Նկարիչ Վլադիմիր Աբրահամյանը

«Կինը հրեշտակի նման կախված է նկարչի գլխին». բացվեց Վլադիմիր Աբրահամյանի ցուցահանդեսը

266
(Թարմացված է 15:11 17.08.2019)
Ցուցահանդեսին ներկա էր նաև ՀՀ կրթության, գիտության, մշակույթի և սպորտի նախարար Արայիկ Հարությունյանը, որի այցն անակնկալ էր ցուցահանդեսի կազմակերպիչների և նկարչի համար:

ԵՐԵՎԱՆ, 16 օգոստոսի – Sputnik. «Դալան» ցուցասրահում բացվեց ՀՀ վաստակավոր նկարիչ Վլադիմիր Աբրահամյանի` թվով չորորդ անհատական ցուցահանդեսը, որում տեղ են գտել ներկապնակի ամենավառ գույներով վրձնած, բայց դեռևս չցուցադրված աշխատանքները:

«Նորաձևության և արվեստի» ցուցահանդես Երևանում. ինչ կտա այն հայ դիզայներներին

78–ամյա նկարիչը, ով երաժշտության հնչյունների ներքո է ստեղծագործում, իր կտավների գլխավոր հերոսին համարում է մարդուն՝ որպես բնության անբաժանելի մի մասնիկ` իր ապրումներով ու հույզերով:

Картина художника Владимира Абраамяна
© Photo : provided by Vladimir Abrahamyan
Նկարիչ Վլադիմիր Աբրահամյանի աշխատանքներից

«Ես կարոտում եմ իմ բոլոր այն նկարները, որոնք ինձ մոտ չեն, որովհետև իմ յուրաքանչյուր նկարն իմ երեխան է, և ինձ հուզում է իրենց ճակատագիրը»,- Sputnik Արմենիայի հետ զրույցում ասաց նկարիչը` նշելով, որ ժամանակին շատ նկարներ է վաճառել օրվա հացի խնդիրը լուծելու համար:

Картина художника Владимира Абраамяна
© Photo : provided by Vladimir Abrahamyan
Նկարիչ Վլադիմիր Աբրահամյանի աշխատանքներից

Վլադիմիր Աբրահամյանը ոգեշնչվում է բնությամբ, իր ընտանիքով՝ որդիներով ու թոռներով, բայց նրա ներշնչանքի գլխավոր աղբյուրը եղել և մնում են գեղեցիկ կանայք:

«Էլ ինչ նկարիչ, որ պետք է տրվի միայն բնությանը: Կինն ամեն ինչ է, իմ իդեալն է, չէ՞ որ հենց կինն է կյանք տվողը: Կինը հրեշտակի նման կախված է նկարչի գլխին»,-ասում է Աբրահամյանը և հավելում, որ իր աշակերտներին խորհուրդ է տալիս, որ իրենց գործը շարունակեն, միջակ նկարիչ չդառնան ու սերունդ աճեցնեն:

Картина художника Владимира Абраамяна
© Photo : provided by Vladimir Abrahamyan
Նկարիչ Վլադիմիր Աբրահամյանի աշխատանքներից

Նկարիչը ցավ է ապրում, որ այսօր շատ արվեստագետների գնահատում են միայն մահից հետո, բայց դրա համար բացատրություն ունի` նկարչին իր կենդանության օրոք ընդունում են որպես ֆիզիկական անձ և կարող են չսիրել, սակայն մահվանից հետո մնում են նրա աշխատանքները:

Картина художника Владимира Абраамяна
© Photo : provided by Vladimir Abrahamyan
Նկարիչ Վլադիմիր Աբրահամյանի աշխատանքներից

Ցուցահանդեսի կազմակերպիչ Նարա Եփրեմյանը լիահույս է, որ ներկայիս կառավարությունից գոնե բարոյական աջակցություն  կստանան:

«Մեր նպատակն է ցույց տալ, որ նկարիչն, անկախ տարիքից, շարունակում է ստեղծագործել»,-ասում է Եփրեմյանը և նշում, որ իրենց համար Աբրահամյանի բոլոր նկարներն են արժեքավոր, սակայն այս ցուցահանդեսի համար  ընտրել են աբստրակտ ոճը:

Картина художника Владимира Абраамяна
© Photo : provided by Vladimir Abrahamyan
Նկարիչ Վլադիմիր Աբրահամյանի աշխատանքներից

«Ավագ սերնդի արվեստագետները ավելի շատ գնահատվելու կարիք ունեն: Նրանց պետք է ուշադրության կենտրոնում պահել»,-ասում է ցուցահանդեսի կազմակերպիչը:

Картина художника Владимира Абраамяна
© Photo : provided by Vladimir Abrahamyan
Նկարիչ Վլադիմիր Աբրահամյանի աշխատանքներից

Նշենք, որ  Վլադիմիր Աբրահամյանի բազմաթիվ ստեղծագործություններ գտնվում են ՀՀ տարբեր թանգարաններում, անհատական հավաքածուներում (ԱՄՆ, Ֆրանսիա, Լիբանան, Արաբական Միացյալ Էմիրություններ, Լեհաստան, Գերմանիա, Չինաստան, Ռուսաստան): Վ. Աբրահամյանը շուրջ 250 գրքերի գեղարվեստական ձևավորման հեղինակ է։

Որպեսզի հայերն ավելի լավ իմանան. Երևանում «Ղրիմի գարունը» խորագրով ցուցահանդես է բացվել
Նկարիչը դեռ կյանք է տալու նաև իր գծագրած էսքիզներին։ Հույս ունի, որ պետությունը կաջակցի իրեն սեփական արվեստանոցի հարցում, որպեսզի նկարները պահելու համար կարողանա հարմար միջավայր ստեղծել։

266
թեգերը:
Վլադիմիր Աբրահամյան, նկարիչ, Ցուցահանդես
Ըստ թեմայի
Հայ ճարտարապետությունը` օտարների աչքերով. ցուցահանդես` «Զվարթնոցում»
«Հեղափոխության կոդը» բացահայտվեց. Երևանում ինքնատիպ ցուցահանդես բացվեց
Գերմանիայում սառցե հսկա արձանների ցուցահանդես է բացվել
Երևանում բացվել է ցուցահանդես` նվիրված Ստալինգրադում տարած հաղթանակում հայերի ավանդին
Գեղեցիկ ու հզոր. Մոսկվայում ավտոմեքենաների խոշորագույն ցուցահանդես է բացվել. լուսանկարներ
Fashion Award 2021 մրցույթի Անահիտ Գալատեան

Ծանոթացե՛ք, Անահիտ Գալատեա. հայկական բարձր նորաձևության նոր թագուհին

260
(Թարմացված է 14:58 16.06.2021)
Ասիմետրիկ գծեր, «ամորֆ ձևվածք», լատեքսի և կաշվի առատություն. այս ամենը կգտնեք ամսվա ամենաքննարկվող հայ դիզայների նոր հավաքածուում։

Վիկտորյա Պիսարենկո, Sputnik Արմենիա

Կորոնավիրուսի համավարակն ազդել է մարդկանց հոգեկան վիճակի վրա։ Ոմանց համար անցած 2020 թվականը դադարի և ստեղծագործական ճգնաժամի ժամանակաշրջան էր։ Բայց  ստեղծագործ գաղափարների հենց այդ «լճացումն» է, որ այսօր հիմք է հանդիսանում ամենաինքնատիպ գեղարվեստական աշխատանքների համար։ Այսօրվա մեր հերոսուհու պարագայում` հագուստի հավաքածուի ստեղծման։

View this post on Instagram

A post shared by GALATEA (@galateaisme)

Երիտասարդ դիզայներ Անահիտ Գալատեայի «Տեխնո հումանիզմ» անունը կրող նոր հավաքածուն պատմում է համաշխարհային լոքդաունը վերապրած մարդկանց պատմությունը։ 10 կերպարները ցույց են տալիս 3 տիպիկ վիճակներ, որոնց միջով մարտից–հունիս ստիպված եղան անցնել բոլոր  հայ «կորոնա–բանտարկյալները». դեպրեսիա, հարմարեցում և վերածնում։

Մարտի սկզբին Գալատեան իր ընկերուհու հետ միասին Ֆլորենցիայից վերադարձավ հայրենի քաղաք։

Պատճառը Իտալիայում COVID-19–ի տարածման հետ կապված վատթարացող վիճակն էր։

«Մենք տոմսեր գնեցինք առաջիկա չվերթի համար և իրերի փոքր ճամպրուկ հավաքեցինք։ Ես և Անին (Գալատեայի մոտ ընկերուհին) մտածում էինք, որ իրավիճակը կկարգավորվի երեք շաբաթից, ավել չի տևի։ Սակայն մեկ տարի անց էլ ես դեռ այստեղ եմ», – Sputnik Արմենիայի հետ զրույցում ասաց Անահիտ Գալատեան։

Տոսկանայի կենտրոնում հագեցած կյանքից հետո դիզայները ստիպված էր «բանտարկվել» Երևանի կենտրոնում գտնվող փոքր բնակարանում։ Ամբողջ կյանքը պտտվում էր հեռուստաէկրանի, լափթոփի և հեռախոսի շուրջ։ Երբեմն դադար էր վերցնում «մի բան ծամելու» համար։ Polimoda մասնավոր ինստիտուտի դիզայնի ֆակուլտետում ուսումը հաճույքից վերածվեց ծանր պարտականության։

Победительница премии Fashion Award 2021 Анаит Галатеа в своей студии
© Sputnik / Viktoria Pisarenko
Fashion Award 2021 մրցույթի Անահիտ Գալատեան

«Փոքր էկրանի միջոցով ձևելու և ասեղնագործելու տեխնիկան յուրացնելը լավագույն տարբերակը չէ։ Սխալ թույլ տալու դեպքում, կողքիդ մարդ չկա, որը ցույց տա սխալդ։ Դու այն կնկատես միայն որոշ ժամանակ անց, ոչ միանգամից։ Իսկ վերաձևումը երբեմն կարող է տանջանք դառնալ, այսինքն` ստիպված կլինես զրոյից սկսել», – պատմում է Անահիտը։

Երիտասարդ դիզայները երկար ժամանակ փորձում էր հաղթահարել առցանց ուսուցման դժվարությունները, բայց ինչ–որ պահի, իսկ ավելի կոնկրետ սեպտեմբերին, համբերությունը հատվեց։ Նա որոշեց ակադեմիական արձակուրդ վերցնել։ Ազատ ժամանակ աշխատում էր վերականգնման, ինչպես նաև համանուն ապրանքանիշի նոր հավաքածուի վրա։

View this post on Instagram

A post shared by GALATEA (@galateaisme)

Դեկտեմբերին էսքիզները սկսեցին վերջնական տեսք ստանալ, իսկ հունվարին արդեն առաջին աշխատանքը պատրաստ էր` կապտագույն ֆուտուրիստական սվիտեր` գոտկատեղի վրա շեշտադրումով։ Լավագույն ավանդույթների համաձայն` հագուստը կրում էր «Պատրաստված է Հայաստանում» պիտակը։  Ի դեպ, Գալատեան հագուստի կտորը առանձնակի ուշադրությամբ էր ընտրում։ Նա ամեն կերպ խուսափում էր թուրքական տեքստիլ վաճառող խանութներից։

Ամսեամիս աղջկա սանրվածքն էլ ավելի էր կարճանում, մազերի գույնը բացվում էր, զգեստապահարան էլ` ավելի խիստ դառնում, իսկ երաժշտությունը, որի ներքո աշխատում էր` ավելի ռիթմիկ։ Դրան զուգահեռ երիտասարդ դիզայների նոր «ես»–ի խորհրդանշող հավաքածուն գնալով համալրվում էր։

View this post on Instagram

A post shared by GALATEA (@galateaisme)

Խմբագրության կողմից բոլորից շատ հավանության արժանացավ դենիմից կարված և երկու կտորից բաղկացած կոստյումը.  երկնագույն ժակետ և կաթնագույն ջինսեր` ներքին կարի բացվածքով։ Ոլորտի անվանի մարդիկ` «the girl next door» (անգլերենից թարգմանաբար` հասարակ աղջիկ – խմբ.) Արմինե Հարությունյանն ու Yeezy ընկերության նախկին փոխնախագահ Մարալ Կալինյանը գնահատեցին «ամորֆ» զգեստը, լատեքսից կարված բարձր իրանով տաբատը և մեջքին «Techno Human» (Techno Humanism–ի կրճատ տարբերակը – խմբ.) գրությամբ բազմաֆունկցիոնալ բաճկոնը։ Նշենք, որ Գալատեային «հայկական բարձր նորաձևության թագուհի» է անվանել հենց Կալինյանը։

View this post on Instagram

A post shared by GALATEA (@galateaisme)

«Տեխնո հումանիզմ» հավաքածուն Անահիտ Գալատեան ներկայացրեց Fashion Award մրցույթի շրջանակում։ Միջոցառումը կազմակերպել էր Երևանյան բիենալե գեղարվեստական հիմնադրամը (YBAF)։ Աղջիկն առաջին տեղը գրավեց։ Հիմնադրամը 1 մլն դրամ շնորհեց նրան, Վահագնի  թաղամասում ստուդիայից օգտվելու հնարավորություն ընձեռեց, ինչպես նաև մենթորություն` Արամ Նիկոլյանի կողմից։

Փառահեղ հաղթանակից հետո Անահիտը խոստովանեց, որ մտադիր է շարունակել աշխատել իր հավաքածուի վիզուալ կոնտենտի վրա։ Կոմերցիոն ուղղությամբ աղջիկը դեռ չի ցանկանում զարգանալ։ Սակայն նրա զգեստների պահանջարկն աճում է երկրաչափական պրոգրեսիայով։ Նրա էջում հետևորդների քանակը ժամ առ ժամ ավելանում է։ Իսկ փոստը լցված է Հայաստանի առաջատար տեքստիլ գործարանների կողմից ստացած համագործակցության առաջարկներով։

View this post on Instagram

A post shared by GALATEA (@galateaisme)

Հաջորդ հավաքածուն նվիրված կլինի Արցախյան 44-օրյա պատերազմին։ Գալատեան մտադիր է օգտագործել ասեղնագործության հայկական ավանդական տեխնիկան։ Այդ ամենը կներկայացվի ժամանակակից և ավելի թրենդային մեկնաբանությամբ։

260
թեգերը:
նորաձևություն, հաղթանակ, մրցույթ, դիզայներ, հայ
Ըստ թեմայի
Վայրի և անսպասելի. այս մոդելները գերել են Փարիզի նորաձևության շաբաթվա հանդիսատեսին
Գեղեցիկ ու կոկիկ. ո՞ր սանրվածքներն են նորաձև այս գարնանը
Կիսամերկ աղջիկներ, նրբագեղություն և հանդգնություն. նորաձևության շաբաթը ցնցել է շատերին
Նարինե Աբգարյան

Հայաստանում սերիալ է նկարահանվում Նարինե Աբգարյանի «Մանյունյա» վիպակի հիման վրա

45
(Թարմացված է 16:14 16.06.2021)
Սերիալի պրոդյուսերներն են Ղևոնդ և Սարիկ Անդրեասյանները, ռեժիսորը ՝ Արման Մարությանը։

ԵՐԵՎԱՆ, 16 հունիսի - Sputnik. Հայաստանում արդեն մեկնարկել են գրող Նարինե Աբգարյանի «Մանյունյա» վեպի հիման վրա սերիալի նկարահանումները։ Տեղեկությունը հաղորդում է նախագծի մամուլի ծառայությունը:

Բազմասերիանոց ֆիլմը բաղկացած կլինի 24 րոպեանոց 10 սերիայից և էկրան կբարձրանա 2021-ի վերջին, օնլայն կինոթատրոններից մեկում:

Սերիալի վրա աշխատում են պրոդյուսերներ Ղևոնդ ու Սարիկ Անդրեասյանները, սցենարիստ Հայկ Ասատրյանը, ռեժիսոր Արման Մարությանը։ Գլխավոր դերերը կատարում են երիտասարդ դերասանուհիներ Կատյա Տեմնովան և Կարինա Ղահրամանյանը։

Գործողությունները սերիալում, ինչպես և գրքում, ծավալվում են Հայաստանում 1980-ականներին։ Սերիալը պատմում է խորհրդային տարբեր ազգությունների երկու ընտանիքների ներկայացուցիչների բարեկամության մասին:

«Նկարահանման հրապարակում էի, երբ առաջին կադրերն էին արվում ու կոտրվում էր բաղձալի ափսեն։ Ես ծանոթացա արտիստների հետ, նրանք հիանալի էին, ռեժիսորի և սցենարիստի հետ, ովքեր մեծ ակնածանքով էին վերաբերվում աշխատանքին։  Շատ եմ սպասում սերիալին: Տոնի սպասման հրաշալի զգացում ունեմ», - մեջբերում են Աբգարյանի խոսքերը։

«Չմոռանաս ինձ»․ բրիտանական պարբերականը ֆիլմ է ներկայացրել հայկական մշակույթի մասին

Ավելի վաղ հաղորդվել էր, որ Նարինե Աբգարյանի «Մանյունյա» վիպակը Storytel աուդիոգրքերի և MyBook բաժանորդագրության ծառայությունների հետազոտությունների համաձայն` ընդգրկվել է ռուսաստանցիների ամենասիրելի մանկական ստեղծագործությունների թվում:

45
թեգերը:
սերիալ, ֆիլմ, գիրք, Նարինե Աբգարյան
Ըստ թեմայի
Նարինե Աբգարյանն իր նոր գրքի համար ստացած կանխավճարը փոխանցել է «Հայաստան» հիմնադրամին
«Ամենահամովը քամած մածունովն է». Նարինե Աբգարյանը ժենգյալով հաց էր վաճառում Երևանում
Մոսկվայից` Մոսկովյան․ Նարինե Աբգարյանն օգնում է արցախցի կանանց. լուսանկարներ
Премьер-министр Израиля Беньямин Нетаньяху

Ի՞նչ փաստաթղթեր է ոչնչացրել Նեթանյահուն պաշտոնից հեռանալուց առաջ

0
Իսրայելի նախկին վարչապետի գրասենյակի աշխատակիցները հայտնել են, որ Նեթանյահուի հրամանով մի շարք պաշտոնական փաստաթղթեր են ոչնչացվել, ինչն օրենքի խախտում է։

ԵՐԵՎԱՆ, 19 հունիսի - Sputnik. Իսրայելի նախկին վարչապետ Բենիամին Նեթանյահուն կառավարության ղեկավարի պաշտոնից հեռանալուց առաջ պաշտոնական փաստաթղթեր է ոչնչացրել, գրում է Haaretz թերթը` հղում անելով կառավարության գրասենյակի անանուն աշխատակիցներին։

Նախկին վարչապետ Նեթանյահուի գրասենյակի աշխատակիցները հայտնել են, որ նա կարգադրել է ազատվել ինչ-ինչ գործնական թղթերից։ Ընդ որում` հայտնի չէ, թե քանի փաստաթուղթ է ոչնչացվել։

Նեթանյահուի ներկայացուցիչն այդ ենթադրությունները «բացարձակ սուտ» է անվանել։

Օրենքի համաձայն` կառավարության աշխատանքին վերաբերող ցանկացած փաստաթուղթ պետական սեփականություն և ենթակա է պահպանման ու արխիվացման։ Դրանց ոչնչացումը հակաօրինական է։

Եթե փաստաթղթերի ոչնչացման փաստը հաստատվի, ապա Haaretz թերթում ներկայացված մեղադրանքները, հոդվածի հեղինակի խոսքով, կդառնան «Լիկուդի» առաջնորդ, վարչապետի պաշտոնը 12 տարի շարունակ զբաղեցրած Նեթանյահուի «խայտառակ և թերևս եզրափակիչ ակորդը»:

Հունիսի 13-ին Քնեսեթը հաստատեց Իսրայելի նոր կառավարության կազմը, որը մարտի 23-ին անցկացված ընտրությունների արդյունքում ձևավորեցին «Յաշ Ատիդ» կուսակցության առաջնորդ Յաիր Լապիդը և «Յամինա» կուսակցության առաջնորդ Նաֆթալի Բենեթը։ Մոտակա երկու տարիների ընթացքում նրանցից մեկը կլինի արտգործնախարար, մյուսը` վարչապետ։

0