«Փարոս» երգչախումբ

Աշխարհում եզակի երգչախումբ. հաշմանդամություն ունեցող հայ երգիչները նվաճում են մեծ բեմերը

427
(Թարմացված է 21:28 27.10.2019)
«Փարոս» կամերային երգչախումբն աշխարհում եզակիներից է. երգիչների մեծ մասը հաշմանդամություն ունի։ Միջազգային հեղինակավոր մրցույթների դափնեկիր ներառական այս երգչախումբն արդեն 26 տարի է՝ պետական կարգավիճակ չունի։

Մարիաննա Փայտյան, Sputnik Արմենիա

Դժբախտ պատահարի հետևանքով հաշմանդամություն ձեռքբերած Շուշան Նահապետյանը Կարմիր խաչի հետվնասվածքային կենտրոնում ոչ միայն հանդիպեց ապագա ամուսնուն, այլև գտավ իր կյանքը լուսավորած զբաղմունք՝ երգեցողություն։ Սայլակի վրա նստած երգելն ավելի դժվար է, մյուս կողմից իր մտքով էլ չէր անցնում, որ ինքն առհասարակ երգել գիտի։ «Փարոս» կամերային երգչախմբի երգիչները մի քանի ամիս ապրում, բուժումներ էին ստանում Կարմիր խաչի կենտրոնում, միևնույն ժամանակ հենց տեղում իրենց փորձերն անցկացնում։ Այն ժամանակների գեղարվեստական ղեկավար ու դիրիժոր Վաչագան Նավասարդյանը Շուշանին համոզեց՝ երգելն անպայման ստացվելու է։

Певица камерного хора Парос Шушан Нахапетян
© Sputnik / Aram Nersesyan
«Փարոս» երգչախմբի երգչուհի Շուշան Նահապետյանը

«Առաջին երկու փորձերին շատ տխուր էի, չէր ստացվում, բայց մաեստրոն համառ էր ու աստիճանաբար սկսեցի երգել։  Կյանքս շատ փոխվեց «Փարոսի» շնորհիվ, ձեռք բերեցի ընկերներ, ներաշխարհս փոխվեց»,- պատմում է Շուշանն ու ժպիտով նշում, որ այս տարի արդեն 25-րդ տարին է՝ երգչախմբում է։

Խենթի պես սիրել կյանքը և չհանձնվել. ինչպես անվասայլակով աղջիկն աշխարհը մատչելի դարձրեց

Մի ամբողջ կյանք ու մեծ բեմեր «Փարոսի» հետ՝ Ռուսաստան,  Վրաստան, Լիբանան, Մեծ Բրիտանիա, Իտալիա, Ֆրանսիա, Ավստրիա, Սլովակիա, Լատվիա և այլն։ Խոստովանում է, որ ընտանիք կազմելուց, բալիկ ունենալուց հետո մի պահ մտածեց հեռանալ երգչախմբից, բայց չկարողացավ: 

Камерный хор Парос
© Sputnik / Aram Nersesyan
«Փարոս» երգչախումբ
      

«Ուրիշ ջերմություն և ուրիշ աշխարհ է սա։ Երբ այս դռներից ներս եմ մտնում ու սկսվում է փորձը, հանգստանում եմ թե՛ հոգեպես, թե՛ ֆիզիկապես։ Այս երկու ժամերն իմ կյանքի անբաժան մասն են դարձել, ինձ բարի լիցքեր են տալիս օրս շարունակելու համար»,- պատմում է Շուշանը։

Իր ծնվելու ժամանակ բժշկի անփութության հետևանքով Մարիամ Հայրապետյանն ի ծնե հաշմանդամություն է ձեռք բերել։ «Փարոս» երգչախումբ է շտապում Արտակարգ իրավիճակների նախարարությունում աշխատանքից հետո։ Անգամ համազգեստը չի հասցնում փոխել, որ հանկարծ փորձից չուշանա։ Երգչախմբին միացել է 2009 թվականին։ Մինչ այդ երբեք չէր երգել։ Երբ երգչախմբի նոր գեղարվեստական ղեկավարը՝ Րաֆֆի Միքայելյանը, առաջարկեց միանալ իրեն, Մարիամը սկզբում մերժեց՝ վստահ լինելով, որ երգն իրենը չէ։ Հետո, այնուամենայնիվ, համաձայնեց գալ՝ ձայնային տվյալները ստուգելու համար։

Певица камерного хора Парос Мариам Айрапетян
© Sputnik / Aram Nersesyan
«Փարոս» երգչախմբի երգչուհի Մարիամ Հայրապետյանը

«Անկեղծ ասած, տրամադրված էի, որ ոչինչ չի ստացվելու և բացասական պատասխանով հետ եմ գնալու։ Բայց այդպես չեղավ»,- պատմում է Մարիամն ու հիշում իր առաջին շրջագայությունը դեպի Ավստրիա. մի քիչ վախենում էր, որովհետև չգիտեր, թե իրեն ինչ է սպասվում, մեր երկիրը սայլակով տեղաշարժվող մարդկանց համար շատ մատչելի չես համարի, իսկ հիմա էլ հեռու, օտար երկիր ես գնում, բայց այս երգչախմբում բոլորն իրար օգնում են, այնպես որ անհաղթահարելի ոչինչ չկա։

Կոտրելով կարծրատիպերը. ինչերի միջով է անցել հատուկ հոգեբան Նարեն ու ինչ է ուզում կյանքից

«Փարոս» կամերային երգչախումբը հիմնադրվել է 1993 թվականին։ Այն աշխարհի եզակի երգչախմբերից մեկն է, որի երգիչների մեծ մասը սայլակ է օգտագործում։ Տարիներ առաջ, երբ ներառականության մասին գրեթե չէր էլ խոսվում, երգչախմբում արդեն ստեղծված էր այդ ներառական միջավայրը՝ տարբեր տեսակի հաշմանդամություն ունեցող մարդկանց կողքին երգում էին ոչ հաշմանդամ երգիչներ։ Իհարկե, վերջիններիս ընտրությանը երգչախմբում միշտ ավելի խիստ են վերաբերվել, եթե, օրինակ` հաշմանդամություն ունեցող երգիչները կարող էին չունենալ երաժշտական կրթություն կամ գերազանց ձայնային տվյալներ, ապա ոչ հաշմանդամ երգիչների դեպքում դա պարտադիր է։

Певица камерного хора Парос Лилит Симонян
© Sputnik / Aram Nersesyan
«Փարոս» երգչախմբի երգչուհի Լիլիթ Սիմոնյանը

Պրոֆեսիոնալ երաժիշտ և երգչուհի Լիլիթ Սիմոնյանը վաղուց գիտեր «Փարոս» երգչախմբի մասին։ Բոլորովին այլ ծրագրով հրավիրվել էր «Ունիսոն» ՀԿ (վերջինս հոգում է «Փարոսի» կազմակերպչական հարցերը)։ Քանի որ երգչախմբով հիացած էր, առիթն օգտագործեց ու խնդրեց՝ երբ նոր երգիչ փնտրեն, իրեն նկատի ունենա։ Կարճ ժամանակ անց, այդպես էլ եղավ՝ Լիլիթին հրավիրեցին երգչախումբ։ Խոստովանում է, որ իր համար դա մեծ ուրախություն էր, որին վաղուց էր սպասում։

29-ամյա հայուհին սայլակ օգտագործող հաշմանդամ կանանց գեղեցկության մրցույթի եզրափակիչում է

«Սա իսկապես հայտնություն էր ինձ համար բոլոր առումներով։ Երբ նոր էի եկել, դժվարություններ կային։ Շատ զգուշորեն էի խոսում՝ փորձելով ընտրել ճիշտ բառեր. վախենում էի` ինչ-որ մեկին հանկարծ չնեղացնեմ։ Հետո պարզվեց՝ ես այնքան ուժեղ մարդկանց հետո գործ ունեմ։ Այնքան բան եմ իրենցից սովորել։ Իրենք են ինձ ուժեղացրել»։

Камерный хор Парос
© Sputnik / Aram Nersesyan
«Փարոս» երգչախումբ

Լիլիթն ասում է, որ երգչախմբում բոլորն այնքան կյանքով, կենսասիրությամբ, լույսով լեցուն են, որ նրանց կողքին հայտնված մարդն էլ է դեպի լավը փոխվում, լավատես դառնում։

Բյուրեղներով արտասվող Սաթենիկը․ հազվագյուտ հիվանդությունն ապշեցրել է բժիշկներին

«Իրենք իրենց ապրելաձևով օրինակ են դառնում. ամեն փոքրիկ բանի համար պետք չէ տրտնջալ, բողոքել։ Մարդիկ այնքան լուրջ խնդիրներ ունեն, բայց դա իրենց չի խանգարում ապրել, սիրել կյանքը, ժպտալ, ոգևորվել ու ոգևորել»,- ասում է նա։ Հպարտությամբ նշում է, որ հյուրախաղերի ժամանակ հանդիսատեսը միշտ հոտնկայս է ծափահարում երգչախմբին ու դա անում է ոչ թե նրա համար, որ յուրահատուկ երգչախումբ է, այլ որովհետև իսկապես պրոֆեսիոնալ է, կարողանում է հուզել մարդկանց։

Руководитель камерного хора Парос Рубен Карасеферян
© Sputnik / Aram Nersesyan
Երգչախմբի խմբավար Ռուբեն Կարասեֆերյանը

Երգչախմբի խմբավար Ռուբեն Կարասեֆերյանը հիմնադրման առաջին օրվանից գիտի «Փարոսի» մասին. մորեղբայրն առաջին կազմում էր, ինքն էլ համերգներին միշտ ներկա էր և ամեն անգամ զարմանում էր, թե ինչպես անվասայլակի վրա նստած կարելի է այդպես երգել.

«Նստած մարդը չի կարող ունենալ նույն շնչառությունը, ինչ կանգնած վիճակում։ Շատ դժվար է այդ դիրքում ձայնի նույն մաքրությունը ստանալ»,- ասում է նա ու հավելում, որ չնայած այս դժվարություններին՝ երգչախումբը Համաշխարհային երգչախմբային խաղերում երկու անգամ արծաթե մեդալի է արժանացել՝ մեկը Ռիգայում, մյուսը՝ Սոչիում։ Հաշմանդամություն ունեցող մասնակիցներով միակ երգչախումբը «Փարոսն» էր և մրցում էր աշխարհի տարբեր կողմերից ժամանած ուժեղ, պրոֆեսիոնալ երգչախմբերի հետ, որոնցից շատերը նաև պետական կարգավիճակ ունեին, ինչը, ցավոք, արդեն 26 տարի հայաստանյան և միջազգային բեմերում ելույթ ունեցող, բազմաթիվ հեղինակավոր մրցույթների դափնեկիր «Փարոսն» այդպես էլ չունի։

427
թեգերը:
երգչուհի, երգչախումբ, հաշմանդամ, «Փարոս» երգչախումբ, Հայաստան
Ըստ թեմայի
Հիվանդները ոտքի կկանգնեն. հայ ինժեներներն ու բժիշկները «կախարդական» սարք են ստեղծել
Դայակ՝ պետության հաշվին․ որ դեպքերում է պետությունը կիսում ծնողի ծախսը
Ինչ է կատարվում ծերանոցներում ու գիշերօթիկներում. Փաշինյանը բացատրել է գործընթացի նպատակը
Ավելի քան 300 աշխատատեղ` ուսանողների համար. կայացավ աշխատանքի տոնավաճառը
Աթենա Մանուկյան

«Եվրատեսիլ 2020». Աթենա Մանուկյանն առցանց քվեարկության արդյունքում 3-րդ տեղն է գրավել

526
(Թարմացված է 15:30 30.05.2020)
Հանդիսատեսը հաղթանակը շնորհել է Շվեյցարիայի Gjon's Tears անունով մասնակցին, երկրորդ հորիզոնականում Լատվիայի ներկայացուցիչ Samanta Tīna-ն է, երրորդում՝ հայ երգչուհին։

ԵՐԵՎԱՆ, 30 մայիսի – Sputnik․ «Եվրատեսիլ 2020» միջազգային երգի մրցույթի Հայաստանի մասնակից Աթենա Մանուկյանը առցանց հարցման արդյունքում զբաղեցրել է 3-րդ հորիզոնականը։ Տեղեկությունը հայտնում է riafan.ru-ն։

Բանն այն է, որ մրցույթի չեղարկումից և Europe Shine A Light («Եվրոպան շողում է») համերգից հետո կազմակերպիչները որոշել են առցանց հարցումներ անցկացնել՝ հասկանալու համար, թե որ երկիրը կարող է հաղթել «Եվրատեսիլ 2020»-ում։

Հանդիսատեսը հաղթանակը շնորհել է Շվեյցարիայի Gjon's Tears անունով մասնակցին, երկրորդ հորիզոնականում Լատվիայի ներկայացուցիչ Samanta Tīna-ն է, երրորդում՝ հայ երգչուհին։

Նշենք, որ Europe Shine A Light («Եվրոպան շողում է») համերգը կայացավ «Եվրատեսիլ» մրցույթի եզրափակիչ փուլի փոխարեն, որը պիտի անցկացվեր Ռոտերդամում (Նիդեռլանդներ) մայիսի 12-16-ն, բայց Եվրոպայի հեռարձակման միավորումը միջոցառումը չեղարկեց կորոնավիրուսի համավարակի պատճառով։ Հայաստանի մասնակից Աթենա Մանուկյանը «Եվրատեսիլ 2020»-ի մասնակից մյուս 40 երկրների ներկայացուցիչների հետ մասնակցեց առցանց համերգին։

 

526
թեգերը:
Հայաստան, Աթենա Մանուկյան, Եվրատեսիլ
Ըստ թեմայի
«Եվրատեսիլի» կազմակերպիչները հայտնել են հաջորդ տարի մրցույթին մասնակցելու կանոնները
Աթենա Մանուկյանը ներկայացրել է իր նոր երգը․ երկրպագուները գոհ են
«Կվերադառնանք ավելի ուժեղ»․ Աթենա Մանուկյանն անդրադարձել է «Եվրատեսիլ 2020»-ի չեղարկմանը
Ձիթողցյանների տուն-թանգարանը

Հետ չմնալով Լուվրից ու Էրմիտաժից. Ձիթողցյանների տունը համալրվեց աուդիոգիդ համակարգով

326
(Թարմացված է 18:54 28.05.2020)
Համակարգի միջոցով այցելուները հնարավորություն կունենան 6 լեզուներով ինքնուրույն ծանոթանալ թանգարանում ներկայացված ցուցանմուշներին:

ԵՐԵՎԱՆ, 28 մայիսի – Sputnik, Արմենուհի Մխոյան. Քաղաք այցելած հյուրերին Գյումրու կենցաղն ու արհեստներն այսուհետ կներկայացվի նաև աուդիո տարբերակով՝ 6 լեզուներով: Գյումրու ժողովրդական ճարտարապետության ու քաղաքային կենցաղի թանգարանը` Ձիթողցյանների տուն–թանգարանը, մայիս 28-ին  համալրվեց աուդիոգիդ համակարգով:

В музее народной архитектуры и городского быта стали использовать аудио-гиды на 6 языках (28 мая 2020). Гюмри
© Sputnik / Armenuhi Mkhoyan
Ձիթողցյանների տունը համալրվեց աուդիոգիդ համակարգով

Համակարգի  միջոցով այցելուները հնարավորություն կունենան 6 լեզուներով ինքնուրույն ծանոթանալ թանգարանում ներկայացված ցուցանմուշներին։ Համակարգը շատ պարզ է գործում՝ նախ տեքստերը տարբեր լեզուներով ձայնագրվում են ու պահվում համակարգում, թանգարանում այցելուն իր ցանկությամբ, սարքի միջոցով կարող է ընտրել ոչ միայն լեզուն, այլ նաև` թե որ ցուցանմուշի մասին է ցանկանում տեղեկություն ստանալ: Նմանատիպ համակարգերով հագեցած են աշխարհի ժամանակակից շատ թանգարաններ, այդ թվում`Լուվրն ու Էրմիտաժը:

Նոր թրենդային աքսեսուար. թանգարանները հայտնի կտավներով դիմակներ կպատրաստեն

Գյումրու ժողովրդական ճարտարապետության ու քաղաքային կենցաղի թանգարանը Հայաստանում  նման համակարգ ունեցող «առաջամարտիկներից» է, նմանատիպ համակարգ ունի «Էրեբունի» պատմահնագիտական արգելոց-թանգարանը, իսկ Մատենադարանը՝ ռադիոգիդ:

В музее народной архитектуры и городского быта стали использовать аудио-гиды на 6 языках (28 мая 2020). Гюмри
© Sputnik / Armenuhi Mkhoyan
Ձիթողցյանների տունը համալրվեց աուդիոգիդ համակարգով

Թանգարանի տնօրեն Սոնա Հարությունյանն է նշում՝ այլևս եվրոպական թանգարաններին այս հարցով «նախանձելու» առիթ չունենք:

 «Շատ թանկարժեք նվեր է թանգարանի համար: Առաջին անգամ աուդոգիդ համակարգի հանդիպել էի 2001 թվականին ԱՄՆ-ում վերապատրաստման ժամանակ: Եվ ահա մեր թանգարանն էլ համալրվեց աուդոգիդով»,-նշեց Սոնա Հարությունյանը:

В музее народной архитектуры и городского быта стали использовать аудио-гиды на 6 языках (28 мая 2020). Гюмри
© Sputnik / Armenuhi Mkhoyan
Ձիթողցյանների տունը համալրվեց աուդիոգիդ համակարգով

Աուդիոգիդերի կիրառման նշանակությունն էլ ավելի է կարևորվում հատկապես ներկայիս համավարակի պայմաններում, երբ անհրաժեշտ է ապահովել սոցիալական հեռավորություն։ Այս նախաձեռնությունը հնարավոր է դարձնում պատմամշակութային արժեքների ներկայացումը նոր տեխնոլոգիաների միջոցով։

Ում է կարոտում օրիորդը. Գյումրու Ձիթողցյանների տան գաղտնիքները. լուսանկարներ

Շիրակի մարզպետ Տիգրան Պետրոսյանը ևս  թանգարանի համալրումը շատ է կարևորում հատկապես այժմ, երբ համավարակի պատճառով նոր դժվարություններ են առաջ եկել։ «Այս համակարգի ներդրումը հնարավորություն կտա այցելուներին ծանոթանալ մեր քաղաքի պատմամշակութային ժառանգությանը նոր տեխնոլոգիաների միջոցով։ Ժամանակակից աշխարհում նոր տեխնոլոգիաների ներդրումը չափազանց կարևոր է, և մեզ մոտ այս բացը լրացվեց հիմա»,- նշեց Պետրոսյանը։

В музее народной архитектуры и городского быта стали использовать аудио-гиды на 6 языках (28 мая 2020). Гюмри
© Sputnik / Armenuhi Mkhoyan
Ձիթողցյանների տունը համալրվեց աուդիոգիդ համակարգով

Համակարգը թանգարանին նվիրատվություն է ԱՐՄՍՎԻՍԲԱՆԿ-ի կողմից. բանկն իր 15-ամյակին նվիրված մշակութային և սոցիալական աջակցության ծրագրերում ներառել է նվիրատվությունների շարք ՀՀ մշակութային տարբեր օջախների համար:

326
թեգերը:
Ձիթողցյանների տուն–թանգարան, Գյումրի
Բողոքի ակցիա, ԱՄՆ

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

0
(Թարմացված է 23:35 31.05.2020)
Ցույցերի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղավանդակներից այն կողմ չի անցել։

ԵՐԵՎԱՆ, 31 մայիսի –Sputnik.  ԱՄՆ գաղտնի ծառայությունների ավելի քան 60 սպա և հատուկ գործակալներ տուժել են Սպիտակ տան մոտ ընթացող ցույցի ժամանակ, նրանցից 11-ը հիվանդանոց է տեղափոխվել բուժզննման համար: Տեղեկությունը հայտնում է Գաղտնի ծառայությունների մամուլի ծառայությունը։

Այդ ծառայությունն ապահովում է ԱՄՆ կառավարական մարմինների և ղեկավարության անվտանգությունը։

«Ուրբաթ գիշերվանից մինչև կիրակի առավոտ Գաղտնի ծառայության ավելի քան 60 սպա և հատուկ գործակալ բազմաթիվ վնասվածքներ են ստացել նրանց ուղղությամբ նետած աղյուսների, քարերի, շշերի, ճայթուկների և այլ առարկաների պատճառով։ Ընդհանուր առմամբ 11 տուժած տեղի հիվանդանոց է տեղափոխվել, նրանց օգնություն է ցուցաբերվել, վնասվածքները կյանքի համար վտանգավոր չեն», – նշված է հաղորդագրության մեջ։

Նշվում է, որ ցույցի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղերից այն կողմ չի անցել։

«Չեմ կարողանում շնչել»․ խռովությունները տարածվել են ԱՄՆ-ում

ԱՄՆ նախագահ Դոնալդ Թրամփն ավելի վաղ գովել է ծառայության գործողություններն ու քննադատել ցուցարարներին։

Անկարգությունները սկսվել էին ԱՄՆ Մինեապոլիս և մի շարք այլ  քաղաքներում այն բանից հետո, երբ ոստիկանության ձեռքից մահացավ աֆրոամերիկացի Ջորջ Ֆլոյդը։

Համացանցում տեսանյութ էր հայտնվել որում երևում է, թե ինչպես են մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն կիրառում: Նրանցից մեկը ծնկով սեղմել էր գետնին պառկած Ֆլոյդի կոկորդն ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։

Ոստիկանները անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:

Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նրա մահը:

Ոստիկան Դերեկ Շովինը նախ հեռացվել էր ոստիկանության համակարգից, ապա՝ ձերբակալվել:

Աշխատանքից հեռացվել են միջադեպին մասնակցած ևս երեք ոստիկան:

Մինեապոլիսում անկարգությունները շարունակվում են․ ցուցարարները բանկ են հրկիզել

0
թեգերը:
Ձերբակալում, հիվանդանոց, Տուժածներ, Բողոքի ակցիա, ԱՄՆ
Ըստ թեմայի
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը