«ՏԵՖԻ-Համագործակցություն» հեռուստատեսային հեղինակավոր փառատոն, Տաշքենդ

Հայաստանը կմասնակցի «ՏԵՖԻ-Համագործակցություն» հեռուստատեսային հեղինակավոր փառատոնին

91
(Թարմացված է 20:25 10.09.2019)
Փառատոնի դափնեկիրներին կորոշի փորձագիտական խորհուրդը, որի կազմում ներառված են հայտնի հեռուստապրոդյուսերներ, կինոգետներ և հաղորդավարներ:

ԵՐԵՎԱՆ, 10 սեպտեմբերի — Sputnik. Հայաստանը կմասնակցի «ՏԵՖԻ-Համագործակցություն» 9-րդ միջազգային հեռուստատեսային փառատոնին, որը տեղի կունենա սեպտեմբերի 16-19-ը Քիշնևում: Այս մասին հաղորդում է փառատոնի կազմակերպիչը՝ «Ռուսական հեռուստատեսության ակադեմիա» հիմնադրամը:

Մասնավորապես, Հայաստանից փառատոնին կմասնակցեն «Պատվից առավել (Արմենիա TV)», «Քաոս» (Հայաստանի հանրային հեռուստաընկերություն, «Առաջին ալիք»), «Ժիրայր Գլենց» (Հայաստանի հանրային հեռուստաընկերություն, «Առաջին ալիք») նախագծերը:

Փառատոնին կմասնակցեն նաև Բելառուսի, Ղազախստանի, Լատվիայի, Ռուսաստանի, Ուզբեկստանի, Ուկրաինայի, Էստոնիայի և Ադրբեջանի ներկայացուցիչները:

Փառատոնի դափնեկիրներին կորոշի փորձագիտական խորհուրդը, որի կազմում ներառված են հեռուստապրոդյուսերներ, կինոգետներ և հաղորդավարներ:

Հոգին էլ «ֆիթնեսի» կարիք ունի. մեկնարկեց «Ֆրեսկո» միջազգային փառատոնը

Փառատոնի շրջանակում նախատեսված է հագեցած կրթական ծրագիր. կանցկացվեն բանավեճեր և կլոր սեղաններ ժամանակակից հեռուստատեսության արդի խնդիրների շուրջ, մասնակիցների աշխատանքների դիտումներ և քննարկումներ, վարպետության դասեր:

Մասնավորապես, «Ինչպե՞ս դադարել վատ սցենարներ գրել» թեմայով վարպետության դասը կանցկացնի Ռուսական հեռուստատեսության ակադեմիայի նախագահ, պրոդյուսեր, COSMOS studio պրոդյուսերական ընկերության գլխավոր տնօրեն Ալեքսանդր Հակոբովը:

Փառատոնը կազմակերպվել է ԱՊՀ անդամ երկրների մարդասիրական համագործակցության միջպետական հիմնադրամի և Ռուսաստանի մամուլի և զանգվածային հաղորդակցությունների դաշնային գործակալության աջակցությամբ: Այս տարի միջոցառումը տեղի կունենա Մոլդովայի նախագահի հովանու ներքո:

«Երևանն ինչպես Բաբելոնը». ռուսաստանցի լրագրողը երազում է Հայաստան վերադառնալու մասին

Նշենք, որ փառատոնն անցկացվում է 2011 թվականից։ Դրա գլխավոր նպատակը ԱՊՀ երկրների ու մերձավոր արտասահմանի տարածքում միասնական տեղեկատվական տարածքի ձևավորումն է, հեռուստատեսության նորագույն ձեռքբերումների  տարածումն ու հեռուստաընկերությունների և հեռուստատեսության ոլորտի մասնագետների համագործակցությունը։

«ՏԵՖԻ-Համագործակցություն» մրցույթը անցկացվում է  ամեն տարի ԱՊՀ տարբեր երկրներում։  Մրցույթին մասնակցում են ԱՊՀ երկրների ու մերձավոր արտասահմանի  առաջատար հեռուստաընկերությունների ներկայացուցիչները։

91
թեգերը:
պրոդյուսեր, Ադրբեջան, Ուկրաինա, Ռուսաստան, Բելառուս, կինոգետ, հաղորդավար, փառատոն, Հայաստան
Ըստ թեմայի
Հայտնի հայ ջազմենները վերադառնում են Հայաստանը վերամիավորելու. «Վարդան Հովսեփյան» տրիոն
«Զարկերակը` լեռներում». Հայաստանում անցկացվելու է առաջին միջազգային բայքերական փառատոնը
Խոսուն լռություն. լուսանկարներ` Մնջախաղի փառատոնից
«Ֆրեսկոյի» նախագահը նեղացած է քաղաքապետարանից. փառատոնն ավարտվեց, հայտնի են հաղթողները
«Սիրահարված եմ իմ երաժշտական գործիքին». ճապոնացի կույր դաշնակահարը համերգ կտա Հայաստանում
Արտավազդ Փելեշյան

Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան

73
Ֆիլմի համաշխարհային պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021թ-ի մարտի 7-ը։

ԵՐԵՎԱՆ, 4 օգոստոսի - Sputnik. Փարիզում հոկտեմբերին կկայանա աշխարհահռչակ հայ ռեժիսոր Արտավազդ Փելեշյանի նոր՝ «Բնություն» ֆիլմի համաշխարհային պրեմիերան։ Տեղեկությունը հայտնում է ֆրանսիական «Fondation Cartier»-ի կայքը։

«Ուրախ ենք տեղեկացնել, որ ներկայացնելու ենք լեգենդար ռեժիսորի ֆիլմի պրեմիերան։ «Բնություն» ֆիլմը նկարահանվել է Ֆրանսիայի «Fondation Cartier» հիմնադրամի և Գերմանիայի «ZKM» ֆիլմարտադրող ընկերության հետ համատեղ»,–գրում է կայքը։

Նշվում է, որ ֆիլմը ռեժիսորի 15 տարվա աշխատանքի գագաթնակետն է։

Ըստ տեղեկության`«Բնությունն» Արտավազդ Փելեշյանի՝ 1993 թվականին նկարահանված «Կյանք» ֆիլմից 27 տարի անց արված առաջին կինոաշխատանքն է, որտեղ անդրադարձ է եղել բնությանը՝ օգտագործելով Բեթհովենի, Մոցարտի, Շոստակովիչի, Տերտերյանի և Համասյանի երաժշտությունը։

Փելեշյանը մրցանակ բերեց գործընկերոջը. «ՏԷՖԻ Համագործակցությունը» ամփոփեց արդյունքները

Ֆիլմի պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021 թ-ի մարտի 7-ը։

Գեղարվեստական, վավերագրական և հեռուստատեսային ֆիլմերի մեծանուն ռեժիսոր, Հայաստանի Հանրապետության ժողովրդական արտիստ, «Սուրբ Մեսրոպ Մաշտոց» շքանշանակիր

Արտավազդ Փելեշյանը ծնվել է 1938 թվականին` Վանաձորում։ Ամբողջ աշխարհում նա Հայաստանի ու հայկականության մարմնացումն է։ Արտավազդ Փելեշյանը «Տարածական մոնտաժի» հիմնադիրն է։ Նրա համանուն գիրքը վերածվել է ուսանողների համար դասագրքի։

Փելեշյանի «Բնակիչները» շրջագայում է աշխարհով մեկ

73
թեգերը:
ռեժիսոր, հայ, Ֆրանսիա, Փարիզ, ֆիլմ, Արտավազդ Փելեշյան
Ըստ թեմայի
Արտավազդ Փելեշյանի տիեզերքը ստեղծվել է 40 տարում
Արտավազդ Փելեշյանի «Դրոշմման ժամանակը»
Փելեշյան. բոլոր արվեստներից առաջ ծնվել է կինոն
Փելեշյանական աշխարհի սիմֆոնիան
Արթուր Գաբրիելյանի ստեղծագործություններից

Ինչպես գյումրեցի տղամարդը սկսեց յուրօրինակ կտավներ ստեղծել գրչով

533
(Թարմացված է 18:01 03.08.2020)
Երբ պատկերը հայտնվում է աչքի առաջ, Արթուրը կարող է մի կտավը դեռ չավարտած մյուսին անցնել։ Կինը զարմանում է` ինչպես կարող է նման անհանգիստ բնավորություն ունեցող մարդը ժամերով գրչանկար անել։

Դժվարությամբ կարելի է հավատալ, որ ավելի քան 300–ի հասնող կտավները, որոնք պահվում են սեփական տան սենյակներում, ինքնուս արվեստագետի աշխատանքներ են: Գյումրեցի Արթուր Գաբրիելյանը նկարչական կրթություն չի ստացել, բայց ինչ իրեն հիշում է, նկարում է:

Նկարել սկսել է, երբ դեռ 4 տարեկան էր: «Սկսել եմ գրչանկարից, հետո անցել յուղանկարի ու քանդակի, բայց ամեն դեպքում գրիչն ուրիշ է, որովհետև կամակոր է: Եթե յուղանկարում ինչ-որ թերություն կա, ապա շտկել հնարավոր է, իսկ գրչի յուրաքանչյուր շտրիխ վերջնական է»,-Sputnik Արմենիայի հետ զրույցում պատմում է Արթուրը, որի համար կարևորը նկարին բնավորություն փոխանցելն է: Ասում է` հիմնականում նկարների հետևում իրական մարդիկ են, երբեմն շատերը կռահում են` ով է, երբեմն՝ ոչ:

Артур Габриелян за работой
© Sputnik / Armenuhi Mkhoyan
Արթուր Գաբրիելյան

47–ամյա Արթուրը մասնագիտությամբ խոհարար է, բայց և՛ թիկնապահ է աշխատել, և՛ փականագործ։ Նկարում է, երբ ազատ ժամանակ է ունենում։ Գրիչը ձեռքին է եղել նույնիսկ խրամատների մեջ՝ ծառայության ընթացքում` 1992-1994 թվականներին: Յուրօրինակ կտավներ է ստեղծում սրտի թելադրանքով։

Երբ զենքը գրիչն է. Յուրա Հարությունյանը գիտի ամենաբարդ մասնագիտություններից մեկի գաղտնիքը

«Կարող եմ շատ հանգիստ վերջին շտրիխը չավարտած անցնել այլ նկարի, կարող եմ գրիչով նկար սկսել, իսկ հետո նույն մտքերը յուղաներկով արտահայտել: Եթե մտքումս մի բան ծնվեց, ապա ժամն ու պատարագը կապ չունի, անմիջապես պետք է դա կտավին հանձնեմ: Ոճային նախընտրություն էլ չունեմ՝ ռեալիզմից մինչև սյուրռեալիզ»,- պատմում է Արթուրը և ավելացնում՝ մտքում ծնված պատկերը թղթին հանձնելուց առաջ հայտնվում է աչքի առաջ։

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի ստեղծագործություններից

Դա է պատճառը, որ ձեռքի տակ սովորական գունավոր գրիչներն ու նոթատետրերը շատ են, իսկ տրամադրությանը համահունչ երաժշտությունը՝ պարտադիր այդ պահին:

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի գրիչները

Ինքնուս նկարչի գործերը ոմանք նմանեցնում են Դալիի ստեղծագործություններին, բայց Արթուրն ինքը ասում է` այդպես չէ, սիրում է Դալիի գործերը, բայց նրա երկրպագուն չէ։

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի ստեղծագործություններից

Խարիզմատիկ բնավորությունը դեռ դպրոցական տարիներից է՝ լավ է սովորել, բայց կռվարար լինելու պատճառով 4 դպրոց է փոխել: Կինը` Ֆենյան, զարմանում է` նման անհանգիստ բնավորություն ունեցող մարդը ինչպես կարող է ժամերով գրչանկար անել: «Գործերի մեջ պերֆեկցիոնիստ է»,– վստահեցնում է նա:

Работа Артура Габриеляна
© Sputnik / Armenuhi Mkhoyan
Գրչանկար

«Բոշի մայլա», «Սլաբոտկա», «Թուրքի մայլա»…Գյումրու կոլորիտային թաղամասերի պատմությունը

Արթուրը գրչանկարներ է անում առանց նախնական գծանկարի: Ստեղծագործությունները նվիրում է, բայց միշտ շատ դժվարությամբ է բաժանվում։ Եթե ինչ–որ մեկին էլ նվեր է տալիս, ապա անպայման դրա փոխարեն իր համար ևս մեկն է նկարում:

Работа Артура Габриеляна
© Sputnik / Armenuhi Mkhoyan
Գրչանկար

Այս պահին Արթուրը 6-7 կիսատ յուղանկար ունի տանը, սակայն այս պահին անընդհատ գրչով է նկարում:

Գյումրեցի տղամարդը բոլորովին էլ դեմ չէ, որ իր ստեղծագործությունները վաճառվեն, բայց նաև շեշտում է` խանդով է վերաբերվում յուրաքանչյուր կտավին, այնպես որ գրիչով նկարելը նրա համար ավելի շատ ինքնարտահայտման ձև է։

  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
1 / 11
© Sputnik / Armenuhi Mkhoyan
Արթուր Գաբրիելյանի ստեղծագործություններից
533
թեգերը:
Արթուր Գաբրիելյան, Գյումրի, Հայաստան
Ըստ թեմայի
Գյումրեցի երիտասարդը «հեղափոխություն» է անում նորաձևության ոլորտում. լուսանկարներ
Աղջիկն` օրական, բաժինքը՝ տարեկան, կամ ինչ օժիտ են տարել գյումրեցի աղջիկները
Հզոր ձայն և դիապազոն. ինչպես գյումրեցի Միլենը հայտնվեց Ռուսաստանի ռեկորդների գրքում
Դոնալդ Թրամփ

Թրամփին պատմել են ռուսական պատվաստանյութի մասին

0
(Թարմացված է 23:22 13.08.2020)
Վաշինգտոնում հուսով են, որ մինչև տարեվերջ կկարողանան ստանալ COVID-19–ի դեմ պատվաստանյութը, որն այժմ թեստավորման երրորդ փուլն է անցնում։

ԵՐԵՎԱՆ, 13 օգոստոսի - Sputnik. ԱՄՆ նախագահ Դոնալդ Թրամփին տեղեկացրել են կորոնավիրուսի դեմ ռուսական պատվաստանյութի մասին, ճեպազրույցի ժամանակ հայտնել է Սպիտակ տան մամուլի քարտուղար Քեյլի Մակինանին ՝ հրաժարվելով այլ մեկնաբանություններ տալ:

Նրա խոսքով ՝ Թրամփին նաև տեղեկացնում են ամերիկյան պատվաստանյութի մշակման գործընթացի մասին։ Պատվաստանյութն ակտիվ փորձարկումներ է անցնում, որպեսզի արդյունավետ ու անվտանգ լինի:

Վաշինգտոնում հուսով են, որ մինչև տարեվերջ կկարողանան ստանալ COVID-19–ի դեմ պատվաստանյութը, որն այժմ թեստավորման երրորդ փուլն է անցնում։

Ավելի վաղ Առողջապահության համաշխարհային կազմակերպությունը (ԱՀԿ) հայտարարել էր, որ ողջունում է նոր կորոնավիրուսի դեմ պատրաստուկների հետազոտությունների ու մշակումների ոլորտի բոլոր ձեռքբերումները և մտադիր է ստուգել ռուսական պատվաստանյութի փորձարկումների տվյալները:

ԱՀԿ-ն ուզում է համոզվել, որ պատվաստանյութի հետազոտությունն իրականացվել է սահմանված ընթացակարգերին համապատասխան։ Կազմակերպությունը պատրաստ է գնահատել դեղի անվտանգությունն ու արդյունավետությունը: Դրա հետ մեկտեղ ԱՀԿ-ի մասնագետները շփման մեջ են ռուսաստանցի գիտնականների հետ:

Հիշեցնենք՝ ՌԴ նախագահ Վլադիմիր Պուտինը օգոստոսի 11-ին ՌԴ կառավարության անդամների հետ խորհրդակցության ժամանակ հայտարարել էր, որ Ռուսաստանում գրանցվել է կորոնավիրուսի դեմ առաջին պատվաստանյութը։ ՌԴ նախագահի խոսքով՝ Ռուսաստանը COVID-19-ի դեմ պատվաստանյութ գրանցած առաջին երկիրն է։ Պատվաստանյութը բավականաչափ արդյունավետ է, ձևավորում է կայուն դիմադրողականություն և անցել է բոլոր անհրաժեշտ փորձարկումները։

Կորոնավիրուսի դեմ պայքարի օպերատիվ շտաբը հայտնել է, որ կորոնավիրուսի դեմ ռուսական պատվաստանյութը քաղաքացիական շրջանառության մեջ կմտնի 2021 թվականի հունվարի 1-ին։ Այն կոչվել է «Սպուտնիկ V»։

0
թեգերը:
կորոնավիրուս, պատվաստանյութ, Ռուսաստան, Դոնալդ Թրամփ, ԱՄՆ