Հյուսիսային պողոտա. արխիվային լուսանկար

Հյուսիսային պողոտայում կտեղադրվի Արտո Չաքմաքչյանի «Քայլող մարդը» քանդակը

180
(Թարմացված է 15:28 16.12.2019)
Քանդակագործ Արտո Չաքմաքչյանը միշտ երազել է իր ստեղծագործություններից մեկն ունենալ Երևան քաղաքում:

ԵՐԵՎԱՆ, 16 դեկտեմբերի — Sputnik. Անվանի քանդակագործ Արտո Չաքմաքչյանի հեղինակած «Քայլող մարդը» քանդակը կտեղադրվի Երևան քաղաքի Հյուսիսային պողոտայի` Աբովյան փողոցին հարող հատվածում: Այս մասին որոշումն ընդունվեց այսօր` դեկտեմբերի 16–ին, Երևանի ավագանու նիստում` ձայների 47 կողմ և մեկ ձեռնպահ հարաբերակցությամբ։

Կարծես սրբերը գիտեին, 3 օր առաջ Փարիզի Աստվածամոր տաճարից իջեցվել էին քանդակները. Սարգսյան

Երևան քաղաքի ավագանու այս որոշման ընդունման համար հիմք է հանդիսացել Երևանի քաղաքապետին ուղղված՝ ՀՀ կրթության, գիտության, մշակույթի և սպորտի նախարարության գրությունը: Քանդակի ձուլման եւ մոնտաժման աշխատանքները կկազմակերպի ԿԳՄՍ-ն:

Փխրուն ու գեղեցիկ. ավազե քանդակների միջազգային փառատոնը՝ լուսանկարներով

Նշենք, որ քանդակագործ Արտո Չաքմաքչյանը ծնվել է Կահիրեում, 1948թ. տեղափոխվել Հայաստան: 2005թ. նա արժանացել է ՀՀ «Մովսես Խորենացի» և ՀՀ մշակույթի նախարարության ոսկե մեդալների, 2015թ.` ՀՀ Պատվո շքանշանի: 

Ստեղծել է Կոստան Զարյանի, Առնո Բաբաջանյանի, Կոմիտասի դիմաքանդակները։ Նրա հայտնի դեկորատիվ-կիրառական քանդակներից են «Սասունցի Դավիթն» ու «Բերքահավաքը», որոնք աչքի են ընկնում ազգային քանդակաձևերի յուրօրինակ մեկնաբանմամբ:

Չաքմաքչյանի գործերից մեծ ճանաչում են ձեռք բերել «Կոմիտաս» և «Ապրիլյան հուշակոթող» մոնումենտալ հուշարձանները: Նրա գործերից պահվում են արտասահմանյան թանգարաններում ու մասնավոր հավաքածուներում: 

Արտո Չաքմաքչյանը մահացել է Մոնրեալում 2019թվականի հոկտեմբերի 1–ին:

 

 

180
թեգերը:
Արտո Չաքմաքչյան, քանդակագործ, Քանդակ, Հայաստան, Հյուսիսային պողոտա
Ըստ թեմայի
Երաժիշտները Հյուսիսային պողոտայում անակնկալ են մատուցել Մարտին Յորգանցին
Միայն փողով. Փաշինյանը զբոսնեց Հյուսիսային պողոտայով ու կնոջ համար նվեր ստացավ
Գոհար Ավետիսյանը Հյուսիսային պողոտայում երգեց «Ով սիրուն, սիրուն» երգը. տեսանյութ
Սուրբծննդյան տոնավաճառը կգործի, բայց ոչ Հյուսիսային պողոտայում. ինչ փոփոխություն է եղել
Տիգրան Ձիթողցյան

Մանկության երազանք. Տիգրան Ձիթողցյանի կտավով ազդագիրը հայտնվել է Նյու Յորքի կենտրոնում

102
(Թարմացված է 15:12 05.05.2021)
Տիգրանը Facebook-ի իր էջում տեսանյութ է հրապարակել, որին հաջորդել է շնորհավորանքների շարքը։

ԵՐԵՎԱՆ, մայիսի 5 - Sputnik. Հայ նկարիչ Տիգրան Ձիթողցյանի «Հայելիներ» հայտնի շարքի աշխատանքներից մեկը Նյու Յորքի խոշորագույն արտ–տոնավաճառի՝ Cube Art Fair-ի գլխավոր պաստառն է դարձել։ Տոնավաճառն անցկացվում է մայիսի 5-9-ը:

Տիգրանը Facebook-ի իր էջում տեսանյութ է հրապարակել և գրել. «Երեկ այս մասին չէի մտածում, բայց այսօր իրականում տեսա դա ու ապշեցի։ Կարծես մանկության երազանք կատարված լինի»։

Գրառումն իրարանցում է առաջացրել նկարչի ընկերների ու հետևորդների շրջանում. նրանք անվերջ շնորհավորանքներ են գրում նկարչին:

Տիգրանը ծնվել է Երևանում։ 2000-ականներին մեկնել է Շվեյցարիա` սովորելու, հետագայում տեղափոխվել է ԱՄՆ, որտեղ ապրում է մինչ օրս։

Նկարիչն իր արվեստը սահմանում է որպես տեխնոլոգիական վերածնունդ։ Սա նոր ուղղություն է ոչ միայն հայկական կերպարվեստում, այլև համաշխարհային արվեստում։

Շաբաթվա մարդիկ. ո՞վ էին ուզում դառնալ և ո՞վ դարձան

102
թեգերը:
Տիգրան Ձիթողցյան, ԱՄՆ
Կամո Մովսեսյան

Լարված կրքեր՝ Ջազի փառատոնի չեղարկման շուրջ․ Կամո Մովսեսյանը վերադարձրեց իր ոսկե մեդալը

214
(Թարմացված է 15:54 01.05.2021)
Կամո Մովսեսյանն ասում է, որ Երևանի քաղաքապետարան որևէ փաստաթուղթ չի ներկայացրել. միայն աշխատանքային թուղթ է եղել, որը պետք է քննարկվեր։ Երևանի քաղաքապետի խոսնակն էլ պնդում է՝ ուռճացված ծախսեր են ներկայացրել, ինչի համար էլ մերժել են։

ԵՐԵՎԱՆ, 1 մայիսի - Sputnik. «Ջազի հայկական ասոցիացիայի» նախագահ Կամո Մովսեսյանը հետ է վերադարձնում Երևանի քաղաքապետ Հայկ Մարությանի` իրեն հանձնած ոսկե մեդալը։ Մովսեսյանն այդ մասին հայտարարեց Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ։ Նա նշեց, որ իր այս քայլի պատճառը Ջազի միջազգային փառատոնի շուրջ ստեղծված վիճակն է։

Նշենք, որ ամենամյա դարձած Ջազի միջազգային փառատոնը Հայաստանում այս տարի չկայացավ, քանի որ Երևանի քաղաքապետարանը չի ֆինանսավորել այն։

«Չորս անգամ մեզ ասում էին, թե կկազմակերպվի այն կամ կչեղարկվի, սակայն ֆորմատի փոփոխությամբ։ Օրինակ, ավանդաբար Կասկադում անցկացնելու փոխարեն սկզբում առաջարկեցին այն թանգարաններում կազմակերպել, իսկ հետո ասացին` Սիրահարների այգում պետք է կազմակերպվի։ Սակայն վերջում մեզ հայտնեցին, թե ֆինանսներ չեն տրամադրելու»,-ասաց Մովսեսյանը։

Նա նշում է, որ Երևանի քաղաքապետարանը որպես պատճառ է բերում ասոցիացիայի կողմից էլեկտրոնային փոստով ուղարկած աշխատանքային մի թուղթ, որի վրա ո՛չ կնիք կա, ո՛չ էլ ստորագրություն։ Քաղաքապետարանից հայտնել են, թե ուռճացված նախահաշիվ է ներկայացվել, որը կուղարկվի համապատասխան բաժիններ` քննության։

Пресс-конференция председателя армянской Ассоциации джаза Камо Мовсесяна в мультимедийном пресс-центре Sputnik Армения (1 мая 2021). Еревaн
© Sputnik / Asatur Yesayants
Կամո Մովսեսյան

Մովսեսյանն ասում է՝ եթե եռօրյա ժամկետում քաղաքապետարանը չներկայացնի որևէ փաստաթուղթ, որը կլինի կնքված և ստորագրված ասոցացիայի կողմից, դիմելու են դատարան՝ իրենց անունը պախարակելու փորձի համար։

«Մեզ հետ որևէ քննարկում չի եղել մեր ներկայացրած աշխատանքային թղթի հետ կապված։ Եթե կասկածներ կային, թող հրավիրեին մեզ, քննարկեինք»,-ասաց Մովսեսյանը։

Նա հավելեց նաև, որ Երևանի քաղաքապետի խոսնակն իրեն ասել է՝ Ջազի միջազգային օրը Երևանի մշակութային միջոցառումների ցանկից հանվել է։

Ուշագրավ է այն հանգամանքը, որ, ըստ Մովսեսյանի, Երևանի քաղաքապետի 2021-ի բյուջետային ուղերձում նշված է՝ նախատեսված է Ջազի միջազգային օր անցկացնել։

Մովսեսյանը կարծում է, որ իրենց ֆինանսավորում չտրամադրելու պատճառներից մեկն էլ երևի այն է, որ 2019-ին փառատոինին հրավիրել էին «Գրեմմիի» քառակի դափնեկիր Գոնսալո Ռուբալկաբային, իսկ փառատոնի բյուջեն կրկին 15 միլիոնի սահմանում է եղել։

Մովսեսյանը վստահեցրեց՝ 8 մլն իր միջոցներից ավելացրել է, որպեսզի Ռուբալկաբան Երևան գա և փառատոնը մնա իր վարկանշային բարձրության վրա։ Ինչ վերաբերում է քաղաքապետարանի կողմից ասված ուռճացված ծախսերին՝ Մովսեսյանն նշեց՝ որևէ ծախսի մասին չի հրապարակելու, քանի որ կոռեկտ չի համարում ներկայացնել մի թուղթ, որը չի էլ քննարկվել, և որն անգամ փաստաթղթի կարգավիճակ չունի։

Երևանի քաղաքապետի մամուլի խոսնակ Հակոբ Կարապետյանը Sputnik Արմենիայի հետ զրույցում հայտնեց, որ, չնայած այն հանգամանքին, որ փառատոնն արդեն ավանդույթ էր դարձել, քաղաքապետարանը որոշել է չֆինանսավորել Ջազի միջազգային փառատոնը, քանի որ ներկայացված նախահաշվում ուռճացված ծախսեր են եղել։

Հոգեպարար ջազ սահմանին. լուսանկարներ Տավուշում անցկացված Yerevan Jazz Fest փառատոնից

Կարապետյանը հիշեցրեց, որ նախորդ տարի այն տեղի չունեցավ կորոնավիրուսով պայմանավորված սահմանափակումների հետևանքով։

«Այժմ էլ կորոնավիրուսային իրավիճակը շարունակում է լարված մնալ և «Ջազի հայկական ասոցացիայի» դիմումին ի պատասխան` բանավոր քննարկումների ժամանակ նշվել էր, որ հաշվի առնելով ինչպես այդ, այնպես էլ հետպատարազմական իրավիճակը` քաղաքապետարան նախահաշիվ ներկայացվի։ Դրա ուսումնասիրության արդյունքում խիստ մեծ ծավալի ուռճացված ծախսերի վերաբերյալ կասկածներ են ի հայտ եկել, որոնք ուղարկվել են համապատասխան մարմիններ քննության»,–ասաց Կարապետյանը։

Նրա խոսքով` 15 մլն էր ընդհանուր բյուջեն, սակայն կասկածները վերաբերում են նախահաշվում եղած մի քանի միլիոն դրամին։

Օրինակ, այնտեղ տող կար, որ մամուլի ասուլիս պետք է կազմակերպեն, որի համար 500 000 դրամ ծախս պետք է արվեր։ Կարապետյանը նշեց նաև, որ թեև կազմակերպիչները պնդում են, որ փառատոնն անցկացվում է ջազի հանրահռչակման համար, սակայն նախահաշվում ծախսերի 10 տոկոսը ներկայացված է որպես շահույթ։

Կարապետյանը նշում է` եթե դա կոմերցիոն ծրագիր է, ապա պետք է այդպես էլ ասել։

Նշենք, որ Ջազի միջազգային օրը Երևանում անցկացվում է 2012-ի ապրիլի 30-ից սկսած ամեն տարի:

Սթենլի Քլարքի ջազ բենդի երաժիշտը Կասկադում տաբլա է նվագում. նա տեսանյութ է հրապարակել

214
թեգերը:
Երևանի քաղաքապետարան, Երևանի Կասկադ, Երևան, փառատոն, ջազ
Ըստ թեմայի
Ջազ, օպերա և Պուշկին. Սթենլի Քլարկը Երևանում պատմեց իր նոր ու մեծ նախագծի մասին
Սիրելի հյուրը Ռեյ Չարլզն էր ու հարազատ ջազը․ ինչպես հայ երգչուհին իրեն գտավ Նյու Յորքում
Հայաստան են ժամանել աշխարհահռչակ երաժիշտներ. ինչ է սպասում ջազի սիրահարներին
Փաշինյանը տիկնոջ ու դստեր հետ մասնակցել է ջազի տոնին. լուսանկարներ
Արխիվային լուսանկար

Քաղաքական ուժերի նախընտրական դասավորվածությունը. ովքե՞ր շանսեր ունեն ԱԺ անցնելու

0
(Թարմացված է 23:15 06.05.2021)
Խորհրդարանական արտահերթ ընտրություններին ընդառաջ քաղտեխնոլոգը մեկնաբանում է Հայաստանի քաղաքական դաշտում տիրող իրավիճակը։

ԵՐԵՎԱՆ, 6 մայիսի – Sputnik․ Հայաստանի նոր Ազգային Ժողով անցնելու հնարավորություններ ունեցող քաղաքական ուժերն այս պահին հինգն են։ Այդպիսի կարծիք հայտնեց քաղտեխնոլոգ Վիգեն Հակոբյանը Sputnik Արմենիային տված հարցազրույցում։

Դրա հետ մեկտեղ քաղտեխնոլոգը չբացառեց, որ իրավիճակը կարող է փոխվել, քանի որ նախընտրական քարոզարշավը դեռ չի սկսվել։ Քարոզչությունն ի վիճակի է ազդեցություն ունենալ հանրության տրամադրությունների վրա։ Ավելին, տարբեր գնահատականների համաձայն՝ ընտրողների մոտ 40 տոկոսը դեռ չի կողմնորոշվել, թե ում է ընտրելու։

Հակոբյանի կարծիքով՝ դեռևս չկողմնորոշվածների մեծ մասը կարող է ընդդիմության օգտին քվեարկել, չնայած որ վերջին ամիսների ընթացքում իշխանության ընդդիմախոսներին այդպես էլ չհաջողվեց մոբիլիզացնել այդ ռեսուրսը։

«Ամբողջ կես տարվա ընթացքում ընդդիմությունը չկարողացավ «արթնացնել» նրանց»,-նկատեց նա։

Ո՞վ կանցնի խորհրդարան

Այդ գործոնները հաշվի առնելով՝ այս պահի դրությամբ խորհրդարան անցնելու հնարավորություն ունեն Նիկոլ Փաշինյանի կուսակցությունը, նախկին նախագահ Ռոբերտ Քոչարյանի գլխավորած դաշինքը, Հայաստանի Հանրապետական կուսակցություն-«Հայրենիք» դաշինքը, «Բարգավաճ Հայաստան» կուսակցությունը և, հնարավոր է, Լևոն Տեր-Պետրոսյանի Հայ ազգային Կոնգրեսը։

Սակայն, քաղաքագետի տեսանկյունից, այդ ուժերից ոչ մեկը մեծամասնություն չի կազմի և չի կարողանա միայնակ գործադիր իշխանություն ձևավորել։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

«Միաժամանակ բացառված չէ, որ նախընտրական քարոզարշավը կտրուկ բևեռացման հանգեցնի, և ընտրողները ստիպված լինեն քվեարկել կա՛մ իշխանության, կա՛մ միացյալ ընդդիմության օգտին»,-նշեց Հակոբյանը։

Ընդ որում՝ եթե իշխող ուժի հաղթանակի դեպքում հասկանալի է, թե ով է գլխավորելու գործադիր իշխանությունը, ապա ընդդիմադիր դաշտում առաջնորդի հարցն այնքան էլ միանշանակ չէ։

Հնարավոր է, որ Փաշինյանի դեմ հաղթանակի համար ընդդիմադիր դաշտը ժամանակավորապես միավորվի, օրինակ, Քոչարյանի շուրջ։ Այդ դեպքում նրա օգտին կարող են քվեարկել այն քաղաքացիները, որոնք Քոչարյանին առանձնապես չեն հավանում, բայց է՛լ ավելի դժգոհ են Փաշինյանից։

Քաղաքական ուժերի նախընտրական մարտավարությունը

Չնայած նախընտրական քարոզարշավը դեռ չի սկսվել, արդեն իսկ ակնհայտ է, որ իշխանությունները՝ Փաշինյանի գլխավորությամբ, երկու հիմնական թեզ են առաջ մղելու։ Հաշվի առնելով, որ նրանք ձախողվել են բոլոր ոլորտներում (Արցախի հարցում, կորոնավիրուսի դեմ պայքարում, տնտեսության զարգացման հարցում), Փաշինյանի թիմն առանձնապես գլուխ գովելու բան չունի։ Ուստի առաջին թեզը մոտավորապես այսպիսին է լինելու․ «Ամեն ինչում նախկին իշխանություններն են մեղավոր»։

Փաշինյանի երկրորդ թեզն այսպես է հնչելու․ «Եթե իմ օգտին քվեարկեք, ապա «թավիշ» այլևս չի լինի, կլինի «նախկինների» դեմ կոշտ պայքար»,-կարծում է Հակոբյանը։

Դրա հետ մեկտեղ, քաղտեխնոլոգի կարծիքով, ինչ-ինչ մանր մանիպուլյացիաներ կլինեն երկրի «պայծառ ապագայի» թեմայով։

Քոչարյանի դաշինքն ու «Բարգավաճ Հայաստանը», որոնք քիչ թե շատ հասկանալի ծրագիր ունեն, ներկայանում են որպես գործող իշխանություններին այլընտրանք։

«Օրինակ՝ Ծառուկյանի հեռուստաալիքը մշտապես ռեպորտաժներ է ցուցադրում հանդիպումների մասին, որտեղ նա ներկայացնում է իր ծրագրի այս կամ այն կետերը (օրինակ՝ վարկային համաներման մասին)։ Նույնը վերաբերում է նաև Ռոբերտ Քոչարյանին․ բացի իշխանություններին քննադատելուց՝ նա անդրադառնում է իր ծրագրի ինչ-որ կետերի»,-ասաց Հակոբյանը։

ՀՀ նախկին նախագահը, նրա կարծիքով, ուշադրությունը կենտրոնացնելու է այն բանի վրա, որ իր կառավարման տարիների որոշակի հաջողությունների է հասել, ինչպես նաև առաջ է մղելու այն թեզը, որ երկիրը վերականգնելու հստակ տեսլական ունի։

ՀՀԿ-ն կմասնակցի արտահերթ խորհրդարանական ընտրություններին. հայտարարություն

ՀՀԿ-«Հայրենիք» դաշինքն իր հերթին հանդես է գալու որպես Հայաստանի ներկայիս ղեկավարության ամենասուր քննադատ։ Ինչպես նշեց քաղտեխնոլոգը՝ այդ քաղաքական ուժը հետևողականորեն ընդգծելու է Փաշինյանի թիմի անհաջողությունները, ինչպես նաև խոսելու է իշխանությունների «ստվերային գործարքների մասին»։

«Դաշինքի գլխավոր գիծը իշխանության ուժի առավելագույն թուլացումն է»,-կարծում է Հակոբյանը։

Ինչ վերաբերում է ՀԱԿ-ին, ապա կուսակցությունը կարող է հույս կապել ոչ միայն իր սովորական ընտրազանգվածի, այլև Փաշինյանի հավանական ընտրողների մի մասի հետ։ Բանն այն է, որ իշխանությունների ընտրազանգվածի թվում քաղաքացիներ կան, որոնք քվեարկում են նրանց օգտին, որպեսզի «նախկինները»՝ Սարգսյանն ու Քոչարյանը, չվերադառնան։

ՀԱԿ-ի ռազմավարության հիմքում, ամենայն հավանականությամբ, կլինի այն պնդումը, որ պատերազմը ցույց տվեց, թե որքան ճիշտ էր Ղարաբաղի վերաբերյալ Լևոն Տեր-Պետրոսյանի հայեցակարգը, որով նա հանդես էր գալիս դեռևս 1996-97 թվականներին։ Մյուս կողմից՝ ՀԱԿ-ի առջև լուրջ փորձություն է լինելու նվազագույն շեմը հաղթահարելու առումով։

Նշենք, որ մայիսի 5-ին Տեր-Պետրոսյանը հրապարակավ դիմեց երկրորդ և երրորդ նախագահներին՝ Ռոբերտ Քոչարյանին և Սերժ Սարգսյանին, առաջարկելով համատեղ մասնակցել արտահերթ ընտրություններին։

Մայիսի 6-ին էլ «Վերածնվող Հայաստան» կուսակցությունը հայտարարություն տարածեց՝ տեղեկացնելով, որ որոշում է կայացրել հնարավոր արտահերթ խորհրդարանական ընտրություններին մասնակցել Հայ հեղափոխական դաշնակցության հետ նախընտրական դաշինքով, որը կգլխավորի Հայաստանի Հանրապետության երկրորդ նախագահ Ռոբերտ Քոչարյանը։

Մարտի 18-ին Փաշինյանը հայտարարել էր, որ հունիսի 20-ին Հայաստանում արտահերթ խորհրդարանական ընտրություններ տեղի կունենան։ Ազգային ժողովն արդեն հաստատել է Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։ Վարչապետը հրաժարականի մասին հայտնեց ապրիլի 25-ին, ՀՀ նախագահն ընդունեց այն:

0
թեգերը:
կուսակցություն, Ազգային ժողովի ընտրություններ, Հայաստան
Ըստ թեմայի
ԲՀԿ-ն ընտրությունների գնալու է միայնակ ու հաղթելու է. Միքայել Մելքումյան
Եթե Փաշինյանն անգամ ընտրություններում պարտվի, միևնույնն է, ինքնակամ չի հեռանա. քաղաքագետ 
Լինելու են ՀՀ պատմության մեջ ամենավատ ընտրությունները. տեղամասերում կլինեն բախումներ