«Դալի և Պիկասո»–ի փակ ցուցադրությունը

Դալին ու Պիկասոն Երևան հասան. սպասված ցուցահանդեսը բացվեց, բայց ոչ բոլորի համար

658
(Թարմացված է 18:00 07.03.2020)
20-րդ դարի երկու մեծերի` Դալիի ու Պիկասոյի աշխատանքները վերջապես հասել են Երևան։ Արվեստասերների հիացմունքը սահման չունի։ Ցուցահանդեսի բացման արարողությանը ներկա է եղել նաև Sputnik Արմենիայի թղթակիցը։

ԵՐԵՎԱՆ, 7 մարտի –Sputnik. Հայաստանի ազգային պատկերասրահում մեկնարկեց իսպանացի երկու հանճարների` Պաբլո Պիկասոյի և Սալվադոր Դալիի աշխատանքների փակ ցուցադրությունը։ Ցուցանմուշները եկատերինբուրգցի հավաքորդ, գործարար Ալեքսանդր Շադրինի հավաքածուից են։

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Կազմակերպիչների հաշվարկով` ամբողջ աշխարհում այս նկարներն արդեն տեսել են ավելի քան մեկ միլիոն մարդ։ Ցուցահանդեսը Երևան են բերել Մոսկվայից` մինչև այդ անցնելով 12 երկրով, այդ թվում` Բելառուսով, Չինաստանով, Լատվիայով և այլն։

Ինչ աշխատանքներ կներկայացվեն Երևանում կայանալիք «Դալի և Պիկասո» ցուցահանդեսում

Ցուցահանդեսին ներկայացված են Դալիի` 1950-ականների վերջից մինչև 1970-ականների վերջն արված աշխատանքներից։ Հենց այդ ժամանակահատվածում է նա առավել արդյունավետ զբաղվել գրաֆիկայով` ստեղծելով ավելի քան 1600 գրաֆիկական աշխատանք, որոնցում արտացոլվել են հետագայում նրա այցեքարտը դարձած խորհրդանիշները` ժամացույցներ, փղեր, հատիկավորներ, վարդ գլուխներով կանայք։ Վիմագրություններից և փորագրություններից բացի ցուցահանդեսին ներկայացված են կերամիկական իրեր և քանդակներ բրոնզից, որոնք ինչպես արտահայտվեց ինքը` հավաքորդը, իր հավաքածուի ամենաարժեքավոր մասն են։

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Պիկասոյի սիրելի թեմաները ևս ներկայացված են ցուցանմուշների շարքում` ցլամարտ, կանայք, գինի։ Դրանք ինչպես կտավների, այնպես էլ 40-ականներից մինչև 70-ականների կերամիկական աշխատանքների տեսքով են։

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Հավաքածուն ընդհանուր առմամբ ներառում է շուրջ 2.5 տոննա քաշ ունեցող ավելի քան 250 ստեղծագործություն, որոնք հավաքվել են մոտ երկու տասնյակ տարիների ընթացքում։

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Ներկա պահին Շադրինի հավաքածուն աշխարհում չորրորդն է Դալիի աշխատանքների թվով։ Վարկանիշի առաջին հորիզոնականում է Ֆիգեյրոսի հայտնի թանգարանը, սակայն Շադրինի հավաքածուում կան նաև քանդակներ, որոնք Ֆիգեյրոսի թանգարանում գտնել հնարավոր չէ։

Բնօրինա՞կ, թե՞ կրկնօրինակ. կազմակերպիչները զարմացած են «Դալի և Պիկասո»–ի շուրջ աղմուկից

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Շադրինին է պատկանում նաև «Կին-ծաղիկը» հայտնի լիտոգրաֆիան, որը երկար տարիներ կախված է եղել ամենաթաքնված անկյունում` Սալվադոր Դալիի և Գալայի ննջասենյակում։

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Ամբողջ հավաքածուն, բացառությամբ մի քանի աշխատանքների, բաղկացած է փարիզյան թանգարանի սեփականատեր պարոն Լևիի, ինչպես նաև Արժելեի հավաքածուներից։ Արժելեն ժամանակին աշխատանքները նվիրել է նաև Պուշկինի թանգարանին։ Մյուս գործերը ձեռք են բերվել Christie"s և Sotheby"s աճուրդներում։

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Պիկասոն և Դալին ծանոթ էին և նույնիսկ ստեղծագործական առումով ազդեցություն են ունեցել միմյանց վրա։ Ծանոթությունը տեղի է ունեցել 1926 թվականին։ Պիկասոն, որն ընդունել էր երիտասարդ նկարչին և ողջունել նրա հանդուգն նախաձեռնությունները, նույնիսկ որոշ ժամանակ հովանավորում էր նրան Փարիզում։ Վարկած կա, որ Դալիի` Ամերիկա կատարած առաջին ուղևորության գումարը նրան Պիկասոն է պարտքով տվել։ Ընկերական հարաբերությունները պահպանվում էին ընդհուպ մինչև 1930-ականները, երբ Իսպանիայում քաղաքացիական պատերազմ սկսվեց։ Պիկասոն և Դալին հակադարձ հասարակական–քաղաքական դիրքորոշումներ զբաղեցրին, ինչն էլ գժտության պատճառ դարձավ։

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Բազմաթիվ հակասություններից ու զուգահեռներից բացի, երկու նկարիչներն էլ ռուս կանանց հետ էին ամուսնացած։ Սալվադոր Դալիի մուսան ինչպես հայտնի է` Գալան էր, որը նրա կյանքը լցրեց շուրջ կես դար։ Իսկ Պիկասոն 1918 թվականին Փարիզի Ալեքսանդր Նևսկու տաճարում ամուսնացավ Օլգա Խոխլովայի հետ։ Թեպետ նրանց ամուսնությունը որոշակի ժամանակ անց ձևական դարձավ։ 1927 թվականին Պիկասոն սկսեց հանդիպել 17–ամյա ֆրանսուհի Մարիա–Թերեզա Վալտերի հետ։ 1935 թվականին Օլգան ընկերոջից իմացավ ամուսնու այս սիրավեպի, ինչպես նաև այն մասին, որ Մարիա–Թերեզան երեխայի է սպասում։ Վերցնելով որդուն` Պաուլոյին, Օլգան անհապաղ խզում է ամուսնու հետ հարաբերությունները, մեկնում Ֆրանսիայի հարավ ու ապահարզան պահանջում։ Պիկասոն, սակայն, հրաժարվում է ունեցվածքը հավասար կիսել, և Օլգան շարունակում է մնալ նրա օրինական կինը մինչև կյանքի վերջ։ 

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը

Հիշեցնենք` «Դալի և Պիկասո» ցուցահանդեսը կազմակերպել են Երևանում «Մոսկվայի տուն» մոսկովյան մշակութագործարարական կենտրոնը, Հայաստանի ազգային պատկերասրահն ու «Art of the Nations» հիմնադրամը` Երևանում Ռուսաստանի դեսպանատան և Հայաստանի կրթության, գիտության, մշակույթի և սպորտի նախարարության աջակցությամբ։

Դալիի ու Պիկասոյի գործերը կներկայացվեն Հայաստանի ազգային պատկերասրահում

Ալեքսանդր Շադրինի հավաքածուից համաշխարհային ճանաչում ունեցող 2 նկարիչների 260 աշխատանքները Հայաստանի ազգային պատկերասրահի այցելուները կկարողանան տեսնել մարտի 7-ից մինչև ապրիլի 26-ը։

Закрытый показ выставки Дали-Пикассо (6 марта 2020). Еревaн
© Sputnik / Asatur Yesayants
«Դալի և Պիկասո»–ի փակ ցուցադրությունը
658
թեգերը:
Երևան, ցուցադրություն, Ցուցահանդես, Պաբլո Պիկասո, Սալվադոր Դալի
Ըստ թեմայի
Նիկոլ Փաշինյանը կնոջ հետ Փարիզում է. նրանք թանգարան են այցելել ու մասնակցել ճաշին
Սև ոտք, վարդագույն կուրծք. չկրկնվող ծալքեր ու շարժումներ ստեղծող Ջորջը Հայաստանում է
«Ներեցեք, սըր». ինչպես կանադահայ լուսանկարիչը «մերկացրեց» Չերչիլին
Կոնստանտին Օրբելյան

Կոնստանտին Օրբելյանը կշարունակի՞ ղեկավարել օպերայի թատրոնը. մաեստրոն փակագծեր է բացել

152
(Թարմացված է 20:01 19.06.2021)
Մաեստրոն ասում է, որ Երևանի օպերային թատրոնի ստեղծագործական գործունեության համար պետք է բարենպաստ պայմաններ ստեղծվեն: Նա նախատեսում է թատրոնի ստեղծագործական կյանքում ներգրավել արտերկրում աշխատող հայ արտիստներին։

ԵՐԵՎԱՆ, 19 հունիսի – Sputnik. Օպերայի և բալետի ազգային ակադեմիական թատրոնի տնօրեն և գեղարվեստական ղեկավար Կոնստանտին Օրբելյանը Հայաստան կվերադառնա հունիսի վերջին: Այդ ժամանակ էլ կորոշվի՝ նա կմնա ներկայիս պաշտոնում, թե կհեռանա պաշտոնից։

Ավելի վաղ հայտնի էր դարձել, որ Օրբելյանը նշանակվել է Նյու Յորքի քաղաքային օպերայի երաժշտական տնօրեն և գլխավոր դիրիժոր ու հիմա գտնվում է ԱՄՆ-ում:

Sputnik Արմենիայի հետ զրույցում մաեստրոն նշեց, որ նոր նշանակումն իր համար մասնագիտական գործունեության ևս մեկ կարևոր փուլ է դարձել, որը պատասխանատու և ստեղծագործական ներդրում է պահանջում: Օրբելյանն ընդգծեց, որ իր համար մեծ պատիվ է ստանձնել այդ աշխատանքը։ Նա վստահ է, որ ստեղծագործական մեծ կոլեկտիվի հետ կկարողանա նոր բարձունքների հասնել։

«Հայրենիքում իմ հետագա գործունեության հետ կապված շատ հարցեր պարզ կդառնան որոշ ժամանակ անց, բայց վստահեցնում եմ ձեզ, որ ստեղծագործական գործունեության ընթացքում համատեղելիությունը շատ առումներով կարող է օգտակար լինել ավելի մեծ արդյունքների հասնելու համար»,-ասաց Օրբելյանը։

Նրա խոսքով՝ համատեղումը շատ գործնական և լայնորեն կիրառվող տարբերակ է միջազգային պրակտիկայում։ Դիրիժորը հորդորեց սպասել երկրում ընթացող իրադարձությունների զարգացմանը (ընտրությունների արդյունքներին. խմբ.), ինչպես նաև կրթության, գիտության, մշակույթի և սպորտի նախարարության արձագանքին ու առաջարկություններին՝ իր հետագա գործունեության հետ կապված:

Օրբելյանն ընդգծեց, որ Երևանի օպերային թատրոնում աշխատելու ընթացքում իրեն հաջողվել է տասնյակ լայնածավալ նախագծեր իրականացնել: Սակայն հանգամանքների բերումով շատ նախագծեր անավարտ են մնացել։

«Սկզբում մեր գործունեությանը խանգարեց բոլորին հայտնի նախարարի պաշտոնակատարը, չնայած որ նա իր առջև միանգամայն այլ նպատակներ պետք է դներ։ Հետո՝ համավարակը, պատերազմը»,-ավելացրեց նա։

Թատրոնի թատերախումբը փորձում էր փոխել իր գործունեության ձևաչափը, և պատերազմի ժամանակ նրանք փորձում էին հնարավորինս օգտակար լինել ռազմաճակատի համար։ Օրբելյանը խոստովանեց, որ մտահղացումներն ամբողջությամբ իրականացնել չի հաջողվել, միաժամանակ հույս հայտնեց, որ կկարողանա ավարտել սկսածը:

Նրա խոսքով` թատրոնը նոր ներկայացումների կարիք ունի, եղածներից մի քանիսն էլ պետք է նորից բեմադրել։ Օպերային բեմադրությունների ոլորտը ենթադրում է աշխատանքների 3-5 տարվա պլանավորում, սակայն հիմա դա գրեթե անհնար է դարձել, քանի որ շատ բան կախված է երկրում տեղի ունեցող իրադարձություններից։

Օրբելյանը պարզաբանեց, որ երկիրն առայժմ անցումային փուլում է, ուստի շատ հարցեր դեռ պարզ չեն: Չնայած դրան՝ 2020 թ․-ից թատրոնը փորձում է գործունեությունը պլանավորել այնպես, որ ժամանակին համընթաց ընթանա։

«Վերջերս մենք առաջնախաղ ունեցանք, և եթե ամեն բան լավ լինի, մենք կկարողանանք իրագործել անավարտ ծրագրերը։ Շատ պլաններ կան, իսկապես շատ աշխատանք կա, պարզապես պետք է բարենպաստ մթնոլորտ լինի, և այդ դեպքում մենք ամեն ինչ կանենք, որ հանրությունը շարունակի բարձրագույն էսթետիկ հաճույք ստանալ Երևանի օպերայի և բալետի թատրոնում»,-ասաց դիրիժորը։

Նա նախատեսում է թատրոնի ստեղծագործական աշխատանքում ներգրավել արտերկրում աշխատող հայ արտիստներին։

Մաեստրոն կարծում է, որ Երևանի օպերային թատրոնը աշխարհի միակ ստեղծագործական օջախն է, որը պարտավոր է միավորել ամբողջ աշխարհի հայերի գեղարվեստական ներուժը, հօգուտ Հայաստանի օգտագործել օպերայի, բալետի արտիստների, կոմպոզիտորների, դիրիժորների հնարավորությունները։

Ինչ վերաբերում է այն հարցին, թե երբ կվերադառնա Երևան, Օրբելյանը պարզաբանեց, որ մեծ հույս ունի Երևանում լինել հունիսի վերջին։

Հիշեցնենք՝ Օրբելյանի լիազորությունները որպես թատրոնի տնօրեն դադարեցվել էին 2019թ․-ի մարտի 29-ին՝ այն ժամանակվա մշակույթի նախարարի ժ․պ․ Նազենի Ղարիբյանի որոշմամբ, ինչն առաջացրել էր թատրոնի աշխատակիցների և շարքային քաղաքացիների դժգոհությունը։ Ընդ որում՝ Օրբելյանը շարունակում էր մնալ թատրոնի գեղարվեստական ղեկավար։ 2020թ․-ի փետրվարին նրան վերականգնեցին տնօրենի պաշտոնում, սակայն դրանից հետո նա հեռացավ Հայաստանից։

Կոնստանտին Օրբելյանը շահել է դատն ընդդեմ ԿԳՄՍ նախարարության

152
թեգերը:
Օպերայի և բալետի ազգային ակադեմիական թատրոն, Կոնստանտին Օրբելյան, Հայաստան
Ըստ թեմայի
«Կգրկեմ ու կհամբուրեմ Նազենի Ղարիբյանին». Օրբելյան
«Օրբելյանը փողը չի՞ տվել». ինչո՞ւ է Օպերային թատրոնի երգչախումբը վրդովված
Կվերադառնա «աշխարհի միակ թատրոն»․ Օրբելյանի անկեղծ պատասխանները «վատ հարցերին»
Fashion Award 2021 մրցույթի Անահիտ Գալատեան

Ծանոթացե՛ք, Անահիտ Գալատեա. հայկական բարձր նորաձևության նոր թագուհին

277
(Թարմացված է 14:58 16.06.2021)
Ասիմետրիկ գծեր, «ամորֆ ձևվածք», լատեքսի և կաշվի առատություն. այս ամենը կգտնեք ամսվա ամենաքննարկվող հայ դիզայների նոր հավաքածուում։

Վիկտորյա Պիսարենկո, Sputnik Արմենիա

Կորոնավիրուսի համավարակն ազդել է մարդկանց հոգեկան վիճակի վրա։ Ոմանց համար անցած 2020 թվականը դադարի և ստեղծագործական ճգնաժամի ժամանակաշրջան էր։ Բայց  ստեղծագործ գաղափարների հենց այդ «լճացումն» է, որ այսօր հիմք է հանդիսանում ամենաինքնատիպ գեղարվեստական աշխատանքների համար։ Այսօրվա մեր հերոսուհու պարագայում` հագուստի հավաքածուի ստեղծման։

View this post on Instagram

A post shared by GALATEA (@galateaisme)

Երիտասարդ դիզայներ Անահիտ Գալատեայի «Տեխնո հումանիզմ» անունը կրող նոր հավաքածուն պատմում է համաշխարհային լոքդաունը վերապրած մարդկանց պատմությունը։ 10 կերպարները ցույց են տալիս 3 տիպիկ վիճակներ, որոնց միջով մարտից–հունիս ստիպված եղան անցնել բոլոր  հայ «կորոնա–բանտարկյալները». դեպրեսիա, հարմարեցում և վերածնում։

Մարտի սկզբին Գալատեան իր ընկերուհու հետ միասին Ֆլորենցիայից վերադարձավ հայրենի քաղաք։

Պատճառը Իտալիայում COVID-19–ի տարածման հետ կապված վատթարացող վիճակն էր։

«Մենք տոմսեր գնեցինք առաջիկա չվերթի համար և իրերի փոքր ճամպրուկ հավաքեցինք։ Ես և Անին (Գալատեայի մոտ ընկերուհին) մտածում էինք, որ իրավիճակը կկարգավորվի երեք շաբաթից, ավել չի տևի։ Սակայն մեկ տարի անց էլ ես դեռ այստեղ եմ», – Sputnik Արմենիայի հետ զրույցում ասաց Անահիտ Գալատեան։

Տոսկանայի կենտրոնում հագեցած կյանքից հետո դիզայները ստիպված էր «բանտարկվել» Երևանի կենտրոնում գտնվող փոքր բնակարանում։ Ամբողջ կյանքը պտտվում էր հեռուստաէկրանի, լափթոփի և հեռախոսի շուրջ։ Երբեմն դադար էր վերցնում «մի բան ծամելու» համար։ Polimoda մասնավոր ինստիտուտի դիզայնի ֆակուլտետում ուսումը հաճույքից վերածվեց ծանր պարտականության։

Победительница премии Fashion Award 2021 Анаит Галатеа в своей студии
© Sputnik / Viktoria Pisarenko
Fashion Award 2021 մրցույթի Անահիտ Գալատեան

«Փոքր էկրանի միջոցով ձևելու և ասեղնագործելու տեխնիկան յուրացնելը լավագույն տարբերակը չէ։ Սխալ թույլ տալու դեպքում, կողքիդ մարդ չկա, որը ցույց տա սխալդ։ Դու այն կնկատես միայն որոշ ժամանակ անց, ոչ միանգամից։ Իսկ վերաձևումը երբեմն կարող է տանջանք դառնալ, այսինքն` ստիպված կլինես զրոյից սկսել», – պատմում է Անահիտը։

Երիտասարդ դիզայները երկար ժամանակ փորձում էր հաղթահարել առցանց ուսուցման դժվարությունները, բայց ինչ–որ պահի, իսկ ավելի կոնկրետ սեպտեմբերին, համբերությունը հատվեց։ Նա որոշեց ակադեմիական արձակուրդ վերցնել։ Ազատ ժամանակ աշխատում էր վերականգնման, ինչպես նաև համանուն ապրանքանիշի նոր հավաքածուի վրա։

View this post on Instagram

A post shared by GALATEA (@galateaisme)

Դեկտեմբերին էսքիզները սկսեցին վերջնական տեսք ստանալ, իսկ հունվարին արդեն առաջին աշխատանքը պատրաստ էր` կապտագույն ֆուտուրիստական սվիտեր` գոտկատեղի վրա շեշտադրումով։ Լավագույն ավանդույթների համաձայն` հագուստը կրում էր «Պատրաստված է Հայաստանում» պիտակը։  Ի դեպ, Գալատեան հագուստի կտորը առանձնակի ուշադրությամբ էր ընտրում։ Նա ամեն կերպ խուսափում էր թուրքական տեքստիլ վաճառող խանութներից։

Ամսեամիս աղջկա սանրվածքն էլ ավելի էր կարճանում, մազերի գույնը բացվում էր, զգեստապահարան էլ` ավելի խիստ դառնում, իսկ երաժշտությունը, որի ներքո աշխատում էր` ավելի ռիթմիկ։ Դրան զուգահեռ երիտասարդ դիզայների նոր «ես»–ի խորհրդանշող հավաքածուն գնալով համալրվում էր։

View this post on Instagram

A post shared by GALATEA (@galateaisme)

Խմբագրության կողմից բոլորից շատ հավանության արժանացավ դենիմից կարված և երկու կտորից բաղկացած կոստյումը.  երկնագույն ժակետ և կաթնագույն ջինսեր` ներքին կարի բացվածքով։ Ոլորտի անվանի մարդիկ` «the girl next door» (անգլերենից թարգմանաբար` հասարակ աղջիկ – խմբ.) Արմինե Հարությունյանն ու Yeezy ընկերության նախկին փոխնախագահ Մարալ Կալինյանը գնահատեցին «ամորֆ» զգեստը, լատեքսից կարված բարձր իրանով տաբատը և մեջքին «Techno Human» (Techno Humanism–ի կրճատ տարբերակը – խմբ.) գրությամբ բազմաֆունկցիոնալ բաճկոնը։ Նշենք, որ Գալատեային «հայկական բարձր նորաձևության թագուհի» է անվանել հենց Կալինյանը։

View this post on Instagram

A post shared by GALATEA (@galateaisme)

«Տեխնո հումանիզմ» հավաքածուն Անահիտ Գալատեան ներկայացրեց Fashion Award մրցույթի շրջանակում։ Միջոցառումը կազմակերպել էր Երևանյան բիենալե գեղարվեստական հիմնադրամը (YBAF)։ Աղջիկն առաջին տեղը գրավեց։ Հիմնադրամը 1 մլն դրամ շնորհեց նրան, Վահագնի  թաղամասում ստուդիայից օգտվելու հնարավորություն ընձեռեց, ինչպես նաև մենթորություն` Արամ Նիկոլյանի կողմից։

Փառահեղ հաղթանակից հետո Անահիտը խոստովանեց, որ մտադիր է շարունակել աշխատել իր հավաքածուի վիզուալ կոնտենտի վրա։ Կոմերցիոն ուղղությամբ աղջիկը դեռ չի ցանկանում զարգանալ։ Սակայն նրա զգեստների պահանջարկն աճում է երկրաչափական պրոգրեսիայով։ Նրա էջում հետևորդների քանակը ժամ առ ժամ ավելանում է։ Իսկ փոստը լցված է Հայաստանի առաջատար տեքստիլ գործարանների կողմից ստացած համագործակցության առաջարկներով։

View this post on Instagram

A post shared by GALATEA (@galateaisme)

Հաջորդ հավաքածուն նվիրված կլինի Արցախյան 44-օրյա պատերազմին։ Գալատեան մտադիր է օգտագործել ասեղնագործության հայկական ավանդական տեխնիկան։ Այդ ամենը կներկայացվի ժամանակակից և ավելի թրենդային մեկնաբանությամբ։

277
թեգերը:
նորաձևություն, հաղթանակ, մրցույթ, դիզայներ, հայ
Ըստ թեմայի
Վայրի և անսպասելի. այս մոդելները գերել են Փարիզի նորաձևության շաբաթվա հանդիսատեսին
Գեղեցիկ ու կոկիկ. ո՞ր սանրվածքներն են նորաձև այս գարնանը
Կիսամերկ աղջիկներ, նրբագեղություն և հանդգնություն. նորաձևության շաբաթը ցնցել է շատերին
Թևան Պողոսյան

Թավիշից բխած սերը ցուցաբերվում է ադրբեջանցիների նկատմամբ. Թևան Պողոսյան

0
(Թարմացված է 19:41 22.06.2021)
Մարդկային զարգացման միջազգային կենտրոնի ղեկավար Թևան Պողոսյանը Sputnik Արմենիայի եթերում անդրադարձել է այն հարցին, թե Հայաստանում կլինե՞ն արդյոք հետընտրական զարգացումներ, որոնք կունենան որոշակի հետևանքներ ներքաղաքական կյանքում։
Պողոսյան. «Միասնությունը լոկ հայտարարությամբ չի լինում, պետք են կոնկրետ գործողություններ»

Ընդդիմադիր ուժի ներկայացուցիչ Միհրան Հակոբյանի մեքենայի տակ նռնակ նետելն ու «Իզմիրլյան» ԲԿ–ի ղեկավար Արմեն Չարչյանի նկատմամբ իրավական հետապնդումն արդեն իսկ տեղավորվում են հետընտրական զարգացումների համատեքստում։ Sputnik Արմենիայի հետ զրույցում նման կարծիք հայտնեց Թևան Պողոսյանը։

Դեռ յոթ օր կա, որ ԿԸՀ–ն հայտարարի ընտրությունների վերջնական արդյունքները, սակայն. Պողոսյանի խոսքով, մասնակիցներից մեկը չի սպասում և հայտարարում է, որ արդեն հաղթել է, իսկ մյուս կողմը հայտարարում է, որ կդիմի դատարաններ և ինչ–որ քայլ կանի այդ ատյանների որոշումներից հետո։

«Օրենքի դիկտատուրայից խոսող կողմը հաշվի չի առնում, որ նույն օրենքի պահանջով որևէ բան անել կարելի է միայն վերջնական արդյունքների պաշտոնական հայտարարումից հետո։ Հիմա այս ամենն ինչպե՞ս կարելի է դիտարկել։ Այնպես որ հետընտրական զարգացումները հավանական են, առավել ևս, որ արդեն իսկ ակնառու է ռեպրեսիվ ինստիտուտի աշխատանքը»,– նշեց Մարդկային զարգացման միջազգային կենտրոնի ղեկավարը։

Պողոսյանի համոզմամբ` միասնությունը միայն հայտարարություններով չի լինում, անհրաժեշտ են կոնկրետ գործողություններ այդ ուղղությամբ, և եթե դրանք տեսանելի լինեն գալիք օրերին, ապա նոր հնարավոր կլինի առարկայորեն խոսել այդ մասին։

Պողոսյանը հիշեցրեց, որ ՀՀ վարչապետի պաշտոնակատար Նիկոլ Փաշինյանի կազմակերպած հանրահավաքի ժամանակ նրա թիմակիցներից մեկն ասաց, որ արդարադատության սուրը հանձնում են մեկ մարդու, մինչդեռ Փաշինյանը, եթե կողմ է հանրային համերաշխությանը և դատական համակարգի անկախությանը, պետք է կանխեր թիմակցի խոսքը, որովհետև այն խանգարում է միասնականությանը։

«Մինչ օրս որևէ մարտահրավեր չի լուծվել։ Մեկ ամսից ավել է, ինչ 200 ադրբեջանցի զինծառայողներ ներխուժել են Հայաստան ու դարձել 1000 հոգի։ Այդ հարցը լուծվե՞լ է։ Ունեցել ենք քաղաքական ճգնաժամ, որը նույնպես չի լուծվել։ Կան կուսակցություններ, որոնք չեն ընդունել ընտրությունների արդյունքները, ունենք նաև ուժայինների գործողություններ։ Հանրությունն էլ քննարկում է այն հարցը, թե ընդդիմությունը կվերցնի՞ արդյոք խորհրդարանական մանդատները, ինչը վկայում է ճգնաժամի առկայության մասին»,– նշեց

Մարդկային զարգացման միջազգային կենտրոնի ղեկավարը։

Պողոսյանը տարակուսանքով ընդգծեց, որ Արցախը մոռացության է մատնվում, մուրճը ճոճում են ոչ թե արցախցիների վրա մատ թափ տվող և օկուպացրած Շուշին իրենց մշակութային մայրաքաղաք հռչակած ադրբեջանցիների, այլ ազգակիցների վրա, ինչից Պողոսյանը եզրակացրեց, որ թավիշից բխած սերն ու հանդուրժողականությունը ցուցաբերվում է ադրբեջանցիների նկատմամբ։

Ըստ նրա` հայաստանյան ընտրությունների արդյունքներով ուրախացել են ոչ միայն Փաշինյանի կողմնակիցները, այլև Ադրբեջանն ու Թուրքիան, այդ մասին կա անդրադարձ նրանց մամուլում, և 2000 հայեր, որոնք կստանձնեն տարատեսակ պաշտոններ, մինչդեռ իրականությունն այն է, որ մեծամասնությունը չի մասնակցել ընտրություններին, և Փաշինյանի հաղթանակով ուրախացել է ընտրողների միայն 1/4-ը։

Ի՞նչ կա Քոչարյանի մտքում, որ փողոցային պայքարից հրաժարվել է, և ի՞նչ կապ ունի Մոսկվան

0
թեգերը:
Թևան Պողոսյան, Հայաստան
Ըստ թեմայի
Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով
Հայաստանում կայացած ընտրությունները եղել են մրցունակ. ԵՄ խոսնակ
Իրանի ԱԳՆ-ն ողջունել է Հայաստանում արտահերթ ընտրությունների անցկացումը