Իննա Սայադյան

Անսպասելի էր. Կոնստանտին Մելաձեն «Ձայնը-8»-ի մենամարտերի փուլում չընտրեց Իննա Սայադյանին

4403
(Թարմացված է 15:03 30.11.2019)
Ասքեր Բերբեկովի և Իննա Սայադյանի դուետը  հանդիսատեսին տեղափոխեց դիսնեյյան հիասքանչ մուլտֆիլմ։ Բեմում ասես ոչ թե «Ձայնը» շոուի մասնակիցներ էին, այլ հեքիաթային հերոսներ։

ԵՐԵՎԱՆ, 30 նոյեմբերի –Sputnik. Ռուսական առաջին ալիքով հեռարձակվող «Ձայնը» երաժշտական նախագծի 8-րդ եթերաշրջանի մասնակիցներ Իննա Սայադյանն ու Ասքեր Բերբերովը դուետով կատարել են Դայանա Ռոսի հայտնի «When You Tell Me That You Love Me» ստեղծագործությունը։ նրանց փայլուն կատարումը հիացրել է ոչ միայն հանդիսատեսին, այլև ժյուրիի անդամներին։

Պոլինա Գագարինայի կարծիքով` Իննայի և Ասքերի ելույթը Հոլիվուդի լավագույն ավանդույթների մեջ էր։

«Դա հիասքանչ դասական էր, իսկական հոլիվուդյան... Ձեր ձայները լավ համադրվում էին։ Ինձ ինչ–որ հեռու մի տեղ տարաք, ես այստեղ չէի... Իհարկե, սա դուետ էր, ոչ թե ինչ–որ մենամարտ», – ասել է նա։

Վալերի Սյուտկինն իր հերթին նրանց կատարումը «համաշխարհային մակարդակի հիասքանչ դուետ» անվանեց։

«Դուք ինչ–որ սիրո տոն կազմակերպեցիք մեզ համար, Կոնստանտին»,–ասել է նա։

Սակայն Կոնստանտին Մելաձեին, որը Իննայի և Ասքերի մարզիչն է, դժվար ընտրություն էր սպասում։

«Անկեղծ ասեմ, որ այս դուետը, հավանաբար, ամենահավասարազորն էր իմ թիմում։ Մեծ դժվարությամբ կատարեցի ընտրությունս, ընդ որում, ընդհուպ մինչ այս վայրկյանը։ Կարելի է ասել` գիշերները չէի քնում և մտածում էի` ո՞ւմ ի վերջո ընտրել։ Ո՞ւմ համար կարող եմ ավելին անել մեր նախագծում։ Որոշումը դրամատիկ կլինի, և կարծիքները կբաժանվեն։ Այնուամենայնիվ, ինձ հետ կշարունակի աշխատել Ասքեր Բերբերովը», – ասել է Մելաձեն։

Դուք չհանձնվեցիք, հետո էլ կինս կուրախանա․ ինչպես Մելաձեն հայ երգչին ընտրեց «Ձայնը» շոուում

Հուզիչ ձևով հրաժեշտ տալով Ասքերին և իր ուսուցչին` Իննան շնորհակալություն հայտնեց բոլորին և խոստովանեց, որ իր երազանքն իրականացել է։

Իհարկե հանդիսատեսը ընտրությունը չողջունեց։

Տեսանյութի մեկնաբանություններում կարելի է հանդիպել հետևյալ գրառումները. «Կարծում էի` Իննան գոնե մինչև կիսաեզրափակիչ կհասնի... Շատ ափսոս։ Երկրպագում էի նրան», «Այս նախագիծն այլևս կարելի է չնայել։ Լավագույն համարը մենք արդեն տեսանք։ Բռավո երեխեքին», «Ափսոս է աղջիկը... Կցանկանայի նրան էլի ու էլի լսել...», «Համոզված էի, որ Մելաձեն Իննային չի թողնի, նա երբեք հայերին թույլ չի տալիս առաջ գնալ։ Այնուամենայնիվ, Իննան հիասքանչ էր երգում, նա տաղանդավոր է, և տա աստված, որ մեր աղջիկը դեռ բիս երգի։ Սիրելի Իննա, սա կյանք է, անարդարությունն ամենուր է, միշտ պայքարել է պետք։ Առաջ և միայն առաջ», «Իննան պետք է այս մրցույթի հաղթող դառնար... ինչպես թե...»։

«Ձա՛յն տուր, ո՜վ ծովակ». հայուհու կատարումը հիացրել է «Ձայնը» շոուի ժյուրիի անդամներին

Իննա Սայադյանը 18 տարեկան է, ծնունդով` Վայքից, ներկայում ապրում և սովորում է Մոսկվայում։ Կույր լսումների ժամանակ աղջկա զրնգուն ձայնին շրջվեցին ժյուրիի բոլոր անդամները։

Վալերի Սյուտկինը նրա ելույթը մեկնաբանելիս ասաց, որ նա «հողի ձայն ունի»։

4403
թեգերը:
Ռուսաստան, Հայաստան, երգչուհի, Կոնստանտին Մելաձե, Իննա Սայադյան, «Ձայնը»
Ըստ թեմայի
«Միշա, Սերժ ու Արցախ». փոքրիկ ղարաբաղցին երգել է Թանկյանի հետ. տեսանյութ
Հայկական հումորը ռուսական մշակույթի մաս է դարձել, իսկ որտե՞ղ է Վրաստանը. Թինա Կանդելակի
«Սոնայի սիրտը ո՞նց կարող է ազատ լինել». երգչուհին պատմել է իր անձնականի ու ծրագրերի մասին
«Հաղթանակս նվիրում եմ Հայաստանին». երգիչ Արտյոմ Կաչերը «Զոլոտոյ Գրամոֆոն» է ստացել