Հարութ Առուստամյանը

Մոսկվացի դիզայների «հայկական շիկը», կամ Երևանի սրտում ցուցադրության երազանքով

197
(Թարմացված է 09:05 19.11.2019)
Հարութ Առուստամյանն իր երրորդ հավաքածուի ցուցադրությունից հետո Fashion Talent ամսագրի վարկածով ներառվել է աշխարհի 40 ամենավառ երիտասարդ դիզայներների ցանկում։ Իր անցած ճանապարհի և երազանքի մասին նա պատմել է Sputnik Արմենիային տված հարցազրույցում։

Լիլիթ Հարությունյան, Sputnik Արմենիա

Հարութը 29 տարեկան է։ Սովորել է Եվրոպայի մի քանի հեղինակավոր ուսումնական հաստատություններում` Central Saint-Martin–ում (Լոնդոն) и Istituto–ում Marangoni (Միլան), համագործակցել ռուսաստանյան հայտնի ապրանքանիշների հետ։

Տղամարդկանց և կանանց հագուստի իր սեփական` ARUT MSCW անկախ ապրանքանիշը Հարութ Առուստամյանը ստեղծել է 2016 թվականին։ Այսօր նա աշխարհի հեռանկարային երիտասարդ դիզայներների թվում է։

Работы Арута Арустамяна
© Photo : из архива Арута Арустамяна
Հարութ Առուստամյանի գործերից

Հարութը ծնվել է Ստեփանակերտում, սակայն մեծացել է Մոսկվայում։ Ռուսաստանի մայրաքաղաք են տեղափոխվել Պյատիգորսկից, երբ տղան 4 տարեկան էր։

Փայլել է ոչ միայն հայ մոդելը. Թբիլիսիի քաղաքապետի կինը պոդիում է բարձրացել երեխաների հետ

Հարութն այսօր զգեստներ է ստեղծում ռուսական, ինչպես նաև արտասահմանյան երգիչների համար։ Խոստովանում է` գտել է իր տեղը Ռուսաստանում ու արդեն միջազգային շուկա է դուրս գալիս։

Մասնագիտության ընտրությունը

Դիզայներ դառնալու գաղափարը ծնվեց այնպես, կարծես այդպես էլ պետք է լիներ։ Մանկուց ձգտում ունեի ոճի, էսթետիկայի, զգեստապահարանի նկատմամբ, հիանում էի մորս, կնքամորս հագուկապով։ Չէ՞ որ մեզ` հայերիս մոտ շատ արդիական է արտաքին տեսքին հետևելը։ Ես հասկանում էի` ինչպես է կինն իրեն զգում այս կամ այն զգեստով։ Գուցե սուբլիմինալ այդ ամենն ազդել է ընտրությանս վրա։ Այնուհետև ամեն ինչ շատ բնական ընթացք ունեցավ։

Թեև պետք է ասել, որ այն տարիներին ընտրությունս շատ արտասովոր էր։ Սա այնքան էլ ցանկալի մասնագիտությունը չէ հայկական ընտանիքում, հատկապես` ավագ որդու համար։ Այն ժամանակ հիմնականում կա՛մ ատամնաբույժ էին դառնում, կա՛մ տնտեսագետ։

Работы Арута Арустамяна
© Photo : из архива Арута Арустамяна
Հարութ Առուստամյանի գործերից

Սակայն ընտանիքս երբեք իմ ընտրությանը դեմ չի եղել։ Հակառակը` մայրս միշտ հավատում էր ուժերիս, և այդ հավատն ինձ շատ օգնեց։

Ի դեպ, առաջին ցուցադրությունը ես կազմակերպեցի Մոսկվայում` Հայաստանի դեսպանատանը, դեսպանի և հայկական սփյուռքի աջակցությամբ։ Շատ շնորհակալ եմ, որ այն ժամանակ վստահեցին ինձ` 25-տարեկանիս։  Այդ աջակցությունն ինձ համար շատ կարևոր էր։

Ապրանքանիշի փիլիսոփայության և հաջողության մասին

Երբ իմացա, որ անունս ներառվել է աշխարհի 40 ամենավառ երիտասարդ դիզայներների ցանկում, շատ զարմացա։ Իհարկե, հաճելի էր։ Դա ուժ է տալիս առաջ շարժվելու, չէ՞ որ երբեմն հոգնում ես այս ամենից...

Ինձ վրա մեզ ազդեցություն են թողել Թիերի Մյուգլերը, Ալեքսանդր Մաքուինը, Ժան Պոլ Գոտյեն։ Իսկ նրանց կազմակերպած շոուները հավերժ մնացել են հիշողությանս մեջ։

Երբ կարիք եմ ունենում ավելի ուժեղ, ավելի զգայուն կամ ցանկալի զգացողություն ունենալու, զգեստներ եմ ստեղծում հատուկ միջոցառումների համար... Ի դեպ, ոճս բնութագրում եմ որպես «հայկական շիկ» կամ «Couture–ի դիսկոտեկ»։ Ինձ շատ են ոգեշնչում երաժշտությունը, կյանքի հաճելի պահերը։ Ես ավելի շատ դիզայներ եմ կնոջ, նրա ծագման, նրա ցանկալի լինելու համար։

Այսօր շատ հայտնի մարդկանց համար եմ զգեստներ ստեղծում, կերպարներ կերտում հիանալի արտիստների համար, այդ իսկ պատճառով որոշակի առումով իրականացրել եմ բեմական հագուստ ստեղծելու մանկությանս երազանքը։

Երազանքի մասին

Տանը շրջանակի մեջ մի լուսանկար կա դրված։ Ես ու մայրս ենք Երևանի Կարապի լճի մոտ։ Ես 4 տարեկան եմ, արձակուրդներն անցկացնելու էինք եկել (ցավոք, դրանից հետո հայրենիքում չեմ եղել)… Շատ կցանկանայի ցուցադրություն, շոու կազմակերպել հենց այդտեղ` Երևանի սրտում…

Կարծում եմ` անպայման կգա այդ օրը, երբ կկարողանամ շնորհակալություն հայտնել հայրենիքիս` իմ գործի միջոցով հայրենասիրությունս արտահայտելով։

Работы Арута Арустамяна
© Photo : из архива Арута Арустамяна
Հարութ Առուստամյանի գործերից

Բացի այդ, կցանկանայի զգեստ ստեղծել «Եվրատեսիլին» մասնակցող արտիստի համար։ Մասշտաբային նախագծի մաս կազմել, երկիրս ներկայացնելու հնարավորություն ստանալ։

Արյան կանչը

Հայաստանը միշտ իմ սրտում է։ Երբ հայերեն խոսք եմ լսում, անհավանական բան է կատարվում հետս։ Լինում է` մայրենիս եմ լսում, օրինակ` Փարիզում և անմիջապես շրջվում եմ, սկսում ողջագուրվել, կարծես, վաղեմի բարեկամներ լինենք։ Մի՞թե սա հրաշալի չէ։ Ընդհանրապես, հայ ժողովրդի միասնականության ոգին բացառիկ ֆենոմեն է, ամենաարժեքավոր բաներից մեկը, որ ունենք։

Работы Арута Арустамяна
© Photo : из архива Арута Арустамяна
Հարութ Առուստամյանի գործերից

Ինձ շատ է ոգեշնչել Հայաստանում 1.5 տարի առաջ տեղի ունեցած «թավշյա հեղափոխությունը»։ Անպայման այդ թեման կօգտագործեմ աշխատանքումս։

Քարդաշյան քույրերը «թիթիզանում են» հայկական հագուստով ու զարդերով. լուսանկարներ

Ի դեպ, բոլոր շրջանակներում իմ մասին սկզբում իմանում են, որ հայ եմ, այնուհետև` որ դիզայներ եմ։ Միշտ բաց խոսում եմ ազգային պատկանելությանս մասին և շատ հպարտանում դրանով։ Կարծում եմ, որ դա կարևոր է։ Միևնույն ժամանակ շատ շնորհակալ եմ Ռուսաստանին, չէ՞ որ այստեղ եմ կայացել։

Работы Арута Арустамяна
© Photo : из архива Арута Арустамяна
Հարութ Առուստամյանի գործերից

Շատ եմ ուզում Հայաստան գալ, ամենայն հավանականությամբ` հաջորդ տարվա գարնանը կամ ամռանը։ Ուզում եմ ընկղմվել երկրիս մշակույթի, կյանքի մեջ։  Զգում եմ, որ այդտեղից ուժ եմ ստանալու։ Կարծում եմ` յուրաքանչյուր հայ պետք է հայրենի հողի վրա լինի, և շատ տխուր եմ, որ դեռ նման հնարավորություն չեմ ունեցել։ Բայց կյանքում ոչինչ հենց այնպես չի լինում։ Մի պետքական պահի ես կլինեմ հայրենիքում։ Ամեն ինչ իր ժամանակն ունի։

197
թեգերը:
ցուցադրություն, հայ, դիզայներ, Երևան, Մոսկվա
Ըստ թեմայի
«Gucci–ի հայ մոդելը` Թբիլիսիում». ինչպես է Արմինեն ֆուրոր առաջացրել վրացիների մոտ
Այլմոլորակային պերճանք. Valentino–ի ցուցադրությունն ապշեցրել է նորաձևության սիրահարներին
Պատրաստված է Հայաստանում. գյումրեցի եղբայրները պատրաստվում են փայտե ակնոցով գրավել աշխարհը
«Մտերիմներիցս մեկն ինձ ասաց՝ աղջիկ ջան, ուշքի արի...». անկեղծ զրույց Նաիրա Զոհրաբյանի հետ
Սիփան Մուրադյանն ու Ափօ Սահակեանը

Պատերազմն արագացրեց. երուսաղեմցի երաժիշտն ու փարիզեցի դերասանը Հայաստան են տեղափոխվել

456
(Թարմացված է 09:34 13.06.2021)
Ֆրանսիայից և Իսրայելից եկած հայ երիտասարդներն իրենց ապագան տեսնում են հայկական հողի վրա։ Նրանցից մեկը մտադիր է զարգացնել Հայաստանի թատերական արվեստը, մյուսը՝ երաժշտական ոլորտը` հարստացնելով այն նաև արցախյան բարբառով ռիթմիկ կատարումներով։

 

Լիլիթ Հարությունյան, Sputnik Արմենիա

Սփյուռքահայ երկու երիտասարդներ՝ երաժիշտ Ափօ Սահակենը Երուսաղեմից և դերասան Սիփան Մուրադյանը Փարիզից, վերջին արցախյան պատերազմից հետո որոշել են Հայաստան տեղափոխվել։

Նրանք չորս հոգուց բաղկացած սփյուռքահայերի այն ջոկատում էին, որը պատերազմի օրերին կամավորական առաքելություն էր իրականացնում Գորիսի մոտ` Արցախի ճանապարհին։ Բացի մեր հերոսներից, ջոկատի անդամ էին նաև Սեդրակ Բալյանը Իսրայելից և Սիփան Քերողյանը Ֆրանսիայից։ Նրանց հիմնական խնդիրն էր օգնել օտարերկրյա լրագրողներին հակամարտության գոտում աշխատելու ժամանակ։

Музыкант из Иерусалима Апо Саакян и актер из Парижа Сипан Мурадян
© Sputnik / Aram Nersesyan
Սիփան Մուրադյանն ու Ափօ Սահակեանը

Sputnik Արմենիային տված հարցազրույցում Ափօն և Սիփանն ասել են, թե ինչու են որոշել ամեն ինչ թողնել և տեղափոխվել Հայաստան, ինչպես նաև խոսել են իրենց առաջիկա ծրագրերի մասին։

Բարդ որոշում

Մի քանի տարի առաջ Դրամատիկ արվեստի ազգային բարձրագույն կոնսերվատորիայի շրջանավարտ Սիփան Մուրադյանը ելույթ է ունեցել Փարիզի և Մարսելի թատրոններում։ Նա խոստովանում է, որ ամեն ինչ այնտեղ թողնելու և այստեղ զրոյից սկսելու որոշումը հեշտ չի տրվել։

Актер из Парижа Сипан Мурадян
© Sputnik / Aram Nersesyan
Սիփան Մուրադյանը

Նա նաև պատմական հայրենիքում թատերական ներկայացումներ անցկացնելու փորձ ունի. 2018 թվականին Սիփանը ֆրանսիացի մի խումբ դերասանների հետ շրջագայել է Հայաստանի քաղաքներով։ Նրանք ներկայացումներ են բեմադրել Երևանում, Աշտարակում, Ապարանում, Իջևանում, Դիլիջանում, Գավառում, ինչպես նաև Վանաձորի մանկատանը։

«Հիանալի էր։ Մի կողմից շատ էի ուզում օտարերկրացի ընկերներիս ծանոթացնել հայկական մշակույթի հետ։ Մյուս կողմից՝ ուզում էի նոր շունչ հաղորդել Հայաստանի թատերական արվեստին։ Մեր ներկայացնումներն ավելի շատ շփում էին դերասանի և հանդիսատեսի միջև, քան ներկայացում բառի դասական իմաստով», - ասում է Սիփանը։

Նա ուզում է շարունակել այդ ձևաչափով։ Նրան շատ հոգեհարազատ է աբսուրդի թատրոնը, մասնավորապես` ֆրանսիացի և իռլանդացի գրող, բանաստեղծ և դրամատուրգ Սեմյուել Բեքեթը։ Սիփանի պատրաստվում է ստեղծել մշակութային կենտրոն, որը օտարազգի արվեստագետներին:

Актер из Парижа Сипан Мурадян с группой актеров вместе с детьми гаварского детдома
© Photo : provided by Sipan Muradian
Փարիզահայ դերասան Սիփան Մուրադյանը` Գավառի մանկատանը

Նրա խոսքով՝ մեկնարկը կտրվի հաջորդ տարվա մայիսին, երբ անհրաժեշտ միջոցները կհավաքվեն։

Մի ոտքով այնտեղ, մյուսով` այստեղ

Ափօն խոստովանում է, որ միշտ է մտածել մի օր պատմական հայրենիք տեղափոխվելու մասին, իսկ պատերազմը միայն արագացրել է այդ գործընթացը։

«Շատ ուզեցի ֆիզիկապես այստեղ հաստատվել։ Ինչ-որ հիմք ունենալ», - ասում է նա։

Музыкант из Иерусалима Апо Саакян
© Sputnik / Aram Nersesyan
Ափօ Սահակեան

Սակայն Ափօն չի խզում կապերը Երուսաղեմի հետ, որտեղ են նրա Apo & The Apostles ռոք խմբի անդամները։ Խումբը շատ հայտնի է Պաղեստինում։ Բենդն ունի  բազմաթիվ հաջողված հիթեր, որոնք տարիներ շարունակ ցուցադրվում են տեղական երաժշտական ալիքներով։

«Եթե դու արդեն հասել ես որոշակի մակարդակի, կա աշխատանքի կարգավորված համակարգ, շատ հաջող երգեր, ֆան-բազա, ապա բոլորովին պարտադիր չէ, որ խմբի անդամները օրական 24 ժամ միասին լինեն։ Այսպես թե այնպես, հաճախ եմ գնալու այնտեղ»,- պարզաբանում է Ափօն։

Հետաքրքիր է, որ խմբի երաժիշտները սատարել են նրա` տեղափոխվելու որոշումն ու խոստացել են հյուր գալ:

Դերասան Հայկ Պետրոսյանը ամուսնացել է. տեսանյութ

APO & the Apostles արաբալեզու նախագծից բացի, Ափօ Սահակյանը զարգացնում է նաև իր հայալեզու նախագիծը, որում նա արդեն իր անվան տակ մշակում է ժողովրդական երգերը, ինչպես նաև գրում է իր սեփական ստեղծագործությունները՝ նույն ոճով:

Այժմ նա պատրաստվում է լրջորեն զբաղվել հենց այս երաժշտական նախագծով, որն արդեն իր երկրպագուներն ունի։ Երաժշտի առաջիկա ծրագրերում է ստեղծել մի խումբ, որով նա ելույթ կունենա, շոուներ կկազմակերպի տեղի հանդիսատեսի համար:

«Այժմ աշխատելու եմ փոփ-ռոքի ոճով ավելի ռիթմիկ երգեր ստեղծելու ուղղությամբ, որպեսզի մարդկանց մեր համերգներին ուրախանալու հնարավորություն ընձեռեմ։ Ուզում եմ երգերը ներկայացնել նաև Արցախի բարբառով։ Դրանք սիրո և հայրենի հողի հետ անքակտելիորեն կապի մասին են լինելու, օրինակ՝ սիրահար զույգերի մասին Հադրութից, Քարվաճառից, Սյունիքից», – ասաց երգիչը։

Առաջին համերգը նա նախատեսում է հուլիսի վերջին կամ օգոստոսին տալ։

Չնայած երաժշտական գործունեությանը, Ափօն մասնագիտությամբ քաղաքագետ է, մասնագիտանում է արաբա-իսրայելական հակամարտության մեջ։ Արցախյան պատերազմից հետո նա հոդված է գրել «Our Useless Diaspora, Our Future Armenia» («Մեր անօգուտ սփյուռքը, մեր ապագա Հայաստանը») խորագրով։

Հոդվածում հեղինակը Հայաստանի և Արցախի հիմնական խնդիրներից առանձնացրել է դեմոգրաֆիկ վիճակը։ Այս առնչությամբ նա կարծում է, որ հայերը Իսրայելից սովորելու բան ունեն։

«Իսրայելի պետության ստեղծումից հետո երկրի բնակչության մոտ 60 տոկոսն էին հրեաները, իսկ 40 տոկոսը` արաբները։ Այդ ժամանակ կառավարությունը սկսեց լուրջ քաղաքականություն իրականացնել, որն ուղղված էր աշխարհասփյուռ հրեաների ներգրավմանը։ Ընդ որում՝ ներգաղթյալներին  բնակեցնում էին ոչ թե մայրաքաղաքում, այլ հեռավոր քաղաքներում ու գյուղերում։ Դրա շնորհիվ հրեա բնակչությունը զգալիորեն աճեց ու այժմ մոտ 80% է կազմում», - ասում է Ափօն։

Նա կարծում է, որ հայկական հողը դատարկ է, և առաջնային խնդիրներից մեկն էլ այն բնակեցնելն է։ Այդ գործոնը մեծ ազդեցություն է ունեցել պատմական հայրենիք տեղափոխվելու նրա որոշման վրա։

Եվ վերջում…

ՀՀ ԱԳՆ-ի կողմից կազմած նրանց ջոկատը եղել է Արցախի Տեղ գյուղում ու 35 օր մնացել է այնտեղ...

- Ի՞նչն էր ձեզ համար ամենադժվարը:

– Սեփական աչքերով տեսնել` ինչ է տեղի ունենում, ի զորու չլինել ազդել իրադարձությունների վրա։ Մենք տեսել  ենք` ինչպես էին զինվորներն առաջնագիծ գնում, ինչպես էին տեղափոխում վիրավորներին, ինչպես էին մարդիկ զանգվածաբար լքում են իրենց տները... և, իհարկե, շատ դժվար էր Արցախը տեսնել կոտրված, - պատասխանում է Սիփանը։

Актер из Парижа Сипан Мурадян и музыкант из Иерусалима Апо Саакян
© Sputnik / Aram Nersesyan
Սիփան Մուրադյանն ու Ափօ Սահակեանը

- Մի բան էլ կա, որ նա չի պատմում, - հավելում է Ափօն, - ես շատ մեղավոր եմ նրա առաջ։ Բանն այն է, որ Սիփանը երբեք չէր եղել Արցախում, և հոկտեմբերի 18-ին, երբ հրադադար հայտարարվեց, մենք որոշեցինք գնալ այնտեղ (Սեդրակը պետք է տեսներ մի ընկերոջ, որը վերադարձել էր առաջնագծից)։ Բայց մեզանից մեկը պետք է մնար դիրքում, և այդ ժամանակ Սիփանը իր տեղը զիջեց ինձ։ Մենք կարծում էինք, որ պատերազմն այլևս չի վերսկսվի, և ես ասացի, որ Արցախը տեսնելու հնարավորություն դեռ կունենա…

Այդ ուղևորության ընթացքում տղաները նաև այցելել են Շուշի, մոմեր վառել և աղոթել Ղազանչեցոց տաճարում: Սիփանին այդպես էլ չհաջողվեց տեսնել Շուշին ու Ղազանչեցոցը։

Актер из Парижа Сипан Мурадян
© Sputnik / Aram Nersesyan
Սիփան Մուրադյանը

Նա պատերազմից հետո տեսավ Արցախը` նոյեմբերի 14-15-ին։ Երիտասարդը խոստովանում է, որ հետպատերազմյան Ստեփանակերտը շատ է ազդել նրա վրա։ Սիփանը չի կարողացել մնալ այնտեղ և ընկերոջը խնդրել է Գորիս վերադառնալ։ Հետդարձի ճանապարհին նրանք մտել են Քարվաճառ և այցելել Դադիվանք։ Այդ օրերին Շահումյանի շրջանը դեռ Հայաստանի վերահսկողության տակ էր…

456
թեգերը:
Արցախյան պատերազմ, դերասան, Ափօ Սահակեան (Իսրայելահայ երաժիշտ), երաժիշտ, Հայաստան, հայ, Փարիզ, Երուսաղեմ
Արմեն Սարգսյանը հյուրընկալել է սփյուռքահայ բարերար, դերասանուհի, կինոպրոդյուսեր, սցենարիստ Վիրջինիա Դեյվիսին և սփյուռքահայ բարերարներ Անդրանիկ Գասպարյանին ու Րաֆֆի Դանիելյանին

Իդա Քարի՝ Հայաստանում արված լուսանկարները փոխանցվել են նախագահին

51
(Թարմացված է 19:27 11.06.2021)
Հանրահայտ լուսանկարչուհու աշխատանքների ցուցահանդեսը, ամենայն հավանականությամբ, կկազմակերպվի սեպտեմբերին՝ Հայաստանի անկախության օրվա միջոցառումների շրջանակում։

ԵՐԵՎԱՆ, 11 հունիսի – Sputnik․ 20-րդ դարի հայազգի հռչակավոր լուսանկարիչ Իդա Քարի (Իդա Քարամյան) 1950-ական թվականների վերջում Հայաստանում արած լուսանկարների հարուստ հավաքածուն փոխանցվել է ՀՀ նախագահի աշխատակազմին։ Տեղեկությունը հայտնում է նախագահի մամուլի ծառայությունը։

ՀՀ նախագահ Արմեն Սարգսյանը հյուրընկալել է սփյուռքահայ բարերար, դերասանուհի, կինոպրոդյուսեր, սցենարիստ Վիրջինիա Դեյվիսին և սփյուռքահայ բարերարներ Անդրանիկ Գասպարյանին ու Րաֆֆի Դանիելյանին: Հենց տիկին Դեյվիսն էլ փոխանցել է լեգենդար լուսանկարչուհու գործերը։

Հանդիպման ընթացքում անդրադարձ է եղել նաև մշակութային մի շարք ծրագրերի, այդ թվում Հայաստանում Իդա Քարի աշխատանքների ցուցադրության կազմակերպմանը։

«Նախագահ Սարգսյանը կարևորել է հայազգի լուսանկարչի գործունեության հանրահռչակումը: Ողջունելով ցուցահանդեսի անցկացման գաղափարը՝ նա պատրաստակամություն հայտնել այն կազմակերպել նախագահական նստավայրում»,- նշված է հաղորդագրորւթյան մեջ։

Վիրջինիա Դեյվիսն առաջիկա ցուցահանդեսի կազմակերպչական հարցերը քննարկել է նախագահի աշխատակազմի ներկայացուցիչների հետ: Առաջարկվել է ցուցահանդեսը կազմակերպել սեպտեմբերին՝ Հայաստանի անկախության 30-ամյակի միջոցառումների շրջանակում:

Տիկին Դեյվիսը հայտնել է, որ Իդա Քարի լուսանկարների ցուցահանդես նախատեսում են կազմակերպել նաև Լոնդոնում և Նյու Յորքում:

Президент Армен Саркисян встретился с благодетелями из диаспоры Вирджинией Дейвис, Андраником Гаспаряном и Раффи Даниеляном (11 июня 2021). Еревaн
© Photo / official site of the President of RA / Karo Sahakyan
ՀՀ նախագահ Արմեն Սարգսյանը հյուրընկալել է սփյուռքահայ բարերար, դերասանուհի, կինոպրոդյուսեր, սցենարիստ Վիրջինիա Դեյվիսին և սփյուռքահայ բարերարներ Անդրանիկ Գասպարյանին ու Րաֆֆի Դանիելյանին

Այցելության ընթացքում հյուրերը նախագահին ներկայացրել են Հայաստանում և Արցախում իրենց նախաձեռնած մարդասիրական ծրագրերը, տեղեկացրել, որ պատրաստվում են առաջիկա օրերին ուխտագնացության մեկնել Արցախ։

Նշենք, որ Իդա Քարը ծնվել է Ռուսաստանում և երկար տարիներ ապրել Լոնդոնում։ Նա համարվում է Բրիտանիայի ամենահայտնի լուսանկարիչներից մեկը։ Նա հայտնի է հատկապես անվանի արվեստագետների և գրողների լուսանկարներով՝ Սոմերսեթ Մոեմի, Ժան-Պոլ Սարտրի, Էժեն Իոնեսկոյի, Թոմաս Էլիոթի, նկարիչ Մարկ Շագալի, իտալացի ֆուտուրիստ Ջինո Սեվերինիի, համաշխարհային հռչակ վայելող քանդակագործ Հենրի Մուրի, կոմպոզիտոր Դմիտրի Շոստակովիչի և այլոց։

Իդա Քարը եղել է նաև Խորհրդային Հայաստանում, լուսանկարել Մարտիրոս Սարյանին, Ավետիք Իսահակյանին, Տիգրան Պետրոսյանին։ Նրա աշխատանքների մեծ մասը ներկայումս պահպանվում է Լոնդոնի դիմանկարների ազգային պատկերասրահում։

51
թեգերը:
Իդա Քարի (Իդա Քարամյան), Լուսանկար, Արմեն Սարգսյան, Նախագահ, Լոնդոն, Հայաստան
Ֆուտբոլ

Հայաստանը ներկայացնող 2 լրագրող հավատարմագրվել են Եվրո-2020-ը լուսաբանելու համար

33
(Թարմացված է 00:05 16.06.2021)
Ըստ Կարեն Ռաֆայելյանի` ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար։

ԵՐԵՎԱՆ, 15 հունիսի - Sputnik. Հայաստանը ներկայացնող 2 լրագրողներ հավատարմագրվել են Եվրո-2020-ը լուսաբանելու համար: Լրագրող Կարեն Ռաֆայելյանը ֆեյսբուքյան իր էջում գրառում է արել` հայտնելով, որ իր գործընկեր Դավիթ Եղիազարյանը նույնպես ստացել է նոր հավատարմագիր։

Ավելի վաղ հայտնել էինք, որ 2 մարզական լրագրողները մերժում են ստացել Եվրո-2020-ի հավատարմագրման համար։ Այսօր առավոտյան հայտնի դարձավ, որ Կարեն Ռաֆայելյանը նոր հավատարմագիր է ստացել։

«Ադրբեջանի կապիկությունները` կապված Եվրո-2020-ում հայ լրագրողներիս հավատարմագրումից զրկելու հետ, 2 օր էլ չտևեցին: Շնորհակալություն Հայաստանի ֆուտբոլի ֆեդերացիային արագ և ազդեցիկ արձագանքի համար: Բացի մեր անձնական նամակներից, հենց ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար»,–ֆեյսբուքի իր էջում գրել է Ռաֆայելյանը:

Հիշեցնենք, որ լրագրողները դեռևս 2020 թվականի հունվարին էին հայտ ներկայացրել և համաձայնեցրել ՈւԵՖԱ–ի մամուլի ծառայության հետ այն քաղաքներն ու խաղերը, որոնք կցանկանային այցելել։ Այդ ցանկում, բնականաբար, Բաքուն չի եղել։

«Դուք տղամարդ չեք». մարզական մեկնաբանի հարցը հունից հանել է Օլգա Բուզովային

Հավատարմագրումը ստացվել է մայիսին, բայց մեկ վերապահումով, որ այն կարող են չեղարկել, եթե մասնակից երկրներից որևէ մեկի իրավապահ մարմինները որոշեն, որ լրագրողներն առնչություն ունեն հանցագործության հետ։

Բնականաբար, հասկանալի է, թե որ երկիրը և ինչո՞ւ էր մերժել լրագրողներին։

33
թեգերը:
ֆուտբոլ, Ադրբեջան, Լրագրող, հայ, Հայաստան