«Հայ ֆեստ» փառատոն

Իմաստը ներկայում է․ մեկնարկեց թատերասերների յոթնօրյա տոնը՝ «Հայ ֆեստը»

116
(Թարմացված է 20:41 01.10.2019)
Եվրոպական փառատոների ասոցիացիան 715 եվրոպական փառատոներից ընտրել և 24 լավագույնների ցանկում ընդգրկել է «Հայ ֆեստ» միջազգային թատերական փառատոնը։

ԵՐԵՎԱՆ, 1 հոկտեմբերի-Sputnik. Փնտրում եք իմաստ, իմաստը ներկայում է․ հենց այս խորագրի ներքո մեկնարկեց «Հայ ֆեստ» միջազգային թատերական փառատոնը։

Այսօր Հ. Պարոնյանի անվան երաժշտական կոմեդիայի պետական թատրոնում լրագրողների հետ հանդիպման ընթացքում փառատոնի տնօրեն Արթուր Ղուկասյանը պատմեց, թե ինչ է թատերասերին սպասվում առաջիկա 7 օրերին: Արդեն 17-րդ անգամ կազմակերպվող փառատոնի շրջանակում երևանյան 18 բեմահարթակներում կներկայանան 48 թատերական խմբեր։ Հայ թատերասերները հոկտեմբերի 1-ից 8-ը` թատերական այս մեկշաբաթյա տոնի ընթացքում, հնարավորություն կունենան դիտելու բազմաժանր ներկայացումներ։ Յուրաքանչյուր թատերասեր իր նախընտրած ժանրը կգտնի այս օրերի ընթացքում՝ դրամատիկական, երաժշտական, պարային, տիկնիկային, կրկեսային, մանկական և այլն։ Կկազմակերպվեն նաև բացօթյա ներկայացումներ:

Հոգին էլ «ֆիթնեսի» կարիք ունի. մեկնարկեց «Ֆրեսկո» միջազգային փառատոնը

Խոսելով «Հայ ֆեստի» կայացած և հաջողված լինելու մասին` փառատոնի տնօրեն Արթուր Ղուկասյանը հպարտությամբ նշեց, որ վերջերս Եվրոպական փառատոների ասոցիացիան 715 եվրոպական փառատոներից «Հայ ֆեստ» միջազգային թատերական փառատոնն ընտրել և ընդգրկել է 24 լավագույնների ցանկում:

Фестиваль HayFest
© Sputnik / Marianna Paytyan
Ռյազանի դրամատիկական թատրոնի տնօրեն Սեմիոն Գրեչկոն

«Կարծում եմ` ընտրությունը դժվար է եղել, որովհետև այն մոտ 6 ամիս է տևել», - ասաց Ղուկասյանը` նշելով, որ ժյուրիի կազմում եղել են կինոյի և թատրոնի տարբեր երկրներ ներկայացնող հեղինակավոր և ազդեցիկ գործիչներ, Եվրամիության պատգամավորներ:

Փառատոնի պաշտոնական բացման արարողությանն անմիջապես կհաջորդի Ռյազանի դրամատիկական թատրոնի «Ֆաուստ» ներկայացումը:

«Ֆաուստը հավերժական թեմա է։ Այսօր, երբ գայթակղությունները չափից շատ են, թե՛ թվային աշխարհում, թե՛ առհասարակ` կյանքում, այս թեման առավել ակտուալ է»,- ասաց Ռյազանի դրամատիկական թատրոնի տնօրեն Սեմիոն Գրեչկոն:

Մինչ թատրոնի նախասրահում բանախոսները լրագրողների հետ ճեպազրույցի ընթացքում պատմում էին փառատոնի մասին, շենքի առջև արդեն մեկնարկել էր բացօթյա բեմականացումը:

Փխրուն ու գեղեցիկ. ավազե քանդակների միջազգային փառատոնը՝ լուսանկարներով

Հիշեցնենք, որ այս տարի «Հայ ֆեստը» հյուրընկալել է 24 երկրից ժամանած ավելի քան 300 մասնակիցների և հյուրերի` հեղինակավոր արվեստագետների, միջազգային փառատոնի նախագահների Իսպանիայից, Գերմանիայից, ԱՄՆ-ից, Շվեդիայից, Շվեյցարիայից, Հարավային Կորեայից, Լեհաստանից, Իսրայելից, Բելգիայից, Ռուսաստանից, Իրանից, Վրաստանից և այլ երկրներից:

 Փառատոնի շրջանակում կցուցադրվեն Նովոսիբիրսկից, Բելգիայից, Շվեդիայից, Բրիտանիայից, ինչպես նաև ԱՄՆ-ից ժամանած թատերական խմբերի ներկայացումները։ Նշենք, որ «Հայ ֆեստն» ամեն տարի կազմակերպում է հատուկ ծրագրեր: Այս տարի դրանք չորսն են՝ «Երեխաների իրավունքների տարածումը կատարողական արվեստի միջոցով», «Ամերիկյան ժամանակակից պարի հարթակ», «Իրանական ծրագիր» և «Հայկական թատրոնների ցուցադրություններ»։

 Հավելենք, որ 2006 թվականից «Հայ ֆեստը» գլխավոր թատերական փառատոնն է նախկին ԽՍՀՄ տարածքում (բացառությամբ Մոսկվայի): Փառատոնին աջակցում է ՀՀ ԿԳՄՍ նախարարությունը: 

116
թեգերը:
փառատոն, թատերական ներկայացում, Թատրոն, «Հայ ֆեստ» փառատոն
Ըստ թեմայի
«Եվրասիա.DOC»–ը դռներն է բացել հայերի համար. ինչու է փառատոնը կարևոր Հայաստանի համար
Հայուհին դարձել է Նյու Յորքի GIF հոլովակների փառատոնի հաղթող. տեսանյութ
Խոսուն լռություն. լուսանկարներ` Մնջախաղի փառատոնից
«Պատվից առավել»․ հայկական սերիալը հաղթել է «ՏԵՖԻ-Համագործակցություն» փառատոնում
Սերգեյ Սմբատյան

Կորոնավիրուսը չի խանգարի․ Երևանում 18-օրյա առցանց երաժշտական փառատոն կանցկացվի

72
(Թարմացված է 17:07 09.07.2020)
Մոտ երկու տասնյակ սիմֆոնիկ և կամերային համերգներ կլինեն, մենակատարները հանրահայտ ստեղծագործություններ կնվագեն, բոլորի ելույթները կտեսաձայնագրվեն Կարեն Դեմիրճյանի անվան մարզահամալիրում։

ԵՐԵՎԱՆ, 9 հուլիսի — Sputnik. Հուլիսի 10-28-ը Երևանում կկայանա «Music 20» առցանց միջազգային փառատոնը։ Լրագրողների հետ զրույցում տեղեկությունը հայտնեց Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։ Փառատոնի շրջանակում 19 սիմֆոնիկ և կամերային համերգ տեղի կունենա, ավելի քան 20 մենակատար հանդես կգան հանրահայտ դասական ստեղծագործություններով։ Նրանց բոլորի ելույթները տեսաձայնագրվելու են Կ. Դեմիրճյանի անվան մարզահամերգային համալիրում։

Համալիրի տնօրեն Կարեն Ղազարյանը հայտնեց, որ, չնայած կորոնավիրուսի պատճառով այլ երկրներում միջոցառումները հանված են, Հայաստանում կարողանում են մեծամասշտաբ միջոցառում կազմակերպել` անվտանգության բոլոր կանոնները պահելով։

Ուշ, բայց ոչ ուշացած. Մհեր Մկրտչյանին շնորհվեց «Գյումրու պատվավոր քաղաքացի» կոչումը

«Հուսով եմ, որ բոլորը կոգևորվեն այս փառատոնից: Մենք բոլոր դժվարությունները հաղթահարելով՝ կարողացանք սա կազմակերպել», - ասաց Ղազարյանը։

Սմբատյանի խոսքով՝ ամեն օր տարբեր դիրիժորներ կլինեն, տարբեր մենակատարներ և տարբեր երաժշտություն:

«Աշխարհում չկա որեւէ այլ փառատոն, որը մեկնարկում է այսքան խիտ ծրագրով և այսքան հանրահայտ արտիստներով», - նշեց Սմբատյանը։

Երևանի ռուսական թատրոնը բաց հարթակների համար նախատեսված ներկայացումներ է բեմադրում

Փառատոնին մասնակցելու են հայտնի երաժիշտներ Գլորիա Քամփաները, Վերոնիկա Ջովեան, Մարիուս Ստրավինսկին, Իգոր Ֆյոդորովը, Նիկիտա Մնդոյանցը, Հայկ Մելիքյանը, Անդրեյ Գուգնինը, Դմիտրի Յաբլոնսկին, Գևորգ Հակոբյանը և այլք։

Սունդուկյանի անվան թատրոնին 120 մլն դրամ է տրամադրվել. ինչ խնդիր կլուծվի թատրոնում

Փառատոնի հովանավորն է Մշակույթի աջակցման եվրոպական հիմնադրամը։

72
թեգերը:
փառատոն, Համերգ, Սերգեյ Սմբատյան, Հայաստան
Ըստ թեմայի
Փարաջանովի «Նռան գույնը» ներառվել է խորհրդային կարևորագույն ֆիլմերի ցանկում
«Մայրիկի», «Արարատի», «Կտոր մը երկնքի» ստեղծողները և ոչ միայն․ 5 հայ հանճարեղ ռեժիսորները
Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ
Դմիտրի Պեսկով. արխիվային լուսանկար

Կրեմլը մեկնաբանել է Թուրքիայում գտնվող Սուրբ  Սոֆիայի տաճարի կարգավիճակի հարցը

231
(Թարմացված է 15:58 06.07.2020)
ՌԴ նախագահի մամուլի քարտուղար Դմիտրի Պեսկովը նշել է, որ Սուրբ Սոֆիայի տաճարը ոչ միայն հոգևոր, այլ նաև զբոսաշրջային արժեք է։

ԵՐԵՎԱՆ, 6 հուլիսի –Sputnik. Կրեմլում հույս ունեն, որ Թուրքիայի իշխանությունները Սուրբ Սոֆիայի տաճարի կարգավիճակի մասին հարցի որոշման ժամանակ հաշվի կառնեն այդ սրբավայրի նշանակությունը։ ՌԻԱ Նովոստիի փոխանցմամբ` լրագրողների հետ զրույցում հարցն այսօր այսկերպ է մեկնաբանել Ռուսաստանի նախագահի մամուլի քարտուղար Դմիտրի Պեսկովը։

Ավելի վաղ Թուրքիայի նախագահ Ռեջեփ Թայիփ Էրդողանն իր օգնականներին հանձնարարել էր ուսումնասիրություն անցկացնել` նպատակ ունենալով Սուրբ Սոֆիայի տաճարը նախապատրաստել այն պաշտոնապես մզկիթի վերափոխելու համար։

Պեսկովը նշել է, որ Կրեմլը չի կարող մեկնաբանել բուն որոշումը, քանի որ դա Թուրքիայի ներքին գործն է։  Նա հիշեցրել է, որ այդ հարցով իր կարծիքն արդեն իսկ  հայտնել է ռուսական ուղղափառ եկեղեցու առաջնորդը, ինչպես նաև փոխարտգործնախարարը։

«Կարող եմ միայն ասել, որ, անկասկած, մենք հույս ունենք, որ Սոֆիայի կարգավիճակը` որպես համաշխարհային ժառանգության օբյեկտ, հաշվի կառնվի», –լրագրողներին ասել է Պեսկովը։

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

ՌԴ նախագահի մամուլի քարտուղարը նաև նշել է, որ հոգևոր արժեքից բացի, տաճարն ունի կարևոր զբոսաշրջային նշանակություն։ Պեսկովը հիշեցրել է, որ Սուրբ Սոֆիայի տաճարը սիրված համաշխարհային գլուխգործոց է բոլոր երկրների զբոսաշրջիկների համար, այդ թվում` Ռուսաստանի։

Ֆրանսիայի և ԱՄՆ–ի արտգործնախարարությունները արդեն կոչ են արել Թուրքիայի ղեկավարությանը հրաժարվել Սուրբ Սոֆիայի տաճարը մզկիթ դարձնելու ծրագրից։

Մոսկվայի և Համայն Ռուսիո պատրիարք Կիրիլն իր հերթին խորը մտահոգություն է հայտնել  Սուրբ Սոֆիայի տաճարի թանգարանային կարգավիճակը վերանայելու վերաբերյալ որոշ թուրք քաղաքական գործիչների կոչերի հետ կապված։ Նա հայտարարել է, որ «Սուրբ Սոֆիային սպառնացող վտանգը ողջ քրիստոնեական քաղաքակրթությանը սպառնացող վտանգ է»։

Թրամփին վատություն անել և սուրբ Սոֆիան վերածել մզկիթի. Էրդողանն իր ամպլուայի մեջ է

231
թեգերը:
Ռեջեփ Թայիփ Էրդողան, մզկիթ, Սուրբ Սոֆիայի տաճար, Թուրքիա, Դմիտրի Պեսկով, Կրեմլ
Ըստ թեմայի
Ինչ է կատարվում Երևանի «Կապույտ մզկիթի» դռներից այն կողմ. լուսանկարներ
Բաբայան. «Արցախում որևէ մզկիթ չի պղծվել»
Քրիստոնեական Հայաստանի իսլամական սիրտը․ ինչո՞վ է հայտնի Երևանի Կապույտ մզկիթը
Իլհամ Ալիև

«Ես չկարողացա գտնել Էլմար Մամեդյարովին». Ալիևը զայրացել է

0
(Թարմացված է 22:52 15.07.2020)
Կառավարության նիստի ժամանակ Իլհամ Ալիևին զեկուցել են, որ արտգործնախարարն այս օրերին աշխատել է տնից։

ԵՐԵՎԱՆ, 15 հուլիսի – Sputnik. Ադրբեջանի նախագահ Իլհամ Ալիևը կառավարության նիստի ժամանակ խիստ քննադատության է ենթարկել երկրի ԱԳՆ-ի և անձամբ նախարար Էլմար Մամեդյարովի աշխատանքը: Նա դժգոհել է, թե ինչպես են դիվանագետներն աշխատել հայ-ադրբեջանական պետական սահմանագոտու իրավիճակի սրման շրջանում:

«Հայաստանի վարչապետն ասում է` Ղարաբաղը Հայաստանն է, և վերջ»։ Ես պատասխանում եմ նրան։ Իսկ արտաքին գործերի նախարարությունն ինչ-որ մակարդակով պատասխանե՞լ է, թե՞ ոչ ։ Ես չեմ լսել, Ադրբեջանի ժողովուրդն էլ չի լսել։ Ո՞վ պետք է առաջին հերթին դա աներ։ ԱԳՆ-ն լռում է», - նրա խոսքերն են մեջբերում ադրբեջանական լրատվամիջոցները:

Ալիևի խոսքով ՝ հունվարի 12 –ից հետո, երբ սկսվել են իրադարձությունները (սահմանին-խմբ.), կառավարության բոլոր անդամներն աշխատավայրում են եղել ։

«Ես մինչև առավոտ աշխատավայրում եմ, վարչապետը աշխատավայրում է։ Պաշտպանության նախարարը, գլխավոր շտաբի պետը, պետական անվտանգության ծառայության պետը, արտաքին հետախուզության ծառայության պետը, ներքին գործերի նախարարը, անվտանգության խորհրդի քարտուղարը. բոլորն առավոտից գիշեր աշխատավայրում են։ Ես չկարողացա գտնել արտգործնախարարին», - հավելել է նա։

Այնուհետև Ալիևը հարցրել է վարչապետին, թե որտեղ է եղել արտգործնախարարը։ Պարզվել է, որ նա աշխատել է տնից։

«Պարզ է։ Ես չեմ ուզում խորանալ։ Շատ բան կարող եմ ասել, բայց կարծում եմ, որ դա բավարար է», - ի պատասխան ասել է Ալիևը։

Նշենք, որ ադրբեջանական ԶԼՄ–ներում արդեն շրջանառվում են Մամեդյարովի հրաժարականի լուրերը։ Պաշտոնական հաստատում դեռ չկա։

Մարդկային և նյութական կորուստներն Ադրբեջանի նախագահին դրել են անհարմար վիճակի մեջ. Տոնոյան

0
թեգերը:
Էլմար Մամեդյարով, Իլհամ Ալիև, Ադրբեջան
Ըստ թեմայի
Սահմանամերձ գյուղերը կապահովվեն տեսահսկման, հատուկ կապի ու շչակային իրազեկման համակարգերով
ԱՄՆ-ն Երևանին ու Բաքվին կոչ է անում անհապաղ դադարեցնել կրակն ու վերսկսել բանակցությունները
Ի՞նչ է կատարվում հայ–ադրբեջանական սահմանագոտում. ՊՆ–ն նոր տեղեկություն է հայտնում
Հակահայկականությունն Ալիևի իշխանության պաշտպանության վերջին գիծն է. Նաղդալյանի պատասխանը
Գոնե պատմաբաններից ամաչեր. Փաշինյանի խոսնակը պատասխանել է Ալիևին