«Ազնիվ գողեր» ֆիլմի պրեմիերան

Հեղափոխության օրերին մեծ դժվարությամբ նկարահանած «Ազնիվ գողեր» ֆիլմը մեծ էկրաններին է

3198
(Թարմացված է 14:39 20.09.2019)
Ֆիմը 5 անհաջողակ ընկերների մասին է, որոնք կարիքից դրդված մի կողմ են դնում իրենց ազնվությունը և դիմում գողության, սակայն պայմանով, որ գողոնը ոչ թե իրենց պահեն, այլ վերադարձնեն ոստիկանությանը, ինչի համար էլ պիտի պարգևատրվեն 50.000 եվրո:

ԵՐԵՎԱՆ, 20 սեպտեմբերի — Sputnik. «Ազնիվ գողեր»`առաջին հայացքից իրար հակասող բառերը դարձան ամերիկաբնակ ռեժիսոր Գոռ Կիրակոսյանի նոր կատակերգության անվանումը, որի պրեմիերան Երևանում կայացավ սեպտեմբերի 19-ին:

Շրջադարձային և անսպասելի զարգացումներն օգնում են երիտասարդներին ոչ միայն «ջրից չոր դուրս գալ », այլև բացահայտել խոշոր հանցագործությունը:

Режиссер Гор Киракосян, актеры Левон Тер-Петросян и Давид Товмасян на премьере фильма Честные воры (19 сентября 2019). Еревaн
© Photo : Shushan Antonyan
Ռեժիսոր Գոռ Կիրակոսյանը` դերասաններ Լևոն Տեր–Պետրոսյանի և Դավիթ Պետրոսյանի հետ

Կատակերգության գլխավոր դերերում հանդես են գալիս հայտնի դերասան և երգիչ Արամ MP3-ը, Դավիթ Թովմասյանը, Լևոն Տեր-Պետրոսյանը, Ռաֆայել Երանոսյանը, Մեգգի Գրիգորյանը, Արմեն Դարբինյանը, Աշոտ Ղազարյանը, Արտակ Գասպարյանը, Արտաշես Մխիթարյանը և այլք:

«Ժամանակի մեքենա ենք ստեղծում». ինչ տեսավ Փաշինյանը Հանրային հեռուստաընկերությունում

«Այս կրիմինալ կատակերգությունը նկարահանելու միտքն ունեցել եմ դեռևս 2014 թ.-ին, որից տարիներ անց այդ գաղափարը ներկայացրի «Դեմք» շոուի իմ ընկերներին։ Նրանց հետ միասին գրեցինք ֆիլմի սցենարը»,-ասում է Կիրակոսյանը և հավելում, որ անցած տարի են ֆիլմը նկարահանել՝ 29 օրվա ընթացքում:

Актер Арам MP3 с супругой на премьере фильма Честные воры (19 сентября 2019). Еревaн
© Photo : Shushan Antonyan
Արամ MP3–ին` կնոջ հետ

Sputnik Արմենիայի այն հարցին, թե ինչ դժվարությունների են հանդիպել ֆիլմի նկարահանումների ընթացքում, ռեժիսորը պատասխանեց, որ գլխավոր խնդիրն այն է եղել, որ նկարահանումները կայացել են հեղափոխության օրերին:

«Փողոցները փակ էին, ամենուրեք ցույցեր էին: Այդ օրերին կարևոր հանդիպում ունեի և պետք է հասնեի «Հայֆիլմ» կինոստուդիա։ Ստիպված եղա 6 տաքսի փոխել: Սակայն մենք կարողացանք անել ամեն ինչ, որ լավ ու հետաքրքիր ֆիլմ ստանանք»,-ասաց ռեժիսորը:

Луиза Несисян на премьере фильма Честные воры (19 сентября 2019). Еревaн
© Photo : Shushan Antonyan
Դերասանուհի Լուիզա Ներսիսյանը` կարմիր գորգի վրա

Շարունակելով խոսել ֆիլմի նկարահանման դժվարությունների մասին` գլխավոր հերոսներից մեկը՝ Արամ MP3-ին, ժպիտով բողոքեց, որ իր համար ամենադժվարն ամեն օր սափրվելն էր:

«Երբ առաջին անգամ Գոռն ինձ ներկայացրեց իմ կերպարը, ասաց, որ նա բավականին կոկիկ, մաքրասեր անձնավորություն է, ու առաջին խնդիրը, որ դրվեց իմ առջև  այն էր, որ ես պետք է սափրվեի»,-ասում է Արամն ու պատմում, որ իր կերպարը բավականին բարի է, համեստ  և  հանգիստ, որն այնքան էլ չի համապատասխանում իր իրական կերպարին:

Режиссер Гор Киракосян и актер Рафаел Ераносян на премьере фильма Честные воры (19 сентября 2019). Еревaн
© Photo : Shushan Antonyan
Գոռ Կիրակոսյանն ու Ռաֆայել Երանոսյանը ֆիլմի պրեմիերային

«Երբ փորձում էի, մի փոքր ակտիվ լինել նկարահանման հրապարակում, Գոռն անմիջապես ինձ հասկացնում էր, որ դուրս եմ եկել կերպարից»,- ասաց դերասանը և ծիծաղով հավելեց, որ ռեժիսորն անկեղծացել է ու ասել, որ իր աչքերը  բարի են, դրա համար են իրեն ընտրել:

Դերասան Դավիթ Թովմասյանի համար էլ մեծ բարդություն էր 2 ամիս «հիմար» բեղերով քաղաքում զբոսնելը: Տղաներն էլ ծիծաղով հավելեցին, որ Երևանում մարդիկ գիտեին, թե իրենք իբր մեքսիկ ընկեր ունեն:

Актер Рафаел Ераносян на красной дорожке фильма Честные воры (19 сентября 2019). Еревaн
© Photo : Shushan Antonyan
Դերասան Ռաֆայել Երանոսյանը` կարմիր գորգի վրա

Ֆիլմի գլխավոր հերոսներից  կատակերգու դերասան Ռաֆայել Երանոսյանը ևս նկարահանման ժամանակ զավեշտալի իրավիճակներում է հայտնվել, քանի որ վարել է շտապօգնության մի  մեքենա, որից ««սովետի» հոտ է գալիս»:

Կարին Հովհաննիսյանի «Ես մենակ չեմ» ֆիլմը մրցանակ է ստացել Տորոնտոյի կինոփառատոնում

«Ինձ համար, ամենադժվարը ֆիլմում այդ մեխանիկական ավտոմեքենան անընդհատ վարելն էր, քանի որ 1974 թվականից այս կողմ, այդ մեքենան չէր վերանորոգվել և նորմալ չէր աշխատում: Նույնիսկ առաջին օրվա նկարահանումների ժամանակ մեքենան վարելու ընթացքում բռնկվեց»,-ծիծաղով պատմեց դերասանը:

Актер Левон Тер-Петросян на премьере фильма Честные воры (19 сентября 2019). Еревaн
© Photo : Shushan Antonyan
Դերասան Լևոն Տեր–Պետրոսյանը

Ֆիլմի գլխավոր զավեշտ այն է, որ երկու գլխավոր հերոսները՝ Արամը (Արամ MP3) և Հայկը (Դավիթ Թովմասյան) զբաղվում են Երևանի մաքրության պահպանմամբ, և Արամը անընդհատ ասում է Հայկին, որ նա պարտավոր է սրտացավ լինել և Երևան քաղաքը մաքուր պահել:

Ռեժիսորը, Sputnik Արմենիայի դիտարկումից հետո, վստահեցրեց, որ քաղաքական նկատառումներով չեն արել,  ուղղակի զվարճալի համընկնում է:

Творческий коллектив фильма Честные воры на премьере фильма (19 сентября 2019). Еревaн
© Photo : Shushan Antonyan
Ֆիլմի ստեղծագործական խումբը

Գոռ Կիրակոսյանը հույս ունի, որ իր կատակերգությունը կսիրվի հայ հանդիսատեսի կողմից և հաջողություն կգրանցի: Ֆիլմը թարգմանվել է ռուսերեն և անգլերեն լեզուներով: Աշխատանքներ են իրականացվում, որպեսզի այն վաճառվի համապատասխան ֆիլմ արտադրող ընկերություններին և հասանելի լինի տարբեր երկրների հանդիսատեսի համար:

3198
թեգերը:
ԱրամMP3, Գոռ Կիրակոսյան, Լևոն Տեր–Պետրոսյան, Աշոտ Ղազարյան, Ռաֆայել Երանոսյան, ֆիլմ, Երևան
Ըստ թեմայի
Թոմ Հենքսը «Նիվա» է «գնել». դերասանը նոր լուսանկար է հրապարակել
Արդյո՞ք քաղաքապետ Մարությանը կշարունակի զբաղվել դերասանի իր կարիերայով
Դերասանի հետ հանդիպումից հետո Փաշինյանը որոշում է կայացրել
Արտավազդ Փելեշյան

Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան

68
Ֆիլմի համաշխարհային պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021թ-ի մարտի 7-ը։

ԵՐԵՎԱՆ, 4 օգոստոսի - Sputnik. Փարիզում հոկտեմբերին կկայանա աշխարհահռչակ հայ ռեժիսոր Արտավազդ Փելեշյանի նոր՝ «Բնություն» ֆիլմի համաշխարհային պրեմիերան։ Տեղեկությունը հայտնում է ֆրանսիական «Fondation Cartier»-ի կայքը։

«Ուրախ ենք տեղեկացնել, որ ներկայացնելու ենք լեգենդար ռեժիսորի ֆիլմի պրեմիերան։ «Բնություն» ֆիլմը նկարահանվել է Ֆրանսիայի «Fondation Cartier» հիմնադրամի և Գերմանիայի «ZKM» ֆիլմարտադրող ընկերության հետ համատեղ»,–գրում է կայքը։

Նշվում է, որ ֆիլմը ռեժիսորի 15 տարվա աշխատանքի գագաթնակետն է։

Ըստ տեղեկության`«Բնությունն» Արտավազդ Փելեշյանի՝ 1993 թվականին նկարահանված «Կյանք» ֆիլմից 27 տարի անց արված առաջին կինոաշխատանքն է, որտեղ անդրադարձ է եղել բնությանը՝ օգտագործելով Բեթհովենի, Մոցարտի, Շոստակովիչի, Տերտերյանի և Համասյանի երաժշտությունը։

Փելեշյանը մրցանակ բերեց գործընկերոջը. «ՏԷՖԻ Համագործակցությունը» ամփոփեց արդյունքները

Ֆիլմի պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021 թ-ի մարտի 7-ը։

Գեղարվեստական, վավերագրական և հեռուստատեսային ֆիլմերի մեծանուն ռեժիսոր, Հայաստանի Հանրապետության ժողովրդական արտիստ, «Սուրբ Մեսրոպ Մաշտոց» շքանշանակիր

Արտավազդ Փելեշյանը ծնվել է 1938 թվականին` Վանաձորում։ Ամբողջ աշխարհում նա Հայաստանի ու հայկականության մարմնացումն է։ Արտավազդ Փելեշյանը «Տարածական մոնտաժի» հիմնադիրն է։ Նրա համանուն գիրքը վերածվել է ուսանողների համար դասագրքի։

Փելեշյանի «Բնակիչները» շրջագայում է աշխարհով մեկ

68
թեգերը:
ռեժիսոր, հայ, Ֆրանսիա, Փարիզ, ֆիլմ, Արտավազդ Փելեշյան
Ըստ թեմայի
Արտավազդ Փելեշյանի տիեզերքը ստեղծվել է 40 տարում
Արտավազդ Փելեշյանի «Դրոշմման ժամանակը»
Փելեշյան. բոլոր արվեստներից առաջ ծնվել է կինոն
Փելեշյանական աշխարհի սիմֆոնիան
Արթուր Գաբրիելյանի ստեղծագործություններից

Ինչպես գյումրեցի տղամարդը սկսեց յուրօրինակ կտավներ ստեղծել գրչով

526
(Թարմացված է 18:01 03.08.2020)
Երբ պատկերը հայտնվում է աչքի առաջ, Արթուրը կարող է մի կտավը դեռ չավարտած մյուսին անցնել։ Կինը զարմանում է` ինչպես կարող է նման անհանգիստ բնավորություն ունեցող մարդը ժամերով գրչանկար անել։

Դժվարությամբ կարելի է հավատալ, որ ավելի քան 300–ի հասնող կտավները, որոնք պահվում են սեփական տան սենյակներում, ինքնուս արվեստագետի աշխատանքներ են: Գյումրեցի Արթուր Գաբրիելյանը նկարչական կրթություն չի ստացել, բայց ինչ իրեն հիշում է, նկարում է:

Նկարել սկսել է, երբ դեռ 4 տարեկան էր: «Սկսել եմ գրչանկարից, հետո անցել յուղանկարի ու քանդակի, բայց ամեն դեպքում գրիչն ուրիշ է, որովհետև կամակոր է: Եթե յուղանկարում ինչ-որ թերություն կա, ապա շտկել հնարավոր է, իսկ գրչի յուրաքանչյուր շտրիխ վերջնական է»,-Sputnik Արմենիայի հետ զրույցում պատմում է Արթուրը, որի համար կարևորը նկարին բնավորություն փոխանցելն է: Ասում է` հիմնականում նկարների հետևում իրական մարդիկ են, երբեմն շատերը կռահում են` ով է, երբեմն՝ ոչ:

Артур Габриелян за работой
© Sputnik / Armenuhi Mkhoyan
Արթուր Գաբրիելյան

47–ամյա Արթուրը մասնագիտությամբ խոհարար է, բայց և՛ թիկնապահ է աշխատել, և՛ փականագործ։ Նկարում է, երբ ազատ ժամանակ է ունենում։ Գրիչը ձեռքին է եղել նույնիսկ խրամատների մեջ՝ ծառայության ընթացքում` 1992-1994 թվականներին: Յուրօրինակ կտավներ է ստեղծում սրտի թելադրանքով։

Երբ զենքը գրիչն է. Յուրա Հարությունյանը գիտի ամենաբարդ մասնագիտություններից մեկի գաղտնիքը

«Կարող եմ շատ հանգիստ վերջին շտրիխը չավարտած անցնել այլ նկարի, կարող եմ գրիչով նկար սկսել, իսկ հետո նույն մտքերը յուղաներկով արտահայտել: Եթե մտքումս մի բան ծնվեց, ապա ժամն ու պատարագը կապ չունի, անմիջապես պետք է դա կտավին հանձնեմ: Ոճային նախընտրություն էլ չունեմ՝ ռեալիզմից մինչև սյուրռեալիզ»,- պատմում է Արթուրը և ավելացնում՝ մտքում ծնված պատկերը թղթին հանձնելուց առաջ հայտնվում է աչքի առաջ։

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի ստեղծագործություններից

Դա է պատճառը, որ ձեռքի տակ սովորական գունավոր գրիչներն ու նոթատետրերը շատ են, իսկ տրամադրությանը համահունչ երաժշտությունը՝ պարտադիր այդ պահին:

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի գրիչները

Ինքնուս նկարչի գործերը ոմանք նմանեցնում են Դալիի ստեղծագործություններին, բայց Արթուրն ինքը ասում է` այդպես չէ, սիրում է Դալիի գործերը, բայց նրա երկրպագուն չէ։

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի ստեղծագործություններից

Խարիզմատիկ բնավորությունը դեռ դպրոցական տարիներից է՝ լավ է սովորել, բայց կռվարար լինելու պատճառով 4 դպրոց է փոխել: Կինը` Ֆենյան, զարմանում է` նման անհանգիստ բնավորություն ունեցող մարդը ինչպես կարող է ժամերով գրչանկար անել: «Գործերի մեջ պերֆեկցիոնիստ է»,– վստահեցնում է նա:

Работа Артура Габриеляна
© Sputnik / Armenuhi Mkhoyan
Գրչանկար

«Բոշի մայլա», «Սլաբոտկա», «Թուրքի մայլա»…Գյումրու կոլորիտային թաղամասերի պատմությունը

Արթուրը գրչանկարներ է անում առանց նախնական գծանկարի: Ստեղծագործությունները նվիրում է, բայց միշտ շատ դժվարությամբ է բաժանվում։ Եթե ինչ–որ մեկին էլ նվեր է տալիս, ապա անպայման դրա փոխարեն իր համար ևս մեկն է նկարում:

Работа Артура Габриеляна
© Sputnik / Armenuhi Mkhoyan
Գրչանկար

Այս պահին Արթուրը 6-7 կիսատ յուղանկար ունի տանը, սակայն այս պահին անընդհատ գրչով է նկարում:

Գյումրեցի տղամարդը բոլորովին էլ դեմ չէ, որ իր ստեղծագործությունները վաճառվեն, բայց նաև շեշտում է` խանդով է վերաբերվում յուրաքանչյուր կտավին, այնպես որ գրիչով նկարելը նրա համար ավելի շատ ինքնարտահայտման ձև է։

  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
1 / 11
© Sputnik / Armenuhi Mkhoyan
Արթուր Գաբրիելյանի ստեղծագործություններից
526
թեգերը:
Արթուր Գաբրիելյան, Գյումրի, Հայաստան
Ըստ թեմայի
Գյումրեցի երիտասարդը «հեղափոխություն» է անում նորաձևության ոլորտում. լուսանկարներ
Աղջիկն` օրական, բաժինքը՝ տարեկան, կամ ինչ օժիտ են տարել գյումրեցի աղջիկները
Հզոր ձայն և դիապազոն. ինչպես գյումրեցի Միլենը հայտնվեց Ռուսաստանի ռեկորդների գրքում
Ֆիրդուսի

Սրճարաններ, թանգարաններ և ոչ միայն․ ինչպիսի՞ն է իրականում լինելու Ֆիրդուսի թաղամասը

64
(Թարմացված է 00:12 11.08.2020)
Իշխանությունը կարծում է, որ աշխատանքներն ավարտելուց հետո Երևանում ևս մեկ զբոսաշրջային գոտի կբացվի։

ԵՐԵՎԱՆ, 10 օգոստոսի – Sputnik․ Մշակույթի ու արվեստի անվանի գործիչների թանգարան, հուշանվերների խանութներ և փայտե պատշգամբներով քարե շենքեր․ ահա այն հիմնական կետերը, որոնք նախատեսված են Երևանի Ֆիրդուսի թաղամասի վերականգնման ու կառուցապատման նախագծով։ Sputnik Արմենիայի հարցմանն ի պատասխան հայտնեցին ՀՀ փոխվարչապետ Տիգրան Ավինյանի գրասենյակից։

Ավելի վաղ ՀՀ գրասենյակի Տիգրան Ավինյանի աշխատակազմի ղեկավար Վարագ Սիսեռյանը ցույց էր տվել՝ ինչ տեսք է ունենալու Ֆիրդուսին վերականգնումից ու կառուցապատումից հետո, նա քաղաքի այդ հատվածի 3D մոդելը հրապարակել էր Facebook-ում։

Կառուցապատման ընդհանուր մակերեսը 58 հազար քառակուսի մետր է, աշխատանքներն իրականացվել են 49 հազար քառակուսի մետրում, իսկ մնացած 9 հազարը դեռ իրականացման փուլում են։

Օրերս ՀՀ վարչապետ Նիկոլ Փաշինյանի մոտ տեղի ունեցած խորհրդակցության ժամանակ նշվել է, որ արդեն իսկ փոխհատուցվել է 378 ընտանիք (60 միլիոն դոլարի չափով), ընթացքի մեջ է 50 ընտանիքի փոխհատուցման գործընթացը։

«Ֆիրդուսում այժմ ընթանում են քանդման աշխատանքներ։ Շինարարության մեկնարկը ծրագրվում է 2020 թվականի վերջին, ավարտը՝ 2024 թվականի սկզբին», - նշված է գերատեսչության պատասխանում։

Այս պահին 70 միլիոն դոլար է ներդրվել նախագծում։ Ծրագրված է ևս 200 միլիոն դոլար ներդնել։ Ենթադրվում է, որ 6-ից 8 հազար աշխատատեղ է բացվելու։

Կառուցապատման հատակագծի հեղինակը Նարեկ Սարգսյանն է (Երևանի նախկին գլխավոր ճարտարապետը – խմբ․), գլխավոր ճարտարագետը՝ Հովհաննես Մութաֆյանը։ Տարածքը բաժանվել է 18 լոտերի, յուրաքանչյուր լոտ ունենալու է իր ճարտարապետը։

Նշվում է, որ հուշարձանային տարածքում գտնվող Հանրապետության և Տիգրան Մեծ փողոցներին հարակից հուշարձանները պահպանվելու են իրենց տեղերում, և վերարժևորվելու են շենքի բակային ճակատները։ Այս հուշարձանային շենքերին հաջորդելու են 2-4 հարկանի շենքերը՝ փայտե պատշգամբով։

«Արդյունքում տվյալ տարածքում կստեղծվի նոր, համահունչ զբոսաշրջային միջավայր։ Այս տարածքը կեզրագծվի 250 մ հետիոտնային ճանապարհով, որից այն կողմ արդեն կլինեն նորակառույց շենքեր», - նշված է պատասխանի մեջ։

1–ին և 2–րդ հարկերում նախատեսվում է սրճարաններ ու հուշանվերների խանութներ բացել։ Քննարկվում է նաև պատմական միջավայրի տարածքում 2–րդ և 3–րդ հարկերում ստեղծել մշակույթի հայտնի գործիչների թանգարաններ։

Ֆիրդուսին, որտեղ ժամանակին բավականին մեծ շուկա կար և մի քանի տասնյակ բնակելի տներ, Երևանում վերջին «հյուղակների թաղամասերից» էր։ Շուկան բազում դարերի պատմություն ունի, սկզբում այստեղ մեծ մասամբ իրանցիներն էին առևտուր անում։ Հենց այդ պատճառով էլ այդ հատվածը պահպանել է պարսիկ բանաստեղծ Ֆիրդուսիի անունը։

Հայաստանի նախկին իշխանությունը նախատեսում էր քանդել թաղամասի բոլոր հին շենքերը և մոտ հինգ հեկտար տարածքում նոր թաղամաս կառուցել, որում կլինեին բնակելի շենքեր, բիզնես կենտրոններ ու հյուրանոցներ։

Նոր Ֆիրդուսիի նախագիծը բուռն քննարկումների թեմա դարձավ, հատկապես երբ 2020 թվականի հունիսի 10-ին քանդեցին «կարմիր շենքը»։ Հունիսի 13-ին Երևանի ավագանին արտահերթ նիստ հրավիրեց։ Քաղաքապետարանի առջև Ֆիրդուսիի պաշտպանությանն ուղղված ակցիա անցկացվեց։

Ավելի ուշ ակտիվիստները բաց նամակ հղեցին վարչապետ Նիկոլ Փաշինյանին ու Երևանի քաղաքապետ Հայկ Մարությանին` պահանջելով անհապաղ դադարեցնել շինարարական աշխատանքները Ֆիրդուսիում, չեղարկել Նարեկ Սարգսյանի  նախագիծը, մայրաքաղաքի կենտրոնում նախատեսվող ցանկացած նոր շինարարության համար հանրային քննարկումներ անցկացնել ու այդ հին թաղամասի համար պատմամշակութային տեսքի պահպանությամբ նախագիծ մշակել։

Նամակը ստորագրել էին մի շարք հայտնի մարդիկ` գրողներ Նարինե Աբգարյանն ու Արամ Պաչյանը, օպերային երգիչներ Հասմիկ Պապյանն ու Աննա Մայիլյանը, ռեժիսորներ Աշոտ Ադամյանը, Լևոն Աթայանը, Սեդա Գրիգորյանն ու Դավիթ Մաթևոսյանը, նկարիչներ Զարուհի Մուրադյան ու Մարինա Դիլանյանը, ճարտարապետներ Արմեն Աբրոյանն ու Աշոտ Սիմոնյանը, լրագրողներ Արտավազդ Եղիազարյանն ու Լուսինե Հովհաննիսյանը, հասարակական գործիչ Հրանուշ Խառատյանը և ուրիշներ։

64
թեգերը:
Ֆիրդուսի, Երևան, Հայաստան
Ըստ թեմայի
Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան
Սթրիթ արտ սահմանամերձ գոտում. ինչպես Բալայանի «բլոճիկները» զվարճացրին Բերդի տղաներին
Սահմանամերձ Բերդավանի և Այգեպարի փողոցները հիմնանորոգվում են
Ի՞նչ աշխատանքներ են կատարվում Լոռիում. Փաշինյանը հերթական տեսանյութն է հրապարակել