Երգչուհի Սոնան

«Սոնայի սիրտը ո՞նց կարող է ազատ լինել». երգչուհին պատմել է իր անձնականի ու ծրագրերի մասին

1182
(Թարմացված է 17:45 21.11.2019)
«Հայաստանի ձայնը» նախագծում ժյուրի հանդես գալուց հետո(2012թ.) երգչուհի Սոնան գրեթե ամեն ամիս Հայաստան է գալիս, ինչպես երաժշտական համերգներով, այնպես էլ մտերիմներին տեսակցության:

ԵՐԵՎԱՆ, 20 նոյեմբերի – Sputnik, Աստղիկ Սուքիասյան․ Ռուսաստանաբնակ հայտնի երգչուհի Սոնան (Սոնա Սարգսյանը), որը հայ հանդիսատեսի հիշողության մեջ մնացել է, որպես «Մեր բակի Սոնա», համերգային ծրագրով կրկին Երևանում է։

Sputnik Արմենիան երգչուհու հետ զրուցել է ստեղծագործական պլանների, հայկական շոու բիզնեսի հանդեպ նրա վերաբերմունքի, անձնական կյանքը չհանրայնացնելու ու  սիրո նշանակության մասին: 

Հենց ձայնս լսում են, ասում են՝ վայ, մեր Սոնան է

Երգչուհին ստեղծագործական պլաններ շատ ունի, որոնք պետք է իրականացնի: Մասնավորապես` համերգային շրջագայություններ ԱՄՆ-ում և եվրոպական մի շարք քաղաքներում:

Певица Сона
© Sputnik / Asatur Yesayants
Երգչուհի Սոնան

«Չեմ ուզում տպավորություն ստեղծվի, թե ինձ գովում եմ, բայց իմ ձայնը չեք կարող ուրիշ մեկի ձայնի հետ շփոթել: Դա ինձ ուրախացնում է, քանի որ, եթե անգամ ակնոցով լինեմ, առանց շպարի, հենց ձայնս լսում են, ասում են՝ վայ, մեր Սոնան է»:

Սոնայի համար անխախտ սկզբունք է կենդանի հնչողությամբ երգելը։ Այդ պատճառով երգում է այնքան, որքան ձայնալարերը թույլ են տալիս:

«Աչքերը` հաղարջի հատիկ». Ստոցկայան ցույց է տվել իր և հայ ամուսնու երեխաների լուսանկարը

Բացառություն են կազմում այն հավաքական համերգները, որտեղ համերգի կազմակերպիչները չեն կարողանում իրեն անհրաժեշտ տեխնիկայով ապահովել:

«Ես չեմ կարող մեկ կամ երկու երգի համար ռիսկի դիմել և ձայնալարերս փչացնել»,-ասաց նա և հավելեց, որ այժմ համերգային ծրագրերն այնքան շատ են, որ վերջերս իրեն միայն ինքնաթիռում է հիշում: Մեկ ամսվա ընթացքում 10-12  համերգ է ունենում ինչպես ՌԴ-ում, այնպես էլ Եվրոպայում:

Տպավորություն է, որ ազգովի մի երգ են երգում

Անդրադառնալով հայկական շոու բիզնեսին` երգչուհին ցավով նշեց, որ  այսօր ոչ միայն երգերի թեմաների դեֆիցիտ կա, այլև բոլորի ձայնն իրար նման է, հավանաբար, նկատի ունենալով, որ նույն տեխնիկայի միջոցով են ձայնագրությունների վրա շտկումներ անում։

«Երևանում երգիչների գրեթե 90 տոկոսի մոտ երգերի հստակ նմանություն կա, տպավորություն է, որ ամբողջ ազգով մի երգ են երգում, կարծես, բոլորի ձայնը նույնն է»,-ասաց երգչուհին։

Սոնան շփվում է հայ երգիչ-երգչուհիների հին սերնդի ներկայացուցիչների հետ: Ցավում է, որ ֆիզիկապես հնարավոր չէ միմյանց հաճախ այցելել, ժամանակը չի հերիքում, բայց միշտ ուրախանում է, երբ համերգների ժամանակ հանդիպում են:

«Ну, говори же Мко»-ն  դարձավ թևավոր խոսք

Երգչուհու մոտ ծիծաղ է առաջացնում այն միտքը, որ շատերի մոտ ինքը տպավորվել է, որպես «Մեր բակի Սոնա»: Ասում է՝  մարդիկ 10-15 ֆիլմում են նկարահանվում, բայց երբեմն չեն հիշվում, իսկ իր պարագայում անգամ խաղարկային խոսքերն են հիշում:

««Ну, говори же Мко»-ն  դարձավ թևավոր խոսք»,-ծիծաղով պատմում է երգչուհին։

Նա նշում է, որ 22 տարի է անցել «Մեր բակը 1» հումորային ֆիլմի նկարահանումից, այդ ժամանակ դա իր առաջին փորձն էր կինոյում:

«Կարելի ասել, որ այդ դերը  փորձարկում էր, որը հաջողվեց: Հիշում եմ, որ Մկոն էլ էր այդ ժամանակ իր առաջին քայլերն անում ֆիլմում: Ես նկարահանվեցի «Մեր բակը»1-ին և 2-րդ ֆիլմերում: 3-րդում նկարահանվելու  ցանկություն չեղավ, որովհետև համ ու հոտը միշտ պետք է պահել»:

Սոնայի տղամարդը պետք է պարկեշտ լինի

Չնայած, որ Սոնան շատ մարդամոտ է, ասող-խոսող, բայց իր անձնականի մասին խոսել չի սիրում, միայն մեզ վստահեց, որ իր սիրտն ազատ չէ: 

«Սոնայի սիրտը ո՞նց կարող է ազատ լինել: Հենց ազատ լինի կսկսեմ ֆանագրամայով երգել»,-ծիծաղեց երգչուհին:

Նա անկեղծացավ` իր կողքի տղամարդը պետք է ընդունի իրեն այնպիսին, ինչպիսին կա: Սոնայի կարծիքով` տղամարդն առաջին  հերթին պետք է լինի պարկեշտ ու անկեղծ, առանձնանա իր դրական, մարդկային որակներով:Ունենա հումորի զգացում, իր բնավորությամբ լինի թեթև, չբամբասող, մի խոսքով` իսկական տղամարդուն վայել արժեքներով:

Միհրան Ծառուկյանը բեմում ամուսնության առաջարկ արեց Արփի Գաբրիելյանին. տեսանյութ

«Եթե մարդն այդպիսին է, ապա նրանից չես կարող վատը սպասել, նա ուղղակի չի կարող վատը լինել: Իսկ կինն իր հերթին պետք է լինի բարի, կանացի ու սեքսուալ»,-ասաց նա:

Հավելենք, որ երգչուհին Երևան էր ժամանել  համերգային ծրագրով, Arm Cocktail Festival-ի շրջանակներում: Փառատոնն առաջին անգամ է անցկացվում Հայաստանում, որի նպատակը մեր երկրում  ալկո-մշակույթի զարգացումն է: Փառատոնի կազմակերպիչները այն շարունակական դարձնելու մտադրություն ունեն:

1182
թեգերը:
Համերգ, Ռուսաստան, երգչուհի, Սոնա Սարգսյան
Ըստ թեմայի
«Նա լրիվ խելքը թռցրել էր». Էլթոն Ջոնը բացահայտել է Մայքլ Ջեքսոնի գաղտնիքները
Առանց թիկնապահի և արգելափակոցների. Քանյե Ուեսթը «մահացու» համերգ է տվել բանտում. տեսանյութ
Հայերեն երգում է, բայց չի խոսում. համշենցի երգիչ Բիրբենն ելույթ ունեցավ Հայաստանում
Անրի Վերնոյ

«Մայրիկի», «Արարատի», «Կտոր մը երկնքի» ստեղծողները և ոչ միայն․ 5 հայ հանճարեղ ռեժիսորները

145
(Թարմացված է 22:17 30.06.2020)
Յուրաքանչյուր տարի հուլիսի 1-ին նշվում է Ռեժիսորի օրը։ Մասնագիտական օրվա կապակցությամբ Sputnik Արմենիան ներկայացնում է հինգ տաղանդավոր հայի, որոնք աշխարհին հանճարեղ գործեր են նվիրել։

Լիլիթ Հարությունյան, Sputnik Արմենիա

Կինոյի մոգական աշխարհը ստեղծելու համար մի շարք մասնագետներ են աշխատում՝ սկսած դիմահարդարներից ու լուսային դիզայներներից, մինչև օպերատորներ ու դերասաններ։ Սակայն «գերագույն մոգերը», միևնույնն է, ռեժիսորներն են։

Ռեժիսորի օրվա կապակցությամբ Sputnik Արմենիան ներկայացնում է 5 հայ ռեժիսորի, որոնց ֆիլմերը սիրվել են ու մրցանակների արժանացել։

Անրի Վերնոյ

Ֆրանսահայ ռեժիսոր ու սցենարիստ Անրի Վերնոյը (Աշոտ Մալաքյան) հիմնականում քրեական ու արկածային ֆիլմեր է նկարահանել։ Նա իր կարիերայի ընթացքում ստեղծել է ավելի քան 60 ֆիլմ` Ալեն Դելոնի, Կլաուդիա Կարդինալեի, Ժան Գաբենի, Իվ Մոնտանի, Ժան Պոլ Բելմոնդոյի, Օմար Շարիֆի, Ֆերդինանդելի և այլ հայտնի դասարանների մասնակցությամբ։

Анри Верной
cocteil.blogspot
Անրի Վերնոյ

Մալաքյանը` որպես իր գործի իսկական վարպետ, մի շարք պարգևների է արժանացել, իսկ «Հինգ ոտքերով ոչխար» ֆիլմի համար «Օսկար» է ստացել։

 

Սակայն հայ հանդիսատեսին Անրի Վերնոյը հայտնի է նախևառաջ «Մայրիկ» և «Պարադի փողոց, տուն 588» ֆիլմերով։ Այդ պատմակենսագրական ֆիլմերում նա իր ընտանիքի օրինակով պատմում է 1915 թվականի Հայոց ցեղասպանության ու կոտորածից փրկվածների ճակատագրի մասին (ռեժիսորը ծնվել է 1920 թվականին Թուրքիայում, իսկ չորս տարի անց նրա ընտանիքը փախել է Մարսել)։

Սրանք նրա վերջին ֆիլմերն էին։ Ի դեպ, Վերնոյը դրանք նկարահանել է ընկերոջ՝ հայտնի գրող Անրի Տրուայայի (Լևոն Թորոսյան) առաջարկով։ Երկու ֆիլմերի գլխավոր դերակատար Կլաուդիա Կարդինալեն խոստովանել է, որ «Մայրիկն» իր մոր ամենասիրած ֆիլմն էր։

Սերգեյ Փարաջանով

Աշխարհահռչակ կինոռեժիսոր, սցենարիստ ու նկարիչ Սերգեյ Փարաջանովը ծնվել է 1924 թվականին Թիֆլիսում (այժմ` Թբիլիսի)։ Նա բազում կինոմրցանակների է արժանացել, Հայկական ու Ուկրաինական ԽՍՀ ժողովրդական արտիստի կոչման արժանացել։

Объявлена тема выставки Fashion Forum Yerevan 2020
Սերգեյ Փարաջանով

Փարաջանովին մեծ ճանաչում են բերել «Մոռացված նախնիների ստվերները» (1965) և «Նռան գույնը» (1968) ֆիլմերը, որոնց շնորհիվ ռեժիսորին համարում են «խորհրդային նոր ալիքի» ու «պոետիկ կինեմատոգրաֆի» ստեղծողներից մեկը։

Առաջին ֆիլում Փարաջանովն անդրադառնում է այն փիլիսոփայական հարցերին, որոնք նրան հուզում էին ամբողջ կյանքի ընթացքում` ճակատագիր, կյանք ու մահ, սեր` մարմնական ու հոգևոր։ Նա իր արվեստում բազմիցս անդրադարձել է այդ թեմաներին։

Ինչ վերաբերում է «Նռան գույնը» ֆիլմին, ապա այն պոետիկ կինոպատում է XVIII դարի բանաստեղծ և աշուղ Սայաթ-Նովայի մասին։ 1968 թվականին «Հայֆիլմ» կինոստուդիայում նկարահանված ֆիլմում ներկայացված են բանաստեղծի հոգևոր աշխարհը, կրոնի, աշխարհիկ իշխանության ու ժողովրդի հանդեպ նրա վերաբերմունքը, նաև նրա սիրո պատմությունը։

Փարաջանովին դատապարտել են խորհրդային իշխանությանը քննադատելու համար, նա չորս տարի անցկացրել է բանտում (դե յուրե նրան դատապարտել են միասեռ հարաբերություններ ունենալու մեղադրանքով)։ Ռեժիսորին ազատ են արձակել խորհրդային ստեղծագործական մտավորականության ջանքերի ու միջազգային արշավի շնորհիվ։ Բանտից հետո նա շարունակել է ֆիլմեր նկարել։

Սերգեյ Փարաջանովի արձանները կանգնեցվել են Թբիլիսիում ու Կիևում, իսկ Երևանում գործում է նրա թանգարանը, որը քաղաքի ամենահայտնի վայրերից է։

Հենրիկ Մալյան

ԽՍՀՄ ժողովրդական արտիստ Հենրիկ Մալյանը ծնվել է Թբիլիսիում, Փարաջանովից մեկ տարի հետո։

Генрих Малян
Հենրիկ Մալյան

Շատերն անգիր գիտեն նախորդ դարի 60-80-ականներին «Հայֆիլմ» կինոստուդիայում նկարահանված նրա ֆիլմերը։ Մալյանի ամենահայտնի ֆիլմերից են «Նվագախմբի տղաները», «Եռանկյունին», «Մենք ենք, մեր սարերը», «Հայրիկը», «Նահապետը»։

Մեծ հաջողություն է ունեցել «Կտոր մը երկինք» ֆիլմը, որի գլխավոր դերակատարներն են Սոֆիկո Ճիաուրելին, Ֆրունզիկ Մկրտչյանը, Աշոտ Ադամյանն ու Գալինա Բելյաևան։

Ֆիլմի սյուժեն այսօրվա չափանիշներով էլ է սկանդալային, իսկ 80-ականներին մեծ աղմուկ բարձրացրեց։ «Սիրունիկը» հայտնի ֆիլմից ուղիղ տասը տարի առաջ հայ ռեժիսորը պատմեց մի տղայի մասին, որը ոչ միայն սիրահարվեց թեթևաբարո կնոջը, այլև ամուսնացավ նրա հետ։

Ֆիլմն առանձնացրել էին Սան Ռեմոյի կինոփառատոնում, իսկ Մալյանը 1981 թվականին Համառուսական կինոփառատոնին լավագույն ռեժիսուրայի համար մրցանակ էր ստացել։

Ալբերտ Մկրտչյան

Հայկական կինոյի ոսկեդարանում են հայտնվել նաև լեգենդար դերասան Մհեր Մկրտչյանի եղբոր՝ Ալբերտ Մկրտչյանի ֆիլմերը։ Նրա ֆիլմերում հնչած արտահայտություններից շատերը թևավոր են դարձել, իսկ ֆիլմերն այսօր էլ սիրում են ոչ միայն տարիքով մարդիկ, այլև երիտասարդները։

Режиссер Алберт Мкртчян
Архив театра им. Мгера Мкртчяна
Ալբերտ Մկրտչյան

Հայաստանի ժողովրդական արտիստ Ալբերտ Մկրտչյանը ծնվել է 1937 թվականին Լենինականում (ներկայիս Գյումրի)։ 1971 թվականին ավարտել է Մոսկվայի Գերասիմովի անվան կինեմատոգրաֆիայի համառուսական պետական ինստիտուտի ռեժիսորական ֆակուլտետն ու նույն տարվա ընթացքում սկսել է աշխատել որպես «Հայֆիլմի» բեմադրող ռեժիսոր։

Նա հայտնի է դարձել «Խոշոր շահում» լիրիկական կատակերգության, «Հին օրերի երգը» դրամայի, նաև «Ուրախ ավտոբուսը», «Տխուր փողոցի լուսաբացը» և այլ ֆիլմերի շնորհիվ։

Մեծ ճանաչում ունի նաև նրա` 1985 թվականին նկարահանված «Մեր մանկության տանգոն»` Ֆրունզիկ Մկրտչյանի ու Գալյա Նովենցի մասնակցությամբ, որը նույն տարում լավագույն գեղարվեստական ֆիլմ ճանաչվեց Համամիութենական կինոփառատոնում, իսկ Գալյա Նովենցը` լավագույն դերասանուհի։

Հետագայում դերասանուհին խոստովանեց՝ թեև իր բոլոր կերպարներին սեփական երեխաների պես է վերաբերվում, բայց «Մեր մանկության տանգոյի» Սիրանուշն ամենահոգեհարազատ կերպարն է։

Ատոմ Էգոյան

Կանադահայ կինոռեժիսոր, սցենարիստ ու պրոդյուսեր Ատոմ Էգոյանը ծնվել է 1960 թվականին Կահիրեում։ Ընտանիքը Կանադա է տեղափոխվել, երբ նա երկու տարեկան է եղել։

Атом Эгоян
© Sputnik / Asatur Yesayants
Ատոմ Էգոյան

Էգոյանին ճանաչում բերեց «Էկզոտիկա» (1994) ֆիլմը։ Ամենահայտնի աշխատանքներն են՝ «Ֆելիսիայի ուղևորությունը», «Քլոե», «Հիշել»։ «Լուսավոր գալիքը» ֆիլմը 1997 թվականին մրցանակի է արժանացել Կաննի կինոփառատոնում։

2002 թվականին նա նկարեց Հայոց ցեղասպանության ու ազգամիջյան խնդիրների մասին պատմող «Արարատ» ֆիլմը, որի գլխավոր դերերում հանդես եկան Շառլ Ազնավուրը, Քրիստոֆեր Պլամերը, Դևիդ Ալփեյը, Էրիկ Բողոսյանը և ռեժիսորի կինը` Արսինե Խանջյանը։

«Արարատը» Կանադայի բարձրագույն ազգային կինոմրցանակ է ստացել և «լավագույն կանադական ֆիլմ» ու «տարվա լավագույն ֆիլմ» ճանաչվել։ Էգոյանը 2003 թվականին արժանացել է Կանադայի գրողների գիլդիայի մրցանակին։ «Արարատը» նաև Քաղաքական կինոյի միության մրցանակ է ստացել` որպես մարդու իրավունքների ոլորտի լավագույն ֆիլմ։

Ատոմ Էգոյանը նաև «Ոսկե արմավենի», «Ոսկե առյուծ» ու «Ոսկե ծիրան» ունի։ Մի խոսքով՝ մի շարք հեղինակավոր մրցանակներ ու պարգևներ։ Իսկ կինոարվեստի աշխարհը նախևառաջ հիշում է նրա եզակի ու անկրկնելի ոճը․․․

Թեև մենք նյութում հինգ ռեժիսորի ենք ներկայացրել, բայց տաղանդավոր հայ ռեժիսորների ցանկը, բնականաբար, այսքանով չի սահմանափակվում։ Շատերն են իրենց ներդրումն ունեցել Հայաստանի կամ մեկ այլ երկրի կինոոլորտի զարգացման գործում։

145
թեգերը:
Անրի Վերնոյ, Ատոմ Էգոյան, Հենրիկ Մալյան, Ալբերտ Մկրտչյան, Սերգեյ Փարաջանով
Ըստ թեմայի
Բակունցի մայրն այդպես էլ չիմացավ որդու գնդակահարության մասին. քիչ հայտնի դրվագներ
«Նա գնաց Երևան, բայց սիրտը մնաց այստեղ». տան պատմությունը, որտեղ ապրել է Փարաջանովը
10 փաստ Ատոմ Էգոյանի մասին
Սունդուկյանի անվան թատրոն

Ինչ է Սունդուկյանի թատրոնն իր հանդիսատեսին խոստանում ամռան ամիսներին

36
(Թարմացված է 17:13 29.06.2020)
Կորոնավիրուսի հետևանքով թատրոններն անցել են առցանց աշխատանքի. Սունդուկյանի թատրոնը չի թողնի, որ իր հանդիսատեսը ձանձրանա։

ԵՐԵՎԱՆ, 29 հունիսի – Sputnik. Ելնելով երկրում տիրող համավարակի պայմաններից՝ Գաբրիել Սունդուկյանի անվան ազգային ակադեմիական թատրոնն անցել է աշխատանքային նոր պայմանների։

«Հուլիս-օգոստոս ամիսներին թատրոնը կշարունակի ստեղծագործական ակտիվ ընթացքը՝ առցանց հարթակում հասանելի նոր ծրագրերով։ Թատրոնի 100-ամյակին ընդառաջ կիրականացվի «Հուշերի քառուղիներ» ծրագիրը։ Դրա միջոցով թատրոնի ներկայիս դերասանները կներկայացնեն թատրոնի նախկին աշխատակիցներին` մեծ արվեստագետների»,–նշված է թատրոնի տարածած հաղորդագրության մեջ։

Ամռանը թատրոնը կներկայանա նաև համագործակցային նոր ծրագրով՝ աշխատելով հայաստանյան թանգարանների հետ։ «Թատերական ընթերցումներ» շարքի շրջանակում թատրոնի դերասանները կընթերցեն նամակներ, պատմվածքներ, բանաստեղծություններ, հուշեր, հետաքրքրաշարժ պատմություններ և այլ ուշագրավ նյութեր, որոնք կընտրեն և կտրամադրեն թանգարանները։ Ընթերցումները հասանելի կլինեն թե´ թատրոնի, թե´ թանգարանների ֆեյսբուքյան էջերում։

Փարաջանովի «Նռան գույնը» ներառվել է խորհրդային կարևորագույն ֆիլմերի ցանկում

Մայր թատրոնն արդեն իսկ ստացել է մի շարք թանգարանների համաձայնությունը՝ Հայաստանի ազգային պատկերասրահ, Ե. Չարենցի անվան Գրականության և արվեստի թանգարան, Երևանի պատմության թանգարան, Հովհ. Թումանյանի թանգարան, Ավ. Իսահակյանի տուն-թանգարան, Ե. Չարենցի տուն-թանգարան, Մ․ Սարյանի տուն-թանգարան, Կոմիտասի թանգարան-ինստիտուտ, Ա. Խաչատրյանի տուն թանգարան, Պ. Սևակի տուն-թանգարան, Պ. Պռոշյանի տուն-թանգարան։

Հիշեցնենք, որ արտակարգ դրության ընթացքում` ապրիլ-մայիս ամիսներին Գաբրիել Սունդուկյանի անվան թատրոնն իր բեմադրությունների ցուցադրումը կազմակերպեց առցանց տարբերակով։ Առցանց տարբերակով ներկայացվեց նաև «Դասարան+Դասական» կրթական ծրագիրը, որի առաջին փուլը տեղի էր ունեցել 2019-ի աշնանը և մեծ արձագանք էր ունեցել։ Թատրոնի տնօրեն Վարդան Մկրտչյանը «Զրույց հայտնիների հետ» շարքով հանդիպումներ ունեցավ արդի հայ թատերարվեստի հայտնի ներկայացուցիչների հետ և քննարկեց երիտասարդներին հուզող արդիական հարցեր։ «Հետնաբեմ» շարքը բացահայտեց թատրոնի գաղտնիքները՝ ներկայացնելով բեմի և դահլիճի կառուցվածքը, լուսային և ձայնային համակարգերը, բեմանկարչության, բեմազգեստի, բեմական կերպարի ստեղծումը։ Ծրագրի 32 հաղորդումներն ունեցել են 300 000 դիտում։

36
թեգերը:
Գաբրիել Սունդուկյանի անվան ազգային ակադեմիական թատրոն, Թատրոն, Հայաստան
Ըստ թեմայի
Հայերը ֆրանսերեն են սովորել, ֆրանսիացիները` սիրահարվել Արցախին. ֆիլմ, որն ընտրեց Կաննը
Բակունցի մայրն այդպես էլ չիմացավ որդու գնդակահարության մասին. քիչ հայտնի դրվագներ
Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ
Արարատ Միրզոյան. արխիվային լուսանկար

Կորոնավիրուսի դեմ պայքարը քննելու` ԲՀԿ-ի և ԼՀԿ-ի առաջարկն «Իմ քայլը» կքննարկի սեպտեմբերին

0
(Թարմացված է 22:21 02.07.2020)
Ընդդիմությունն առաջարկում էր կորոնավիրուսի քննիչ հանձնաժողով ստեղծել, որը կունենա 12 անդամ և կգործի կես տարի:

ԵՐԵՎԱն, 2 հուլիսի - Sputnik. Կորոնավիրուսի դեմ պայքարը քննելու ԱԺ ընդդիմադիր «Բարգավաճ Հայաստան» և «Լուսավոր Հայաստան» խմբակցությունների առաջարկը իշխանական «Իմ քայլը» կքննարկի սեպտեմբերին։ Այս մասին տեղեկացնում է ԱԺ մամուլի ծառայությունը՝ հղում տալով նախագահ Արարատ Միրզոյանին։

«Կորոնավիրուսի քննիչ հանձնաժողովի անդամների թիվը սահմանող նախագիծը կքննարկվի Ազգային ժողովի 2020թ.–ի սեպտեմբեր ամսվա առաջին հերթական նիստում», - ասվում է ԱԺ նախագահ Արարատ Միրզոյանի հայտարարության մեջ:

Նշենք, որ համաձայն կանոնակարգի՝ ԱԺ-ում նոր հանձնաժողով կարող է ստեղծել պատգամավորների ընդհանուր թվի առնվազն մեկ քառորդի պահանջով․ այդ թվաքանակն ընդդիմադիր խմբակցություններն ապահովել են։

Հանձնաժողովը քննելու է նոր կորոնավիրուսի (COVID 19) տարածումը կանխելու, այդ վիրուսի դեմ պայքարի, համավարակի հետևանքների մեղմման կամ վերացման ուղղությամբ Հայաստանի Հանրապետության կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում Մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունը։

Կորոնավիրուսի դեմ պատվաստանյութ լինելու է, բայց Հայաստանին կարող է չհասնել. Թորոսյան

0
թեմա:
Կորոնավիրուսը Հայաստանում և Արցախում