Լարային գործիք

Գերմանական «Կուս» քառյակն առաջին անգամ Հայաստանում համերգ կտա

56
(Թարմացված է 14:42 08.10.2019)
Քառորդ դար առաջ հիմնադրված այս քառյակը չունի նմանը աշխարհում. «Կուսը» բոլորի համար հանրաճանաչ թեմաները մատուցում է բացառիկ փորձառությամբ և մոտեցմամբ:

ԵՐԵՎԱՆ, 8 հոկտեմբերի — Sputnik. Հոկտեմբերի 9–ին Արամ Խաչատրյան համերգասրահում «Երևանյան հեռանկարներ» 20-րդ միջազգային երաժշտական փառատոնի հոբելյանական համերգաշարը կներկայացնի գերմանական «Կուս» լարային քառյակին:

Քառյակի անդամներն են Յանա Կուսը (ջութակ), Օլիվեր Ուայլը (ջութակ), Ուիլիամ Քոլմանը՝ (ալտ), Միքայել Հախնազարյանը՝ (թավջութակ):

«Կուս» քառյակի յուրօրինակությունը բոլորից տարբերվող ծրագրերի ընտրության մեջ է:

2019թ-ի սկզբին «Կուս» քառյակը դարձավ պատմության մեջ գերմանական առաջին լարային քառյակը, որին Նիպոն երաժշտական հիմնադրամը օգտագործման փոխանցեց լեգենդար «Պագանինիի քառյակ» գործիքները: 2019թ-ին Տոկիոյի Սունտորի համերգասրահի հրավերով «Կուս» քառյակն այս գործիքներով նվագել է Բեթհովենի լարային քառյակների ամբողջական շարքը:

Որքան ապրում եմ ու կամ, կայցելեմ Հայաստան. Կիսին

Դեռևս կարիերայի սկզբում «Կուս» քառյակն առաջին մրցանակներն է ստացել Գերմանական Երաժշտական Խորհրդի և Բորչիանիի մրցույթի կողմից, արժանացել է Բորլետի-Բուիտոնի մրցանակի, ճանաչվել է Եվրոպական համերգային դահլիճների կազմակերպության «Ծաղկող աստղ» պարգևին: Այսօր «Կուս» քառյակը վարպետության բազմաթիվ դասերով ոգեշնչում է հաջորդ սերունդներին:

Ուիլյամ Կոլմանը (Մոցարտեում, Զալցբուրգ) և Օլիվեր Ուիլը (Հանովերում և Բիրմինգհեմում) նաև պրոֆեսորներ են Եվրոպական տարիներ համալսարաններում:

«Կուս» քառյակը նվագում է բացառապես Պիրաստրո լարերով:

Հիշեցնենք, որ «Երևանյան հեռանկարներ» 20-րդ միջազգային երաժշտական փառատոնին ներկայացրած համերգների շարքում էին դաշնակահարներ Նոբույուկի Ցուջիի ու Սըր Անդրաշ Շիֆի մենահամերգները, թավջութակահար Գոտիե Կապյուսոնի ելույթը` Հայաստանի ազգային ֆիլհարոմոնիկ նվագախմբի հետ և բացառիկ համերգ «երեք մեծություն մեկ բեմում` Գրեմմի մրցանակի արժանացած աշխարհահռչակ ալտահար Քիմ Քաշքաշյանը, հարվածային գործիքների հռչակավոր կատարող Ռոբին Շուլկովսկին և սիրված կոմպոզիտոր Տիգրան Մանսուրյանն` իբրև դաշնակահար, ինչպես նաև լեգենդար ջութակահար, կրկնակի Գրեմմիի մրցանակակիր Պինխաս Ցուկերմանի և Հայաստանի ազգային ֆիլհարոմոնիկ նվագախմբի համերգը:

Հայաստանն ամբողջությամբ բացահայտելն անհնար է. հարցազրույց Աննա Միտյանինայի հետ

Փառատոնն այս տարի սկիզբ առավ ապրիլի 29-ին բրիտանական The Swingles վոկալ խմբի հիշարժան համերգով: Իվո Պոգորելիչի իրադարձային մենահամերգին հաջորդեցին Գրեմмի մրցանակի արժանացած ամերիկյան Պարկեր քառյակի /Parker Quartet/ և Ամադինդա հարվածայինների համույթի ելույթները: 

56
թեգերը:
«Կուս» քառյակ, Գերմանիա, փառատոն, Հայաստան, Երևան, Համերգ
Ըստ թեմայի
«Հրաշալի համերգ Երևանում». Փաշինյանը Յուրի Բաշմետի հետ լուսանկար է հրապարակել
Ձեռքերի ճարպկություն և ոչ մի խարդախություն. հայ աճպարարը ավտոբուսը վերածում է համերգասրահի
ԱրտԲոքս. Ռոք. համերգասրահներից դեպի ակումբներ
Սերգեյ Սմբատյան

Կորոնավիրուսը չի խանգարի․ Երևանում 18-օրյա առցանց երաժշտական փառատոն կանցկացվի

48
(Թարմացված է 17:07 09.07.2020)
Մոտ երկու տասնյակ սիմֆոնիկ և կամերային համերգներ կլինեն, մենակատարները հանրահայտ ստեղծագործություններ կնվագեն, բոլորի ելույթները կտեսաձայնագրվեն Կարեն Դեմիրճյանի անվան մարզահամալիրում։

ԵՐԵՎԱՆ, 9 հուլիսի — Sputnik. Հուլիսի 10-28-ը Երևանում կկայանա «Music 20» առցանց միջազգային փառատոնը։ Լրագրողների հետ զրույցում տեղեկությունը հայտնեց Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։ Փառատոնի շրջանակում 19 սիմֆոնիկ և կամերային համերգ տեղի կունենա, ավելի քան 20 մենակատար հանդես կգան հանրահայտ դասական ստեղծագործություններով։ Նրանց բոլորի ելույթները տեսաձայնագրվելու են Կ. Դեմիրճյանի անվան մարզահամերգային համալիրում։

Համալիրի տնօրեն Կարեն Ղազարյանը հայտնեց, որ, չնայած կորոնավիրուսի պատճառով այլ երկրներում միջոցառումները հանված են, Հայաստանում կարողանում են մեծամասշտաբ միջոցառում կազմակերպել` անվտանգության բոլոր կանոնները պահելով։

Ուշ, բայց ոչ ուշացած. Մհեր Մկրտչյանին շնորհվեց «Գյումրու պատվավոր քաղաքացի» կոչումը

«Հուսով եմ, որ բոլորը կոգևորվեն այս փառատոնից: Մենք բոլոր դժվարությունները հաղթահարելով՝ կարողացանք սա կազմակերպել», - ասաց Ղազարյանը։

Սմբատյանի խոսքով՝ ամեն օր տարբեր դիրիժորներ կլինեն, տարբեր մենակատարներ և տարբեր երաժշտություն:

«Աշխարհում չկա որեւէ այլ փառատոն, որը մեկնարկում է այսքան խիտ ծրագրով և այսքան հանրահայտ արտիստներով», - նշեց Սմբատյանը։

Երևանի ռուսական թատրոնը բաց հարթակների համար նախատեսված ներկայացումներ է բեմադրում

Փառատոնին մասնակցելու են հայտնի երաժիշտներ Գլորիա Քամփաները, Վերոնիկա Ջովեան, Մարիուս Ստրավինսկին, Իգոր Ֆյոդորովը, Նիկիտա Մնդոյանցը, Հայկ Մելիքյանը, Անդրեյ Գուգնինը, Դմիտրի Յաբլոնսկին, Գևորգ Հակոբյանը և այլք։

Սունդուկյանի անվան թատրոնին 120 մլն դրամ է տրամադրվել. ինչ խնդիր կլուծվի թատրոնում

Փառատոնի հովանավորն է Մշակույթի աջակցման եվրոպական հիմնադրամը։

48
թեգերը:
փառատոն, Համերգ, Սերգեյ Սմբատյան, Հայաստան
Ըստ թեմայի
Փարաջանովի «Նռան գույնը» ներառվել է խորհրդային կարևորագույն ֆիլմերի ցանկում
«Մայրիկի», «Արարատի», «Կտոր մը երկնքի» ստեղծողները և ոչ միայն․ 5 հայ հանճարեղ ռեժիսորները
Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ
Դմիտրի Պեսկով. արխիվային լուսանկար

Կրեմլը մեկնաբանել է Թուրքիայում գտնվող Սուրբ  Սոֆիայի տաճարի կարգավիճակի հարցը

193
(Թարմացված է 15:58 06.07.2020)
ՌԴ նախագահի մամուլի քարտուղար Դմիտրի Պեսկովը նշել է, որ Սուրբ Սոֆիայի տաճարը ոչ միայն հոգևոր, այլ նաև զբոսաշրջային արժեք է։

ԵՐԵՎԱՆ, 6 հուլիսի –Sputnik. Կրեմլում հույս ունեն, որ Թուրքիայի իշխանությունները Սուրբ Սոֆիայի տաճարի կարգավիճակի մասին հարցի որոշման ժամանակ հաշվի կառնեն այդ սրբավայրի նշանակությունը։ ՌԻԱ Նովոստիի փոխանցմամբ` լրագրողների հետ զրույցում հարցն այսօր այսկերպ է մեկնաբանել Ռուսաստանի նախագահի մամուլի քարտուղար Դմիտրի Պեսկովը։

Ավելի վաղ Թուրքիայի նախագահ Ռեջեփ Թայիփ Էրդողանն իր օգնականներին հանձնարարել էր ուսումնասիրություն անցկացնել` նպատակ ունենալով Սուրբ Սոֆիայի տաճարը նախապատրաստել այն պաշտոնապես մզկիթի վերափոխելու համար։

Պեսկովը նշել է, որ Կրեմլը չի կարող մեկնաբանել բուն որոշումը, քանի որ դա Թուրքիայի ներքին գործն է։  Նա հիշեցրել է, որ այդ հարցով իր կարծիքն արդեն իսկ  հայտնել է ռուսական ուղղափառ եկեղեցու առաջնորդը, ինչպես նաև փոխարտգործնախարարը։

«Կարող եմ միայն ասել, որ, անկասկած, մենք հույս ունենք, որ Սոֆիայի կարգավիճակը` որպես համաշխարհային ժառանգության օբյեկտ, հաշվի կառնվի», –լրագրողներին ասել է Պեսկովը։

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

ՌԴ նախագահի մամուլի քարտուղարը նաև նշել է, որ հոգևոր արժեքից բացի, տաճարն ունի կարևոր զբոսաշրջային նշանակություն։ Պեսկովը հիշեցրել է, որ Սուրբ Սոֆիայի տաճարը սիրված համաշխարհային գլուխգործոց է բոլոր երկրների զբոսաշրջիկների համար, այդ թվում` Ռուսաստանի։

Ֆրանսիայի և ԱՄՆ–ի արտգործնախարարությունները արդեն կոչ են արել Թուրքիայի ղեկավարությանը հրաժարվել Սուրբ Սոֆիայի տաճարը մզկիթ դարձնելու ծրագրից։

Մոսկվայի և Համայն Ռուսիո պատրիարք Կիրիլն իր հերթին խորը մտահոգություն է հայտնել  Սուրբ Սոֆիայի տաճարի թանգարանային կարգավիճակը վերանայելու վերաբերյալ որոշ թուրք քաղաքական գործիչների կոչերի հետ կապված։ Նա հայտարարել է, որ «Սուրբ Սոֆիային սպառնացող վտանգը ողջ քրիստոնեական քաղաքակրթությանը սպառնացող վտանգ է»։

Թրամփին վատություն անել և սուրբ Սոֆիան վերածել մզկիթի. Էրդողանն իր ամպլուայի մեջ է

193
թեգերը:
Ռեջեփ Թայիփ Էրդողան, մզկիթ, Սուրբ Սոֆիայի տաճար, Թուրքիա, Դմիտրի Պեսկով, Կրեմլ
Ըստ թեմայի
Ինչ է կատարվում Երևանի «Կապույտ մզկիթի» դռներից այն կողմ. լուսանկարներ
Բաբայան. «Արցախում որևէ մզկիթ չի պղծվել»
Քրիստոնեական Հայաստանի իսլամական սիրտը․ ինչո՞վ է հայտնի Երևանի Կապույտ մզկիթը
Բեռնատարներ. արխիվային լուսանկար

Ինչպե՞ս լուծել ԵԱՏՄ-ում բեռների փոխադրման խնդիրները․ նոր մարմին է ստեղծվել

0
(Թարմացված է 23:18 10.07.2020)
Ենթադրվում է, որ օպերատիվ կոմիտեն գլխավորելու է Եվրասիական տնտեսական հանձնաժողովի նախագահ Միխայիլ Մյասնիկովիչը։ Աշխատանքային խմբում կներառվեն հինգ նախարարները՝ Գեղամ Վարդանյանը, Տիմուր Ժակսիլիկովը, Օլեգ Պանկրատովը, Վիկտոր Նազարենկոն ու Անդրեյ Սլեպնևը։

ԵՐԵՎԱՆ, 10 հուլիսի - Sputnik. Եվրասիական տնտեսական հանձնաժողովն այսօր ԵԱՏՄ սահմաններով ապրանքների փոխադրման հետ կապված վիճելի հարցերի լուծման օպերատիվ կոմիտե է ստեղծել։ Միության անդամ երկրների միջև բազում տարաձայնություններ են ծագել՝ ԵԱՏՄ-ի ներսում բեռների երկարատև ստուգում, Չինաստանից «մոխրագույն» ներմուծում և այլն։ Sputnik Արմենիան փորձել է հասկանալ՝ ինչ գործիքների միջոցով կարելի է լուծել ներկայիս խնդիրներն ու ինչու են դրանք առաջացել։

Խնդիրները կապված են այն փաստի հետ, որ Միության ներսում սահմաններին բեռների փոխադրման վերահսկողության միջոցառումներ են սկսել անցկացվել։ Տեղեկությունը Sputnik Արմենիայի հետ զրույցում հայտնեց Եվրասիական տնտեսական հանձնաժողովի (ԵԱՏՀ) մաքսային համագործակցության նախարար Օլեգ Պանկրատովը։

«Բոլորս էլ հասկանում ենք, որ միասնական մաքսային ու տնտեսական տարածքը նման հսկողություն չի ենթադրում, սակայն դրա կիրառման համար օբյեկտիվ պատճառներ կան (Ռուսաստանը ստուգում է` արդյո՞ք բեռների մեջ չկան ապրանքներ, որոնք արգելված է ՌԴ ներկրել, – խմբ․), - ավելացրեց ԵԱՏՀ անդամը։

ՌԴ–ն կբացի ԵԱՏՄ երկրների հետ օդային սահմանը, բայց համաճարակաբանական վիճակը հաշվի առնելով

Այժմ Միության երկրները ԵԱՏՄ տարածքով բեռների փոխադրման ժամանակ ծագած հակասությունների լուծման «ճանապարհային քարտեզ» են մշակում։

«Մենք հասկանում էինք, որ ստեղծված իրավիճակը տանում է ներքին առևտրի նվազեցմանն ու որոշակի լարվածության առաջացմանը։ Այս պատճառով հանձնաժողովում որոշվեց բարձր մակարդակի խումբ (օպերատիվ կոմիտե, – խմբ․) ստեղծել։ Այն օպերատիվ կերպով վիճելի իրավիճակների լուծման «ճանապարհային քարտեզ» կձևավորի», - ասում է Պանկրատովը։

Նախարարը նշում է, որ «ճանապարհային քարտեզի» նպատակը պետությունների շահերի բալանսը գտնելն է։

«Այնպիսի քայլեր են ձեռնարկվելու, որ երկրները, որոնք սահմանափակում են մուտքն իրենց շուկա, շահագրգռված լինեն մուտքը բացելու հարցում։ Իսկ երկրները, որոնք ապրանք են մատակարարում այդ շուկա, ուզենան հնարավորինս արագ իրենց մոտ ներդնել ժամանակակից տեխնոլոգիաներ, որոնք ցույց կտան, որ ապրանքների բոլոր հոսքերը «սպիտակ» են ու լիարժեք մաքսային մաքրում են անցնում», - ասում է ԵԱՏՀ կոլեգիայի անդամը։

Նախարարի խոսքով՝ այդ տեխնոլոգիաները կապահովեն հարկերի ամբողջական վճարումը ԵԱՏՄ բյուջե ու երկրների բյուջեների առաջ հարկային պարտականությունների կատարումը։

Ենթադրվում է, որ օպերատիվ կոմիտեն գլխավորելու է Եվրասիական տնտեսական հանձնաժողովի նախագահ Միխայիլ Մյասնիկովիչը։ Աշխատանքային խմբում կներառվեն հինգ նախարարները՝ Գեղամ Վարդանյանը, Տիմուր Ժակսիլիկովը, Օլեգ Պանկրատովը, Վիկտոր Նազարենկոն ու Անդրեյ Սլեպնևը։

Բացի այդ, կոմիտեում կընդգրկվեն յուրաքանչյուր երկրից պետական իշխանության օրգանների երեք-չորս ներկայացուցիչ, որոնք պատասխանատու են ներքին առևտրի, մաքսային ոլորտի ու ֆիսկալային մուտքերի համար։

Ռուսաստանի գիտությունների ակադեմիայի (ՌԳԱ) Պրիմակովի անվան Համաշխարհային տնտեսության և միջազգային հարաբերությունների ինստիտուտի ավագ գիտաշխատող Ստանիսլավ Պրիտչինը կարծում է, որ օպերատիվ կոմիտեի ստեղծումն «այն քայլն է, որը թույլ կտա լուծել գոյություն ունեցող հակասությունները»։

ԵԱՏՄ սահմաններին խնդիրների մի ամբողջ համալիր զարգացավ այն պատճառով, որ Միությունը չափազանց արագ էր զարգանում։

«Եթե համեմատենք այն ճանապարհը, որը Եվրասիական տնտեսական հանձնաժողովն անցել է ստեղծման պահից մինչև ինտեգրման ներկայիս փուլը, ապա Եվրոպական խորհրդին դրա համար մի քանի տասնյակ տարի է պետք եղել։ Մենք առաջ ենք ընկել ժամանակացույցից. բնականաբար, աճի հետ կապված ցավեր են առաջանում», - կարծում է փորձագետը։

Առկա խնդիրները հիմա է պետք լուծել, քանի որ ԵԱՏՄ զարգացման` մինչև 2025 թվականի ռազմավարություն է մշակվում։ Փաստաթուղթը պետք է կազմված լիներ մայիսի 19-ին Բարձրագույն Եվրասիական տնտեսական խորհրդի նիստում, սակայն ԵԱՏՄ երկրների նախագահները որոշել էին, որ ռազմավարության մեջ պետք է լրացումներ անել։

0
թեգերը:
բեռնատար, Եվրասիական Տնտեսական Միություն (ԵԱՏՄ), Հայաստան
թեմա:
Հայաստան և ԵԱՏՄ