ՀՀ ԱԺ

Ի՞նչ կտա հայկական կինոարտադրությանը «Կինոյի մասին» նոր օրենքը. 3 նախագիծ է ներկայացվել

124
(Թարմացված է 16:17 25.08.2019)
Այս պահին «Կինոյի մասին» օրենքի ներկայացված նախագծերի քննարկումներն են ընթանում, որին կհաջորդի կինոգործիչների հետ փակ հանդիպումը։

ԵՐԵՎԱՆ, 25 օգոստոսի — Sputnik, Կարինե Հարությունյան. «Կինոյի մասին» օրենքի նախագծի 3 տարբերակ կա` Հայաստանի անկախ կինոգործիչների ակումբի` «ԻՖԿԱ»-ի, «Ոսկե ծիրանի» և կինոռեժիսոր, պրոդյուսեր Արմեն Ադիլխանյանի ներկայացրած նախագծերն են։ Այս մասին Sputnik Արմենիայի հետ զրույցում ասաց ԱԺ «Լուսավոր Հայաստան» կուսակցության պատգամավոր Աննա Կոստանյանը։

Депутат от фракции Просвещенная Армения Анна Костанян на заседании парламента Армении (15 января 2019). Еревaн
© Sputnik / Asatur Yesayants
Աննա Կոստանյանը

«Հունիսի 17–ին կինոյի մասին օրինագծի խորհրդարանական լսումներից հետո կինոգործիչներին ժամանակ տրվեց «Կինոյի մասին» օրենքի նախագծեր ներկայացնելու։ Արդյունքում մեզ ներկայացվեց 3 նախագիծ։ Այժմ այդ նախագծերի քննարկման փուլն է. դրանք պետք է ուղարկվեն հայկական կինոհամայնքի ներկայացուցիչներին»,–ասաց նա։

Նրա խոսքով` քննարկմանը կհաջորդի կինոգործիչների հետ փակ հանդիպումը, որպեսզի եթե նրանք ունեն քննադատություններ, առաջարկներ, ներկայացնեն։ Հետո արդեն ԱԺ–ն կփորձի համադրել երեք նախագծերը և մեկ օրինական նախագծի վերածել այն։

Հարցին, թե մինչև տարեվերջ պատրա՞ստ կլինի նախագիծը` Կոստանյանը պատասխանեց, որ ցանկալի կլիներ, սակայն որոշակի խոչընդոտներ կան` կինոգործիչների շրջանում տարաձայնությունների պատճառով։ Բացի այդ, այս պահին «Հեռուստառադիոընկերությունների մասին» օրենքն է ԱԺ ներկայացվել ու, պատգամավորի կարծիքով, դա շրջանառելն ավելի ակտուալ է, քան«Կինոյի մասին» օրենքը։

«Համենայն դեպս, ես ակտուալ եմ պահելու այդ թեման, մյուս կողմից էլ ներկայացված երեք նախագծերի կողմերն էլ շահագրգիռ են, որպեսզի օրենքը կյանքի կոչվի»,–ասաց նա։

Նշենք, որ այս պահին հրապարակվել է դեռևս մեկ նախագիծ`«Ոսկե ծիրանի» կողմից ներկայացվածը։ Նախագծի ստեղծման աշխատանքներում ներգրավված Կինոգործիչների միության նախագահի խորհրդական Արայիկ Մանուկյանը մեզ հետ զրույցում նշեց, որ աշխատանքային խումբը ստեղծվել է «Ոսկե ծիրան» կինոյի զարգացման հիմնադրամի միջոցով և ԵՄ ֆինանսական աջակցությամբ։ Նախագծի ստեղծման վրա աշխատել են 8 ամիս։

Հարցին, թե ինչ է կարծում` հնարավո՞ր է մյուս նախագծերը համադրել և, ի վերջո, օրենք ունենալ` Մանուկյանը պատասխանեց, որ օրենքի ցանկացած նախագիծ էլ կարելի է համադրել մյուս նախագծերի հետ, եթե դրանք բխում են հայկական կինոյի զարգացման շահերից։

Араик Манукян
© Sputnik / Hayk Petrosyan
Араик Манукян

«Մեր ներկայացրած նախագիծը կարգավորում է ֆիլմարտադրության, պետության կողմից ֆինանսավորման հարցերը։ Այն գրվել է զրոյից և հեղափոխական տրամաբանություն ունի, օրինակ՝ նախատեսում է հարկային արտոնություններ, որոնք կնպաստեն կինոարտադրության զարգացմանը։ Բացի այդ, նախագծով փորձել ենք համատեղ ֆիլմարտադրությունը միջազգային չափանիշներին համապատասխանեցնել»,–ասաց նա։

Նկատենք, որ կինոարտադրության իրավական կարգավորման թեման վերջին շրջանում գտնվում է հասարակության ուշադրության կենտրոնում: Շատ է խոսվում «Կինոյի մասին» օրենք ընդունելու անհրաժեշտության մասին: Այս թեմայի շուրջ կարծիքներ հայտնեցին ռեժիսորները, պրոդյուսերները և կինոքննադատները: Նրանք կարծում են, որ օրենքը հատկապես կարևոր է հարկերի հետ կապված խնդիրները կարգավորելու և ազգային կինոյի ոլորտը զարգացնելու հարցում: Բացի այդ, այն կօգնի միջազգային համագործակցություն հաստատելու հարցում, ինչպես նաև թույլ կտա արտասահմանյան կինոգործիչներին ստեղծել ֆիլմեր Հայաստանում:

Մշակույթի ոլորտում ավերմունքի աստիճանը չէի պատկերացնում. Նարինե Թուխիկյան

Նշենք, որ հրապարակված առաջին նախագծին կարող եք ծանոթանալ այստեղ։

Հիշեցնենք, որ դեռ 2015թ.-ի մարտի 3-ին մշակույթի նախարարությունը հայտարարություն էր տարածել «Կինոյի մասին» ՀՀ օրենքի նախագծի մշակման վերաբերյալ, սակայն մինչ օրս «Կինոյի մասին» օրենքը կյանքի չի կոչվել։

124
թեգերը:
ԱԺ, «Կինոյի մասին» օրենք, «Ոսկե ծիրան» կինոփառատոն, կինո, Հայաստան
Ըստ թեմայի
Կին, որի սիրտը մեր լեռներում է․ Արցախի մասին Կուլչիցկայայի նոր ֆիլմը ցնցող է
«Թաքցրած խաչ». թուրք ռեժիսորների վավերագրական ֆիլմը կցուցադրվի Ստամբուլում
Ոսկանյան. «Ֆիլմը ցույց է տալիս, թե ինչպիսի բարդ տարածաշրջանում է գտնվում Հայաստանը»
Վիգեն Ստեփանյան

Մահացել է դերասան Վիգեն Ստեփանյանը

608
(Թարմացված է 17:02 19.01.2021)
Վիգեն Ստեփանյանը խաղացել է տարբեր թատրոններում, բեմադրել 43 ներկայացում տարբեր երկրներում և տարբեր լեզուներով, նկարահանվել է մոտ 50 ֆիլմում։

ԵՐԵՎԱՆ, 19 հունվարի – Sputnik. 68 տարեկանում մահացել է դերասան, բեմադրիչ, ՀՀ արվեստի վաստակավոր գործիչ Վիգեն Ստեփանյանը։ Տեղեկությունը Sputnik Արմենիայի հետ զրույցում հաստատեց նրա դուստրը` Թամարա Ստեփանյանը։ Դերասանի մահվան պատճառը ուղեղի կաթվածն է։

Դուստրը նշեց, որ հայրը 4 օր կոմայի մեջ է եղել։ Այսօր առավոտյան սրտի աշխատանքը կանգ է առել, բժիշկներն ամեն ջանք գործադրել են նրա կյանքը փրկելու համար, բայց ապարդյուն։ Ժամը 12։00-ի սահմանում նա մահացել է։

Դերասանի հոգեհանգիստը տեղի կունենա Սուրբ Հովհաննես եկեղեցում հունվարի 21-ին` ժամը 18:00-ին։ 

Վիգեն Ստեփանյանը 1973 թվականին ընդունվել է Երևանի Կ․ Ստանիսլավսկու անվան թատրոնին կից դերասանական ստուդիա, որտեղ մինչև 1977 թվականն աշխատել է որպես դերասան։ 1977-1989 թվականներին որպես դերասան աշխատել է Երևանի Սունդուկյանի անվան ազգային ակադեմիական թատրոնում։ 1989 թվականին հիմնել է «Արձագանք» թատրոն-ստուդիան, որը 1991 թվականին հիմք դարձավ «Մետրո» թատրոնի, և մինչև 1994 թվականը եղել է թատրոնի գեղարվեստական ղեկավարն ու տնօրենը։ 1994-2003 թվականներին աշխատել է Լիբանանում։ 2003 թվականին վերադառնալով Հայաստան՝ նորից ստանձնել է «Մետրո» թատրոնի գեղարվեստական ղեկավարի պաշտոնը։ 2007 թվականին որպես հրավիրված դերասան և բեմադրիչ աշխատել է տարբեր թատրոններում։

2014 թվականի հոկտեմբերին Վիգեն Ստեփանյանը նշանակվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի ռեժիսոր։

Ավելի քան 100 դեր է խաղացել տարբեր թատրոններում, բեմադրել է 43 ներկայացում տարբեր երկրներում և տարբեր լեզուներով, նկարահանվել է մոտ 50 ֆիլում, ԽՍՀՄ տարբեր ստուդիաներում, խաղացել է ավելի քան 60 հեռուստաներկայացումներում։ Երեք տարի շարունակ եղել է «Էրեբունի–Երևան» տոնակատարության գլխավոր բեմադրիչը։ Գրել և բեմականացրել է ավելի քան 10 պիես։ Նրա սցենարով նկարահանվել են երկու կարճամետրաժ և մեկ լիամետրաժ ֆիլմեր։

608
թեգերը:
Վիգեն Ստեփանյան, դերասան, Մահ, Հայաստան
Ըստ թեմայի
Մահացել է ՀՀ գյուղատնտեսության նախկին փոխնախարարը
ԱԱԾ նախկին տնօրեն Գեորգի Կուտոյանի մահվան վերաբերյալ քրգործի նախաքննությունը կասեցվել է
Անզգայացումը կարո՞ղ է մահվան պատճառ դառնալ. պարզաբանում է անեսթեզիոլոգը

Պուտինի դիմանկարը «հայտնվել» է բրնձի վրա. ի՞նչ ցանկություն ունի Տեր–Ղազարյանի ծոռնուհին

1077
(Թարմացված է 15:27 17.01.2021)
Մանրադիտակային քանդակների (միկրոքանդակագործություն) և փորագրությունների վարպետ, երաժիշտ, ՀՀ արվեստի վաստակավոր գործիչ Էդուարդ Տեր-Ղազարյանի թոռնուհին և ծոռները շարունակում են նրա գործը` ստեղծելով արվեստի եզակի գործեր, որոնք կարելի է տեսնել միայն մանրադիտակով:

Էդուարդ Տեր-Ղազարյանն իր վարպետությունը ժառանգաբար փոխանցել է թոռնուհուն և ծոռներին։ Նրանցից մեկը՝ Աննան, որը 14 տարեկանից զբաղվում է միկրոքանդակագործությամբ, սերդոլիկի վրա քանդակել է Ռուսաստանի նախագահ Վլադիմիր Պուտինի դիմանկարը և տեղադրել բրնձի հատիկի վրա:

Աննան ցանկանում է այդ դիմանկարը հայ ժողովրդի անունից նվիրել Պուտինին։

Ինչպես Չապլինն ու Քաջ Նազարը հայտնվեցին ասեղի անցքում. հրաշագործ Էդուարդ Ղազարյանի մասին

Վարպետներն իրենց աշխատանքները ներկայացրել են Հայաստանում։ Արվեստի եզակի գործերն արդեն տեսել են ավելի քան 10 հազար հայ դպրոցականներ։

1077
թեգերը:
Քանդակ, Վլադիմիր Պուտին, Ռուսաստան, Հայաստան
Ըստ թեմայի
«Դեդոն-Բաբոն»` օնլայն հերոսներ․ հուշարձանի կերպարները պատերազմին ժպիտ բերեցին մարդկանց
ԽՍՀՄ դեսպան Ճապոնիայում, նախարար, գիտնական, օդաչու. կրկին նշանավոր շուշեցիների մասին
Հավատարիմ մնալով սեփական ժողովրդին, կամ թե ինչ կնկարեր Այվազովսկին հայկական գինու շշի վրա
Յուրաքանչյուր դպրոցական մեկ տարում կկարողանա անվճար հաճախել 3 մշակութային հաստատություն
Թուրքական ոստիկանություն

Ստամբուլում հարձակվել են Ռուսաստանի քաղաքացիների վրա․ մանրամասներ

0
Ձերբակալվածը 26 հանցանք է գործել, այդ թվում՝ կանխամտածված վիրավորում, ունեցվածքի վնասում, զենքի ապօրինի պահում ու գողություններ։

ԵՐԵՎԱՆ, 26 հունվարի — Sputnik. Ստամբուլում Ռուսաստանի երեք քաղաքացիների վրա հարձակում գործած քաղաքացին ցուցմունք տալիս ասել է, որ նրանց «սատանայի ավետաբերների» տեղ է դրել։ Տեղեկությունը հայտնում է ՌԻԱ Նովոստին՝ հղում անելով իրավապահ մարմիններում ունեցած աղբյուրին։

Ավելի վաղ հայտնի էր դարձել, որ աղբ հավաքող Հասան Հուսեյնը դանակով հարձակվել է ՌԴ երեք քաղաքացիների՝ մեկ տղամարդու ու երկու կանանց վրա։ Հարձակման հետևանքով ռուսաստանցիները վնասվածքներ են ստացել ու հիվանդանոց տեղափոխվել։

«Հարձակվողը հոգեկան խանգարումներ ունի։ Նրա խոսքով՝ ինքը ռուսաստանցիներից գումար չի խնդրել ու այդ նպատակով չէ, որ հարձակվել է», - ասել է գործակալության զրուցակիցը։

Արդեն հայտնի է, որ ձերբակալվածը 26 հանցանք է գործել, այդ թվում՝ կանխամտածված վիրավորում, ունեցվածքի վնասում, զենքի ապօրինի պահում ու գողություններ։

Թուրքիայում հարձակվել են հայ երիտասարդի վրա ու ծեծել նրան

Ռուսաստանի քաղաքացիների վրա հարձակում գործելուց հետո նա ինչ-որ տեղ թաքնվել է, հետո սնունդ գտնելու համար գնացել մզկիթի մոտ, որտեղ էլ նրան ձերբակալել են։

0
թեմա:
Վթար, պատահար, սպանություն, գողություն