Արամ Խաչատրյան համերգասրահ. արխիվային լուսանկար

Մարդիկ օնլայն հարթակներում թատրոն, համերգ, օպերա են դիտում. մշակութային շարժը մեծ է

68
(Թարմացված է 15:53 07.04.2020)
Բոլոր թատերական և համերգային կառույցներն այս օրերին ակտիվ գործունեություն են ծավալում օնլայն հարթակում, իսկ նրանց հետևում են արտակարգ դրության պատճառով տանը նստած բազմահազար մարդիկ։

ԵՐԵՎԱՆ, 7 ապրիլի– Sputnik. Մշակույթի հանդեպ հանրության լայն շրջանակի հետաքրքությունը մեծացել է: Սա են փաստում օնլայն հարթակում թատերահամերգային տեսանյութերի բազմահազարանոց դիտումները։ Տեղեկությունն այսօր լրագրողների հետ հանդիպմանը հայտնեց ՀՀ կրության, գիտության, մշակույթի և սպորտի նախարարի տեղակալ Արա Խզմալյանը:

«Մեր ուսումնասիրությունները ցույց են տալիս, որ այս ճգնաժամային իրավիճակում հանրային հետաքրքրությունը մշակույթի հանդեպ ոչ միայն չի նվազել, այլև որոշ դեպքերում նկատում ենք հետաքրքրության շեշտակի աճ:

Տեսնում ենք, որ մեր պետական կառույցների Facebook-ի պաշտոնական էջերի հետևորդների քանակը բազմապատկվում է: Խնդիր ունենք անել այնպես, որ ճգնաժամի հաղթահարումից հետո տվյալները չնվազեն և ձևավորենք կայուն հետևորդների ինստիտուտ»,-ասաց Խզմալյանը:

Նրա խոսքով` այս շաբաթվանից կսկսեն պետական կառույցների PR և մարքեթինգի պատասխանատուների հետ համապատասխան վեբինարներ կազմակերպել, որպեսզի մշակեն այս տվյալները պահպանելու և զարգացնելու ձևաչափերը:

Ալ. Սպենդիարյանի անվան օպերայի և բալետի ազգային ակադեմիական թատրոնը, օրինակ, մարտի 17-ից մինչև ապրիլի 5-ը Facebook-ի իր էջում հեռարձակել է վեց ներկայացում:

Արամ Խաչատրյանն ու կորոնավիրուսը. կամավորներն ու բուժաշխատողները պարում են տանիքում

Խզմալյանի հավաստմամբ` միայն օպերային թատրոնին վերաբերող նյութերն ունեցել են 326 հազար դիտում: Նշված ժամանակահատվածում նյութերի ընդհանուր դիտումների քանակը անցնում է 840 հազարից: Թատրոնի Facebook-ի հետևորդների թիվը նշված ժամանակահատվածում ավելացել է 5 000-ով: Այս թվերն ապահովվել են առանց գովազդային աջակցության, առանց հավելյալ ծախսերի:

Խզմալյանն անդրադարձավ «Առականի» շարքին, որի առաջին հաղորդումն արդեն իսկ թողարկվել է: «Աշխատում ենք, որ նախարարության պատրաստած բոլոր նախագծերն ունենան հստակ կրթական ուղերձներ: Հաղորդաշարի շրջանակում Համազգային թատրոնի արտիստներն ընթերցում են առակներ: Հետո քննարկում է կազմակերպվում, և դերասանները կոչ են անում քննարկումը տեղափոխել տուն»,-ասաց նա:

ՀՀ ԿԳՄՍ նախարարի տեղակալը հիշեցրեց, որ կան համայնքեր, որտեղ դեռ առկա են համացանցի և համակարգչի հասանելիությունն ապահովելու խնդիրները:

Նախարարության պատրաստած հաղորդումներն այդ համայնքներում հասանելի դարձնելու նպատակով իրենք համագործակցում են մարզային, համայնքային հեռուստաընկերությունների հետ, որոնք մեծ պատրաստակամությամբ ու սիրով հեռարձակում են բոլոր այն հաղորդումները, որ ՀՀ ԿԳՄՍ նախարարությունը ցուցադրում է Երևանում:

Քոչարիով կհաղթենք. «Նորք» ինֆեկցիոն հիվանդանոցի բժիշկները պարում են. տեսանյութ

Հիշեցնենք, որ ՀՀ կառավարությունը Հայաստանում արտակարգ դրություն է հայտարարել: Արտակարգ դրությունը գործում է Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն: Երկրում գործում է խիստ սահմանափակումների ռեժիմ։

68
թեգերը:
Համերգ, օպերա, Թատրոն, Արտակարգ դրություն, Հայաստան
Ըստ թեմայի
«Եթե մի օր հայտնվի մեկը, ով որոշի փչացնել ելույթներս, թող միշտ հիշի...». Սիրուշո
«Եվրատեսիլը» կկայանա, բայց օնլայն համերգի տեսքով
Նյու Ջերսիում կինը տանը փակված հարևանների համար նվագում է հայկական «Աղջկա երգը». տեսանյութ
Սերժ Թանկյան

SOAD–ը երբ ելույթ կունենա Հայաստանում. Թանկյանը վեբինար է ունեցել «Թումոյի» երեխաների հետ

80
(Թարմացված է 16:25 25.05.2020)
Սերժ Թանկյանը խոսել է սպասվող համերգի, SOAD խմբի, համավարակի բերած խնդիրների և ՀՀ վարչապետ Նիկոլ Փաշինյանի գրած բառերի հիման վրա իր ստեղծած երգի մասին։

ԵՐԵՎԱՆ, 24 մայիսի — Sputnik. Աշխարհահռչակ ռոք երաժիշտ Սերժ Թանկյանը հայտնել է, որ Հայաստանում նախանշված համերգը չի հետաձգվի։ Թանկյանը նման հայտարարություն է արել` «Թումոյի» ուսանողների հետ օնլայն վեբինարի ժամանակ։

«Հայաստանյան մեր համերգը տեղի կունենա հաջորդ տարի` ամռան մի հրաշալի օր։ Եթե, իհարկե, ամեն ինչ լավ լինի, քանի որ վարակի տարածման հետևանքով հիմա դեռ անորոշ է ամեն ինչ»,–ասել է Թանկյանը։

Ինչ վերաբերում է հարցին, թե ինչու խումբը նոր երգեր չի գրում և համերգներով էլ ուշ–ուշ է հանդես գալիս, Թանկյանը ժպիտով պատասխանել է, թե խմբի անդամները, չնայած շարունակում են ընկերություն անել, սակայն նրանք բոլորն էլ փոխվել են։ Նրա խոսքով` այն, ինչ նախկինում էր խումբը ստեղծել, յուրօրինակ էր, և հիմա չեն կարող ինչ–որ նոր բան անել, քանի դեռ բոլորը չեն նայում «նույն ուղղությամբ» և նույն տեսլականը չունենան։

Անդրադառնալով ՀՀ վարչապետ Նիկոլ Փաշինյանի գրած բառերի հիման վրա իր ստեղծած «Հայաստան» երգին՝ Թանկյանն ասաց, որ իր մոտ նման երգ ստեղծելու ցանկություն է առաջացել դեռ 2018–ի հեղափոխության օրերին։

«Հեղափոխության օրերին, երբ ես Հայաստանում էի, Նիկոլ Փաշինյանի հետ խոսել եմ հայկական երգերի մասին ու ասել, որ դրանց մեծ մասը շատ տխուր են։ Օրինակ՝ դուդուկի երաժշտությունը շատ տխուր է։ Մենք մտածեցինք, որ հիանալի գաղափար է ունենալ նոր երգ՝ դրական ու հաղթական բառերով հենց հեղափոխության մասին»,–ասել է Թանկյանը։

Տրիո, որին դժվար է հավատալ․ Սերժ Թանկյանը, Միշոն ու Սեբուն միասին երգ են թողարկել

Հիշեցնենք, որ «Հայաստան» երգից գոյացած ամբողջ հասույթը նվիրաբերվելու է «Իմ քայլը» հիմնադրամի՝ հանրային առողջության, կրթության ու մշակույթի, սոցիալական բարեկեցության, բնապահպանության ոլորտներում իրականացվող ծրագրերին:

80
թեգերը:
կորոնավիրուս, «Թումո» ստեղծարար տեխնոլոգիաների կենտրոն, Համերգ, Հայաստան, Սերժ Թանկյան
Ըստ թեմայի
Թուրքիայի համար դժվար կլինի. Սերժ Թանկյանը ողջունել է ԱՄՆ ներկայացուցիչների պալատի բանաձևը
Սերժ Թանկյանն ընդունել է Նիկոլ Փաշինյանի մարտահրավերը
«Շնորհակալ եմ` նախնիներիս հիշատակը հարգելու համար». Սերժ Թանկյան
Կարինե Բուռնազյանը

Կյանքից հեռացել է դերասանուհի Կարինե Բուռնազյանը

595
(Թարմացված է 18:16 24.05.2020)
Կատակերգական ժանրում հանդես եկող սիրված դերասանուհի Կարինե Բուռնազյանը դերեր է կերտել ինչպես ներկայացումներում, այնպես էլ հեռուստասերիալներում։

ԵՐԵՎԱՆ, 24 մայիսի — Sputnik. Հակոբ Պարոնյանի անվան երաժշտական կոմեդիայի պետական թատրոնը տեղեկացնում է, որ 61 տարեկանում կյանքից հեռացել է թատրոնի դերասանուհի Կարինե Բուռնազյանը։

Բուռնազյանը ծնվել է 1959 թվականի հունվարի 14-ին, Երևանում։ 1977 թվականից սովորել է Երևանի Հ․ Պարոնյանի անվան երաժշտական կոմեդիայի թատրոնին կից թատերական ստուդիայում (Զ․ Աբրահամյանի դասարան)։ 1988 թվականից աշխատել է նույն թատրոնում:

Խաղացել է մի շարք ներկայացումներում` Դիմիտրիուս Պսաֆասի «Պահանջվում է ստախոս» (Կուլա), Հակոբ Պարոնյանի «Մեծապատիվ մուրացկաններ» (Փահլևան), Պիեր Բոմարշեի «Խելահեղ օր» (Գոհար), Ալեքսանդր Շիրվանզադեի «Ազգային գործիչ» (Հմայիլ), Սոլոգուբի «Քնքուշ սրտից պատուհաս» (Դարյա Սեմյոնովնա) և այլն:

Վրաերթ Կոտայքի մարզում. 75-ամյա տղամարդը մահացել է

Նկարահանվել է «Վերվարածները», «Գերդաստան», «Իմ տունը իմ ամրոցն է», «Մեր բակը 4», «Վեր կաց և քայլիր» հեռուստասերիալներում։

595
թեգերը:
Հայաստան, դերասանուհի, Մահ
Սերգեյ Լավրով

ՀԱՊԿ ներուժը կարևոր է կորոնավիրուսի ստեղծած սպառնալիքներին արձագանքելու համար. Լավրով

0
(Թարմացված է 13:22 26.05.2020)
ՀԱՊԿ երկրների ԱԳ նախարարները, ի թիվս այլ հարցերի, քննարկում են նաև կենսաբանական անվտանգության ապահովման միջոցառումները։

ԵՐԵՎԱՆ, 26 մայիսի — Sputnik. Կորոնավիրուսային համավարակը լուրջ փորձություն է դարձել, այն ազդում է նաև Միջազգային հարաբերությունների, միջպետական կառույցների աշխատանքի վրա։ Այս մասին ասել է Ռուսաստանի ԱԳ նախարար Սերգեյ Լավրովը Հավաքական անվտանգության պայմանագրի կազմակերպության արտգործնախարարների խորհրդի առցանց նիստի ժամանակ։

ՌԴ ԱԳ նախարարը կարծում է, որ կորոնավիրուսի ստեղծած սպառնալիքներին արձագանքելու համար ՀԱՊԿ ներուժը բավական կարևոր է: Այն պետք է օգտագործվի ի շահ այդ կազմակերպության մեջ մտնող պետությունների քաղաքացիների առողջության և բարեկեցության։

«Այդ պատճառով մենք այսօր քննարկել ենք կենսաբանական անվտանգության ոլորտում համագործակցության առաջնահերթ միջոցառումները», - նշել է Լավրովը:

Նրա խոսքով` ՀԱՊԿ-ն անվտանգության ապահովման գործում առանցքային դեր է խաղում ոչ միայն իր պատասխանատվության գոտում, այլև ողջ եվրասիական տարածքում:

Հիշեցնենք, որ ՀԱՊԿ-ում ընդգրկված են Հայաստանը, Բելառուսը, Ղազախստանը, Ղրղզստանը, Ռուսաստանը եւ Տաջիկստանը:

ԱՀԿ-ն կանգնեցրել է COVID-19-ի դեմ երկու դեղամիջոցի մշակումը. մահացության ռիսկը մեծ է

0
թեգերը:
կորոնավիրուս, Հավաքական անվտանգության պայմանագիր կազմակերպություն (ՀԱՊԿ), Սերգեյ Լավրով
թեմա:
Կորոնավիրուսը Չինաստանում և աշխարհում
Ըստ թեմայի
Եթե պետք լինի, ՀԱՊԿ-ը լիովին կօգտագործի իր ռեսուրսները համավարակի դեմ պայքարում․ Զաս
ՀԱՊԿ-ը առայժմ չի չեղարկել սեպտեմբեր-հոկտեմբեր ամիսներին նախանշված զորավարժությունները
ՀԱՊԿ անդամ երկրների արտգործնախարարները առցանց հանդիպում կանցկացնեն