում և, ըստ էության, ոտնահարվում է Սահմանադրությունը` ԱԺ կանոնակարգ օրենքի սխալ կիրարկմամբ, հետևաբար, կասկածի տակ է Վարդանյանի` Եվրոպայի խորհրդում օբյեկտիվ զեկուցով հանդես գալու հարցը։