Սերգեյ Սմբատյան

Սերգեյ Սմբատյանը նշանակվել է Մալթայի ֆիլհարմոնիկ նվագախմբի գլխավոր դիրիժոր

52
(Թարմացված է 18:56 09.09.2019)
Սեպտեմբերի 14–ին նախատեսված է համերգ, որտեղ Սերգեյ Սմբատյանը հանդես կգա արդեն որպես Մալթայի ֆիլհարմոնիկ նվագախմբի գլխավոր դիրիժոր։

ԵՐԵՎԱՆ, 9 սեպտեմբերի — Sputnik. Հայաստանի սիմֆոնիկ նվագախմբի գլխավոր դիրիժոր Սերգեյ Սմբատյանը նշանակվել է Մալթայի ֆիլհարմոնիկ նվագախմբի գլխավոր դիրիժոր։ Sputnik Արմենիային այս մասին հայտնեցին նվագախմբի մամուլի ծառայությունից։

«Սմբատյանը, այս պաշտոնում առաջին անգամ ղեկավարելով նվագախումբը, սեպտեմբերի 14-ին Վալետայում կներկայացնի Իգոր Ստրավինսկու «Սրբազան գարուն» ստեղծագործության մալթյան պրեմիերան։ Երեկոյի ընթացքում կհնչի նաև Սերգեյ Ռախմանինովի Դաշնամուրի թիվ 2 կոնցերտը»,–նշված է հաղորդագրության մեջ։

Խուլերը կկարողանան «լսել» հայ դասական կոմպոզիտորների գործերը. անարդարություն այլևս չկա

Համերգային ծրագիրը կազմվել է հակադրությունների հիման վրա՝ ներառելով 20-րդ դարի ռուսական կոմպոզիտորական դպրոցի երկու խոշորագույն հեղինակների՝ Ստրավինսկու հեղափոխականությունն ու Ռախմանինովի քնարականությունը։

Երեկոյի ընթացքում որպես մենակատար հանդես կգա դաշնակահար Ալեքսեյ Վոլոդինը։

24 տարեկանում նրա գործը օպերային բեմ բարձրացավ, բայց նա հեռացավ հայրենիքից. ինչո՞ւ

52
թեգերը:
դիրիժոր, Մալթա, Սերգեյ Սմբատյան, Հայաստան
Ըստ թեմայի
Ինչպես Մաքսիմ Վենգերովը կորցրեց Ստրադիվարիուսի ջութակը և ինչու սիրեց հայերին
3 հայ երաժիշտ հայտնվել են աշխարհի լավագույն ջութակահարների թոփ 30-ում
Հայերն առաջ են ընկել բրիտանացիներից. Սմբատյանը պատմել է իր մասնագիտության կախարդանքի մասին