Գորան Բրեգովիչ

Գորան Բրեգովիչի երևանյան համերգը չեղարկվել է

174
(Թարմացված է 12:44 22.11.2019)
Ընկերությունը բախվել է լուրջ ֆինանսական խնդիրների, որոնք առաջացել են վաճառված տոմսերի համընդհանուր վերադարձի պատճառով։

ԵՐԵՎԱՆ, 22 նոյեմբերի — Sputnik. Գորան Բրեգովիչի համերգը չեղարկվել է: Ինչպես տեղեկացնում են համերգի կազմակերպիչ AVM production ընկերությունից, նոյեմբերի 24-ին Կարեն Դեմիրճյանի անվան մարզահամերգային համալիրում կայանալիք հայտնի երաժիշտ և կոմպոզիտոր Գորան Բրեգովիչի համերգը տեղի չի ունենա:

«Ընկերության կողմից կատարվել են համերգի հետ կապված բոլոր նախապատրաստական-կազմակերպչական աշխատանքները: Սակայն ընկերությունը բախվել է լուրջ ֆինանսական խնդիրների, որոնք առաջացել են վաճառված տոմսերի համընդհանուր վերադարձի պատճառով»,– ասվում է ընկերության տնօրինության հայտարարության մեջ :

Հանդիսատեսի նման վարվելակերպը ընկերությունը թեև չի ողջունում, սակայն փաստում է, որ այն ունի որոշակի օբյեկտիվ պատճառներ: Ինչպես արդեն հայտնի է, Երևանի քաղաքապետարանը Ամանորի գիշերը Հանրապետության հրապարակում կազմակերպում է Գորան Բրեգովիչի բարեգործական համերգը, ինչի պատճառով էլ մարդիկ վերադարձնում են կազմակերպված համերգի վաճառված տոմսերի հիմնական մասը։

«Սոնայի սիրտը ո՞նց կարող է ազատ լինել». երգչուհին պատմել է իր անձնականի ու ծրագրերի մասին

Ընկերությունից տեղեկացնում են նաև, որ վաճառված տոմսերի գումարները կվերադարձնեն մինչև 2019թ. դեկտեմբերի 20-ը:

Գորան Բրեգովիչը հայտնի երաժիշտ է և երգահան։ Նա Էմիր Կուստուրիցայի գրեթե բոլոր հանրահայտ ֆիլմերի երաժշտության հեղինակն է, որոնց թվում են «Սև կատու, սպիտակ կատու», «Գնչուների ժամանակը», «Արիզոնյան երազանք», «Անդերգրաունդ» ֆիլմերը։ 

Հեքիաթային քաղաքից մինչև Բրեգովիչի համերգ. որքան կարժենան այս Նոր տարվա միջոցառումները

Գորան Բրեգովիչն առաջին անգամ Հայաստանում համերգ է տվել 2010-ին «Երևանյան հեռանկարներ» երաժշտական փառատոնի շրջանակում: Ծրագիրը կոչվում էր «Ալկոհոլ»: 2012-ին նա Երևանում համերգ է տվել իր «Հարսանիքների և թաղումների նվագախմբի» հետ:

174
թեգերը:
Կարեն Դեմիրճյանի անվան մարզահամերգային համալիր, Համերգ, Երևան
Ըստ թեմայի
Ջոն Լենոնի կարգախոսը նրա այրին հայերեն է թարգմանել
Հայերեն երգում է, բայց չի խոսում. համշենցի երգիչ Բիրբենն ելույթ ունեցավ Հայաստանում
«Ի՞նչ ես ուզում». Եվգենի Պետրոսյանը ասել է` ինչու է ծրագրում հայերեն սովորել