Վարդան Պեռտրոսյան

«Նոր ժամանակներ, նոր բարքեր». Վարդան Պետրոսյանը նոր ներկայացում ունի. ինչի մասին է այն

124
(Թարմացված է 16:41 05.12.2019)
Դերասան Վարդան Պետրոսյանը տեղեկացրել է, որ ներկայացման պրեմիերան տեղի կունենա Լոս Անջելեսում։

ԵՐԵՎԱՆ, 5 դեկտեմբերի — Sputnik. Հայտնի դերասան, սցենարիստ կատակերգու Վարդան Պետրոսյանը նոր ներկայացում է պատրաստում։ Այս մասին նա գրել է Facebook–ի իր պաշտոնական էջում։

«Պատրաստում եմ նոր ներկայացում, վերնագրված ՝ «Նոր ժամանակներ, նոր բարքեր»... Հումորով ու երգիծանքով, ծիծաղով ու կատակով ես ներկայացնում եմ իմ մտորումները աշխարհի ու մեր երկրի մասին, այս անվերջ խելահեղ վազքի մեջ, վայրկյան առ վայրկյան փոխվող ու զարգացող իրադարձությունների հորձանուտում, հայացք ձգում դեպի հեռու՜ անտեսանելի անցյալ ու փորձում պատկերացնել ապագան, ժամանակների թելադրմամբ մշտապես փոփոխվող բարքերի կռվի մեջ փորձում հասկանալ այսօրը»,–գրել է դերասանը։

Պետրոսյանը տեղեկացրել է, որ ներկայացման պրեմիերան այս անգամ նույնպես տեղի կունենա Լոս Անջելեսում։

Երկար ընդմիջումից հետո ներկայացված  նրա` «Իմ կիսատ թողած երգը» մոնոներկայացման վերջին հյուրախաղերն արդեն ավարտվել են։ Հիշեցնենք, որ ընդմիջումը պայմանավորված էր Վարդան Պետրոսյանի կյանքում տեղի ունեցած ծանր ողբերգությամբ։

Դանիել Վարուժանի մասին պատմող ֆիլմը ներկայացվել է Art Visuals and Poetry կինոփառատոնին

«Այս ներկայացումն իմ կալանքի պատմությունն էր... իմ ու իմ կալանակից եղբայրների։ Այստեղ իմ ապրումներն էին, իմ սիրտը։ Ես պարտավոր էի այս մասին խոսել։ Եվ ինչքան ուրախ եմ, որ այն չընկալվեց որպես անձնական մի պատմություն, այլ ՝ մեր հոգսերի ու ցավերի մի երգ, որ մենք հյուսեցինք իրար հետ»,–գրել է Վարդան Պետրոսյանը։

Հիշեցնենք, որ 2013 թ. հոկտեմբերի 20-ին, ժամը 21:20-ին Եղվարդ-Երևան մայրուղու 32-րդ կմ-ում երկու ավտոմեքենա իրար էին բախվել: Պատահարի հետևանքով 7 մարդ մարմնական վնասվածքներով տեղափոխվել էր հիվանդանոց, այդ թվում՝ դերասան Վարդան Պետրոսյանը: Ավելի ուշ, վիրավորներից Էդգար և Էդուարդ Հակոբյան եղբայրները մահացել էին:

Այս միջադեպից հետո հայտնի դերասան Վարդան Պետրոսյանը 5 տարվա ազատազրկման էր դատապարտվել։

124
թեգերը:
թատերական ներկայացում, Վարդան Պետրոսյան, Լոս Անջելես, դերասան
Ըստ թեմայի
«Խնդիր չկա, Նիկոլ Փաշինյան». Ալեքսիս Օհանյանը միացավ չելենջին
«Ընկերներս ինձ «վարակեցին» Խաչատրյանով». ռեժիսորը պատմում է «Սուսերով պարի» պատմությունը
«Հիանալի շոու է, Նավկան հիասքանչ է». գլխապտույտ լուսանկարներ Մոսկվայի ԳՈւՄ–ի սահադաշտից