Վանա լիճն ու Սուրբ Խաչ եկեղեցին. արխիվային լուսանկար

«Ով ոչնչացնի այս գրությունը, թող արժանանա աստվածների անեծքին». 3000–ամյա սեպագիր են վնասել

205
(Թարմացված է 21:21 29.10.2019)
Մենուային վերագրվող մոտ 3 հազարամյա ուրարտերեն սեպագիր արձանագրությունը կարող է վնասած լինել կա՛մ գանձագողը, կա՛մ էլ մարդիկ, որոնք ցանկանում է ջնջել պատմության հետքերը։

ԵՐԵՎԱՆ, 29 հոկտեմբերի – Sputnik. Թուրքիայի Էրզրում նահանգի Հորասան շրջանի Յազըլըթաշ գյուղում գտնվող և Վանի (Արարատյան) հայկական թագավորության արքա Մենուային վերագրվող մոտ 3 հազարամյա ուրարտերեն սեպագիր արձանագրությունը վտանգված է: Գանձագողերը փորձել են այն կոտրել բրիչով, գրում է ermenihaber–ը։

Հնավայր «Երևան մոլում». ի՞նչ է թաքնված երեքհազարամյա ուրարտական դամբարանի որմնախորշերում

Աթաթուրքի համալսարանի պրոֆեսոր Ալփասլան Ջեյլանը նշել է, որ պատմական կոթողը գանձագողերի կամ վանդալների կողմից կարող է ամեն պահի պայթեցվել, ուստի պատկան մարմիններին կոչ է արել կանխարգելիչ միջոցներ ձեռնարկել:

«Մեր պատմությունը մեր ձեռքով ոչնչացնելու մեկ այլ ձև է սա: Այն, ինչը չի կարող անել թշնամին, մենք մեր ձեռքերով ենք անում: Սա ոսկի որոնելու համար են անում: Այս արձանագրության վերջին տողում գրված է. «Ով ոչնչացնի այս գրությունը, թող արժանանա աստվածների անեծքին»: Ժայռի հետնամասում ոսկի չկա»- ասել է Ջեյլանը:

Ալփասլան Ջեյլանը 1998 թվականից զբաղվում է հետազոտական աշխատանքներով: Այցելելով Յազըլըթաշ գյուղ` նա ականատես եղել պատմական գրավոր հուշարձանի նկատմամբ վանդալիզիմի դրսևորմանը:

Շիրակի սեպագիր անձնագրի պատճենը՝ ճապոնական թթենու թղթի վրա. հայտնի գեղագիր Նագաոկայի նվերը

Ըստ պրոֆեսորի՝ դա կարող է անել կա՛մ գանձագողը, կա՛մ էլ մարդիկ, որոնք ցանկանում է ջնջել պատմության հետքերը՝ նշելով, որ նախորդ այցի ժամանակ արձանագրությունները բրիչով կոտրված չեն եղել:

Նշենք, որ Մենուայի թողած այս արձանագրությունում ներկայացվում են արքայի նվաճողական արշավանքները:

Клинопись царя Менуа
Սեպագիր արձանագրություն
205
թեգերը:
Մենուա, Սեպագիր արձանագրություն, Թուրքիա
Ըստ թեմայի
Երզնկայի Սուրբ Աստվածածին եկեղեցին ավերել են գանձագողերը
Հերթական գանձագողությունը Սյունիքի մարզում
Գանձագողերը հարձակվել են Սուրբ Տրդատ վանքի վրա
Ոսկու տենդը Թուրքիայում. «տգետ գանձագողերը» վերացնում են հայկական ժառանգությունը