Արման Հովհաննիսյան

Գրին քարտ ունեմ, բայց իմ տեղն իմ երկրում է. Հովհաննիսյանը` հոնորարների և հարկերի մասին

2491
(Թարմացված է 19:53 13.08.2019)
8 տարվա բեմական դադարից հետո, երգիչն առաջին անգամ համաձայնեց խոսել իր գործունեության և իր անվան շուրջ շահարկվող թեմաների մասին։

Աստղիկ Սուքիասյան, Sputnik Արմենիա

Հայ հայտնիներից շատերը վերջին տարիներին մշտական բնակություն հաստատեցին ԱՄՆ-ում։ Այս առումով երգիչ Արման Հովհաննիսյանը պահպանողական է։ Թեպետ նա 2014 թվականին ընտանիքի հետ գրին քարտ է շահել, սակայն չի պատրաստվում լքել Հայաստանը։ Ասում է` այստեղ իրեն լավ է զգում, այստեղ է իր տունը։ Sputnik Արմենիան Արման Հովհաննիսյանի հետ զրուցել է տևական ժամանակ համերգներ չտալու, բարձր հոնորարների, հարկային պարտավորության և ստեղծագործական նորությունների մասին։

Музыкальный исполнитель Арман Ованнисян
© Photo : provided by Arman Hovhannisyan
Արման Հովհաննիսյան

Լրատվամիջոցներում հաճախ է քննարկվում այն հարցը, որ երգիչը  Հայաստանից չի հեռանում, որովհետև այստեղ էլ նրա եկամուտները ցածր չեն. ժամանակ առ ժամանակ հրապարակվող բարձր հոնորարներ ունեցող երգիչ-երգչուհիների ցուցակներում նա առաջատարների թվում է։ Ասում են`Արման Հովհաննիսյանի հոնորարները կազմում են 20 000 -30 000 դոլար։

Концерт Армана Ованнисяна в концертном зале отеля Dvin Music Hall (9 августа 2019). Еревaн
© Sputnik / Aram Nersesyan ,
Արման Հովհաննիսյան

Ինքը` Արման Հովհաննիսյանը, նման լուրերին հումորով է վերաբերվում ու նշում է, որ շատ է ցանկանում, որ իր ազգն այնքան լավ ապրի, որ երգիչներն էլ իրենց ելույթի համար կարողանան  1-2 միլիոն դոլար պահանջել։

«Եթե անգամ մենք մեկ -երկու անգամ նման գումար ենք աշխատել, հետո այդ վճարողները մեզ հարազատ մարդիկ են դարձել, որոնցից մենք այլևս գումար չենք վերցրել»,-ասում է Արմանը:

Վերջին շրջանում Պետեկամուտների կոմիտեն հայտարարեց, որ շոու բինեսի ներկայացուցիչները ևս պետք է հարկ վճարեն: Շատ հայտնիներ ընդվզեցին, շատերն էլ իրենց պարտքը համարեցին հարկ մուծելը, քանի որ դա օրինական է և օգուտ է Հայաստանին։

Պարզվում է` Արմանն առաջին տարին չէ, որ հարկ է վճարում։ Իր գործունեության առաջին օրվանից սկսած նա պատշաճ կատարում է հարկային պարտավորությունները` համարելով դրանք բնական երևույթ։ Երգիչն անգամ զարմանում է, որ Պետեկամուտների կոմիտեն չի տիրապետում հստակ տեղեկատվության, թե հայտնիներից ով է հարկատու, ով՝ ոչ։

«Ես 10 տարի է հարկ եմ մուծում, ինչի են մեր անունը կեղտոտում: Եթե ես հայրենասեր եմ, ապա իմ գործունեության  հենց առաջին օրվանից պետք է հարկ մուծեմ»,-ասում է երգիչն ու նեղսրտում դիտարկումից, թե իրեն ռաբիս երգիչ են համարում:

Արման Հովհաննիսյանը պարզաբանում է, որ իր բոլոր  համերգների ժամանակ նա ամենաքիչը 3-4  աշուղական, գուսանական երգ է կատարում: Համոզված է, եթե նա միայն ժողովրդական և գուսանական երգեր երգի, միապաղաղ կլինի, և մարդիկ ուղղակի համերգների չեն գա և լիաթոք չեն ուրախանա։

Музыкальный исполнитель Арман Ованнисян
© Photo : provided by Arman Hovhannisyan
Արման Հովհաննիսյան

Ի դեպ, երգիչը մեզ հայտնեց, որ պատրաստվում է 2020 թվականին մեծ մենահամերգ ունենալ Կ․Դեմիրճյանի անվան մարզահամերգային համալիրում։

Նշենք, որ Արման Հովհաննիսյանի կրտսեր դուստրը ևս երգում է, բայց նա կշարունակի հոր ճանապարհը, թե ոչ`ժամանակը ցույց կտա։

«Ավագ դուստրս ուզում է դիզայներ դառնալ, հավանաբար, ուսումը կշարունակի ԱՄՆ-ում: Փոքր աղջիկս սիրում է երգել, բայց շատ ամաչկոտ է: Նաև` մինչև իմ աղջիկը չափից ավելի տաղանդավոր չլինի, չի երգի: Նա չի դառնա երգչուհի միայն նրա համար, որ իմ աղջիկն է, որովհետև դա ծիծաղելի կլինի»,–ասում է Հովհաննիսյանը:

Ի դեպ, զբաղվածության պատճառով երգիչը դեռ ընտանեկան հանգստի չի մեկնել:Կարծում է, որ աշնանը կհասցնի հանգստանալ: Թե որտեղ կհանգստանան դեռ չի որոշել, սակայն քննարկվում է Դուբայ մեկնելու տարբերակը:

Հայտնի երգիչ Արման Հովհաննիսյանն իր երաժշտական  ուղին սկսել է 1996 թվականին: Առաջին ձայնասկավառակը եղել է «Սեր և Հայրենիքը», որը  թողարկել է  դեռևս ուսանողական տարիներին: Ձայնասկավառակի 80 տոկոսը եղել են հայրենասիրական երգեր: 10 տարի դադարից հետո, երգիչը ճանաչվել ու սիրվել է «Սիրելիս» երգով:

2491
թեգերը:
Պետական եկամուտների կոմիտե (ՊԵԿ), Ամերիկայի Միացյալ Նահանգներ, հարկեր, Համերգ, երգիչ, երգ, Արման Հովհաննիսյան
Ըստ թեմայի
Արուս Տիգրանյանին այսպիսին դեռ ոչ ոք չի տեսել. անկեղծ զրույց «պայթյունավտանգ» լրագրողի հետ
Հայաստանից լավ տեղ չկա. Իվետա Մուկուչյանի անկեղծ խոստովանությունը
Ինչո՞ւ է Սիրուշոն Բեյրութ մեկնել. երգչուհին նոր լուսանկարներ ու տեսանյութ է հրապարակել
Արտավազդ Փելեշյան

Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան

67
Ֆիլմի համաշխարհային պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021թ-ի մարտի 7-ը։

ԵՐԵՎԱՆ, 4 օգոստոսի - Sputnik. Փարիզում հոկտեմբերին կկայանա աշխարհահռչակ հայ ռեժիսոր Արտավազդ Փելեշյանի նոր՝ «Բնություն» ֆիլմի համաշխարհային պրեմիերան։ Տեղեկությունը հայտնում է ֆրանսիական «Fondation Cartier»-ի կայքը։

«Ուրախ ենք տեղեկացնել, որ ներկայացնելու ենք լեգենդար ռեժիսորի ֆիլմի պրեմիերան։ «Բնություն» ֆիլմը նկարահանվել է Ֆրանսիայի «Fondation Cartier» հիմնադրամի և Գերմանիայի «ZKM» ֆիլմարտադրող ընկերության հետ համատեղ»,–գրում է կայքը։

Նշվում է, որ ֆիլմը ռեժիսորի 15 տարվա աշխատանքի գագաթնակետն է։

Ըստ տեղեկության`«Բնությունն» Արտավազդ Փելեշյանի՝ 1993 թվականին նկարահանված «Կյանք» ֆիլմից 27 տարի անց արված առաջին կինոաշխատանքն է, որտեղ անդրադարձ է եղել բնությանը՝ օգտագործելով Բեթհովենի, Մոցարտի, Շոստակովիչի, Տերտերյանի և Համասյանի երաժշտությունը։

Փելեշյանը մրցանակ բերեց գործընկերոջը. «ՏԷՖԻ Համագործակցությունը» ամփոփեց արդյունքները

Ֆիլմի պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021 թ-ի մարտի 7-ը։

Գեղարվեստական, վավերագրական և հեռուստատեսային ֆիլմերի մեծանուն ռեժիսոր, Հայաստանի Հանրապետության ժողովրդական արտիստ, «Սուրբ Մեսրոպ Մաշտոց» շքանշանակիր

Արտավազդ Փելեշյանը ծնվել է 1938 թվականին` Վանաձորում։ Ամբողջ աշխարհում նա Հայաստանի ու հայկականության մարմնացումն է։ Արտավազդ Փելեշյանը «Տարածական մոնտաժի» հիմնադիրն է։ Նրա համանուն գիրքը վերածվել է ուսանողների համար դասագրքի։

Փելեշյանի «Բնակիչները» շրջագայում է աշխարհով մեկ

67
թեգերը:
ռեժիսոր, հայ, Ֆրանսիա, Փարիզ, ֆիլմ, Արտավազդ Փելեշյան
Ըստ թեմայի
Արտավազդ Փելեշյանի տիեզերքը ստեղծվել է 40 տարում
Արտավազդ Փելեշյանի «Դրոշմման ժամանակը»
Փելեշյան. բոլոր արվեստներից առաջ ծնվել է կինոն
Փելեշյանական աշխարհի սիմֆոնիան
Արթուր Գաբրիելյանի ստեղծագործություններից

Ինչպես գյումրեցի տղամարդը սկսեց յուրօրինակ կտավներ ստեղծել գրչով

525
(Թարմացված է 18:01 03.08.2020)
Երբ պատկերը հայտնվում է աչքի առաջ, Արթուրը կարող է մի կտավը դեռ չավարտած մյուսին անցնել։ Կինը զարմանում է` ինչպես կարող է նման անհանգիստ բնավորություն ունեցող մարդը ժամերով գրչանկար անել։

Դժվարությամբ կարելի է հավատալ, որ ավելի քան 300–ի հասնող կտավները, որոնք պահվում են սեփական տան սենյակներում, ինքնուս արվեստագետի աշխատանքներ են: Գյումրեցի Արթուր Գաբրիելյանը նկարչական կրթություն չի ստացել, բայց ինչ իրեն հիշում է, նկարում է:

Նկարել սկսել է, երբ դեռ 4 տարեկան էր: «Սկսել եմ գրչանկարից, հետո անցել յուղանկարի ու քանդակի, բայց ամեն դեպքում գրիչն ուրիշ է, որովհետև կամակոր է: Եթե յուղանկարում ինչ-որ թերություն կա, ապա շտկել հնարավոր է, իսկ գրչի յուրաքանչյուր շտրիխ վերջնական է»,-Sputnik Արմենիայի հետ զրույցում պատմում է Արթուրը, որի համար կարևորը նկարին բնավորություն փոխանցելն է: Ասում է` հիմնականում նկարների հետևում իրական մարդիկ են, երբեմն շատերը կռահում են` ով է, երբեմն՝ ոչ:

Артур Габриелян за работой
© Sputnik / Armenuhi Mkhoyan
Արթուր Գաբրիելյան

47–ամյա Արթուրը մասնագիտությամբ խոհարար է, բայց և՛ թիկնապահ է աշխատել, և՛ փականագործ։ Նկարում է, երբ ազատ ժամանակ է ունենում։ Գրիչը ձեռքին է եղել նույնիսկ խրամատների մեջ՝ ծառայության ընթացքում` 1992-1994 թվականներին: Յուրօրինակ կտավներ է ստեղծում սրտի թելադրանքով։

Երբ զենքը գրիչն է. Յուրա Հարությունյանը գիտի ամենաբարդ մասնագիտություններից մեկի գաղտնիքը

«Կարող եմ շատ հանգիստ վերջին շտրիխը չավարտած անցնել այլ նկարի, կարող եմ գրիչով նկար սկսել, իսկ հետո նույն մտքերը յուղաներկով արտահայտել: Եթե մտքումս մի բան ծնվեց, ապա ժամն ու պատարագը կապ չունի, անմիջապես պետք է դա կտավին հանձնեմ: Ոճային նախընտրություն էլ չունեմ՝ ռեալիզմից մինչև սյուրռեալիզ»,- պատմում է Արթուրը և ավելացնում՝ մտքում ծնված պատկերը թղթին հանձնելուց առաջ հայտնվում է աչքի առաջ։

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի ստեղծագործություններից

Դա է պատճառը, որ ձեռքի տակ սովորական գունավոր գրիչներն ու նոթատետրերը շատ են, իսկ տրամադրությանը համահունչ երաժշտությունը՝ պարտադիր այդ պահին:

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի գրիչները

Ինքնուս նկարչի գործերը ոմանք նմանեցնում են Դալիի ստեղծագործություններին, բայց Արթուրն ինքը ասում է` այդպես չէ, սիրում է Դալիի գործերը, բայց նրա երկրպագուն չէ։

Работа Артура Габриеляна
© Sputnik / Armenuhi Mkhoyan
Արթուր Գաբրիելյանի ստեղծագործություններից

Խարիզմատիկ բնավորությունը դեռ դպրոցական տարիներից է՝ լավ է սովորել, բայց կռվարար լինելու պատճառով 4 դպրոց է փոխել: Կինը` Ֆենյան, զարմանում է` նման անհանգիստ բնավորություն ունեցող մարդը ինչպես կարող է ժամերով գրչանկար անել: «Գործերի մեջ պերֆեկցիոնիստ է»,– վստահեցնում է նա:

Работа Артура Габриеляна
© Sputnik / Armenuhi Mkhoyan
Գրչանկար

«Բոշի մայլա», «Սլաբոտկա», «Թուրքի մայլա»…Գյումրու կոլորիտային թաղամասերի պատմությունը

Արթուրը գրչանկարներ է անում առանց նախնական գծանկարի: Ստեղծագործությունները նվիրում է, բայց միշտ շատ դժվարությամբ է բաժանվում։ Եթե ինչ–որ մեկին էլ նվեր է տալիս, ապա անպայման դրա փոխարեն իր համար ևս մեկն է նկարում:

Работа Артура Габриеляна
© Sputnik / Armenuhi Mkhoyan
Գրչանկար

Այս պահին Արթուրը 6-7 կիսատ յուղանկար ունի տանը, սակայն այս պահին անընդհատ գրչով է նկարում:

Գյումրեցի տղամարդը բոլորովին էլ դեմ չէ, որ իր ստեղծագործությունները վաճառվեն, բայց նաև շեշտում է` խանդով է վերաբերվում յուրաքանչյուր կտավին, այնպես որ գրիչով նկարելը նրա համար ավելի շատ ինքնարտահայտման ձև է։

  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
  • Արթուր Գաբրիելյանի ստեղծագործություններից
    Արթուր Գաբրիելյանի ստեղծագործություններից
    © Sputnik / Armenuhi Mkhoyan
1 / 11
© Sputnik / Armenuhi Mkhoyan
Արթուր Գաբրիելյանի ստեղծագործություններից
525
թեգերը:
Արթուր Գաբրիելյան, Գյումրի, Հայաստան
Ըստ թեմայի
Գյումրեցի երիտասարդը «հեղափոխություն» է անում նորաձևության ոլորտում. լուսանկարներ
Աղջիկն` օրական, բաժինքը՝ տարեկան, կամ ինչ օժիտ են տարել գյումրեցի աղջիկները
Հզոր ձայն և դիապազոն. ինչպես գյումրեցի Միլենը հայտնվեց Ռուսաստանի ռեկորդների գրքում
Сирун Минас

Սիրուն Մինասը մայրանալուց հետո առաջին անգամ ընտանեկան լուսանկար է հրապարակել

0
Լուսանկարում երևում է, որ Սիրունը ամուսնու` Ռաֆայելի հետ, որդուն զբոսանքի է տարել։

ԵՐԵՎԱՆ, 10 օգոստոսի- Sputnik. Նորաթուխ մայրիկ, պլաստիկ վիրաբույժ, «Women’s Сlub»-ի մասնակից Սիրուն Մինասը Instagram-ի իր էջում որդու ծնվելուց հետո առաջին անգամ ընտանեկան լուսանկար է հրապարակել։

Հայտնի է Սիրուն Մինասի առաջնեկի սեռը․ նա լուսանկար է հրապարակել

Լուսանկարում երևում է, որ Սիրունն ամուսնու` Ռաֆայելի հետ, որդուն զբոսանքի է տարել։ Հետևորդները շատ են հավանել լուսանկարը։ Նրանք բազմաթիվ հաճոյախոսություններ են գրել զույգի հասցեին։

«Սիրուն ջան, շնորհավորում եմ, առողջ և հաջողակ բալիկ մեծանա»,« Աստված օրհնի ու պահպանի ձեր ընտանիքը»,« Սիրունի սիրուն ընտանիքը»,«հրաշք զույգ եք»,–գրել են նրանք։

Посмотреть эту публикацию в Instagram

Публикация от Siroon Minas, MD (@siroon.minas)

Հիշեցնենք, Սիրունը մայրիկ է դարձել հուլիսի 14–ին։ Որդու անունը Սիրունը դեռ չի հայտնել։ Ավելի վաղ Սիրունը նշել էր, որ չի ցանկանում վաղաժամ պարզել երեխայի սեռը, ուստի աղջիկ կծնվի, թե տղա, կիմանան երեխայի լույս աշխարհ գալու օրը։ Ամեն դեպքում զույգը երկու սեռի համար էլ անվան տարբերակներ էր առանձնացրել:

«Շքեղ զույգ»․ Սիրուն Մինասն ամուսնու հետ նոր լուսանկար է հրապարակել

Սիրուն Մինասը և Ռաֆայել Վարդանյանն ամուսնացել են 2018 թվականի հունիսին։

0
թեգերը:
դերասանուհի, ամուսին, երեխա, Սիրուն Մինաս, Հայաստան
Ըստ թեմայի
Սիրուն Մինասը գիտի` ինչու է Երևանում խինկալին ավելի համեղ, քան Թբիլիսիում. լուսանկար
«Պտուղը ծառից հեռու չի ընկնում». հղի Սիրուն Մինասը մոր հետ լուսանկար է հրապարակել
Անհավանական գեղեցկություն․ սևամորթ հայ բժշկուհի ու շոուվուման Սիրուն Մինասը հղի է