Տիկին Նունե Սարգսյանն ու արևելյան հյուրերը

Արևելյան հեքիաթներ՝ հայկական ոճով․ ինչով է Երևանում հիացել Քուվեյթի շեյխի կինը

337
(Թարմացված է 10:40 16.09.2019)
ՀՀ նախագահ Արմեն Սարգսյանի տիկինը Քուվեյթի շեյխի կնոջն ուղեկցեց Մատենադարան, ապա  Մեսրոպ Մաշտոցի անվան հին ձեռագրերի գիտահետազոտական ինստիտուտ:

ԵՐԵՎԱՆ, 15 սեպտեմբերի - Sputnik. Քուվեյթի շեյխի կինը՝ Հուսա Սաբահ Ալ Սալեմ Ալ Սաբահն առաջին անգամ Հայաստան է այցելել ՀՀ նախագահի տիկին Նունե Սարգսյանի հրավերով։

Супруги президента Армении и шейха Кувейта Нунэ Саркисян и Хуса Сабах Аль-Салем Аль-Сабах ответили на вопросы журналистов после визита в Центр искусств Гафесчяна (15 сентября 2019). Еревaн
© Sputnik / Nana Martirosyan
Խուսա Սամախ Ալ Սալեմ Ալ Սաբախը

Նախագահական նստավայրում դիմավորման կարճ արարողությունից հետո կանայք գնացին Մատենադարան, որտեղ սպասում էին նրանց։ Օրվա երկրորդ կեսին նախագահի տիկին Նունե Սարգսյանին ու նրա արևելյան հյուրին՝ Քուվեյթի շեյխի կին, տիկին Հուսա Սաբահ Ալ Սալեմ Ալ Սաբահին սպասում էին Մեսրոպ Մաշտոցի անվան հին ձեռագրերի գիտահետազոտական ինստիտուտում։

Супруги президента Армении и шейха Кувейта Нунэ Саркисян и Хуса Сабах Аль-Салем Аль-Сабах ответили на вопросы журналистов после визита в Центр искусств Гафесчяна (15 сентября 2019). Еревaн
© Sputnik / Nana Martirosyan
Խուսա Սամախ Ալ Սալեմ Ալ Սաբախն ու ՀՀ նախագահի տիկին Նունե Սարգսյանը

Նա ղեկավարում է Քուվեյթի Իսլամական հնությունների թանգարանը (DAI) ու Ալ Սաբահ արվեստի նմուշների թանկարժեք հավաքածուի համասեփականատերն է։ Թանգարանի աշխատակիցներն ակնկալում էին արևելյան զգեստով կին տեսնել, բայց եկավ եվրոպական ձևով հագնված լեդի՝ վառ գույնի կիսաշրջազգեստով, կաշվե պիջակով, կլոր ակնոցներով ու մոդայիկ սանրվածքով։

Супруги президента Армении и шейха Кувейта Нунэ Саркисян и Хуса Сабах Аль-Салем Аль-Сабах во время визита в Центр искусств Гафесчяна (15 сентября 2019). Еревaн
© Sputnik / Nana Martirosyan
Խուսա Սամախ Ալ Սալեմ Ալ Սաբախը՝ Հայաստանում

Կանայք ջերմորեն զրուցում էին, ասես վաղեմի ընկերուհիներ լինեին, թեև այսօր էին ծանոթացել: Այդպես զրուցելով նրանք ներս մտան։ Առաջին իսկ րոպեներից հյուրը հարցեր էր տալիս. սկզբում նրան հետաքրքրեցին գետնի պղնձե տառերը, որոնք վկայում են շենքի կառուցման տարեթվի մասին, իսկ հետո նա հետաքրքրվեց ցուցասրահի աստիճանի վերևի խճանկարով։

Супруги президента Армении и шейха Кувейта Нунэ Саркисян и Хуса Сабах Аль-Салем Аль-Сабах во время визита в Центр искусств Гафесчяна (15 сентября 2019). Еревaн
© Sputnik / Nana Martirosyan
Խուսա Սամախ Ալ Սալեմ Ալ Սաբախն ու ՀՀ նախագահի տիկին Նունե Սարգսյանը

Ինստիտուտի տնօրեն Վահան Տեր-Ղևոնդյանի ուղեկցությամբ կանայք շրջում էին թանգարանում։ Հյուրն ապշած էր հայկական ձեռագրերի բազմազանությունից  ու չափերից։ Նա տպավորված էր կոնտրաստով. ամենամեծ ցուցանմուշը՝ 1202  թվականի «Մշո ճառընտիրը»  (53X70,5 սմ) ամենափոքրի՝ 1434  թվականի «Տոնացույցի» (3X4 սմ) կողքին էր։ Տեր-Ղևոնդյանն ու տիկին Սարգսյանը հերթով պատմում էին ամեն մի գրքի պատմությունը՝ բնականաբար, չանտեսելով նաև արաբական ձեռագրերը։

Օրբելյանը չի հեռանում. «Կախարդական սրինգը» կմեկնի ԱՄԷ և Քուվեյթ

Հուսա Սաբահ Ալ Սալեմ Ալ Սաբահը լավ գիտի արաբական մշակույթը։ Նա ուսումնասիրել է նաև հայկականը։ Տիկնոջ այցի նպատակն է քննարկել Երևանում Ալ Սաբահ հայտնի հավաքածուի ցուցանմուշների ու Ալ-Քուվեյթում «Մատենադարանի» արաբական ձեռագրերի ցուցադրության հարցերը։ Իսկ մինչ այդ՝ կանայք պատրաստվում են երկու երկրներում մշակութային շաբաթներ անցկացնել։

 «Նա լավ ծանոթ է մեր մշակույթին ու գնահատում է  այն, շատ է սիրում հայկական խոհանոցն ու դա գովեստի է արժանի», - ասաց Նունե Սարգսյանը։

Супруги президента Армении и шейха Кувейта Нунэ Саркисян и Хуса Сабах Аль-Салем Аль-Сабах во время визита в Матенадаран (15 сентября 2019). Еревaн
© Sputnik / Nana Martirosyan
Քուվեյթի շեյխի կինը, ՀՀ նախագահի կինը և Մեսրոպ Մաշտոցի անվան հին ձեռագրերի գիտահետազոտական ինստիտուտի տնօրեն Վահան Տեր-Ղևոնդյանը՝ խմբային լուսանկարում

Արևելյան հյուրը չէր թաքցնում իր հիացմունքը։ Նա հետաքրքրությամբ զբոսնում էր Կասկադում։ Գաֆեսճյան կենտրոնում արևելյան գեղեցկուհուն գրավեց գունավոր նստարանը։ Պարզվեց՝ դա ոչ թե պարզապես գույների բազմազանություն է, այլ ընտանիքի պատկեր։  Ուշադիր նայելիս կարելի է մի քանի դեմք տեսնել։ Մյուս դահլիճով ամբողջ պատվիրակությունը հիացավ։  Պատին Գրիգոր Խանջյանի հսկայական ստեղծագործությունն է։

Супруги президента Армении и шейха Кувейта Нунэ Саркисян и Хуса Сабах Аль-Салем Аль-Сабах во время визита в Матенадаран (15 сентября 2019). Еревaн
© Sputnik / Nana Martirosyan
Առաջին պլանում՝ Քուվեյթի շեյխի կինը, ՀՀ նախագահի տիկինը, Մեսրոպ Մաշտոցի անվան հին ձեռագրերի գիտահետազոտական ինստիտուտի տբօրեն Վահան Տեր-Ղևոնդյանը

 «Հայաստանը յուրահատուկ երկիր է։ Այն փոքր է, բայց մարդիկ լի են կրեատիվով։ Այստեղ բազում հետաքրքիր բաներ են կենտրոնացած՝ արվեստ, գիտություն ու մշակույթ։ Մենք երկիրը վառ ու հետաքրքիր էինք պատկերացնում, ուրախ եմ, որ չէինք սխալվում», - ասաց Հուսա Սաբահ Ալ Սալեմ Ալ Սաբահը՝ հայ լրագրողների հետ զրույցում։

Նրա ընտանիքը բազում հայ ընկերներ ունի, որոնք ապրում են Քուվեյթում, Սիրիայում, Լիբանանում ու այլ համայնքներում։ Խոստովանում է, որ Երևանում իրեն զգում է ինչպես հին ընկերների տանը։

Կաղապարից դուրս. Հայաստան-Քուվեյթ. նոր հորիզոններ

Շեյխի կինը ծանոթ է հայկական խոհանոցին ու շատ է սիրում մրգեր, բանջարեղեն ու քաղցրավենիք։ Նա ուրախ է, որ Քուվեյթի գործարարները հայկական մթերքը Քուվեյթ են արտահանում։

337
թեգերը:
Խուսա Սամախ Ալ Սալեմ Ալ Սաբախ, Մատենադարան, Նունե Սարգսյան, Նախագահ
Ըստ թեմայի
Քուվեյթի բիզնես հատվածին կներկայացնենք ՀՀ կառավարության ներդրումային փաթեթները
Քուվեյթում ծնված հայուհին դարձել է ամերիկյան ռեալիթի շոուի աստղ
Քուվեյթի նվերը Հայաստանին. ինչպես են ապրում ծերանոցի բնակիչները
Քուվեյթի կին նախարարը խոստովանել է, որ հաճախ է գալիս Հայաստան հանգստանալու
Արտավազդ Փելեշյան

Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան

68
Ֆիլմի համաշխարհային պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021թ-ի մարտի 7-ը։

ԵՐԵՎԱՆ, 4 օգոստոսի - Sputnik. Փարիզում հոկտեմբերին կկայանա աշխարհահռչակ հայ ռեժիսոր Արտավազդ Փելեշյանի նոր՝ «Բնություն» ֆիլմի համաշխարհային պրեմիերան։ Տեղեկությունը հայտնում է ֆրանսիական «Fondation Cartier»-ի կայքը։

«Ուրախ ենք տեղեկացնել, որ ներկայացնելու ենք լեգենդար ռեժիսորի ֆիլմի պրեմիերան։ «Բնություն» ֆիլմը նկարահանվել է Ֆրանսիայի «Fondation Cartier» հիմնադրամի և Գերմանիայի «ZKM» ֆիլմարտադրող ընկերության հետ համատեղ»,–գրում է կայքը։

Նշվում է, որ ֆիլմը ռեժիսորի 15 տարվա աշխատանքի գագաթնակետն է։

Ըստ տեղեկության`«Բնությունն» Արտավազդ Փելեշյանի՝ 1993 թվականին նկարահանված «Կյանք» ֆիլմից 27 տարի անց արված առաջին կինոաշխատանքն է, որտեղ անդրադարձ է եղել բնությանը՝ օգտագործելով Բեթհովենի, Մոցարտի, Շոստակովիչի, Տերտերյանի և Համասյանի երաժշտությունը։

Փելեշյանը մրցանակ բերեց գործընկերոջը. «ՏԷՖԻ Համագործակցությունը» ամփոփեց արդյունքները

Ֆիլմի պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021 թ-ի մարտի 7-ը։

Գեղարվեստական, վավերագրական և հեռուստատեսային ֆիլմերի մեծանուն ռեժիսոր, Հայաստանի Հանրապետության ժողովրդական արտիստ, «Սուրբ Մեսրոպ Մաշտոց» շքանշանակիր

Արտավազդ Փելեշյանը ծնվել է 1938 թվականին` Վանաձորում։ Ամբողջ աշխարհում նա Հայաստանի ու հայկականության մարմնացումն է։ Արտավազդ Փելեշյանը «Տարածական մոնտաժի» հիմնադիրն է։ Նրա համանուն գիրքը վերածվել է ուսանողների համար դասագրքի։

Փելեշյանի «Բնակիչները» շրջագայում է աշխարհով մեկ

68
թեգերը:
ռեժիսոր, հայ, Ֆրանսիա, Փարիզ, ֆիլմ, Արտավազդ Փելեշյան
Ըստ թեմայի
Արտավազդ Փելեշյանի տիեզերքը ստեղծվել է 40 տարում
Արտավազդ Փելեշյանի «Դրոշմման ժամանակը»
Փելեշյան. բոլոր արվեստներից առաջ ծնվել է կինոն
Փելեշյանական աշխարհի սիմֆոնիան
Արթուր Գաբրիելյանի ստեղծագործություններից

Ինչպես գյումրեցի տղամարդը սկսեց յուրօրինակ կտավներ ստեղծել գրչով

526
(Թարմացված է 18:01 03.08.2020)
Երբ պատկերը հայտնվում է աչքի առաջ, Արթուրը կարող է մի կտավը դեռ չավարտած մյուսին անցնել։ Կինը զարմանում է` ինչպես կարող է նման անհանգիստ բնավորություն ունեցող մարդը ժամերով գրչանկար անել։

Դժվարությամբ կարելի է հավատալ, որ ավելի քան 300–ի հասնող կտավները, որոնք պահվում են սեփական տան սենյակներում, ինքնուս արվեստագետի աշխատանքներ են: Գյումրեցի Արթուր Գաբրիելյանը նկարչական կրթություն չի ստացել, բայց ինչ իրեն հիշում է, նկարում է:

Նկարել սկսել է, երբ դեռ 4 տարեկան էր: «Սկսել եմ գրչանկարից, հետո անցել յուղանկարի ու քանդակի, բայց ամեն դեպքում գրիչն ուրիշ է, որովհետև կամակոր է: Եթե յուղանկարում ինչ-որ թերություն կա, ապա շտկել հնարավոր է, իսկ գրչի յուրաքանչյուր շտրիխ վերջնական է»,-Sputnik Արմենիայի հետ զրույցում պատմում է Արթուրը, որի համար կարևորը նկարին բնավորություն փոխանցելն է: Ասում է` հիմնականում նկարների հետևում իրական մարդիկ են, երբեմն շատերը կռահում են` ով է, երբեմն՝ ոչ:

Артур Габриелян за работой
© Sputnik / Armenuhi Mkhoyan
Արթուր Գաբրիելյան

47–ամյա Արթուրը մասնագիտությամբ խոհարար է, բայց և՛ թիկնապահ է աշխատել, և՛ փականագործ։ Նկարում է, երբ ազատ ժամանակ է ունենում։ Գրիչը ձեռքին է եղել նույնիսկ խրամատների մեջ՝ ծառայության ընթացքում` 1992-1994 թվականներին: Յուրօրինակ կտավներ է ստեղծում սրտի թելադրանքով։

Երբ զենքը գրիչն է. Յուրա Հարությունյանը գիտի ամենաբարդ մասնագիտություններից մեկի գաղտնիքը

«Կարող եմ շատ հանգիստ վերջին շտրիխը չավարտած անցնել այլ նկարի, կարող եմ գրիչով նկար սկսել, իսկ հետո նույն մտքերը յուղաներկով արտահայտել: Եթե մտքումս մի բան ծնվեց, ապա ժամն ու պատարագը կապ չունի, անմիջապես պետք է դա կտավին հանձնեմ: Ոճային նախընտրություն էլ չունեմ՝ ռեալիզմից մինչև սյուրռեալիզ»,- պատմում է Արթուրը և ավելացնում՝ մտքում ծնված պատկերը թղթին հանձնելուց առաջ հայտնվում է աչքի առաջ։

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի ստեղծագործություններից

Դա է պատճառը, որ ձեռքի տակ սովորական գունավոր գրիչներն ու նոթատետրերը շատ են, իսկ տրամադրությանը համահունչ երաժշտությունը՝ պարտադիր այդ պահին:

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի գրիչները

Ինքնուս նկարչի գործերը ոմանք նմանեցնում են Դալիի ստեղծագործություններին, բայց Արթուրն ինքը ասում է` այդպես չէ, սիրում է Դալիի գործերը, բայց նրա երկրպագուն չէ։

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի ստեղծագործություններից

Խարիզմատիկ բնավորությունը դեռ դպրոցական տարիներից է՝ լավ է սովորել, բայց կռվարար լինելու պատճառով 4 դպրոց է փոխել: Կինը` Ֆենյան, զարմանում է` նման անհանգիստ բնավորություն ունեցող մարդը ինչպես կարող է ժամերով գրչանկար անել: «Գործերի մեջ պերֆեկցիոնիստ է»,– վստահեցնում է նա:

Работа Артура Габриеляна
© Sputnik / Armenuhi Mkhoyan
Գրչանկար

«Բոշի մայլա», «Սլաբոտկա», «Թուրքի մայլա»…Գյումրու կոլորիտային թաղամասերի պատմությունը

Արթուրը գրչանկարներ է անում առանց նախնական գծանկարի: Ստեղծագործությունները նվիրում է, բայց միշտ շատ դժվարությամբ է բաժանվում։ Եթե ինչ–որ մեկին էլ նվեր է տալիս, ապա անպայման դրա փոխարեն իր համար ևս մեկն է նկարում:

Работа Артура Габриеляна
© Sputnik / Armenuhi Mkhoyan
Գրչանկար

Այս պահին Արթուրը 6-7 կիսատ յուղանկար ունի տանը, սակայն այս պահին անընդհատ գրչով է նկարում:

Գյումրեցի տղամարդը բոլորովին էլ դեմ չէ, որ իր ստեղծագործությունները վաճառվեն, բայց նաև շեշտում է` խանդով է վերաբերվում յուրաքանչյուր կտավին, այնպես որ գրիչով նկարելը նրա համար ավելի շատ ինքնարտահայտման ձև է։

  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
1 / 11
© Sputnik / Armenuhi Mkhoyan
Արթուր Գաբրիելյանի ստեղծագործություններից
526
թեգերը:
Արթուր Գաբրիելյան, Գյումրի, Հայաստան
Ըստ թեմայի
Գյումրեցի երիտասարդը «հեղափոխություն» է անում նորաձևության ոլորտում. լուսանկարներ
Աղջիկն` օրական, բաժինքը՝ տարեկան, կամ ինչ օժիտ են տարել գյումրեցի աղջիկները
Հզոր ձայն և դիապազոն. ինչպես գյումրեցի Միլենը հայտնվեց Ռուսաստանի ռեկորդների գրքում
Ֆիրդուսի

Սրճարաններ, թանգարաններ և ոչ միայն․ ինչպիսի՞ն է իրականում լինելու Ֆիրդուսի թաղամասը

122
(Թարմացված է 00:12 11.08.2020)
Իշխանությունը կարծում է, որ աշխատանքներն ավարտելուց հետո Երևանում ևս մեկ զբոսաշրջային գոտի կբացվի։

ԵՐԵՎԱՆ, 10 օգոստոսի – Sputnik․ Մշակույթի ու արվեստի անվանի գործիչների թանգարան, հուշանվերների խանութներ և փայտե պատշգամբներով քարե շենքեր․ ահա այն հիմնական կետերը, որոնք նախատեսված են Երևանի Ֆիրդուսի թաղամասի վերականգնման ու կառուցապատման նախագծով։ Sputnik Արմենիայի հարցմանն ի պատասխան հայտնեցին ՀՀ փոխվարչապետ Տիգրան Ավինյանի գրասենյակից։

Ավելի վաղ ՀՀ գրասենյակի Տիգրան Ավինյանի աշխատակազմի ղեկավար Վարագ Սիսեռյանը ցույց էր տվել՝ ինչ տեսք է ունենալու Ֆիրդուսին վերականգնումից ու կառուցապատումից հետո, նա քաղաքի այդ հատվածի 3D մոդելը հրապարակել էր Facebook-ում։

Կառուցապատման ընդհանուր մակերեսը 58 հազար քառակուսի մետր է, աշխատանքներն իրականացվել են 49 հազար քառակուսի մետրում, իսկ մնացած 9 հազարը դեռ իրականացման փուլում են։

Օրերս ՀՀ վարչապետ Նիկոլ Փաշինյանի մոտ տեղի ունեցած խորհրդակցության ժամանակ նշվել է, որ արդեն իսկ փոխհատուցվել է 378 ընտանիք (60 միլիոն դոլարի չափով), ընթացքի մեջ է 50 ընտանիքի փոխհատուցման գործընթացը։

«Ֆիրդուսում այժմ ընթանում են քանդման աշխատանքներ։ Շինարարության մեկնարկը ծրագրվում է 2020 թվականի վերջին, ավարտը՝ 2024 թվականի սկզբին», - նշված է գերատեսչության պատասխանում։

Այս պահին 70 միլիոն դոլար է ներդրվել նախագծում։ Ծրագրված է ևս 200 միլիոն դոլար ներդնել։ Ենթադրվում է, որ 6-ից 8 հազար աշխատատեղ է բացվելու։

Կառուցապատման հատակագծի հեղինակը Նարեկ Սարգսյանն է (Երևանի նախկին գլխավոր ճարտարապետը – խմբ․), գլխավոր ճարտարագետը՝ Հովհաննես Մութաֆյանը։ Տարածքը բաժանվել է 18 լոտերի, յուրաքանչյուր լոտ ունենալու է իր ճարտարապետը։

Նշվում է, որ հուշարձանային տարածքում գտնվող Հանրապետության և Տիգրան Մեծ փողոցներին հարակից հուշարձանները պահպանվելու են իրենց տեղերում, և վերարժևորվելու են շենքի բակային ճակատները։ Այս հուշարձանային շենքերին հաջորդելու են 2-4 հարկանի շենքերը՝ փայտե պատշգամբով։

«Արդյունքում տվյալ տարածքում կստեղծվի նոր, համահունչ զբոսաշրջային միջավայր։ Այս տարածքը կեզրագծվի 250 մ հետիոտնային ճանապարհով, որից այն կողմ արդեն կլինեն նորակառույց շենքեր», - նշված է պատասխանի մեջ։

1–ին և 2–րդ հարկերում նախատեսվում է սրճարաններ ու հուշանվերների խանութներ բացել։ Քննարկվում է նաև պատմական միջավայրի տարածքում 2–րդ և 3–րդ հարկերում ստեղծել մշակույթի հայտնի գործիչների թանգարաններ։

Ֆիրդուսին, որտեղ ժամանակին բավականին մեծ շուկա կար և մի քանի տասնյակ բնակելի տներ, Երևանում վերջին «հյուղակների թաղամասերից» էր։ Շուկան բազում դարերի պատմություն ունի, սկզբում այստեղ մեծ մասամբ իրանցիներն էին առևտուր անում։ Հենց այդ պատճառով էլ այդ հատվածը պահպանել է պարսիկ բանաստեղծ Ֆիրդուսիի անունը։

Հայաստանի նախկին իշխանությունը նախատեսում էր քանդել թաղամասի բոլոր հին շենքերը և մոտ հինգ հեկտար տարածքում նոր թաղամաս կառուցել, որում կլինեին բնակելի շենքեր, բիզնես կենտրոններ ու հյուրանոցներ։

Նոր Ֆիրդուսիի նախագիծը բուռն քննարկումների թեմա դարձավ, հատկապես երբ 2020 թվականի հունիսի 10-ին քանդեցին «կարմիր շենքը»։ Հունիսի 13-ին Երևանի ավագանին արտահերթ նիստ հրավիրեց։ Քաղաքապետարանի առջև Ֆիրդուսիի պաշտպանությանն ուղղված ակցիա անցկացվեց։

Ավելի ուշ ակտիվիստները բաց նամակ հղեցին վարչապետ Նիկոլ Փաշինյանին ու Երևանի քաղաքապետ Հայկ Մարությանին` պահանջելով անհապաղ դադարեցնել շինարարական աշխատանքները Ֆիրդուսիում, չեղարկել Նարեկ Սարգսյանի  նախագիծը, մայրաքաղաքի կենտրոնում նախատեսվող ցանկացած նոր շինարարության համար հանրային քննարկումներ անցկացնել ու այդ հին թաղամասի համար պատմամշակութային տեսքի պահպանությամբ նախագիծ մշակել։

Նամակը ստորագրել էին մի շարք հայտնի մարդիկ` գրողներ Նարինե Աբգարյանն ու Արամ Պաչյանը, օպերային երգիչներ Հասմիկ Պապյանն ու Աննա Մայիլյանը, ռեժիսորներ Աշոտ Ադամյանը, Լևոն Աթայանը, Սեդա Գրիգորյանն ու Դավիթ Մաթևոսյանը, նկարիչներ Զարուհի Մուրադյան ու Մարինա Դիլանյանը, ճարտարապետներ Արմեն Աբրոյանն ու Աշոտ Սիմոնյանը, լրագրողներ Արտավազդ Եղիազարյանն ու Լուսինե Հովհաննիսյանը, հասարակական գործիչ Հրանուշ Խառատյանը և ուրիշներ։

122
թեգերը:
Ֆիրդուսի, Երևան, Հայաստան
Ըստ թեմայի
Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան
Սթրիթ արտ սահմանամերձ գոտում. ինչպես Բալայանի «բլոճիկները» զվարճացրին Բերդի տղաներին
Սահմանամերձ Բերդավանի և Այգեպարի փողոցները հիմնանորոգվում են
Ի՞նչ աշխատանքներ են կատարվում Լոռիում. Փաշինյանը հերթական տեսանյութն է հրապարակել